Naypyitaw Zoological Garden, between Yangon-Mandalay old Highway between 256/2 and 257/0 miles near Ye Sein Dam, Naypyidaw (2024)

Q: What is the address?

Between Yangon-Mandalay Old Highway Between 256/2 And 257/0 Miles Near Ye Sein Dam

25/12/2024

⛄⛄Merry Christmas ☃️☃️

"Spreading joy, love, and cheer—Merry Christmas and a Happy New Year!"

❄️❄️Merry Christmas to all of you.🌲🌲

24/12/2024

🤗🤗အားလုံးပဲ မဂ်လာပါ🤗🤗

တိရစ္ဆာန်ဥယျာဥ်(နေပြည်တော်) တွင် လွန်ခဲ့သော ၂နှစ်က မွေးမြူခဲ့သော 🦒🦒သစ်ကုလားအုတ်မလေး ❄️❄️စနိုးရဲ့ မွေးနေ့လေးကို 🧑‍🎄🧑‍🎄ခရစ်စမတ် နေ့လေးမှာ တိရစ္ဆာန်ယျာဉ် (နေပြည်တော်) သစ်ကုလားအုတ်ပြကွက်အနီးတွင် ကျင်းပပြုလုပ်သွားမှာ ဖြစ်ပါတယ်နော်🤗🤗

🦒🦒သစ်ကုလားအုတ်မလေး စနိုးရဲ့ မွေးနေ့ လေးမှာ တိရစ္ဆာန်ယျာဉ် (နေပြည်တော်) ရဲ့ ပညာပေး၀န်ထမ်းများနှင့် တိရစ္ဆာန်လေးများကို ကျန်းမာရေးစောင့်ရှောက်ပေးနေတဲ့ တိလေးတွေရဲ့ ဆရာ၀န်တွေကနေ
🦒🦒သစ်ကုလားအုတ်လေးတွေအကြောင်းကို ဗဟုသုတရဖွယ် တင်ဆက်ပေးသွားမှာ ဖြစ်ပြီး မွေးနေ့ရှင် ❄️🦒🎊စနိုးလေး နှင့် အတူ သားသားမီးမီးတို့က 🎊🎊မွေးနေ့ ကိတ်ခွဲခြင်း အစီအစဉ်တွေ ပါ၀င်မှာ ဖြစ်လို့ လာရောက်ခဲ့ဖို့ ဖိတ်ခေါ်လိုက်ပါတယ်နော်🧑‍🎄🦒❄️🎊🤗

21/12/2024

တိရစ္ဆာန်ဥယျာဉ် (နေပြည်တော်) တွင် နက္ခတာရာပြခန်းကို အများပြည်သူများ လေ့လာနိုင်ရန် ပိတ်ရက်မရှိ ဖွင့်လှစ်ထားပါတယ်

အစိုးရအဖွဲ့အစည်းများ၊ ပြင်ပအသင်းအဖွဲ့များနှင့် ကျောင်းသူ/ကျောင်းသားများ အစုအဖွဲ့လိုက် လေ့လာနိုင်ရန် ရည်ရွယ်ပါတယ်

နက္ခတာရာပြခန်း (နေပြည်တော်) ကို လူဦးရေ (15) လျှင် တစ်ကြိမ်ပြသပြီး တစ်ဦီး လျှင် (3500) ကျပ်နှုန်းဖြင့် ပိတ်ရက်မရှိ လာရောက်လေ့လာနိုင်ရန် ဖိတ်ခေါ်အပ်ပါတယ်

04/12/2024

OIAC private high school မှ ကျောင်းသား/သူ (၁၅၆) ဦး တိရစ္ဆာန်ဥယျာဉ်(နေပြည်တော်)🐅🐆🦓သို့
လာရောက်လည်ပတ်မှု အမှတ်တရမှတ်တမ်း ဓါတ်ပုံများ📷

25/11/2024

🇲🇲အမျိုးသားနေ့……(တို့မမေ့)🇲🇲
၂၀၂၄ခုနှစ်၊ နိုဝင်ဘာ (၂၅)ရက်၊ တနင်္လာနေ့တွင် ကျရောက်သော (၁၀၄)ကြိမ်မြောက်အမျိုးသားနေ့အား ဂုဏ်ပြုကြိုဆိုရင်း မြန်မာပြည်သူ/ပြည်သားများအားလုံးနင့် မိတ်ဟောင်းမိတ်သစ်များ အားလုံး စိတ်၏ချမ်းသားခြင်း၊ ကိုယ်၏ကျန်းမာခြင်းနဲ့ ပြည့်စုံကြပါစေကြောင်း တိရစ္ဆာန်ဉယျာဉ်(နေပြည်တော်)မိသားစုမှ ဆုတောင်းမေတ္တာပို့သအပ်ပါသည်။🙏🏻🙏🏻🙏🏻

