Aye Kyi Thar Veterinary Clinic

24/03/2024

23/02/2024

ဒီနေ့မှာတော့ ပါပီလေးတွေကို ရေချိုးပေးတဲ့အခါဝယ်ဆိုတဲ့ ခေါင်းစဉ်လေးအောက်ကနေ အမေးအဖြေပုံစံမျိုးလေးနဲ့ မျှဝေပေးချင်ပါတယ်။

မေး : ရေချိုးပေးဖို့ဘာလို့လိုအပ်တာလဲ?

ဖြေ : ပါပီလေးတွေက လူတွေနဲ့ အင်မတန်နီးစပ်တဲ့ သူငယ်ချင်းတွေ မိသားစုဝင်တွေလို့တောင် ပြောလို့ရပါတယ်။ ဘာလို့လိုအပ်တာလဲဆိုရင် အမွှေးတွေပေါ်က ဘတ်တီးရီးယားတွေကို ဖယ်ရှားပစ်ဖို့ ၊ လူတွေလို ရေမချိုးတာကြာလေ သူတို့ရဲ့အရေပြားပေါ်မှာ ဖုန်မှုန့်တွေနဲ့ အဆီတွေ စုပုံလာတာတွေကို ဖယ်ရှားပစ်ဖို့ ရေချိုးပေးသင့်ပါတယ်။ အနံ့ဆိုးထွက်ခြင်းတွေကို သက်သာစေပါတယ်။ တူတူအိပ်တတ်တဲ့ သူမျိုးဆိုရင်ပိုလို့တောင်ရေချိုးပေးသင့်ပါတယ်။

မေး : ဘယ်နှကြိမ်ချိုးပေးရမလဲ ?

ဖြေ : ပါပီလေးတွေရဲ့ အမျိုးအစားပေါ်မှာမူတည်ပါတယ်။ အလွယ်မှတ်လို့ရအောင်ပြောရရင် အမွှေးရှည်တဲ့ ပါပီလေးတွေဆိုရင် 14ရက် တစ်ကြိမ်လောက် ချိုးပေးသင့်ပါတယ်။ အမွှေးတိုတဲ့ခွေးလေးတွေအတွက်ဆိုရင် တစ်လတစ်ကြိမ်ချိုးပေးရင် လုံလောက်ပါတယ်။ မကြာခနရေချိုးပေးတာကလည်း ခွေးလေးတွေအတွက် မကောင်းပါဘူး။ အအေးပတ်တာတွေ၊ ဖျားတာတွေကနေ အရေပြားရောဂါတွေအထိဖြစ်နိုင်ပါတယ်။ ခွေးလေးတွေရဲ့ အရည်ပြားကနေ သဘာဝအဆီတစ်မျိုးထုတ်ပါတယ်။ ရေခနခနချိုးပေးတဲ့အခါ အရေပြားဟာခြောက်သွေ့လာပြီး အဆီဓာတ်နည်းပါးလာတဲ့အတွက် အရေပြားပြသနာတွေကိုဖိတ်ခေါ်သလိုဖြစ်တတ်ပါတယ်။

မေး : ဘာတွေလိုအပ်သလဲ။

ဖြေ : ထွေထွေထူးထူးတော့မလိုအပ်ပါဘူး။ ကျွန်တော့်အမြင်အရ ခွေးလေးတွေအတွက် ရည်ရွယ်ပြီး ထုတ်ထားတဲ့ shampo တစ်မျိုးတော့မဖြစ်မနေလိုတယ်လို့ပြောချင်ပါတယ်။
လူသုံးတဲ့ ရေချိုးဆပ်ပြာ ခေါင်းလျှော်ရည်တွေဟာ လူတွေရဲ့အရေပြားပေါ်အခြေခံပြီး pH level ကိုတွက်ပြီးထုတ်ထားတာဖြစ်လို့ခွေးလေးတွေကြောင်လေးတွေအတွက်မသင့်တော်ပါဘူး။
ကျွန်တော်တို့သုံးနေကျ ခေါင်းလျှော်ရည်တွေ ဆပ်ပြာတွေ body wash တွေသုံးပေးတာက အန္တရာယ်တော့မရှိပေမယ့် ခွေးလေးတွေရဲ့ အရေပြားကို လိုအပ်တာထက်ပိုပြီး ခြောက်သွေ့စေသလို အမွှေးတွေကိုလည်း ဖွာဖွာကြီးဖြစ်လာစေတတ်ပါတယ်။

