https://www.facebook.com/108571048592902/

DR.Chit တိရစ္ဆာန်ဆေးကုခန်း, Loikaw (2025)

26/05/2024

မိုးအေးအေးနဲ့ကွေးနေတုန်းဖုန်းဝင်လာတယ်။ 📞📞
ဟယ်လို ဒေါက်တာမေးချင်တာလေးရှိလို့ပါ။❓❓
ဟုတ်ကဲ့ မေးပါခင်ဗျာ။🤔🤔
ကျွန်မခွေးလေးဖျားနေတာသုံးရက်ရှိပြီဆေးတိုက်ထားလည်းမသက်သာလို့ဘာလုပ်ပေးရမလဲတဲ့။🤒
ဟုတ်ကဲ့ဘာဆေးတိုက်ထားတာလည်းဆိုတော့ ရွှေသမင်သူငယ်နာပေါင်းချုပ်တဲ့ဗျာ။😸😹😺

13/05/2024

ချစ်ဖို့ကောင်းသော တလသား တောင်ကြီးသားလေး😍

29/01/2024

တောင်ကြီးနဲ့ချယ်ရီ
ကျွန်တော် နဲ့တောင်ကြီး

15/01/2024

လွိုင်ကော်မှာ မွေး
အောင်ပန်းမှာကြီးတဲ့တောင်ကြီးသားလေးပါဗျာ
#လွိုင်ကော်စစ်ရှောင်
ခေတ္တတောင်ကြီးမြို့

12/11/2023

မနေ့ညကလက်နက်ကြီးထိမှန်သောချိကယ်ဘုန်းကြီးကျောင်းမှမျောက်ကလေးအား မနက်စောသွားရောက်ဆေးကုသမှုပေးခဲ့ပါသည်
သက်ရှိသတ္တဝါဟူသမျှဘေးရန်ကင်းကြပါစေ🙏🙏🙏

10/10/2023

မိန်းခလေးပီသချက် အိပ်နေပုံလေးတွေ💖💖

04/10/2023

" ကမ္ဘာမြေကြီးနှင့်သက်ဆိုင်သူများ"
***********************************
( တစ်မျက်နှာဝတ္ထုတို)
ရွှေဒုံမောင်(ပတ္တမြား)