15/11/2024

🙏တန်ဆောင်တိုင် ဆုတောင်း🙏

✨မြန်မာတို့ရဲ့ အထွဋ်အမြတ်ထားရာ နေ့ထူးနေ့မြတ်တွေထဲကမှ တစ်ရက်ဖြစ်တဲ့ 🪔တန်ဆောင်မုန်းလပြည့်နေ့(သာမညဖလ အခါတော်နေ့)🪔မှာ မိတ်ဟောင်းမိတ်သစ် ၊ ချစ်သူ ခင်သူများ 🤗အားလုံး ကိုယ်စိတ်နှစ်ဖြာကျန်းမာပြီး စိီးပွားလာဘ်လာဘများ💰 ဒီရေအလား တိုးတက်ကြပါစေကြောင်း✨ တိရစ္ဆာန်ဥယျာဉ် နေပြည်တော် (Naypyitaw Zoo )မိသားစုမှ ဆုမွန်ကောင်း တောင်းအပ်ပါတယ်.....။🙏🙏🙏

08/11/2024

ဒီနေ့ ပြောပြပေးသွားမှာကတော့ အယ်ဒါဘရာလိပ်ကြီးများ🐢 အကြောင်းပဲဖြစ်ပါတယ်။မြန်မာအမည် သီးသန့်မရှိပဲ အများသုံးအမည်မှာ Aldabra giant tortoise ဖြစ်ပြီး သိပ္ပံအမည်မှာ Aldabrachelys gigantea လို့ခေါ်ကြပါတယ်။ Aldabra တွေရဲ့သက်တမ်းဟာဆိုရင် (၁၅၀-၂၀၀) 🫢 ခန့်ထိနေထိုင်နိုင်ပြီး အိန္ဒိယသမုဒ္ဒယာအနောက်ဘက်ရှိ ကျွန်းစုများ🏞️တွင်တွေ့ရပါတယ်။အစုံစား သတ္တဝါများဖြစ်ကြပြီး အဓိကအားဖြင့် အသီးအရွက်🥦🥬🥒များကိုသာစားသုံးကြပါတယ်။တခါတရံ ကျောရိုးမဲ့သတ္တဝါလေးများ၊ အသေကောင်များကိုစားသုံးတက်ကြောင်းကိုလဲသိရှိရပါတယ်။ဒါကြောင့် ခုလို ဗဟုသုတတွေစုံစံုလင်လင်နဲ့ချစ်စရာကောင်းပြီး စိတ်ဝင်စရာကောင်းတဲ့အကောင်လေးတွေကိုကြည့်ဖို့ တိရစ္ဆာန်ဥယျာဉ်ကို အရောက်လာခဲ့ဖို့ ဖိတ်ခေါ်လိုက်ပါတယ်နော်.....၊၊😇

