Htoo Arowana Farm

29/06/2024

🥰🥰🥰

22/06/2024

18/06/2024

ဒီနှစ်တော့ ၁ကောင်စပါပြီ 🥰🥰🥰🥰

29/04/2024

Arowana နဲ့ တူတူမထားသင့်တဲ့ အလှမွေးငါးတွေက ဘာငါးတွေဖြစ်မလဲ။ 🤗🤗

မင်္ဂလာပါ ညီကိုတို့ဗျ။ ကျနော်တို့ Aroမွေးတဲ့အခါမှာ သူနဲ့အတူရှိမယ့် Tank Mate ကိုရွေးချယ်တာကလည်း အရေးကြီးပါတယ်ဗျ။ဒါ့ကြောင့် ဒီနေ့မှာတော့ Aroတွေနဲ့ တူတူမထားသင့်တဲ့ အလှမွေးငါးတွေကို ဖော်ပြပေးပါ့မယ်ဗျ။

✨🌊Arowanaတွေက အမဲလိုက်ငါးဖြစ်တဲ့အတွက် ပင်ကိုယ်သဘာ၀ကိုက ကြမ်းတမ်းတဲ့သဘောရှိပါတယ်။ ဒါကြောင့် Tank Mates ရွေးချယ်တဲ့အခါ Aroတွေစားပစ်နိုင်တဲ့ ငါးလည်းမဖြစ်ရသလို Aroတွေကို ပြန်ကိုက်နိုင်ပြီး aggressiveဖြစ်တဲ့ကောင်တွေလည်းမဖြစ်ရပါဘူးဗျ။

✨🌊အကောင်သေးမျိူးစိတ်ဖြစ်တဲ့ Neon Tetra၊ Guppies တွေနဲ့ Cichlidတွေက Aroတွေနဲ့ တူတူထားဖို့မသင့်ပါဘူးဗျ။ Aroတွေကအမဲလိုက်ငါးတွေဖြစ်တာမို့လို့ ဒီသေးငယ်ပြီးအရောင်စုံဖြစ်တဲ့ငါးတွေကို အစာအနေနဲ့ စားလိုက်နိုင်ပါတယ်ဗျ။

✨🌊Oscarsတွေလို ရန်လိုတတ်တဲ့ငါးမျိုးစိတ်တွေနဲ့လည်း တူတူထားလို့မရပါဘူး။ Aro တွေနဲ့ နယ်မြေလုတာ ၊အ စာလုတာစတာတွေကနေ အချင်းချင်းကိုက်နိုင်တာကြောင့် နှစ်ကောင်လုံးကို ဒဏ်ရာဖြစ်နိုင်ပါတယ်။

✨🌊ရှည်လျားတဲ့အမြီးနဲ့ဆူးတောင်တွေပါတဲ့ ငါးတွေဆိုလည်း Aroတွေအတွက်အဆင်မပြေပါဘူးဗျ။
Bettas ဒါမှမဟုတ် Angelfish စတဲ့ငါးတွေက အမြီးနဲ့ဆူးတောင်တွေ ရှည်တဲ့ငါးမျိုးစိတ်တွေပဲဖြစ်ပါတယ်။ Arowana တွေ ဆူးတောင်နဲ့အမြီးတွေကို အဓိကထားပြီးကိုက်နိုင်တာကြောင့် အမြီး၊အတောင်ပျက်စီးတာကနေ သေတဲ့အထိကိုဖြစ်နိုင်တာကြောင့် တူတူထားလို့မသင့်ပါဘူးဗျ။🤗🤗
--------------------------------
Htoo Arowana Farm
Phone Number - 09777500186, 09962833036, 420030086

04/04/2024

ကိုယ်မွေးထားတဲ့ငါးက ပုံစံမမှန်ဘဲ ရေကူးနေရင် ဒီအချက်လေးတွေ ဖြစ်နိုင်ပါတယ်။🤗🤗

မင်္ဂလာပါ ညီကိုတို့ခင်ဗျ။ ဒီနေ့လေးမှာတော့ ကျနော်က ကိုယ်မွေးထားတဲ့ငါးကပုံစံမမှန်ဘဲ ရေကူးနေတာက ဘာကြောင့်ဆိုတာလေးကိုမျှဝေပေးချင်ပါတယ်ဗျ။ 🤗🤗

🌊🌟ပထမဆုံးပုံမှန်မမှန်ပဲရေကူးတာက ဘယ်လိုမျိုးလဲဆိုတာကိုအရင်ရှင်းပြပေးချင်ပါတယ်။ ထင်ရှားတဲ့မူမမှန်တဲ့ပုံစံတွေကတော့ အနောက်ကိုပြန်ကူးတာရယ်၊ ဇောက်ထိုးပုံစံကူးတာနဲ့ စက်ဝိုင်းကိုပတ်သလိုမျိုး ကူးနေတာပဲဖြစ်ပါတယ်ဗျ။ ဘာကြောင့် ဒီလိုပုံစံမမှန်ဘဲ ရေကူးနေတာလည်းဆိုတော့ ….