ဦးလူမော်တစ်ယောက် နံနက်ခင်းလမ်းလျှောက် ရာမှအပြန် စျေးသို့ဝင်သည်။ ငါးရောင်းသည့် ဒေါ်ပုက အပြုံးနှင့်ဆီးကြို၏။ သူ့ကြည့်တော့ ရောင်းရသည်မှာ လက်မလည်။
"ခဏလေးနော် ဒီငါးကြင်းလေး ခုတ်ပေးလိုက်ဦးမယ် "
ဦးလူမော်က အသံတိတ်သင်္ကေတအဖြစ် ခေါင်း
ညိတ်ပြသည်။
" ရပြီ။ ဒီမှာခုတ်စတွေပါ ပိုထည့်ပေးလိုက်တယ်"
ဒေါ်ပုပေးသည့် ငါးမျိုးစုံခုတ်စအိတ်ကို ဆွဲလျက် အိမ်သို့ ပြန်ခဲ့၏။ သူဝယ်သည်က ငါးခေါင်း ငါးရာဖိုး
သာ။ ဒေါ်ပုပေးလိုက်သည့်ခုတ်စနှင့်ပေါင်းလိုက်လျင် နှစ်ပိဿာကျော်ခန့်ရှိနိုင်မည်။ သည်လောက်ဆို လုံလောက်ပြီဖြစ်၏။ အိမ်ရောက်သည်နှင့် ခုတ်ပြီးသားငါးခေါင်းနှင့် ခုတ်စများကို တစ်ခုချင်း ရေသေချာဆေးသည်။ ကျေနပ်လောက်အောင်ဆေးပြီးမှ ပီနံအိတ်ငယ်အတွင်းက လုံးတီးဆန်ကို တစ်ဗူးချိန်၍ ထည့်လိုက်သည်။ အားလုံးကိုရောသမပြီး ရေတစ်ထပ် ဆေးပြန်၏။ ပြီးပြီ။ ချက်ရန်သာရှိတော့သည်။
" ဟော မီးကပျက်နေတာပါလား "
စိတ်ပျက်စွာ ညည်းတွားလျက် မီးမွှေးရန်ပြင်သည်။ မီးလာသည်အထိစောင့်နေလျင် ငါးများနံကုန်တော့မည်။ မီးသွေးသုံးလေးခဲခန့်နှင့် ထင်းတို ထင်းစများထည့်၍ မွှေး၏။ မိုးတွင်းကာလမို့ ထင်းစနှင့်မီးသွေးက စိုထိုင်ထိုင်း။ မီးခိုးများ လုံးကနဲထွက်လာပြီး မျက်ခမ်းကို လာကျီစယ်သည်။ ခဏအကြာ ယပ်တောင်အဟောင်းအားကိုးနှင့် မီးတောက်လာသဖြင့် သက်ပြင်းချမိရ၏။
" ဟော ဦးလူမော် မီးခိုးတလူလူနဲ့ ဘာတွေ အလုပ်ရှုပ်နေတုန်းဗျ "
နောက်ဘက်ကအသံကြားသဖြင့် လှည့်ကြည့်မိ
တော့ ဂွဘမြင့်ဖြစ်နေသည်။ နာမည်ရင်းဦးဘမြင့်ကို သူ၏ ဂွကျကျစကားလုံးများကြောင့် ဂွ ဟူသော ဝိသေသတပ်၍ခေါ်ကြခြင်းဖြစ်သည်။ သူ့ထုံးစံ
အတိုင်းလူမရောက်မီလေကိုအရင်လွှတ်တတ်လေ၏။ အနည်းငယ်ရှုပ်သွားရသည့်စိတ်ကို ဆေးအဖြူရောင် ဆိုးလျက်ခေါ်မိသည်။
" လာဗျာ။ ခဏထိုင်ပါဦး။ ကျွန်တော်အလုပ်နဲနဲ
များနေလို့ "
" ရပါတယ်ဦးလူမော်ရ။ ကျုပ်က အေးဆေးပါ။ ခင်ဗျား လက်ဘက်ရည်ဆိုင်ဘက်ကို လာတာမတွေ့တော့လို့ ဒီဘက်ရောက်တုန်း ဝင်နှုတ် ဆက်တာ "
" မလာဖြစ်တာမဟုတ်ဘူးဗျ။ မလာတော့တာ "
" ဟင်။ ခင်ဗျားစကားကြီးကလည်း"
"ဟုတ်တယ်ဦးဘမြင့်ရေ။လက်ဘက်ရည်ဆိုင် ထိုင်ရင် ထောင့်လေးငါးရာကုန်မှာ မဟုတ်လား။ ကော်ဖီမစ်ပဲ ဝယ်သောက်ဖြစ်နေလို့ပါ။ တွက်ကြည့်လေ။ ဘာပဲပြောပြော လက်ဘက်ရည်ဆိုင်မထိုင်ဖြစ်တော့ တစ်ရက်တစ်ထောင်လောက်ပိုထွက်လာသဗျ။ ဆေး
ပေါ့လိပ်နဲ့ကောဖီမစ်က ငါးရာလောက်ပဲကုန်တာ။ ကျွန်တော်ကစာရေးရင်ဆေးပေါ့လိပ်ခဲတာကအကျင့်ဖြစ်နေပြီ။ အဟား ဟား "
" အင်း တစ်ရက်တစ်ထောင်ဆိုတော့ အတော်စု
မိနေသပေါ့လေ"
" မစုမိပါဘူးဗျာ "
သူ့စကားကြောင့် ဦးဘမြင့် ခေါင်းကုတ်၏။
" ဒီလိုဗျ။ တစ်ရက်ကို ငါးခေါင်းက ငါးရာ၊ လုံးတီးဆန်က သုံးရာ၊ နှစ်ရာကမီးသွေးဖိုးဘာညာနဲ့
ကုန်ပါပကောလား ဦးဘမြင့်ရေ "
ထိုအခါကျမှ သူ့အိုးကို သေချာကြည့်သည်။
" ဒါက ဘာလုပ်ဖို့လဲ "
" အင်း။ လွန်ခဲ့တဲ့ ဆယ့်ငါးရက်လောက်က ကျွန်တော့်အိမ်ရှေ့ကို ခွေးတကောင်ရောက်လာတယ်။ ကျွန်တော်လည်း ထမင်းကျန်ဟင်းကျန်လေးတွေချကျွေးမိတယ်။ အဲ နောက်ကျ သူ့အပေါင်းအသင်းတွေပါ ခေါ်လာရော။ ခုဆို လေးကောင်ရှိပြီ။ အိမ်ကအကျန်နဲ့ မရတော့ဘူး လေဗျာ။ သူတို့ကိုကျွေးဖို့ ချက်နေတာဗျို့ "
သူ့အပြောအပေါ် ဦးဘမြင့်က မသိမသာ နှာခေါင်းရှုံ့၏။
" သူများတွေက တယ်ရီယာတွေ ဒိုဘာမင်တွေ နဲ့မို့ အမဲသားပိဿာလိုက်ဝယ်ကျွေးကြတာလေ။ ခုတော့ ခင်ဗျားဟာက လမ်းဘေးက ခွေးလေခွေးလွင့်တွေအတွက် အလုပ်ရှုပ်ခံနေတာကိုး။ ဟား ဟား ဟား ဟား "
ငယ်စဥ်စိတ်မျိုးနှင့်ဆို သည်လူ့ခေါင်း ကွမ်းစား
သွားရပြီး အနဲဆုံးနှစ်ချက်ခန့် ချုပ်ရနိုင်သည်။ ယခုချိန်မှာတော့ အသက်ကလက်ကို ထိန်းချုပ်ထားလေပြီ။
" သြော် ဦးဘမြင့်ရယ် သူတို့လည်း ဆာမှာပေါ့ဗျ "
" ကျုပ်ကြားဖူးတာတော့ ခွေးကျွေးရင် ထီတွေဘာတွေ ပေါက်တယ်ဆိုလား။ ဒါကြောင့် "
" တော်တော့ ဦးဘမြင့်။ ခင်ဗျားဗျာ "
ထိန်းထားသည့်ကြားက အတန်ငယ်မာသွားသည့် အသံကို သတိဖြင့် ပြန်ညှိရသည်။
" ထီပေါက်တာဘာညာတွေကျွန်တော် နားမလည်ဘူး။ ယုံလည်းမယုံဘူး။ ခုဘဝမှာ ချမ်းသာတာ ဆင်းရဲတာက အတိတ်ကကုသိုလ်ကံနဲ့ပဲ ဆိုင်တယ်။ ခုလိုကျွေးမွေးရလို့လည်း ဘာရပါစေ၊ ညာရပါစေ ဘာမှမမျှော်လင့်ဘူး။ ကျွန်တော်သိထားနားလည်ထားတာက ဒီသတ္တဝါတွေ
မှာ အသက်ရှိတယ်။ ကျွန်တော်တို့ ခင်ဗျားတို့လို အသက်ရှိတာမို့ အချိန်တန်ရင် ဆာလောင်ကြမယ်။ ဒါ့ကြောင့် ကျွေးတာဗျာ။ ရှင်းပြီလား "
ပြောနေရင်းက မာလာသည့်အသံကြောင့် ဦးဘမြင့်မျက်နှာ ပျက်သွား၏။ အတန်ငယ်တိတ်ဆိတ်သွားပြီးမှ စကားဆက်သည်။
" ဟုတ်ပါပြီ ဦးလူမော်ရယ်။ ကျုပ်က ခင်ဗျားလို
စာရေးဆရာတစ်ယောက်ကို အနိုင်မပြောနိုင်ပါဘူး။ ပြန်တော့မယ်ဗျို့ "
" ဒီမယ်။ ကျွန်တော့်စကားဆုံးအောင် နားထောင်
သွားဦး။ ဟောဒီဖြစ်တည်လာတဲ့ ကမ္ဘာမြေကြီးမှာ ခင်ဗျားတို့ ကျွန်တော်တို့လိုလူသားတွေက အသိဉာဏ်မြင့်မားမှုကြောင့် အရာအားလုံးကို ပိုင်တယ်လို့ ထင်ကောင်းထင်ကြလိမ့်မယ်။ ဒါပေမယ့်
တစ်ခုသိထားရမှာက သက်ရှိအဖြစ်မွေးဖွားလာရတာခြင်း အတူတူမို့ ဒီကမ္ဘာမြေကြီးဟာ သူတို့နဲ့လည်း သက်ဆိုင်နေတယ်။ ကျေးဇူးပြုပြီး သူတို့တွေကို စာနာစိတ်လေးထားကြပါ။ အနိုင်မကျင့်ကြပါနဲ့လားဗျာ။ ကျွန်တော်နောက်တခေါက်ထပ်ပြောပါရစေ။ ဒီကမ္ဘာ
မြေကြီးဟာ ဒီခွေးလေးတွေအပါအဝင် တခြားသက်ရှိအားလုံးနဲ့ သက်ဆိုင်ပါတယ်လို့ "
ဦးဘမြင့်ခမျာ နောက်သို့ပင် လှည့်မကြည့်အား
တော့သည်တမုံ့။