မေး : ရေချိုးပေးတဲ့အခါ ဘယ်လိုချိုးပေးရမလဲ။

ဖြေ : သတိထားရမှာတွေရှိပါတယ်။

ပါပီလေးတွေကလူတွေလိုပဲ ရေအေးနဲ့ ရေချိုးရတာမကြိုက်ပါဘူး။ အပူချိန်အသင့်အတင့်ရှိတဲ့ ရေမျိုးနဲ့ပဲချိုးပေးသင့်ပါတယ်။ ရေအေးနဲ့ ချိုးပေးရင်း ထွက်ပြေးတာမျိုးတွေ ကိုက်တာမျိုးတွေ ရုန်းတာမျိုးတွေကြုံဖူးကြမယ်ထင်ပါတယ်။

နားတွေ၊ မျက်လုံးတွေ၊ နှာခေါင်းတွေထဲကို ရေမဝင်အောင်ဂရုစိုက်ချိုးပေးပါ။
နားထဲရေမဝင်ဖို့ cotton ball လေးတွေ ဝယ်သုံးတာမျိုးလုပ်ပါ။
နှာခေါင်းကိုရေမဝင်ဖို့ ပါပီသေးသေးလေးတွေဆိုရင် မတ်တပ်ရပ်အနေထားမျိုးနဲ့ချိုးပေးတာမျိုးလုပ်ပါ။ ဒီလိုလုပ်ပေးခြင်းအားဖြင့် လုံခြုံတယ်လို့ခံစားရပြီး ငြိမ်ငြိမ်လေး ရေချိုးခံမှာပါ။

ခေါင်းပိုင်းကိုအတတ်နိုင်ဆုံးရေအများကြီးမလောင်းပါနဲ့။

ခွေးရေချိုးဘရက် လေးတွေနဲ့ဖြစ်စေ အရေပြားပေါ်က ကျွတ်ပြီးသားအမွှေးတွေကို ဖယ်ထုတ်ပေးပါ။ လက်နဲ့လိုက်ဖယ်လဲရပါတယ်။ ရေချိုးနေရင်း အမွှေးတွေကျွတ်ပါလာတာမျိုးကြုံဖူးမှာပါ။ အရမ်းမများရင် စိတ်မပူပါနဲ့။ အဲ့တာတွေက နဂိုကျွတ်ပြီးသားအမွှေးတွေပါ။

shampo သုံးရင်ဖြစ်စေ ခေါင်းလျှော်ရည်သုံးရင်ဖြစ်စေ ပွတ်တိုက်ပြီးရေတန်းမလောင်းပါနဲ့။ 3-5 မိနစ်လောက်စောင့်ပြီးမှ ရေလောင်းပါ။ အဲ့တာမှ ဘတ်တီးရီးယားတွေသေမှာပါ။ လူတွေမှာ မျက်နှာသစ်ဆေး နည်းလမ်းမှန်မှန်သုံးတတ်တဲ့သူမျိုးဆိုရင် သဘောပေါက်ပါလိမ့်မယ်။ အဲ့သေဘာပါပဲ ။ ချက်ချင်းသုံး ရေချက်ချင်းဆေးချလိုက်တာထက် 3-5 မိနစ်​လောက်နေပြီးမှ ရေဆေးချတာက နည်းမှန်ပြီး ပိုအကျိုးရှိပါတယ်။