✅ကန်ရဲ့ရေအရည်အသွေးမကောင်းနေလို့ပါဗျ။ ကန်ရဲ့pH Level ရှိသင့်တဲ့Levelမဟုတ်ရင်လည်းဖြစ်နိုင်ပါတယ်ဗျ။ ဒါကြောင့် ကန်အရေအသွေးကို ပုံမှန်တိုင်းတာနေပြီး နှစ်ပတ်တစ်ခါလောက်ရေလဲလှယ်ပေးတာ၊ အစာကျွေးပြီးတိုင်း ကန်ကိုပြန်သန့်ရှင်းပေးတာမျိုးလုပ်သင့်ပါတယ်ဗျ။

✅အပူချိန်အတက်အကျနဲ့လည်းဆိုင်ပါတယ်ဗျ။ ရေအပူအချိန်ရုတ်တရက်ပြောင်းလဲသွားတာမျိုးက ငါးတွေကိုပိုစိတ်ဖိစီးစေတဲ့အတွက် ကျန်းမာရေးပြသနာတွေဖြစ်နိုင်ပါတယ်ဗျ။ ကန်ရေရဲ့အပူချိန်ကို ချက်ချင်းပူ ချက်ချင်းအေးမဖြစ်အောင် သေချာဂရုစိုက်ပေးဖို့နဲ့ ရေလဲတဲ့အခါ အပူချိန်မတူတဲ့ ရေနှစ်ခုလဲမိမှာကို သတိထားရပါမယ်ဗျ။

✅ကန်ကကျဥ်းနေပြီး Tank Mateများနေရင်လည်း အဆင်မပြေပါဘူးဗျ။ နေရာကျဥ်းတဲ့အတွက် စိတ်ဖိစီးမှုပိုဖြစ်နိုင်ပြီး ထိခိုက်ဒဏ်ရာရနိုင်ခြေနဲ့ ရောဂါကူးစက်နိုင်ချေပိုများပါတယ်ဗျ။ ဒါကြောင့် ကန်အကျယ်အဝန်းကိုလည်း ဂရုစိုက်ဖို့လိုပါမယ်ဗျ။

✅တစ်ခါတစ်လေကိုယ်ကကပ်ပါးကောင်တွေမရှိအောင် ကန်ကိုဆေးခတ်တဲ့အခါမှာ လက်လွန်သွားရင်လည်း ကန်ရေကိုအဆိပ်အတောက်ဖြစ်စေနိုင်ပြီး ငါးကိုအန္တရာယ်ရှိစေပါတယ်ဗျ။ ဒါကြောင့် တိရစ္ဆာန်ဆရာဝန် (သို့) ကိုယ်ဝယ်လာတဲ့ Farmကနေပြောတဲ့အညွှန်းအတိုင်းလုပ်ဆောင်ဖို့ လိုပါမယ်ဗျ။

🌟🌟နောက်ဆုံးကတော့ ထုံးစံအတိုင်းကိုယ့်ငါးရဲ့ အရိပ်အခြည်ကို အမြဲမပြတ်စောင့်ကြည့်ဖို့ပါပဲဗျ။ ဒါမှသာတစ်ခုခုမူမမှန်တာမျိုးဆိုရင် ချက်ချင်းသိနိုင်မှာဖြစ်ပြီး လိုအပ်တာကိုချက်ခြင်းလုပ်နိုင်မှာပါဗျ။
--------------------------------
Htoo Arowana Farm
Phone Number - 09777500186, 09962833036, 420030086

29/03/2024

မျိုးလေတွေ မြေကန်ထဲထပ်ထည့် အမှတ်တရ🥰🥰🥰

မှတ်ချက် အိမ်ပေါက်လေတွေပါ

10/03/2024

ငါးပေါက် ရာသီလေလဲတဖြေးဖြေးနဲ့နီးလာပါပြီး☺️☺️☺️

08/03/2024

Arowana Diseases : Columnaris ဆိုတဲ့ အတောင်နဲ့အမြှီးပုပ်ဆွေးရောဂါ …🤗🤗

မင်္ဂလာပါ ညီကိုတို့ခင်ဗျ။ ဒီနေ့လေးမှာတော့ ရေချိုငါးတွေဖြစ်တဲ့ Arowanaတွေမှာဖြစ်လေ့ရှိတဲ့ Columnaris Diseases လေးကိုမျှဝေပေးချင်ပါတယ်ဗျ။ Columnarisရောဂါက ဘတ်တီးရီးယားပိုးကူးစက်ရာကနေဖြစ်တတ်လေ့ရှိပြီး ရောဂါကလည်းပြင်းထန်နိုင်တာကြောင့် ချက်ခြင်းကုသဖို့လိုပါမယ်ဗျ။🤗🤗