24/10/2024

🦧အပြည်ပြည်ဆိုင်ရာမျောက်လွှဲကျော်များနေ့( International Gibbon Day)🦧
🐵မျောက်လွှဲကျော်တွေဟာ အမြှီးမပါပဲ လက်များကို အသုံးပြုပြီး သစ်ပင်ပေါ်တွင် နေထိုင်တက်သည့် မျောက်ဝံငယ်မျိုး🦍 (Apes) ဖြစ်ပြီး၊ အာဖရိကအနောက်ပိုင်း ၊ အလယ်ပိုင်းနှင့် အရှေ့ တောင်အာရှနိုင်ငံများတွင် တွေ့ရှိရပါတယ်။
🐵မျောက်လွှဲကျော်များကို သစ်တောများကို ပြုပြင်ပေးနိုင်သည့် Forest Engineers 🌳လို့ လည်း သတ်မှတ်ကြပြီး မျောက်လွဲကျော်များသည် သစ်တောများအတွင်း လှည့်လည် သွားလာရင်း သစ်စေ့/ မျိုးစေ့🌱တွေကို နေရာအနှံ့ ပြန့်နှံအောင် သစ်စေ့ဖြန့်သူ (Seed Dispersal) အဖြစ် အပင်မျိုးစိတ်များ ပြန့်ပွားစေခြင်းဖြင့် သစ်တောများအတွက် အရေးပါသော အခန်းမှ ပါဝင်ပါတယ်။ထိုနောက်အမြဲစိမ်း သစ်တောများထိန်းသိမ်း 🏞️ပြုစုပေးသော ဥယျာဉ်မှူးများဟုလည်း တင်စား ခေါ်ဆိုနိုင်ပါတယ်။
🐵ယခုအခါ ၄င်းတို့နေထိုင်ရာ သစ်တောများလျော့နည်းလာခြင်း (habitat loss) ၊သစ်တောများ တစ်ခုနှင့်တစ်ခု အဆက်အစပ်ပြတ်တောက်လာခြင်း၊(habitat fragmentation) နှင့် သတ္ထုတူးဖော်ရေး🪨 လုပ်ငန်းများ တိုးချဲ့လုက်ကိုင်လာခြင်းတို့ကြောင့် မျိုးသုဉ်းမည့်အန္တရာယ်နှင့် ရင်ဆိုင် ကြုံတွေ့နေကြရပါတယ်။
🐵မြန်မာနိုင်ငံတွင် မျောက်လွှဲကျော်မျိုးစိတ်တွေကို လုံးဝကာကွယ်ထားသည့် မျိုးစိတ်စာ ရင်းတွင်ထည့်သွင်း၍ ထိန်ူသိမ်းကာကွယ်စောင့်ရှာက်ထားပြီး သဘာဝပတ်ဝန်ကျင်ထိန်းသိမ်း ရေးအဖွဲ့ IUCN Red List အနီရောင်မှတ်တမ်းစာအုပ်တွင်📕 မျိုးသုဉ်းရန်အန္တရာယ်ရှိသောမျိုးစိတ် Endangered Species-EN ဟုသတ်မှတ်ကာ ထိန်းသိမ်းကာကွယ်စောင့်ရှောက်ထားပါတယ်။
🐵ဒါကြောင့် သဘာဝပတ်ဝန်းကျင်နှင့် ဂေဟစနစ်တွင်လွန်စွာအရေးပါတဲ့မျောက်လွှဲကျော် မျိုးစိတ်များကို🦧 မိမိတို့လူသားများအနေဖြင့် ကမ္ဘာ့မြေပေါ်တွင် မျိုးသုဉ်းပျောက်ကွယ်မသွားစေရေး ဝိုင်းဝန်းကာကွယ် ထိန်းသိမ်းစောင့်ရှောက်သင့်ကြောင်းကိုအောက်တိုဘာလ (၂၄) ရက်နေ့တွင် ကျရောက်သည့် အပြည်ပြည်ဆိုင်ရာ မျောက်လွှဲကျော်များနေ့ International Gibbon Day တွင် အသိပညာပေး ရေးသားလိုက်ရပါတယ်။🦧🦧🦧

17/10/2024

✨သီတင်းကျွတ်လပြည်နေ့ ✨
မြန်မာသက္ကရာဇ် ၁၃၈၆ ခုနှစ်၊အောက်တိုဘာ(၁၇) ရက်နေ့တွင် ကျရောက်သည် “သီတင်းကျွတ်လပြည့်နေ့ “ အဘိဓမ္မာအခါတော်နေ့တွင် မိတ်ဟောင်းမိတ်သစ်များအားလုံး စိတ်ချမ်းသာခြင်း၊ ကိုယ်ကျန်းမာခြင်းနှင့် ပြည့်စုံ၍ ကပ်ကြီး(၃)ပါး အန္တရာယ်မှ ကင်းဝေးနိုင်ကြပါစေလို့ နေပြည်တော်တိရစ္ဆာန်ဥယျာဉ်( Nay Pyi Taw Zoo)မိသားစုမှ ဆုမွန်တောင်းအပ်ပါတယ်….🙏🙏🙏

08/10/2024

🎈စိုက်ပျိုးရေး မွေးမြူရေး သိပ္ပံကျောင်း မှ ကျောင်းသား/ကျောင်းသူ များနှင့်ဆရာ/ဆရာမ အပါအဝင် စုစုပေါင်း (၆၀)ဦးသည် တိရစ္ဆာန်ဥယျာဉ်(နေပြည်တော်)နှင့် ဆာဖာရီဥယျာဉ်(နေပြည်တော်)🐘🦒🦏🦃သို့ လာရောက်လေ့လာလည်ပတ်ခဲ့ကြပါသည်

✨🎉မိဘပြည်သူများအနေနဲ့လည်း တိရစ္ဆာန်ဥယျာဉ်(နေပြည်တော်)နဲ့ဆာဖာရီဥယျာဉ် သို့လာရောက်လည်ပတ်ပြီး ချစ်စရာကောင်းတဲ့ တိရစ္ဆာန် လေးတွေရဲ့ အမူအရာလေး တွေကိုကြည့်ရင်း ဗဟုသုတရစေနိုင်ပြီး စိတ်အေးချမ်းသာစွာ အပန်းဖြေနိုင်မှာဖြစ်လို့ လာရောက်လည်ပတ်ဖို့ ဖိတ်ခေါ်လိုက်ရပါတယ်။✨🎉