ဒါဆိုရင်တော့ ခွေးလေးတွေကိုနည်းမှန်လမ်းမှန်နဲ့ ရေချိုးပေးတတ်သွားမယ်လို့ ထင်ပါတယ်။ ခွေးကြောင်ကျန်းမာရေးနဲ့ပတ်သတ်ပြီး သိချင်တာလေးတွေ မေးချင်တာလေးတွေကို cb မှာလာပြီးမေးလို့ရပါတယ်။ ဒီစာလေးကိုဖတ်ပြီးဘာတွေအကျိုးရှိသွားလဲ ပါပီလေးတွေကိုရေချိုးပေးရင်း ဘယ်လိုအလွဲမျိုးလေတွေ ကြုံဖူးလဲဆိုတာကို အမောပြေလေးဖတ်လို့ရအောင် မှတ်ချက် (cmt) လေးရေးပြီးချန်သွားပေးကြပါဦးဗျာ...။

23/02/2024

09/02/2024

Gong Xi Fang Cai

18/07/2023

ဘဲသားပေါက်များ ဝယ်ယူရရှိနိုင်ကြောင်း အသိပေးခြင်း
*************************************************
စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ မွေးမြူရေးနှင့်ကုသရေးဦးစီး ဌာနပိုင် ဘဲမွေးမြူရေးခြံများမှ မွေးမြူသူများကို အကောင်းဆုံးပံ့ပိုးပေးနိုင်ရန် ရည်ရွယ်၍ မိဘမျိုးရိုးကောင်းမွန်သော ဥစားဘဲ (ကာကီကင်ဘယ်လ်)၊ အသားတိုးဘဲ (ချယ်ရီဘယ်ရီ) ဘဲပေါက် Day Old Duck (DOD) များကို သက်သာသောဈေးနှုန်းဖြင့် ဖြန့်ဖြူးရောင်းချသွား မည်ဖြစ်ပြီး နေပြည်တော် ဘဲမျိုး ဖြန့်ဖြူးရေးနှင့် သရုပ်ပြခြံ (ရွှေမြို့)တွင်လည်း ၂၀၂၃ ခုနှစ်၊ နိုဝင်ဘာလမှ စတင်ရောင်းချမည်ဖြစ်ရာ မှာယူမွေးမြူလိုသူများ/ အဖွဲ့အစည်းများအနေဖြင့် (၁)လ ကြိုတင်မှာယူနိုင်ပါကြောင်း သတင်းကောင်းပါးအပ်ပါသည်။
ဆက်သွယ်ရန်
========
ဒေါက်တာရဲနန္ဒ (ခြံတာဝန်ခံ၊ နေပြည်တော်ဘဲမွေးမြူရေးခြံ)
📲၀၉ ၄၀၁၆၁၇၀၃၅
ဒေါ်သီတာဝေ (ခြံတာဝန်ခံ၊ ရွာသာကြီးဘဲမွေးမြူရေးခြံ)
📲၀၉ ၇၉၆၉၃၄၁၉၅
ဒေါက်တာသိန်းဇော် (ခြံတာဝန်ခံ၊ ဘုရားကြီးဘဲမွေးမြူရေးခြံ)
📲 ၀၉ ၄၃၀၄၃၁၅၂

ကာကီကင်ဘယ်လ်ဘဲ
+++++++++++++
အင်္ဂလန်နိုင်ငံမျိုးဖြစ်ပြီး ဥစံချိန်အလွန်ကောင်းသော ဘဲမျိုးဖြစ်ပြီး အကောင်လည်း ပိုကြီးသည်။ (၁၉၇၀-၁၉၈၀)ခုနှစ်တွင် မြန်မာပြည်တွင် အမြောက်အမြား မွေးမြူခဲ့သည်။
ဦးခေါင်း - နှုတ်သီးသည် ကြီး၍ဖြောင့်တန်း၊ နှုတ်သီးမှာ အစိမ်းရင့် (သို့မဟုတ်) အနက်ရောင်ရှိသည်။
ကိုယ်ထည် - အထက်အောက် အနည်းငယ်ပြားပြီး လက်ပြင်ရိုးသည် မြီးညောင့်ရိုး ထက်မြင့်သည်။
မျက်လုံး - တောက်ပြောင်ဝိုင်းစက်သည်။
အရောင်အသွေး - ဦးခေါင်း၊ လည်ပင်း၊ အမြီး၊ အတောင်များမှာ ခပ်စိမ်းစိမ်းနှင့် ညိုညို၊ ကိုယ်ပိုင်းမှာ ကာကီရောင်ဖြစ်ပြီး ဘဲမများမှ တစ်ကိုယ်လုံး ကာကီ ရောင်အမွေးများဖြင့် ဖုံးထားသည်။
ဥစံချိန် - တစ်နှစ်လျင် ပျမ်းမျှ (၃၀၀)လုံးခန့် အုပါသည်။
ကိုယ်အလေးချိန် - အထီး တစ်ပိဿာငါးဆယ်၊ အမတစ်ပိဿာ အစိတ်သားခန့် အလေး ချိန်ရှိသည်။