🌊🌟Columnarisရောဂါကူးစက်ခံထားရပြီဆိုရင် ရောဂါလက္ခဏာအနေနဲ့ Arowanaတွေရဲ့အရေပြားပေါ်မှာ ဝါဂွမ်း (သို့) မှိုလိုမျိုးအဖြူရောင်အကွက်လေးတွေ၊မီးခိုရောင်အကွက်လေးတွေထိပေါ်လာပါတယ်ဗျ။ ထိခိုက်ထားတဲ့အရေပြားတစ်ဝိုက်မှာဆိုရင် ပုံမှန်အရေပြားလိုမဟုတ်ဘဲ ချွဲကျိကျိဖြစ်လာပါတယ်။ ရောဂါကူးစက်ခံထားရတဲ့ ငါးတွေက တက်တက်ကြွကြွမရှိတော့ဘဲ ထိုင်းမှိုင်းနေတာမျိုး၊ အစားမစားတာမျိုးနဲ့ အသက်ရှုလမ်းကြောင်းဆိုင်ရာ ပြဿနာတွေဖြစ်လာပါတယ်ဗျ။

🌊🌟Columnarisရောဂါက တစ်ကောင်စဖြစ်ပြီဆိုတာနဲ့ မြန်မြန်သိဖို့လိုအပ်ပါတယ်။ မဟုတ်ရင် တခြားကောင်တွေကိုပါ မြန်မြန်ကူးနိုင်တာမို့လို့ပါဗျ။ ဘယ်လိုကြောင့်ဖြစ်နိုင်လဲဆိုရင်တော့ ရေအရည်အသွေးမကောင်းတာမျိုး၊ ကန်ကသေးပြီး အကောင်အရေအတွက်များတာမျိုးနဲ့ အစာအာဟာရလုံလုံလောက်လောက်မရတာမျိုးဆိုရင် ငါးရဲ့ကိုယ်ခံအားစနစ် ကျဆင်းလာပြီး ရောဂါဖြစ်နိုင်ချေပိုများပါတယ်ဗျ။

🌊🌟ကုသမှုအနေနဲ့ကတော့ တခြားအကောင်တွေကိုပါထပ်မကူးအောင်လို့ ရောဂါပိုးရှိတဲ့ငါးကိုသီးသန့်ခွဲထားဖို့လိုပါမယ်ဗျ။ Quarantine Tanksမှာလည်း ရောဂါပြန်ကောင်းလာဖို့အတွက် ရေအရည်အသွေး၊သင့်တော်တဲ့အစာကျွေးတာမျိုး စတာတွေကို သေချာလုပ်ဖို့လိုပါမယ်။ ပုံမှန်ရေလဲလှယ်တာ၊ အစာကြွင်းကျန်တွေကို သေချာစစ်ထုတ်တာနဲ့ လိုအပ်တဲ့ pH Levelတွေရှိမှသာ Arowanaတွေအတွက်စိတ်ဖိစီးမှုမဖြစ်စေဘဲ ရောဂါဖြစ်နိုင်ချေကို လျော့ချပေးနိုင်ပါတယ်ဗျ။

🌊🌟လိုအပ်တဲ့ပဋိဇီဝဆေးများကဲ့သို့သော ပိုးသတ်ဆေးများတွေကိုလည်းသုံးလို့ရပါတယ်ဗျ။ ပိုးသတ်ဆေးသုံးမယ်ဆိုရင်တော့ အရည်အချင်းပြည့်မီသော တိရစ္ဆာန်ဆရာဝန် (သို့) ငါးကျန်းမာရေး ကျွမ်းကျင်သူတွေက ညွှန်ကြားတဲ့အတိုင်းသုံးတာပိုကောင်းပါတယ်ဗျ။

🌟🌟Columnarisရောဂါက မဖြစ်ပွားအောင်ကြိုတင်ကာကွယ်တာပိုကောင်းပါတယ်ဗျ။ အကောင်အသစ်တွေကို ကန်ထဲမထည့်ခင်ကို မဖြစ်မနေသီးသန့်အရင်ခွဲထားသင့်ပြီး သင့်တော်တဲ့ရေအရည်အသွေး၊ အစာအာဟာရလုံလောက်အောင်လည်း မဖြစ်မနေလုပ်ဆောင်ဖို့လိုပါမယ်ဗျ။ 🤗🤗

--------------------------------
Htoo Arowana Farm
Phone Number - 09777500186, 09962833036, 420030086

27/02/2024

Arowana တွေကအစာမစားဘဲ ဘယ်လောက်နေနိုင်လဲ။ ဘယ်လောက်ကြာရင် စိုးရိမ်ရလဲ ???🤗🤗

မင်္ဂလာပါ ညီကိုတို့ခင်ဗျ။ ဒီနေ့လေးမှာတော့ Aroတွေ အစားမစားဘဲနေတဲ့အခါမှာ ဘယ်လောက်ထိနေနိုင်လဲ ဘာတွေစိုးရိမ်ရလဲဆိုတာလေးတွေကို မျှဝေပေးချင်ပါတယ်ဗျ။