04/10/2024

👨‍💼အပြည်ပြည်ဆိုင်ရာ တိရစ္ဆာန်ထိန်းများနေ့ (International Zookeeper Day) 👨‍💼
🦏တိရစ္ဆာန်များ၏ ကောင်းကျိုးချမ်းသာကို ဖော်ဆောင်ပေးနေတဲ့ သူတွေကို တိရစ္ဆာန်ထိန်းသိမ်း စောင့်ရှောက်သူများ(Zoo Keepers) ဟုခေါ်ဆိုပါတယ်။ တိရစ္ဆာန်ထိန်းသိမ်း စောင့်ရှောက်သူများ အနေနဲ့ တိရစ္ဆာန်များကို အဓိကတာဝန်ယူ ထိန်းသိမ်းပြုစုစောင့်ရှောက်ပေးနေသူများဖြစ်တဲ့ တိရစ္ဆာန်များ၏ ရုပ်ပိုင်းဆိုင်ရာ၊ စိတ်ပိုင်းဆိုင်ရာ ကျန်းမာစေရန်အတွက်သာမက တိရစ္ဆာန် ဥယျာဉ်များ၏ အဓိက ရည်ရွယ်ချက်များဖြစ်သည့် တောရိုင်းတိရစ္ဆာန်ထိန်းသိမ်းရေးလုပ်ငန်း၊ ပညာပေးလုပ်ငန်းများနှင့် သုတေသနလုပ်ငန်းများကို အကောင်အထည်ဖော် ဆောင်ရွက်နိုင်စေ ရန် အဓိကအထောက်အကူ ပြုပေးနေသူများလည်း ဖြစ်ကြပါတယ်။
🦒တိရစ္ဆာန်ထိန်းများရဲ့ ဝါသနာ၊ အနစ်နာ၊ လုပ်ငန်းကျွမ်းကျင်မှုတို့သည် တိရစ္ဆာန်ဥယျာဉ်များ၏ ရည်ရွယ်ချက်များကို အကောင်အထည်ဖော်ရန်နှင့်ဇီဝမျိုးစုံမျိုးကွဲထိန်းသိမ်းရေးလုပ်ငန်းများဆောင်ရွက် ရာတွင် ရှေ့တန်းကနေ တာဝန်ယူဆောင်ရွက်ပေးနေရသော ရှေ့တန်းတိုက်စစ်မှူးများပင်ဖြစ်ကြပါတယ်။
🐘ကမ္ဘာပေါ်ရှိ တိရစ္ဆာန်ဥယျာဉ်များတွင် တိရစ္ဆာန်များ၏ ကောင်းကျိုးချမ်းသာနှင့် တိရစ္ဆာန်ဥယျာဉ် များ၏ ရည်မှန်းချက်ပန်းတိုင်ကိုရောက်ရှိအောင် အကောင်အထည်ဖော် ဆောင်ရွက်ပေးနေသော တိရစ္ဆာန်ထိန်း (Zoo Keepers) များအား ဂုဏ်ပြုသောအားဖြင့်နှစ်စဉ် အောက်တိုဘာလ (၄) ရက်နေ့ကို အပြည်ပြည်ဆိုင်ရာ တိရစ္ဆာန်ထိန်းများနေ့အဖြစ် သတ်မှတ်ပြီးဂုဏ်ပြုလိုက် ရပါတယ်။🎉