231003 ရွှေဒုံမောင်(ပတ္တမြား)

03/10/2023

Today memories 🦮💉 3/10/2023

(တချို့ကလေးတွေမရိုက်လိုက်ရဘူး)

02/10/2023

၃.၁၀.၂၃ မောင်ရန်အိ(ခ)အိအိရဲ့(6)နှစ်မြောက်မွေးနေ့လေးဖြစ်ပါတယ်။🎂🎂🎂

မွေးနေ့အလှူအဖြစ်ခွေးကောင်ရေ(100)တိတိကိုခွေးရူးကာကွယ်ဆေးအခမဲ့ထိုးပေးမှာဖြစ်ပါတယ်။
💉💉💉
Dr-Chitတိရစ္ဆာန်ဆေးကုခန်းတွင်မနက်(9)နာရီ တွင်စတင်၍လာရောက်ထိုးနိုင်ပါပြီ။⏲⏱⏰
မနှစ်က ထိုးထားသောကလေးများကာကွယ်ဆေးထိုးကဒ်စာရွက်ကလေးကိုပြန်လည်ယူလာပေးကြပါခင်ဗျာ😊
Happy Birth Day မေချစ်သားကြီးအိ💙💙💙

30/09/2023

လာမယ့်အောက်တိုဘာ(3)ရက်နေ့ မောင်ရန်အိ(ခ)အိအိရဲ့(6)နှစ်မြောက်မွေးနေ့လေးဖြစ်ပါတယ်။🎂🎂🎂

မွေးနေ့အလှူအဖြစ်ခွေးကောင်ရေ(100)တိတိကိုခွေးရူးကာကွယ်ဆေးအခမဲ့ထိုးပေးမှာဖြစ်ပါတယ်။
💉💉💉
Dr-Chitတိရစ္ဆာန်ဆေးကုခန်းတွင်မနက်(9)နာရီ တွင်စတင်၍လာရောက်ထိုးနိုင်ပါပြီ။⏲⏱⏰

29/09/2023

မနှစ်က အောက်တိုဘာ(3)ရက်နေ့
မွေးနေ့အလှူကာကွယ်ဆေးအခမဲ့ထိုးပေးတုန်းကပျော်နေတဲ့ညီအကိုနှစ်ကောင်ရဲ့အမှတ်တရ💕💕💕

28/09/2023

good night
မိုးအေးလို့စောစောအိပ်ပြီဗျာ

27/09/2023

သတိပြုစရာခွေးရူးပြန်ရောဂါ

ဆောင်းပါးရှင် – ဒေါက်တာမိုးသစ်နေ
(ဧရာ၀တီတိုင်းမ်၊ စက်တင်ဘာ ၁၇ ရက်)

မြန်မာလူမျိုးတွေဟာ တိရိစ္ဆာန်လေးတွေကို ချစ်တတ်ကြပါတယ်။ ခွေး‌လေးတွေ ကြောင်လေးတွေကို ခွေး‌လေး ကြောင်လေးတွေကို အိမ်မွေးတိရစ္ဆာန်အဖြစ် မြတ်မြတ်နိုးနိုးနဲ့ ကြင်နာစွာ မွေးမြူကြပါတယ်။ လမ်းဘေးမှာလေလွင့်နေတဲ့ တိရစ္ဆာန် ခွေး၊ ကြောင်စတဲ့ ပိုင်ရှင်မဲ့ သတ္တဝါလေးတွေကိုပင်လျှင် မေတ္တာထားစောင့်ရှောက်ကြ ပါတယ်။