🌊🌟တခြားငါးမျိုးစိတ်တွေလိုပဲ Aroတွေကလည်းအစားမစားဘဲ အချိန်အတိုင်းအတာတစ်ခုထိ ရှင်သန်နိုင်ကြပါတယ်ဗျ။ ဒါပေမယ့် အစာမစားတာကြာလာတဲ့အခါမှာ တခြားအမျိုးမျိုးသော ကျန်းမာရေးပြဿနာတွေကနေတဆင့် သေဆုံးတဲ့အထိကိုဖြစ်စေနိုင်ပါတယ်ဗျ။

🌊🌟ပုံမှန်အားဖြင့် Arowanaတွေကအစာမစားဘဲ 2ပတ်ကနေ 3ပတ်ခန့်အထိ အသက်ရှင်နိုင်ကြပါတယ်ဗျ။
ကျနော်တို့အစာအသစ်ကျွေးလို့မစားတာမျိုးဆိုရင် အစာကို တစ်ပတ်လောက်ဖြတ်ကြည့်တာမျိုးလည်း လုပ်လေ့ရှိကြပါတယ်ဗျ။ ဒါပေမယ့် တစ်ပတ်ထက်ပိုပြီး အစာကိုမစားဘူးဆိုရင်တော့ စိုးရိမ်ရပါတယ်ဗျ။ ကန်ထဲမှာတော့ကူးခတ်သွားလာနေပေမယ့် ငါးရဲ့ကိုယ်တွင်းခုံခံအားစနစ်တွေက တဖြည်းဖြည်းအားနည်း လာပြီး ရောဂါဖြစ်ဖို့အတွက်ပိုပြီးလွယ်ကူသွားပါတယ်ဗျ။

🌊🌟အကယ်လို့ကိုယ့်ရဲ့Arowanaကအစာမစားဘူးဖြစ်နေတယ်ဆိုရင်တော့ အစာအမျိုးအစားကို တစ်သတ်မတ်တည်းမဟုတ်ဘဲ ပြောင်းကျွေးကြည့်ပါဗျ။ ငါး၊ပုစွန်၊ပုရစ်၊ဝါးပိုးနဲ့ ကြက်အသဲ၊အစာခြောက် စတာတွေကို အလှည့်ကျပြောင်းပြီးကျွေးကြည့်ပါဗျ။

🌊🌟ကျွေးချင်ဇောနဲ့ အလွန်အကျွံကျွေးတာမျိုးလည်း ဂရုစိုက်ရပါမယ်ဗျ။ ကန်ထဲမှာ အစာတွေမကုန်ဘဲ ကျန်ခဲ့တဲ့အခါ ဘတ်တီးရီးယားပိုးတွေပေါက်ပြီး ရောဂါဖြစ်နိုင်ပါတယ်ဗျ။

🌊🌟ရေအရည်အသွေးနဲ့ ကန်ပတ်ဝန်းကျင်ကောင်းဖို့လည်းလိုပါတယ်ဗျ။ ဘာကြောင့်လဲဆိုရင်တော့ စိတ်ဖိစီးမှုများတဲ့အခါမှာလည်း အစာမစားတာမျိုးလုပ်တတ်ကြပါတယ်။

🌊🌟ဒါကြောင့် ပုံမှန်ရှိသင့်တဲ့ရေအရည်အသွေးအပြင် ကန်ထဲမှာအလှဆင်ထားတာမျိုး၊ ပုန်းအောင်းလို့ရမယ့်ဂူ (သို့) အပင်လေးတွေထည့်ပေးထားတာမျိုးဆို ပိုကောင်းပါတယ်ဗျ။

🌊🌟ငါးရဲ့အခြေအနေကိုအမြဲစောင့်ကြည့်ဖိုလိုပြီး ကိုယ်ပုံမှန်မြင်နေကြ သူ့ရဲ့အမူအကျင့်တွေနဲ့မတူပဲ တစ်ခုမဟုတ်တစ်ခုပြောင်းနေတယ်ဆိုရင်တော့ ကျွမ်းကျင်တဲ့သူ (သို့) တိရစ္ဆာန်ဆရာဝန်နဲ့ တိုင်ပင်ဖို့လိုပါမယ်ဗျ။ 🤗🤗

--------------------------------
Htoo Arowana Farm
Phone Number - 09777500186, 09962833036, 420030086

07/02/2024

Arowanaကို ဘယ်နေရာမှာမထားရဘူးလဲ ???