ချယ်ရီဘယ်ရီဘဲ
++++++++
အင်္ဂလိပ်ဘဲမျိုးဖြစ်၍ မူလစတင်မွေးမြူသည့်ဒေသကို အစွဲပြု၍ ခေါ်ခြင်းဖြစ်သည်။
ကိုယ်ထည် - ကိုယ်ထည်ရှည်ပြီး ကျယ်ပြန့်သည်။ အမြီးတို၍ သန်မာသော အမြီး အတောင်များရှိသည်။ ခြေထောက်များတိုသော်လည်း အထူးသန်မာ ကြသည်။ အရိုးကြီးသဖြင့် ခန္ဓာကိုယ်အလေးချိန်ကို ကောင်းစွာထိန်း နိုင်သည်။
မျက်လုံး - တောက်ပြောင်ဝိုင်းစက်သည်။
အရောင်အသွေး - အဖြူရောင်ရှိသည်။
ဥစံချိန် - အသားတိုးနှုန်းကောင်းပြီး ဥစံချိန် အသင့်အတင့်သာရှိသည်။ ချယ်ရီ ဘယ်ရီဘဲများသည် ဇန်နဝါရီလမှစ၍ ဇွန်၊ ဇူလိုင်လအထိ ဥ အုတတ် သည်။ ထိုကာလအတွင်း အမွှေးအတောင်ချတတ်သဖြင့် ဂရုစိုက်မွေး ရန်လိုသည်။ ဤဘဲမျိုးသည် ဘဲထီးနှစ်ကောင်မျှနှင့် ဘဲမ (၁၀)ကောင် မှ (၁၂)ကောင်အထိ လွှတ်ပေးထားနိုင်သည်။ ချယ်ရီဘယ်ရီ ဘဲမများ သည် (၂၄)ပါတ်သားတွင် စတင် ဥ အုပြီး (၆၅)ပါတ်သားအထိ ဥလုံး ရေ (၂၃၀)လုံး အုကြောင်း တွေ့ရှိရသည်။
ကိုယ်အလေးချိန် - (၄၅)ရက်သားတွင် ကိုယ်အလေးချိန် (၂)ပိဿာခန့်ရှိသည်။ ကြီးထွား နှုန်းညီသည်။

18/07/2023

Credit

18/05/2023

ဆရာရေ ဟိုပေးရလား ဒီပေးရလားမေးသူတွေအတွက် အောက်မှာပါတဲ့ Pay တွေအကုန်ရပါတယ်လို့

ရာခိုင်နှုန်းလည်း ပေးစရာမလိုပါဘူးလို့

တိလေးတွေရဲ့ ရောဂါတွေကာကွယ်ဖို့အတွက် ကာကွယ်ဆေးထိုးရန်နှင့် အထွေထွေကျန်းမာရေးစောင့်ရှောက်မှုလိုအပ်ပါက ဆက်သွယ်ရန်

အေးကြည်သာတိရစ္ဆာန်အထွေထွေရောဂါကုဆေးခန်း
အမှတ် (၇၀၇၇)၊ သော်ကလမ်း၊ ဇဝနသိဒ္ဓိရပ်ကွက်(ချင်းရွာ)၊EPCရုံးရှေ့၊ ဥတ္တရသီရိမြို့နယ်၊ နေပြည်တော်ပြည်ထောင်စုနယ်မြေ။
၀၉၆၇၆၃၄၈၈၁၀

12/05/2023

06/03/2023