လက်ရှိမှာလည်း ခွေး‌စောင့်ရှောက်ရေး၊ ကြောင်စောင့်ရှောက်ရေး ဂေဟာတွေ ခွေးကယ်တင်ကူညီရေးအဖွဲ့တွေ အများကြီး ရှိနေပါတယ်။ ဒီလိုချစ်ဖို့ကောင်းတဲ့ ဖော်ရွေ ပျူငှာကြင်နာတတ်တဲ့ တိရစ္ဆာန် ချစ်သူတွေဟာ ခွေးလေးတွေကို ရောဂါကုသပေးတာ ခွေးကောင်ရေထိန်းချုပ်ဖို့အတွက် သားကြောဖြတ်ပေးတာမျိုးတွေ အထိလုပ်ပေး ကြပါတယ်။

အဲ့ဒီလို နူးညံ့ပြီး ချစ်စရာကောင်းတဲ့ ကျွန်တော်တို့ နိုင်ငံသားတွေအတွက် ကြောက်စရာ ကောင်းတဲ့ ခွေးရူးပြန်ရောဂါ အကြောင်းကို သိထားဖို့ လိုကို လိုအပ်ပါတယ်။

#ခွေးရူးပြန်ရောဂါဆိုတာ

ခွေးရူးပြန်ရောဂါဆိုတာ ခွေးရူးပြန်ရောဂါကူးစက်ခံထားရတဲ့ တိရစ္ဆာန်မှ တစ်ဆင့် လူကို ကူးစက်နိုင်တဲ့ရောဂါဖြစ်ပါတယ်။ ခွေးရူးပြန်ဆိုတဲ့ နာမည်အတိုင်း ခွေးကိုက်ခံရခြင်း ကနေ အဓိက ကူးစက်ပါတယ်။ ကြောင် ၊ ကြွက်၊ ရက်ကွန်းဝက်ဝံငယ် ၊ ပူး ၊ ရှဉ့် ၊ ယုန် ၊ လင်းနို့ ၊ မြင်း၊ မျောက် နဲ့ အခြားတိရစ္ဆာန်‌တွေလည်း ခွေးရူးပြန်ရောဂါကူးစက်နိုင် ပါတယ်။

လူကို ကူးစက်တဲ့အခါ ခွေးကိုက်ခံရမှသာ ကူးတာမဟုတ်ပါဘူး။ ခွေးအပါအ၀င် ရောဂါသယ်‌ဆောင်တဲ့ တိရစ္ဆာန်နဲ့ အဲ့ဒီတိရိစ္ဆာန်ရဲ့ ခန္ဓာကိုယ်ကထွက်တဲ့ (တံတွေး သွားရည်) အရည်တွေနဲ့ ကိုယ့်ခန္ဓာမှာရှိတဲ့ ဒဏ်ရာကို ထိမိရင်လည်း ကူးစက်တတ် ပါတယ်။

#ခွေးရူးပြန်ဗိုင်းရပ်စ်ပိုး(Rabies Virus)

ခွေးရူးပြန်ဗိုင်းရပ်စ်ပိုးက ကျည်ဆံတောင့်လေးလို ပုံစံရှိပါတယ်။ သူက ခွေးရူးပြန်နေတဲ့ တိရစ္ဆာန်ရဲ့ တံတွေး၊ သွားရည်တို့မှာရှိနေပါတယ်။ တိရစ္ဆာန်က ကိုက်ခဲလိုက်တဲ့ အချိန်မှာ သွားရည်ထဲမှာရှိတဲ့ ပိုးကခန္ဓာကိုယ်ထဲ ဝင်သွားပြီး ကူးစက်ပါပြီ။ ပုံမှန်အကောင်း အတိုင်းရှိနေတဲ့ အ‌ရေပြားကို ပိုးကဖြတ်သန်းပြီးတော့ မကူးစက်နိုင်ပေမယ့် ထိခိုက်ရှနာ ဒဏ်ရာကို ခွေး၊ ကြောင်တွေရဲ့ သွားရည်တွေနဲ့ ထိမိရင်လည်း ကူးနိုင်ပါတယ်။

ရူးနေတဲ့ ခွေး ကိုက်မှသာ ကူးစက်ခံရတာလို့ ထင်နေကြပါတယ်။ တကယ်တမ်းတော့ ရောဂါပိုးသယ်ဆောင်ထားတဲ့ မရူးသေးတဲ့ခွေး‌၊ ကြောင် ကိုက်လျှင်လည်း ရောဂါ ကူးစက်ခံရနိုင်ပါတယ်။

ရှားရှားပါးပါး လင်းနို့ခို‌အောင်းတဲ့ဂူရဲ့လေထုထဲမှာ ခွေးရူးပိုးတွေပျံ့နှံ့ကူးစက်တတ် ကြောင်းလည်း မှတ်သားဖူးပါတယ်။

ခွေးနဲ့ရောဂါပိုးကူးစက်နိုင်တဲ့ တိရစ္ဆာန်တွေဟာ ရောဂါရပြီး ၁၀ရက်မှ ၁၄ရက်အတွင်းမှာ အရင်လို မဟုတ်တော့ဘဲ အမူအကျင့်‌တွေပြောင်းလဲပြီး ခွေးရူးရောဂါ လက္ခဏာတွေ ပေါ်ပါတယ်။

ခွေးရူးပြန်ဗိုင်းရပ်စ်ပိုးတွေက အကိုက်ခံရတဲ့နေရာကြွက်သားတွေဆီမှ အာရုံကြောကို ပြန့်နှံ့ပြီး ဦးနှောက်ထဲကို ရောက်သွားပါမယ်။ ဦးနှောက်ရောင်ရမ်းပြီး ပွားများလာတဲ့ ရောဂါပိုး‌တွေက တံတွေးဂလင်းဆီ ရောက်သွားပါတယ်။ တံတွေးသွားရည်တွေကနေ ရောဂါကို နောက်ထပ်ဖြန့်ဝေ ကူးစက်စေတော့မှာပါ။ နောက်ဆုံးမှာခွေးရူးဖြစ်ပြီး သေပါတယ်။