မင်္ဂလာပါ ညီကိုတို့ခင်ဗျ။ ဒီနေ့လေးမှာတော့ Arowanaကန်ကို ထားတဲ့အခါသတိပြုရမယ့် အချက်လေးတွေကို မျှဝေပေးချင်ပါတယ်ဗျ။ 🤗🤗

🌊🌟Arowanaကန်ကို နေရောင်ခြည်တိုက်ရိုက်ရတဲ့နေရာတွေမှာမထားသင့်ပါဘူးဗျ။ နေရောင်တိုက်ရိုက်ရတဲ့နေရာမှာကန်ကိုထားမယ်ဆိုရင် ရေအပူချိန်အတက်အကျမငြိမ်တာ၊ ကန်အတွင်း ရေညှိဖြစ်တာမျိုးကိုဖြစ်စေပါတယ်။ နှစ်မျိုးလုံးက Arowana ကျန်းမာရေးအတွက် ထိခိုက်စေနိုင်ပါတယ်ဗျ။

🌊🌟အသွားအလာများတဲ့နေရာ၊ ဆူညံ့သံများတဲ့နေရာတွေမှာလည်းမထားသင့်ပါဘူးဗျ။ ကန်နားမှာ အဆက်မပြတ်လှုပ်ရှားနေတာ ဒါမှမဟုတ် ဆူညံသံတွေကြောင့် စိတ်ဖိစီးမှုများလာနိုင်ပါတယ်ဗျ။ ဥပမာ အနှောင့်အယှက်ဖြစ်စေတဲ့ ကားသံ၊ဆူညံသံများတဲ့နေရာမှာ Tank ထားခြင်းကို ရှောင်သင့်ပါတယ်ဗျ။ Arowanaတွေက တိတ်ဆိတ်တဲ့ပတ်ဝန်းကျင်ကိုနှစ်သက်ကြတာမို့လို့ ဆူညံတဲ့ပတ်ဝန်းကျင်က ဖိအားများစေနိုင်ပါတယ်ဗျ။

🌊🌟လေအေးပေးစက် (Air Con)တိုက်ရိုက်ရနိုင်တဲ့နေရာတွေမှာလည်းမထားသင့်ပါဘူးဗျ။ Arowana တွေက အပူချိန်အတက်အကျများကို အာရုံခံစားနိုင်ကြပါတယ်ဗျ။ အပူချိန်ပြောင်းလဲမှုကြောင့် ရေအရည်အသွေးပေါ်သက်ရောက်မှုရှိပြီး ငါးရဲ့ကျန်းမာရေးကိုလည်းထိခိုက်နိုင်ပါတယ်ဗျ။

🌊🌟Arowanaတွေကို Lucky Fish လို့ခေါ်ကြတဲ့အလျောက် ဖုန်းရွေပညာရပ်အရလည်း ကောင်းမွန်တဲ့ဓာတ်တွေရအောင် အရပ်မျက်နှာပေါ်လိုက်ပြီးထားကြတာလည်းရှိပါတယ်ဗျ။ ဥပမာ အိမ်ရဲ့အရှေ့တောင်ဘက်မှာထားမယ်ဆိုရင်တော့ ငွေကြေးကံကောင်းစေပြီး အိမ်ရဲ့အရှေ့ဘက်မှာ
ထားမယ်ဆိုရင်တော့ ကျန်းမာရေးကံ ကောင်းစေတယ်လို့ ယူဆကြပါတယ်ဗျ။

--------------------------------
Htoo Arowana Farm
Phone Number - 09777500186, 09962833036, 420030086

22/01/2024

အစာတစ်မျိုးတည်းဘဲ ကျွေးတာနဲ့ အစာမျိုးစုံကျွေးတာ ဘာကွာလဲ …

မင်္ဂလာပါ ညီကိုတို့ ခင်ဗျ။ Arowana တွေအတွက် အစားတစ်မျိုးတည်းရွေးတာနဲ့ အစာမျိုးစုံကျွေးတာက ငါးရဲ့ ကြီးထွားမှုအပြင် ကျန်းမာရေးအပေါ်လည်း သက်ရောက်မှုရှိပါတယ်ဗျ။ Arowanaတွေက အသားစားငါးဖြစ်တာကြောင့် အစာမျိုးမျိုးကို အမဲလိုက်ပြီး ရှင်သန်နေထိုင်တဲ့ ဗီဇကလည်းရှိပါသေးတယ်ဗျ။ 🤗🤗

ဒီနေ့လေးမှာတော့ Aroတွေကို အစာတစ်မျိုးတည်းကျွေးတာနဲ့ မျိုးစုံကျွေးတာမှာ ဘယ်လိုကွာခြားချက်လေးတွေရှိတယ်ဆိုတာလေးကိုမျှဝေပေးချင်ပါတယ်ဗျ။ 🤗🤗