26/09/2024

🦃ကမ္ဘာ့ ကက်ဆိုဝါရီနေ့(World Cassowary Day)🦃
Cassowary ဟာဆိုရင် အရောင်အသွေးတောက်ပပြီး ကြီးမားသန်မာတဲ့ ဒိုင်နိုဆော မျိုးစိတ်လိုမျိုး ခြေထောက်ရှိပြီး မပျံသန်းနိုင်တဲ့ ငှက်ကြီးမျိုးဖြစ်ပါတယ်။ Cassowary ငှက်မျိုးစိတ် (၃)😳မျိုးရှိပါတယ်။ အဲ့ဒါတွေကတော့ Southern Cassowary ၊ Northern Cassowary နှင့် Dwarf Cassowary တို့ပဲဖြစ်ပါတယ်။ ကတ်ဆိုဝါရီ ငှက်မျိုးစိတ် (၃) မျိုးထဲမှ အကြီးဆုံးဖြစ်တဲ့ Southern Cassowary ကို တိရစ္ဆာန်ဥယျာဉ်(ရန်ကုန်) တွင် ထိန်းသိမ်းမွေးမြူစောင့်ရှောက်ထားပါတယ်။😱 ထို့နောက် ၎င်းတို့ကိုဩစတေးလျနိုင်ငံနှင့် နယူးဂီနီကျွန်းများ🏝️ တွင် တွေ့ရှိရပါတယ်။ Cassowary တွေရဲ့အသွင်အပြင်ခန္ဓာလက္ခဏာဟာဆိုရင်ကိုယ်တွင်တောက်ပလှသော အနက်ရောင်အမွေးများရှိပြီးဦးခေါင်းတွင် ကြီးမားသည့် အမောက်ပါရှိ၍ လည်ပင်းသည် ခရမ်းရောင် (သို့) အပြာရောင် ရှိ၍ ရှည်လျားပြီး တွဲလောင်းကျနေတဲ့ အနီရောင် အဖက် (Red wattles)ပါရှိပါတယ်။ 🦃သူတို့မှာ ခြေချောင်း (၃) ချောင်းသာပါရှိပါတယ်။🫢 Cassowary ရဲ့ထူးခြားချက်တွေကတော့ အမများက ဥ ဥပြီး ထိုဥများကို🥚 အထီးတွေကသာဝပ်ပြီး ဥဝပ်ချိန်မှစ၍ သားပေါက်များအရွယ်ရောက်ကာ အစာရှာဖွေနိုင်သည့်အထိ အဖေကသာ ကျွေးမွေးပြုစုစောင့်ရှောက်လေ့ရှိကြပါတယ်။ ကက်ဆိုဝါရီငှက်တွေဟာ အကြောင်းအရင်းမရှိဘဲ အန္တရာယ် ပြုလေ့မရှိသော်လည်း ကလေးများနဲ့အတူ အစာစားနေချိန်တွေမှာ အန္တရာယ်ပြုတယ်လို့ ထင်မိရင် သူတို့ရဲ့ သန်မာလှတဲ့ ခြေထောက်တွေကို အသုံးပြုပြီး လူသေနိုင်သည့်အထိ တိုက်ခိုက်လေ့ရှိပါတယ်။ကက်ဆိုဝါရီငှက်တွေဟာ သူတို့နေထိုင်ကျက်စားရာ မိုးသစ်တောတွင် ပေါက်ရောက်သည့် အပင်မျိုးစိတ်ပေါင်း (၂၄၀) ကျော်🪴🌲🌱အား စားသုံးပြီး‌ ဝေးလံသည့် နေရာများတွင် အစေ့များစွန့်ထုတ်ခြင်းကနေ အပင်သစ်များ ပေါက်နိုင်တဲ့အတွက် မိုးသစ်တောများအတွက် ဥယျာဉ်မှူးအဖြစ် အရေးကြီးသော အခန်းကပါဝင်ပါတယ်။ ကက်ဆိုဝါရီငှက်များကို ကမ္ဘာ့ပတ်ဝန်းကျင်ထိန်းသိမ်းရေးအဖွဲ့ IUCN Red List တွင် VU-Vulnerable “မျိုးသုန်းရန်အန္တရာယ်ကျရောက်နိုင်သောမျိုးစိတ်” အဖြစ်သတ်မှတ် ထားပြီး မိုးသစ်တောများ🌿🌲🌳အတွက် အဓိကကျသည့် မျိုးစိတ် “keystone spceies” အပင်များ များစွာပေါက်ရောက်နိုင်ဖို့အတွက် ကူညီပေးသည့် ငှက်ဖြစ်တာကြောင့် သဘာဝပတ်ဝန်းကျင်အတွက် အကျိုးပြုသည့် ငှက်ဖြစ်သောကြောင့် ကမ္ဘာ့ကတ်ဆိုဝါရီငှက်များနေ့တွင် ဗဟုသုတရဖွယ် အကြောင်းအရာများဖြင့် ရေးသား ဂုဏ်ပြုအပ်ပါတယ်။🤗