#ခွေးရူးပြန်ခြင်းလက္ခဏာများ

ရူးပြန်ဗိုင်းရပ်စ်ပိုး ကူးစက်ခံထားရတဲ့ တိရိစ္ဆာန်ရဲ့ အမူအယာဟာ ပုံမှန်မဟုတ်တော့ဘဲ ထူးခြားလာပါတယ်။ သွားရည်တများများ ထွက်လာမယ်။ ရန်လိုတတ်လာမယ်၊ ဒေါသထွက်ပြီး သခင်အပါအဝင် လူတွေကို မန်ဖီမယ်။ ကိုက်လာမယ်။ အချို့ကတော့ ဒီလိုကြမ်းတမ်းရန်လိုတဲ့ လက္ခဏာတွေမပြဘဲ တစ်သီးတစ်ခြား ငြိမ်နေတဲ့ ခွေးရူးပြန်တာမျိုးလည်း ဖြစ်တတ်ပါသေးတယ်။

ကိုက်တဲ့ခွေးကို ရိုက်သတ်လိုက်ရင် အကိုက်ခံရသူဟာ ရောဂါမကူးတော့ဘူး ဆိုပြီး မှားသိ‌နေကြ တာရှိပါတယ်။ ခွေးကို ရက်သတ္တပတ် နှစ်ပတ်တိတိ စောင့်ကြည့်ရပါမယ်။ ကိုက်တဲ့ခွေးက ကိုက်ပြီး ၁၄ရက်ကျော်တဲ့အထိ မသေလျှင် ခွေးရူးပြန်လက္ခဏာတွေ မပြတော့လျှင် ခွေးကောင်းလို့ ဆုံးဖြတ်နိုင်ပါတယ်။

ခွေးရူးအကိုက်ခံရပြီး သုံးလအတွင်းမှာ ခွေးရူးပြန်ရောဂါဖြစ်တတ်ပါတယ်။ တစ်ခါ တလေမှာ ရောဂါက ခိုအောင်းနေကာ ခွေးကိုက်ခံရပြီး ဆယ်စုနှစ် တစ်ခုကြာမှ ခွေးရူး ပြန်ရောဂါလက္ခဏာဖြင့် အသက်သေဆုံးခဲ့တာတွေလည်း တွေ့မြင်ကြုံဆုံခဲ့ဖူးပါတယ်။

ခွေးရူးပြန်ရောဂါကို ပျောက်ကင်းအောင်မကုသနိုင်ပါဘူး။ ရောဂါအဆင့် ဖြစ်ပြီးမှ အသက်ရှင် ကျန်တဲ့လူနာဦးရေ ကမ္ဘာပေါ်မှာ မရှိသလောက်ကို နည်းပါးပါတယ်။ ရာနှုန်းပြည့် သေတယ်လို့ သတ်မှတ်နိုင်ပါတယ်။

ကြောက်မက်ဖွယ်ခွေးရူးပြန်ရောဂါ၏အ‌ဆုံးသတ် နှစ်မျိုးအကြောင်း

#ရန်လိုသောပုံစံခွေးရူးပြန်ရောဂါ(Furious rabies)

ဒီလိုအရာမျိုးကို အတွေ့ရများပါတယ်။ ဂနာမငြိမ်ဆောက်တည်ရာမရ လှုပ်လှုပ်ရှားရှား ခံစားနေရပါမယ်။ ကယောင်ချောက်ခြားဖြစ်ပြီး ပြောမရ ဆိုမရ ‌သောင်းကြမ်းအော်ဟစ် နေပါမယ်။ ရေဆာပေမယ့် လည်ပင်းကြွက်သားတွေ တောင့်တင်းနေတာကြောင့် ရေသောက်လို့မရဘဲ ရေကြောက်နေပါမယ်။ ရေငတ်ပြီး ဒေါသအလွန် ထွက်နေပါမယ်။ လေတိုက်တာကိုပင်လျှင် ကြောက်ရွံနေတတ်ပါတယ်။ အဲ့ဒီလို လက္ခဏာတွေ ပေါ်လာပြီးနောက် နှလုံးနဲ့ အသက်ရှုအင်္ဂါများ အလုပ်မလုပ်‌မလုပ်တော့ဘဲ ထိခိုက် ပျက်စီးပြီး ရက်အနည်းငယ်အတွင်း အသက်ဆုံးရှုံးမှာ ဖြစ်ပါတယ်။

#အကြောသေခွေးရူးပြန်ရောဂါ(Paralytic Rabies)

အတွေ့ရနည်းပါတယ်။ ကြွက်သားများသည်တဖြည်းဖြည်း အကြောသေ အင်အားချည့်နဲ့ လာပြီး သတိလစ်မေ့မျောခြင်း နဲ့ အဆုံးသတ်ပါတယ်။ အသက်ရှုကြွက်သားများ အလုပ် မလုပ်တော့တဲ့အခါမှာ အသက်ရှူရပ်ပြီး အသက်သေဆုံးပါတယ်။

#ခွေးရူးရောဂါကာကွယ်ရန်
ခွေးရူးရောဂါကာကွယ်ဖို့အတွက် အိမ်မွေးတိရိစ္ဆာန်တွေကို ကြိုတင်ပြီး ခွေးရူးပြန် ကာကွယ်ဆေးထိုးရပါမယ်။ ခွေးကိုက်မခံရအောင် ကြောင်ကိုက်မခံရအောင် ဆင်ခြင် ကာကွယ်ရပါမယ်။