🌊အာဟာမျှတမှု🌊

အစာတစ်မျိုးတည်းကိုပဲ ရေရှည်ကျွေးမယ်ဆိုရင် Arowanaတွေအတွက် လိုအပ်တဲ့ အာဟာရဓာတ်တွေကို မပေးနိုင်တာကြောင့် အာဟာရချို့တဲ့ခြင်းကို ဖြစ်စေနိုင်ပါတယ်ဗျ။ အစားမျိုးစုံကျွေးမှသာ မရှိမဖြစ်လိုအပ်တဲ့ အာဟာရဓာတ်၊ ဗီတာမင်နဲ့သတ္တုဓာတ်တွေရရှိပြီး အရောင်ထွက်အားကောင်းတာမျိုး၊ ကိုယ်ခံအားစနစ်ကိုပိုကောင်းမွန်စေပါတယ်ဗျ။

🌊အရောင်အသွေး🌊

အေးခဲထားတဲ့အစာ (သို့) အစာခြောက်တစ်မျိုးတည်းးပဲကျွေးမယ်ဆိုရင်တော့ အာဟာရချို့တဲ့နိုင်တာကြောင့် ငါးရဲ့အရောင်အသွေးကို ထိခိုက်စေနိုင်ပါတယ်ဗျ။ အင်းဆက်ပိုးမွှား၊ ကြက်သား၊ပုစွန်၊ ငါးသေးသေးလေး စတာတွေကို မျှတစွာကျွေးမှ အစာထဲမှာပါတဲ့ သဘာဝအရောင်ခြယ်ပစ္စည်းတွေက ငါးရဲ့အရောင်ကို အထောက်အပံ့ပေးနိုင်မှာပါဗျ။

🌊စိတ်ပိုင်းဆိုင်ရာလှုံ့ဆော်မှု🌊

ကျနော်တို့ ဟင်းတစ်မျိုးတည်းကို နေ့တိုင်းစားနေရရင် ငြီးငွေ့လာသလိုပါပဲ … Aroတွေမှာလည်း ဒီအစာတစ်မျိုးတည်းကို နေ့တိုင်းစားနေရမယ်ဆိုရင် တက်ကြွမှုမရှိတော့ဘဲ ပျင်းလာနိုင်ပါတယ်။ ဗီဇအရ အမဲလိုက်ပြီး တက်ကြွတဲ့ငါးမျိုးစိတ်ဖြစ်တာကြောင့် သဘာဝအတိုင်းကျက်စားနေရသလို အစားမျိုးစုံကျွေးမှသာ စိတ်ပိုင်းဆိုင်ရာတက်ကြွပြီး ကျန်းမာရေးကောင်းမှာပါဗျ။

🌊အစာခြေစနစ်🌊

အစာတစ်မျိုးတည်းကျွေးတာက အစာခြေစနစ်ကို ပြဿနာဖြစ်စေပါတယ်ဗျ။ အစာတစ်မျိုးတည်းကျွေးတာက လိုအပ်တဲ့အမျှင်ဓာတ်နဲ့အစိုဓာတ်ကို လုံလောက်စွာမရနိုင်တာကြောင့် အစာခြေဖို့ခက်လာတာ (သို့) ဝမ်းချုပ်တာမျိုးဖြစ်စေပါတယ်။ ဒါကြောင့် လိုအပ်တဲ့ အာဟာရဓာတ်အစုံ ရအောင်လို့ အစာမျိုးစုံကျွေးတာက ပိုကောင်းပါတယ်ဗျ။

--------------------------------
Htoo Arowana Farm
Phone Number - 09777500186, 09962833036, 420030086

07/01/2024

Camera Testing📷

27/12/2023

Arowana သက်တမ်းရှည်ရှည်နေနိုင်အောင် … 🤗🤗

မင်္ဂလာပါ ညီကိုတို့ ခင်ဗျ။ Wild Arowana တွေကတော့ သဘာဝအလျှောက်ကျက်စားနေထိုင်တာဖြစ်လို့ သက်တမ်းပိုကြာပေမယ့် အိမ်မွေး Arowanaတွေကိုလည်း သက်တမ်းရှည်အောင် ထိန်းသိမ်းရမယ့် အချက်လေးတွေရှိပါတယ်ဗျ။ ဒီနေ့လေးမှာတော့ ကျနော်တို့ရဲ့ Aroတွေကို သက်တမ်းရှည်ရှည်နေနိုင်အောင် သိထားသင့်တဲ့ အချက်လေးတွေကိုမျှဝေပေးချင်ပါတယ်ဗျ။ 🤗🤗

🌊Tank🌊
သက်တမ်းကြာဖို့အတွက် အရေးကြီးဆုံးက ကန်ပါပဲဗျ။ Aroတွေက ကြီးလာတာနဲ့အမျှ အရွယ်အစားကလည်းထွားတဲ့ထဲပါတာကြောင့် ကန်ကို သေချာရွေးချယ်ဖို့လိုပါမယ်။ မြစ်ချောင်း၊အင်းအိုင်မှာကျက်စားတဲ့ငါးမျိုးစိတ်ဖြစ်တာကြောင့် ရေကန်ကျယ်ကျယ်ဖြစ်ဖို့လိုပါတယ်ဗျ။