22/09/2024

🦏ကမ္ဘာ့ကြံ့များနေ့ (World Rhino Day 2024)🦏

🦏ကြံ့တွေဟာ ကုန်းနေနို့တိုက်သတ္တဝါများတွင် ဒုတိယ ခန္ဓာကိုယ်အရွယ်အစား အကြီးဆုံး ဖြစ်ပြီး ပျှမ်းမျှကိုယ်အလေးချိန် ၁၀၀၀ ကီလိုဂရမ် (၂၂၀၀ပေါင်) ကနေ ၃၅၀၀ ကီလိုဂရမ် (၇၇၀၀ ပေါင်)အထိ အရွယ်အစားကြီးမားကြပါတယ်။
ကမ္ဘာပေါ်တွင် ကြံ့မျိုးစိတ် (၅) မျိုး🖐️ ရှင်သန်ပေါက်ပွား ပြီးအာရှတိုက်တွင် အိန္ဒိယကြံ့၊ ဆူမတြားကြံ့နဲ့ ဂျာဗားကြံ့ (၃)မျိုးရှိ၍ အာဖရိကတိုက်တွင် ကြံ့မဲနှင့် ကြံ့ဖြူဟူ၍(၂) မျိုး✌️တွေ့ရပါတယ်။
အိန္ဒိယကြံ့တွေဟာဆိုရင် အာရှတိုက်တွင်တွေ့ရသော ကြံ့မျိုးစိတ်(၃)မျိုးအနက် အရွယ်အစား အကြီးဆုံးဖြစ်ပြီး အာဖရိကတိုက်မှာတွေရတဲ့ ကြံ့ဖြူတွေဟာ ကြံ့မျိုးစိတ်(၅)မျိုးအနက် အရွယ်အစားအကြီးဆုံးဖြစ်ပါတယ်။(oh)(eyes)
ကြံ့ (The Rhinoceros)🦏 ဆိုတဲ့စကားဟာ ဂရိဘာသာ စကားမှ ဆင်းသက်လာခြင်း ဖြစ်ပြီး နှာခေါင်းတွင် ချို(ဂျို)ပါခြင်းဟူသော အဓိပ္ပါယ်ဖြစ်ပါတယ်။
ကြံ့တွေဟာ ခန္ဓာကိုယ်အရွယ်အစား ကြီးမားကြပေမဲ့ တာတိုအကွာအဝေးကို လျှင်မြန်စွာ ပြေး နိုင်ပြီး တစ်နာရီကို (၅၀)မိုင်⚡နှုန်းနဲ့ ပြေးနိုင်ပါတယ်။ ဒါ့ကြောင့် ကြံ့တွေဟာ ကမ္ဘာကျော်အပြေးသမား အူစိန်ဘို့ ၏ စံချိန်တင်အပြေး နှုန်းမှာ ၄၄.၇၂ ကီလိုမီတာ⌛နှုန်းထက်သာအောင်ပြေးနိုင်တဲ့သတ္တဝါမျိုးစိတ်မျိုးဖြစ်ပါတယ်။
ကြံ့တွေရဲ့ အရေပြားဟာသံချပ်ကာ အင်္ကျီလိုမာကျောပြီး ၅စင်တီမီတာ📏 အထိ ထူပေမဲ့သူတို့တွေဟာ အမြင်အာရုံအားနည်းသည့်အတွက် ချုံပုတ်များ 🪴နှင့် ကျောက်တုံး🪨တွေကို အခြား တိရစ္ဆာန်များနှင့်အမှတ်မှားပြီး တိုက်ခိုက်တတ်လေ့ရှိပါတယ်။
တစ်ကောင်နှင့်တစ်ကောင် ဆက်သွယ်ရာတွင် အသံ🔊အမျိုးမျိုးပြုလုပ်၍ ဆက်သွယ်လေ့ရှိပြီး တစ်ချို့ကြံ့များသည် ဒေါသထွက်သည့်အချိန်တွင် နှာမှုတ်ပြီး တစ်ချို့ကြံ့များသည် ကြောက်ရွံ့သည့်အချိန်တွင် အော်ဟစ်လေ့ရှိကြပါတယ်။ကြံ့တစ်ကောင်နှင့်တစ်ကောင် ထိပ်တိုက် ရင်ဆိုင်တိုက်ခိုက်တဲ့အချိန်မှာဆိုရင် အန္တရာယ်ပြုရန် အချက်ပြ သည့် အနေနဲ့ နှာချေ၍ တိုက်ခိုက်ရန် အဆင်သင့်ပြင်ဆင်လေ့ရှိပါတယ်။
ကြံ့တွေဟာ နေ့ဘက်မှာ နေ‌ရောင်☀️တိုက်ရိုက်မထိတွေ့ပဲ အရိပ်ရှိတဲ့ နေရာများ တွင်သာ စွမ်းအင်ချွေတာသည့်အနေဖြင့် အိပ်စက်လဲလျောင်းခြင်း💤 (သို့မဟုတ်) ငြိမ်သက်စွာ နေလေ့ရှိပါတယ်။
ကြံ့များသည် ခန္ဓာကိုယ်ကိုအေးမြစေရန် နေရောင်ခြည်ဒဏ်ခံနိုင်ခြင်းနှင့် အင်းဆက်ပိုးမွှားများရန်မှ ကာကွယ်နိုင်ဖို့အတွက် ရွှံလူး၍နေထိုင်ရခြင်းကို ကြိုက်နှစ်သက်ကြပါ တယ်။🫢
ကြံ့ထီးတွေဟာတစ်ကောင်တည်း ငြိမ်းငြိမ်းချမ်းချမ်းချမ်း နေ ထိုင်ရတာကို ကြိုက်ပြီး ကြံ့အမတွေဟာဆိုရင် ခလေးများနှင့်အတူ အုပ်စုဖွဲ့နေ ထိုင်လေ့ရှိပါတယ်။
ကြံ့ထီးများသည် ကိုယ်ပိုင်နယ်မြေသတ်မှတ်၍ တစ်ကောင်တည်းနေထိုင်လေ့ရှိပြီး မိတ်လိုက်ချိန်ရောက်မှသာ အမများနဲ့အတူနေထိုင်တာကိုတွေ့ရပါတယ်။
ကြံ့များသည် ၁၆လခန့်ကိုယ်ဝန်ဆောင်ပြီး မွေးကာစကြံ့ပေါက်ကလေးများ၏ ပေါင်ချိန်ဟာဆိုရင် (၄၀ -၆၄)ကီလိုဂရမ်၊ (၈၈-၁၄၀ပေါင်)😱 အလေးချိန်အထိရှိပါတယ်။
ကြံ့များသည်လူသားနှင့်အခြားတိရစ္ဆာန်များကိုခြိမ်းခြောက်အန္တရာယ်ပြုတတ်သောအကောင်များမဟုတ်သော်လည်း၎င်းတို့ကိုယ်ပေါ်ရှိအစိတ်အပိုင်းများကိုမတရားညှင်းပမ်းရယူလိုသောကြောင့် အလွန်အကျွံ့အမဲလိုက်ခြင်းကို ခံနေရပါတယ်။🥺