တိရစ္ဆာန်ရောဂါကုဆရာဝန်များ၊ တိရစ္ဆာန်များနှင့် ထိတွေ့ကိုင်တွယ်အလုပ်လုပ်‌ နေရ သူများကတော့ ခွေးရူးပြန်ရောဂါကာကွယ်ဆေးကို ကြိုတင်ထိုးနှံထားသင့်ပါတယ်။

တောရိုင်းတိရိစ္ဆာန်အကိုက်ခံရခြင်း၊ ခွေးကိုက်ခံရခြင်း တို့လိုမျိုး ခွေးရူးပြန်ရောဂါ ဖြစ်နိုင်ခြေနဲ့ကြုံတွေ့ပြီဆိုရင် (Post-exposure prophylaxis - PEP) ရောဂါပိုးကို ထိတွေ့ အပြီးကာကွယ်ခြင်း နည်းနဲ့ သေချာကုသရပါမယ်။

အနာကို ငါးမိနစ် ဆယ်မိနစ်ခန့် ရေဖြင့်ဆေးကြောပါ။ ဆပ်ပြာအသုံးပြု နိုင်ပါတယ်။ ဒဏ်ရာကိုသန့်ရှင်း‌ရေးလုပ်ခြင်း ဆေးထည့်ခြင်းများလုပ်ပြီး ပြုစုကုသရပါမယ်။ ဒဏ်ရာကို ချုပ်ကြိုးသုံးပြီး ပိတ်ချုပ်ခြင်းများ မလုပ်ဆောင်သင့်ပါဘူး။

ဒဏ်ရာရတဲ့ နေရာနဲ့ ပြင်းထန်မှုကို မူတည်ပြီး အဆင့်ခွဲရပါမယ်။ အဆင့်အလိုက်လို အပ်သလိုကုသရပါမယ်။ ခွေးရူးပြန်ကာကွယ်ဆေး RVA အကြိမ်ရေ အပြည့်ထိုးနှံ ရပါမယ်။ ဒဏ်ရာကြီးပြီး အဆင့်သတ်မှတ်ချက်များပါက Rabies Immunoglobulin ခွေးရူးအဆိပ်ဖြေဆေးကိုပါ ခန္ဓာကိုယ်အလေးချိန်နဲ့ တွက်ချက်ပြီး စနစ်တကျထိုးနှံ ပေးရပါမယ်။

ခွေးရူးပြန်ရောဂါကာကွယ်ဆေး ဈေးနှုန်းတွေကလည်း အခြေခံပြည်သူလူထုအတွက် လက်လှမ်းမီတဲ့ ‌အနေအထားမှာ ရှိမနေပါဘူး။ ဒါကြောင့် ခွေး ကြောင့် စတဲ့ တိရိစ္ဆာန်တွေ အကိုက်မခံရအောင် သတိပြုဆင်ခြင် နေထိုင်ရင်း အထက်ပါနည်းလမ်းတွေကို လိုက်နာရင် မိမိကိုယ်ကိုယ် ကာကွယ်ကြဖို့ တိုက်တွန်းလိုက်ရပါတယ်။

လာမယ့် စက်တင်ဘာလ (၂၈) ရက်နေ့ကို ကမ္ဘာ့ခွေးရူးပြန်ရောဂါနေ့ အကြိုအဖြစ် ကမ္ဘာ့ကျန်းမာရေးအဖွဲ့ ကသတ်မှတ်ထားတာမို့ ဧရာဝတီတိုင်းမ် စာဖတ်သူတွေကို ခွေးရူးပြန်ရောဂါ အကြောင်း အသိပညာမျှဝေပေးရင်း ခွေးရူးပြန်ရောဂါမှ လွတ်ကင်းကြစေဖို့ ဆုမွန်ကောင်း တောင်းလိုက်ရပါတယ်။

နောက်တစ်ပတ်မှာတော့ နှလုံးရောဂါနဲ့သက်ဆိုင်တဲ့ ကျန်းမာရေးဆောင်းပါးလေးကို ဖော်ပြ ပေးမှာဖြစ်တာကြောင့် စောင့်မျှော်ဖတ်ရှု‌ပေးကြဖို့ ဖိတ်ခေါ်လိုက်ရပါတယ်။

#ကျန်းမာရေးအသိပညာပေးကဏ္ဍ #ပဋိပက္ခကာလအတွင်းရှင်သန်နေထိုင်ခြင်း #သတိပြုစရာခွေးရူးပြန်ရောဂါ #ဆောင်းပါး

11/07/2023

ချစ်သမီးလေးပင်ကီ😍

20/06/2023

ဘိုရမ္းေလးခြဲေမြး
ဖိုးဖိုးအိေျမးထိန္း
မေန႔ကျဖစ္သည္(19•6•2023)

12/06/2023

#ငွေမပြန်လာပြီ
===========

""ဘုန်းကြီး...ငွေမကို လွမ်းတာဘုရား""

ကိုရင်ငယ်တို့၏ အရိုးခံအလွမ်းစကားကြောင့် စိတ်ထဲမှာ နင့်ခနဲခံစားရသည်။

မူလကတည်းကမလုံသော စိတ်လိပ်ပြာသည် ပေါက်ထွက်လာပြီ ထင်ရသည်။

""ငါမှားပြီ...ငါမှားပြီ"" လို့ နောင်တဝေဒနါတွေ တလိပ်လိပ်တက်လာသည်။

ကျောင်းမှာ ယုန်လေး နဲ့ ငွေမ ခွေးနှစ်ကောင်မွေးထားသည်။

ငွေမက သိပ်မလှ ၊ သိပ်လည်းမလိမ္မာပါ။ အဆော့တော့သန်သည်။

""ငွေမက ဖိနပ်တွေကိုက်ပေမယ့် ၊ အတူဆော့ပေးဖော်ရတယ်၊
တပည့်တော်တို့စားတာ အကုန်လိုက်စားတယ်ဘုရား""

ငွေမရဲ့အမူအရာအချို့ကို ကိုရင်ငယ်တွေက ပြန်ပြောပြနေသည်။

ဒွိဟဖြစ်နေသောအဖြေအတွက် ကိုရင်ငယ်တွေကို မေးမှရတော့မည်။

""ကိုရင်တို့....စိတ်ထဲရှိသလိုဖြေကြ။
အရှင်ဘုရားတို့သာဆိုရင်......'''