🌊ရေအရည်အသွေး🌊
Arowanaတွေအတွက် အကောင်းဆုံးရေအနေအထားကတော့ pH Level 6.3ဝန်းကျင်နဲ့ gH Level 8.0 နဲ့ 9.0 ကြားကို ထားပေးတာက အကောင်းဆုံးပါပဲခင်ဗျ။ ရေရဲ့pH Levelများနေတဲ့အချိန်ဆို Blackwaterထည့်မယ်ဆိုရင် pH Levelကိုလျော့ပေးနိုင်ပါတယ်။ pH Level အရမ်းလျော့တာမျိုး မဖြစ်ရအောင် ရေပုံမှန်လဲလှယ်ပေးဖို့လည်း မမေ့ပါနဲ့ဗျ။ ဒါ့အပြင် ပူပိုင်းဇုန်မှာကျက်စားတဲ့ငါးတွေ ဖြစ်တဲ့အလျောက် ရေအပူချိန် 75°F မှ 82°F (24°C မှ 28°C) အတွင်းထားပေးဖို့လည်းလိုပါတယ်ဗျ။

🌊အစာ🌊
Aroတွေက အသားစားငါးတွေဖြစ်တာကြောင့် ပရိုတင်းဓာတ်များတဲ့ အစာကိုလိုအပ်ပါတယ်ဗျ။ ဝါးပိုး၊ပုရစ်၊ပိုးဟပ်စတဲ့ အင်းဆက်ကောင်တွေအပြင် ပုစွန်၊ကြက်သားတွေကိုလည်းကျွေးလို့ရပါတယ်။ အားဖြည့်အစာနဲ့ pelletစတာတွေကိုလည်း မျှပြီးကျွေးလို့ရနိုင်ပါတယ်။ ကျွေးမယ့်အသား၊ငါးတွေကို ဘတ်တီးရီးယားပိုးတွေမဖြစ်အောင် သေချာသန့်ထားဖို့တော့လိုပါမယ်နော်။

🌊Tankmates🌊
Aroတွေက Wild Animalတွေဖြစ်တဲ့အလျောက်နယ်မြေလုပြီးရန်လိုတတ်တာကိုသိပြီးဖြစ်မှာပါ။ ဒါကြောင့် သူတို့နဲ့အတူမွေးရမယ့်အကောင်တွေမှာလည်း သတ်မှတ်ချက်ရှိပါတယ်ခင်ဗျ။ tank mates အဖြစ်ရွေးမဲ့အကောင်ဟာ arowana ကစားပစ်နိုင်တဲ့ပမာဏလောက်မသေးရပါဘူး။ Arowanaကိုပြန်တိုက်နိုင်တဲ့၊ အမြီးအတောင်တွေကိုဆိတ်နိုင်တဲ့ အရွယ်အစားလည်းမဖြစ်ရပါဘူးဗျ။

🌊ကန်အလှဆင်ခြင်း🌊
Arowana တွေက ပုန်းအောင်းလို့ရတဲ့နေရာတွေကိုနှစ်သက်ကြပါတယ်။ ဒါကြောင့် ကန်ထဲမှာ အပင်တွေ၊ Cave၊ LED တွေအပြင် ကျောက်ခတ်လေးတွေစတာတွေနဲ့အလှဆင်နိုင်ပါတယ်ဗျ။ Wild Animals ဖြစ်တာကြောင့် သဘာဝဆန်တဲ့ပတ်ဝန်းကျင်ကိုဖန်တီးပေးနိုင်မယ်ဆိုရင် စိတ်ဖိစီးမှုကိုလည်း လျော့ချပေးနိုင်ပါတယ်ဗျ။

အိမ်မွေးငါးဖြစ်ပေမယ့် မျိုးစိတ်အရ Wild Animals ဖြစ်တာကြောင့် အစာ၊ကန်သန့်ရှင်းရေး အကုန်အစအဆုံးကို ဂရုစိုက်ဖို့လိုပါမယ်ဗျ။ ကန်အရလည်း ကြီးတယ်ဆိုအုန်းတော့ သဘာဝလောက်တော့မကျယ်နိုင်တာကြောင့် နေပျော်တဲ့ဝန်းကျင်လေးဖြစ်အောင် ဖန်တီးပေးဖို့လည်းလိုပါမယ်ဗျ။ 🤗🤗

--------------------------------
Htoo Arowana Farm
Phone Number - 09777500186, 09962833036, 420030086