21/09/2024

🦝အပြည်ပြည်ဆိုင်ရာ ပန်ဒါနီထိန်းသိမ်းရေးနေ့ (International Red Panda Day)🦝

ပန်ဒါနီများသည် DNA စစ်ဆေးချက် အရ မျိုးစိတ် (၂) ✌️မျိုးရှိကြောင်း သိရှိရပါတယ်။
အမဲလိုက်ခံရခြင်းနှင့်နေရင်းဒေသများ ဆုံးရှုံးလာခြင်းများကြောင့် မျိုးသုဉ်းမှု အန္တရာယ် နှင့် ကြုံတွေ့နေရပြီဖြစ်ပါတယ်။⚠️
ဒါကြောင့်ထိန်းသိမ်းရေးလုပ်ငန်းများ ပိုမိုဆောင်ရွက်ရန် အရေးကြီးပါကြောင်း သိပ္ပံပညာရှင်များ အသိပေးထားပါတယ်။
ထို့နောက်တရုတ်၊ အိန္ဒိယ၊ နီပေါ၊ ဘူတန်နှင့် မြန်မာနိုင်ငံ မြောက်ပိုင်းရှိ တောင်တန်း ဒေသများတွင်ကောင်ရေ တစ်သောင်းကျော် နေထိုင်ကျက်စားသော်လည်း နေ့စဉ်ကောင်ရေ များစွာလျော့နည်းလျှက်ရှိပြီး ရေနှင့်နီးသော နေရာများနှင့် ဝါးတောများထူထပ်သော နေရာများ တွင်နေထိုင်လေ့ရှိကြပါတယ်။တရုတ်နိုင်ငံရှိ ပန်ဒါနီများသည် အနီရောင်အမွှေးများပြီး အမြီးတွင် အနီရောင် အစင်းကွင်း များပါရှိ၍ဟိမဝန္တာပန်ဒါနီများ၏ မျက်နှာမှာပို၍ဖြူပါတယ်။
ပန်ဒါနီများသည် နေ့ဘက်ထက် မနက်စောစောနှင့် ညနေစောင်းအချိန်များတွင် လှုပ်ရှားသွားလာအစာရှာလေ့ရှိပြီး ရာသီဥတုအပြောင်းအလဲပေါ်မူတည်၍ နေ့အချိန်များတွင် သစ်ပင်🌳များ‌ပေါ် တွင်မှေးစက်အနားယူလေ့ရှိကြပါတယ်။ပန်ဒါနီများသည် ရောဂါ၊ သဘာဝ ဘေးအန္တရာယ်များနှင့် ရာသီဥတုပြောင်းလဲမှုဒဏ်ကို ခံနိုင်ရည်ရှိကြပြီး အပူချိန်မြင့်လာသည်နှင့်အမျှ ရာသီဥတုအေးပြီး ပို၍ မြင့်မားသော အရပ်သို့ ပြောင်းရွေ့နေထိုင်၍ ဘေးအန္တရာယ်နှင့် တွေ့ကြုံနေရချိန်တွင် ပန်ဒါနီများသည် ဟောင်သံ (သို့မဟုတ်) ၎င်းတို့ အမြီးအရင်းရှိ ဂလင်းမှ အနံ့စူးရှသောအရည်များကို စစ်ထုတ်ပေးပါတယ်။ ထိုအနံ့သည် အထီးများ၏ ပိုင်နယ်နယ်မြေသတ်မှတ်ရာတွင်လည်း အသုံးပြုတတ်ကြပြီးတစ်ကောင်နှင့် တစ်ကောင်ဆက်သွယ်ရာတွင် အမြီးလှုပ်ရမ်းပြီး ခေါင်းတဆတ်ဆတ် ညိတ်၍ အော်ဟစ်ဆက်သွယ်လေ့ရှိကြပါတယ်။ပန်ဒါနီများသည် အဖြူအမည်းပန်ဒါများနှင့်မတူပဲ ဝက်ဝံလည်းမဟုတ်ပါဘူး။ပန်ဒါနီများကိုတရုတ်လို Hun – ho လို့လည်းခေါ်ြက ပါတယ်။
🌡️အပူချိန်ကျဆင်းလာသောအချိန်တွင် ပန်ဒါနီများသည် ခန္ဓာကိုယ်၏ အပူချိန်ကို ထိန်း သိမ်းနိုင်ရန်အတွက် ဇီဝဖြစ်ပျက်နှုန်းကို နှေးကွေးစေရန် အိပ်စက်အနားယူ နေထိုင်လေ့ရှိပါ တယ်။ထို့ကြောင့်အရေးပါသည့် သက်ရှိရုပ်ကြွင်းများဖြစ်သည့် ပန်ဒါနီများ၏ မျိုးသုဉ်း ပျောက်ကွယ်မသွားစေ‌ရေး ထိန်းသိမ်းကာကွယ်စောင့်ရှောက်သွားရန်နှင့် ယင်းတို့၏ နေရင်း ဒေသများကို ထိန်းသိမ်းကာကွယ်စောင့်ရှောက်ရန် အထူးလိုအပ်လျှက်ရှိ ပါကြောင်း ပန်ဒါနီ များနေ့တွင် အသိပေးနှိုးဆော်လိုက်ရပါသည်။📢

