Purebred Rice Distributor
26/01/2025
#ပေါင်းသတ်ဆေး ဘယ်အချိန်သုံးသင့်သလဲ ဖတ်ရန်...
🌾🌾🌾🌾🌾🌾🌾🌾🌾🌾🌾
2025 စပါးရာသီအတွက် ပေါင်းအုပ်ဆေး မသုံးပဲ ပေါင်းပင်ပေါက်လာမှ post emergence ပေါင်းသတ်ဆေးကို အသုံးပြုမယ်ဆိုရင် ရွေးချယ်သင့်တဲ့ ဆေးအချို့မှာ
အခြောက်ကြဲခင်းအတွက်
- Bispyribac sodium (တနှစ်ခံမြက်အုပ်စုနှင့် မြက်မုန်ညင်းအချို့)- ပေါင်းရွက် ၂-၃ ရွက်ထွက်ချိန်
- Fenoxaprop-P-Ethyl (မြက်အုပ်စု)- စိုက်ပြီး ၁၅-၂၀ ရက် (သို့မဟုတ်) ပေါင်းရွက် ၃-၅ ရွက်ထွက်ချိန်
- Cyhalofop-butyl (မြက်အုပ်စု) -စိုက်ပြီး ၁၂-၁၅ ရက် (သို့မဟုတ်) ပေါင်း ၂-၄ ရွက်ထွက်ချိန်
- Ethoxysulfuron (ရွက်ပြန့်ပေါင်းနှင့်မြက်မုန်ညင်းအချို့)- စိုက်ပြီး ၁၅ ရက် (သို့မဟုတ်) ပေါင်း ၂-၄ ရွက်ထွက်ချိန်
- Fenoxaprop-P-ethyl + Ethoxysulfuron (မြက်၊မြက်မုန်ညင်း+ရွက်ပြန့်ပေါင်း)- စိုက်ပြီး ၂၀ ရက် (သို့မဟုတ်) ပေါင်း ၃-၅ ရွက်ထွက်ချိန်
မှတ်ချက်- ဆေးအမျိုးအစားအလိုက် အာနိသင်ရရှိနိုင်မှုသည် ရေ/အစိုဓာတ် လိုအပ်ချက် ကွာခြားမှုရှိသည်ကို သတိပြုပါ။
အစိုကြဲခင်းအတွက်
-
- Bispyribac sodium (တနှစ်ခံမြက်အုပ်စုနှင့် မြက်မုန်ညင်းအချို့)- ပေါင်းရွက် ၂-၃ ရွက်ထွက်ချိန်
- Bensulfuron methyl + Pretilachlor (မြက်၊မြက်မုန်ညင်း+ရွက်ပြန့်ပေါင်း)- စိုက်ပြီး ၇-၁၀ ရက်
- Metsulfuron methyl +Chlorimuron ((ရွက်ပြန့်ပေါင်းနှင့်မြက်မုန်ညင်းအချို့)- စိုက်ပြီး ၁၅ -၁၈ ရက် (သို့မဟုတ်) ပေါင်း ၃-၄ ရွက်ထွက်ချိန်
မှတ်ချက်- ဆေးအမျိုးအစားအလိုက် အာနိသင်ရရှိနိုင်မှုသည် ရေ/အစိုဓာတ် လိုအပ်ချက် ကွာခြားမှုရှိသည်ကို သတိပြုပါ။
ပျိုးထောင် ရွေ့ပြောင်းစိုက်ခင်းအတွက်
- Pyrazosulfuron ethyl (ပျိုးခင်း)- စိုက်ပြီး ၁-၃ ရက်
- Bensulfuron methyl + Pretilachlor (မြက်၊မြက်မုန်ညင်း+ရွက်ပြန့်ပေါင်း)- ပြောင်းရွှေ့စိုက်ပြီး ၇-၁၀ ရက်
- Penoxulum (ရွက်ပြန့်ပေါင်းနှင့် ရေကြိုက်ပေါင်း)- ရွေ့ပြောင်းစိုက်ပြီး ၁၅ ရက် (သို့မဟုတ်) ပေါင်း ၃-၅ ရွက်ထွက်ချိန်
- Penoxulum + Cyhalofop-P-butyl (မြက်၊မြက်မုန်ညင်းအချို့+ ရွက်ပြန့်ပေါင်း)- ပြောင်းရွေ့စိုက်ပြီး ၁၅-၂၀ ရက် (သို့မဟုတ်) ပေါင်း ၃-၅ ရွက်ထွက်ချိန်
မှတ်ချက်- ဆေးအမျိုးအစားအလိုက် အာနိသင်ရရှိနိုင်မှုသည် ရေ/အစိုဓာတ် လိုအပ်ချက် ကွာခြားမှုရှိသည်ကို သတိပြုပါ။
- ပေါင်းပင်ငယ်စဉ် နှိမ်နင်းပါ။
- ပေါင်းပင်သက်တမ်းရင့်မှ၊ ပန်းခိုင်ထွက်ချိန်မှ ပေါင်းသတ်ဆေးဖျန်းခြင်းသည် ထိရောက်မှုရရန် အခြေအနေနည်းသည်။
- ပေါင်း ပန်းခိုင်ထွက်ပြီးမကြာမီ မျိုးစေ့များ မြေပေါ်သို့ကျနိုင်ပြီး နောက်တကြိမ် သားဆက်ပွါးကာ အသစ်ထပ်ပေါက်နိုင်ကြောင်း သဘောပေါက်နားလည်ထားရန်လိုအပ်သည်။
- ပေါင်းသတ်ဆေး ချင်တွယ်ဖျော်စပ်ရာတွင် နှုန်းထားတိကျမှုသည် သီးနှံပင်ဆေးမလောင်စေခြင်း၊ ပေါင်းပင်အပေါ် ထိရောက်ခြင်းအတွက် အထူးအရေးကြီးသည်။ လျော့ခြင်း၊ ပိုလျှံချင်တွယ်ခြင်း မဖြစ်စေရပါ။
- စိုက်ခင်းမြေပေါ်တွင် ပေါင်း အထူအပါးအရ နှုန်းထား အတိုး၊ အလျော့ ချိန်ဆပါ။ ပေါင်းပင်အနည်းငယ်သာရှိချိန်တွင် အမြင့်ဆုံးနှုန်းထားနှင့် ဆေးရည်လိုအပ်ချက်များစွာဖျန်းရန် မလိုအပ်ပါ။
- မိမိစိတ်ကူးဖြင့်မိမိသဘော ဆုံးဖြတ်ချက်အရ ပေါင်းသတ်ဆေးနှင့်မြေဩဇာ ရောနှောပက်ဖျန်းခြင်း မပြုလုပ်ရပါ။ သီးနှံပင်ထိခိုက်ခြင်း၊ မြေပျက်ခြင်း၊ အပင်ရောဂါကျရောက်မှုပြင်းထန်ခြင်းတို့ကို ဖြစ်စေသည့် အကြောင်းများတွင် ဤအချက်သည် အဓိကကျသည်ကို သတိပြုပါ။
Dr. DaDa
Ph.D Entomology