တစ်။ ။ အနေအစား သိပ်မကောင်းပေမယ့် နွေးထွေးကြင်နာမှုရပြီး ပျော်ရတဲ့နေရာနဲ့

နှစ်။ ။ အနေအစား အရမ်းကောင်းတယ်၊ ဒါပေမယ့် နွေးထွေးကြင်နာမှုမရနိုင်လို့ မပျော်ရတဲ့နေရာ
ဒီနှစ်ခုမှာ ဘယ်နေရာကို နေချင်သလဲ""

""နံပတ်တစ်နေရာဘုရား""

ကိုရင်ငယ်တွေအဖြေကြောင့် မိမိလုပ်ဆောင်ခဲ့ချက်သည် လုံးဝမှားသည်ဟု ခိုင်ခိုင်မာမာ ဆုံးဖြတ်ချက်ကျလာသည်။

ရက်စက်တဲ့အလုပ်တခု လုပ်မိခဲ့သည်ဟု ခံစားလာရသည်။
ငွေမကိုတွေးပြီး စိတ်ပူလာသည်။
တိုက်ကြီးထဲမှာ
သူ့စည်းသူ့ကမ်းနှင့် ဘယ်ကိုရင် ဘယ်ဦးဇင်းကမှ ဂရုစိုက်မည်မဟုတ်။

ဖြစ်ပုံက ဒီလိုပါ.....
ဟိုတနေ့က...တောင်ရိုးပေါ်က ကျောင်းတိုက်ကြီးတတိုက်ကို စာအုပ်လေးသွားလှူသည်။

မိမိလည်းအပြင်ထွက်ရော ""ငွေမ"" လို့နာမည်ပေးထားတဲ့ ခွေးမကလေးက အပြေးလိုက်လာသည်။

မလိုက်လာအောင်မောင်းလည်းမရ။
သူ့မောင်းလိုက်..ရှေ့သွားလိုက်နှင့် ကျောင်းတိုက်ကြီးကိုရောက်တော့သည်။

ကျောင်းတိုက်ကြီးက သံတံခါးကြီးစေ့ထား၍ လူတကိုယ်စာ
တွန်းဖွင့်ဝင်ပြီးပြန်ပိတ်တော့ ငွေမ အပြင်မှာကျန်ခဲ့သည်။

အပြန်မှ ခေါ်တော့မည်။ကျောင်းတိုက်ကြီးက ကျောင်းဆောင်တွေက ခမ်းနားလွန်းသည်။
သံဃာရာချီရှိသည်။ ကျောင်းဆောင်တွေငေးကြည့်ရင်း အားငယ်အတွေးတခုတောင်ဝင်မိသည် ။

"" ငါ့ကျောင်းက ဒီတိုက်ထဲက အိမ်သာလောက်တောင် ကောင်းပါ့မလား... ""။

အထဲမှာ ဆရာတော်နှင့် နာရီဝက်ခန့်စကားစမြည်ပြောပြီးပြန်ထွက်လာတော့ အပြင်မှာထားခဲ့သည့် ငွေမက အထဲရောက်နေသည်။

မိမိကို လိုက်ရှာနေပြီး တွေ့ဟန်မတူ။ ဒီအချိန်မှာပဲ ရက်စက်တဲ့ အတွေးဝင်ခဲ့မိခြင်းဖြစ်သည်။

""ငါ့ကျောင်းမှာဆို ဒီကျောင်းလောက် အနေအစားမကောင်းဘူး။ ဒီမှာ သားငါးနေ့တိုင်းစားရမယ်။ ငွေမကို ဒီထားခဲ့မယ်""

ဒီလိုတွေးပြီး
ငွေမ မမြင်အောင် ပုန်းကွယ်ကာပြန်လာခဲ့သည်။

နေရစ်ခဲ့တော့ ငွေမရေ......။

လမ်းတလျောက်လုံး ဒီလုပ်ဆောင်ချက် သင့်မသင့်စဥ်းစားခဲ့သည်။

သင့်သည်ဟု အဖြေထွက်သည်။
သို့သော်....လိပ်ပြာကားမလုံ။

ချစ်ခြင်းတရားကို သစ္စာဖောက်ခဲ့သည်ဟု ခံစားနေရသည်။

ဘဝအဓိပ္ပါယ်ကို ရုပ်ဝတ္ထုနဲ့ဖွင့်ဆိုခဲ့သည်ဟု တွေးမိသည်။

ကျောင်းပြန်အရောက် ငွေမ ဘယ်မှာလဲ ကိုရင်ငယ်တွေက မေးတော့ ""ထားခဲ့ပြီ ""လို့ဖြေရတာ
ရင်နာနေသည်။

ရှက်လည်းရှက်နေသည်။
ကိုရင်ငယ်တွေမျက်နှာမှာ ဝမ်းနည်းရိပ်မြင်ရသည်။

ပထမည....

ငွေမ အဆင်ပြေရဲ့လား ။
ကျောင်းခံခွေးတွေ ဝိုင်းကိုက်ခံနေရပြီလား။

ဒုတိယည....