14/09/2024

အားလုံးပဲမင်္ဂလာပါ.....🥰
သားသားမီးမီးလေးအတွက်ဒီနေ့ပြောပြပေးသွားမှာကတော့ရှားပါးမျိုးစိတ်ဖြစ်တဲ့အရမ်းကိုလှပြီးချစ်စရာ ကောင်းတဲ့ ကြိုးကြာနီ (Greater Flamingo) ငှက်လေးတွေအကြောင်းပဲဖြစ်ပါတယ်ရှင့်။

🦩ကြိုးကြာနီ (Greater Flamingo)🦩

Greater Flamingo ဟာဆိုရင်ဖြင့်နေပြည်တော်တိရိစ္ဆာန်ဥယျာဥ်ရှိဖလန်မင်ဂို အုပ်စုများတွင် အရွယ်အစားအကြီးဆုံး ဖြစ်ပါတယ်။
Greater Flamingo များကို ကမ်းရိုးတန်ရေတိမ်ပိုင်များတွင် အများဆုံး တွေ့ရလေ့ရှိ ပြီးအာဖရိက ဆာဟာရသဲကန္တရနှင့် မြောက်ပိုင်း၊ အိန္ဒိယ၊ အာရှ အရှေ့အလယ်ပိုင်းနှင့် ဥရောပတောင်ပိုင်းကမ်းရိုးတန်းဒေသများမှာလည်းတွေ့ရပါတယ်။ထို့နောက်၎င်းတို့ကို နိုင်းမြစ် ၊ ပါရှန် ပင်လယ် ကွေ့၊ အေဒင်ပင်လယ်ကွေ့၊မြေထဲပင်လယ်နှင့်ပင်လယ်နီ ကမ်းရိုးတန်း ဒေသများတွင်တွေ့ရပါတယ်။Greater Flamingo များသည် အုပ်စုလိုက်နေထိုင်လေ့ရှိကြပြီးတော့၎င်းတို့၏အသံသည်ငန်းတစ်ကောင်၏ အသံနှင့် ဆင်တူပြီး အဝေး မှပင် ကျယ်လောင်စွာ ကြားနိုင်၍ ဖလန်မင်ဂိုများသည်ခဲဖြူရောင်ဥတစ်လုံးတည်းသာ ရွှံ့မြေပြင်ပေါ် တွင် ဥချလေ့ရှိပါတယ်။
ကြိုးကြာနီအဓိကအစားအစာမှာ ပုဇွန်ငယ်များ၊ အစေ့များ၊ပင်လယ်ရေမှော်များ၊ ခရုကမာများနှင့် သေးငယ်သော အော်ဂနစ်စမ်များကို စားသုံးပါတယ်။IUCN red list တွင်မျိုးသုဉ်းမှု အန္တရာယ်နည်းပါးသေးသည့်မျိုးစိတ်အဖြစ်သတ်မှတ်ခံထားရပြီးယခုအခါ၎င်းတို့နေထိုင်ရာဒေသများတွင်ရေမသန့်ရှင်းမူရေထုညစ်ညမ်းမှုများကြောင့်မျိုးသုဉ်းရန်အန္တရာယ်နှင့်ရင်ဆိုင်ကြုံတွေ့နေရပြီဖြစ်ပါတယ်။

Naypyitaw Zoological Garden

25/12/2024

24/12/2024

21/12/2024

04/12/2024

25/11/2024

15/11/2024

08/11/2024

24/10/2024

17/10/2024

08/10/2024

04/10/2024

26/09/2024

22/09/2024

21/09/2024

14/09/2024

Address

Telephone

Website

Alerts

Contact The Business

Shortcuts

Share

Category