မိုးတွေရွာသည်။ ငွေမ မိုးခိုစရာတွေ့ရဲ့လား။ အစာရောစားရရဲ့လား။ တိုက်ကြီးကကိုယ်တော်တွေက မောင်းများထုတ်နေပြီလား။

တတိယည.....

ပြန်လာဖို့ ငွေမကြိုးစားနေလား။ လမ်းဘေးခွေးတွေ ဝိုင်းကိုက်ခံနေရပြီလား။ ကား ဆိုင်ကယ်နဲ့ တိုက်မိနေသလား။

အိပ်ရာဝင်တိုင်း ငွေမကိုသတိရသည်။ ငါမှားလိုက်တာလို့ နောင်တရမိသည်။

စတ်ထုထည...

မီးလည်းမလာ လ မသာ။
မှောင်မည်းနေသည်။
ဆယ်နာရီအိပ်ရာဝင်ပေမယ့် အိပ်မပျော်။
ငွေမဆီစိတ်ရောက်ပြီး နောင်တ ထပ်ခါတလဲလဲဖြစ်နေသည်။

ဆယ့်တနာရီထိုးလို့ မှေးမှေး မှေးမှေး အိပ်ပျော်ခါနီးမှာ ကျောင်းပေါက်ကသံတံခါးက တဂျောင်းဂျောင်း အသံထွက်လာသည်။

လှိုက်ကနဲ ဝမ်းသာလုံးတက်လာသည်။
""ဟာ...ငွေမ ပြန်လာတာဖြစ်ရမယ်""
ဓာတ်မီးယူ အမြန်ဆင်းပြီး သံတံခါးရှိရာ သွားသည်။

ဟုတ်ပါ့။

ဟုတ်ပါ့။

ငွေမ မှ ငွေမ အစစ်ပါပဲ။

မိမိကိုမြင်တော့ သံတံခါးကို ပိုပြီးခြစ်ကုတ်သည်။
ဝမ်းသာလုံးဆို့လို့ထင်သည် ။ တံခါးဝမှာ ငွေမ သေးတွေအများကြီးပေါက်ချသည်။

တကိုယ်လုံးလည်းတုန်ရီနေသည်။ တံခါးဖွင့်ပေးလိုက်တော့ မိမိကို ပတပ်ရပ်တက်ပြီး ကုတ်ခြစ်သည်။

တအီအီလည်းညီးသည်။
သူ့အီသံကို

""သခင်ရယ်.....နောက်ဒီလိုမရက်စက်ပါနဲ့""
ဟုတောင်းပန်နေခြင်းဖြစ်ကြောင်း နားလည်သည်။

ထန်းလျက်းငါးခဲကျွေး ၊ ရေတိုက်ပြီး သူအိပ်နေကျနေရာကို လိုက်ပို့သည်။

ကောင်းကင်မှာ ငွေကြယ်တချို့လင်းရုံမှအပ ဝန်းကျင်တခုလုံး မှောင်မည်းတိတ်ဆိတ်နေသည်။

သူ့ခေါင်းကို ပွတ်သိပ်ပေးရင်း ဒဏ်ရာတွေများရလာမလား စမ်းကြည့်သည်။ ရမလာပါ။

လေးညတိတိ တလမ်းဝင်တလမ်းထွက်နဲ့ သခင်ရှိရာကို အရောက်ပြန်လာတဲ့ ငွေမကို စိတ်ထဲကနေ လှိုက်လှိုက်လှဲလှဲ ""မင်းသစ္စာတရားကို ကျေးဇူးတင်ပါတယ် "" လို့ပြောမိသည်။

သူ့အိမ်သူ့သခင်ကို ရုပ်ဝတ္ထုတွေနဲ့မလဲဟု ငွေမက အသံတိတ်ပြောပြနေသည်။

ငွေမဘေးမှာ တနာရီကျော် အဖော်ပြုထိုင်ပေးသည်။

သူ....စိတ်ချလက်ချအိပ်ပျော်ပါစေ။

အိမ်ပြန်ရောက်လာတဲ့ ငွေမ ဘေးထိုင်ရင်း အိမ်ပြန်ချင်နေသူတွေအကြောင်း စိတ်ထဲရောက်လာသည်။

နွေးထွေးသောအိမ်ကို မည်သူမလွမ်းပဲ နေနိုင်ပါမည်နည်း။

အိမ်ပြန်ချင်နေသူများကို ငွေကြယ်ရောင်တို့လမ်းပြပေးပါစေ....

ကျန်းကျန်းမာမာနဲ့ အမြန်ဆုံး အိမ်ပြန်ရောက်ပါစေ....။

ငွေမ အိပ်ပျော်သွားမှ
ကျောင်းပေါ်ပြန်တက် အိပ်ရာဝင်သည်။

ည သန်းခေါင် ရောက်နေပြီ။

မကြာမီ အလင်းနိုးတော့လေမည်။

အလင်းနဲ့အတူ ပျော်ရွှင်ခြင်းတို့ ပွင့်ဝေတော့မည်...။

မောင်ရဟန်း(သာသနာ့ရင်ခွင်)

Crd...ပေးပါသည်။

03/06/2023

အချစ်=အချစ်😁

13/05/2023

သက်ရှိ သတ္တဝါ မှန်သမျှဘေးရန်ကင်းကွာကျန်းမာချမ်းသာကြပါစေ🙏🙏🙏
မုန်တိုင်းရဲ့ဘေးဒဏ်မှလွတ်ကင်းကြပါစေ🙏🙏🙏
တိလေးတွေကိုမခေါ်သွားနိုင်ပါကလှောင်အိမ်ထဲထည့်ခဲ့ခြင်းကြိုးချည်ထားခဲ့ခြင်းများမပြုလုပ်ကြပါနှင့်🙏🙏🙏