23/11/2023

ရာသီဥတုအအေးဒဏ်နဲ့ Arowana 🤗🤗

မင်္ဂလာပါ ညီကိုတို့ခင်ဗျ။ ဒီနေ့မှာတော့ အေးတဲ့အရပ်ဒေသတွေမှာ Arowanaကိုမွေးမယ်ဆိုရင် သိထားသင့်တဲ့အချက်လေးတွေကို မျှဝေပေးချင်ပါတယ်ဗျ။ Arowanaတွေက တောင်အမေရိကနဲ့ အရှေ့တောင်အာရှတစ်ဝိုက်နဲ့ အမေဇုန်မြစ်စတဲ့ အပူပိုင်းဇုန်တွေမှာ ကျက်စားတဲ့ငါးမျိုးစိတ်ပဲဖြစ်ပါတယ်။ မြစ်ချောင်း၊အင်းအိုင်မှာကျက်စားတဲ့အလျောက် တည်ငြိမ်တဲ့ရေအနေအထားနဲ့အတူ အပူချိန်ကိုလည်း 75°F မှ 86°F (24°C မှ 30°C) အတွင်း နှစ်သက်ကြပါတယ်ဗျ။ 🤗🤗

🌊🌟Arowanaတွေကို အေးတဲ့အရပ်ဒေသတွေမှာ (သို့) ရေအပူချိန်ကို လိုထက်ပိုအေးတဲ့ Tankထဲ မွေးမယ်ဆိုရင် အဆင်မပြေပါဘူးဗျ။ အေးတဲ့ရေက Aroတွေရဲ့ ဇီဝကမ္မဖြစ်စဉ်ကို နှေးစေပြီး ခုခံအားစနစ်ကို အားနည်းစေပါ တယ်ဗျ။ ဒါ့ပြင် အစာခြေစနစ်ကစလို့ တခြားအမျိုးမျိုးသော ကျန်းမာရေးပြဿနာတွေကို လည်း ဖြစ်စေပါတယ်ဗျ။

အေးတဲ့အရပ်ဒေသမှာ Arowana ကို မွေးမယ်ဆိုရင်တော့ တည်ငြိမ်ပြီးနွေးထွေးတဲ့ဝန်းကျင်တစ်ခု ဖန်တီးပေးဖို့လိုပါတယ်။ 🤗🤗

🌊🌟အေးတဲ့အရပ်ဖြစ်တဲ့အလျောက် Heaterကလိုမှာဖြစ်ပါတယ်ဗျ။ Arowanaတွေအတွက် လိုအပ်တဲ့ ရေအပူချိန်ကို ထိန်းသိမ်းနိုင်ဖို့အတွက် Qualityကောင်းတဲ့အပူပေးစက်ကိုသုံးပါဗျ။ ဆင်ထားတဲ့ Tank Size ကလည်းကျယ်တယ်။ ရေ flow ရှိအောင်လည်းထည့်ထားတယ်ဆိုရင်တော့ အဲ့အနီးအနားမှာ Heaterကို ထားမယ်ဆိုရင် တစ်ကန်လုံးရဲ့ ရေအပူချိန်ကို ထိန်းနိုင်ပါတယ်ဗျ။

🌊🌟Heaterထည့်ထားပြီဆိုတာနဲ့ ရေအပူချိန်ကို အမြဲစစ်ဆေးနေဖို့လိုပါတယ်။ ရေအနေအထားက အရမ်းပူလွန်းရင်လည်း အဆင်မပြေတာကြောင့် Aquqrium Thermometerကိုသုံးပြီး ရေအပူချိန်ကို ပုံမှန်စစ်ဆေးပါဗျ။

🌊🌟ရေအပူချိန်လျော့တာမျိုးမဖြစ်ရအောင် ဂရုစိုက်ရပါမယ်ဗျ။ တစ်ချို့ Tank Background တွေက အလှဆင်တဲ့နေရာတင်မကဘဲ လျှပ်ကာလိုမျိုး အပူချိန်ကိုထိန်းသိမ်းပေးနိုင်အောင် ထုတ်လုပ်ထားတာကြောင့် အဲ့လိုလေးတွေသုံးပေးလည်းရပါတယ်ဗျ။

🌊🌟ရေလဲလှယ်တဲ့အခါမှာလည်း ရေအပူချိန်ရုတ်တရက်ပြောင်းတာမျိုးကိုသတိထားရပါမယ်ဗျ။ Arowanaတွေက အပူချိန်အတက်အကျတွေကို ခံစားနိုင်တာကြောင့် ရုတ်တရတ်ပြောင်းတာထက်စာရင် ဖြည်းဖြည်းချင်းလဲလှယ်ပေးတာကပိုကောင်းပါတယ်ဗျ။

🌊🌟အရေးကြီးဆုံးကတော့ အရန်Heaterထားဖို့မမေ့ပါနဲ့ဗျ။ နဂိုတပ်ဆင်ထားတဲ့စက်က တစ်ခုခုကြောင့် ချွတ်ယွင်းတာမျိုးရှိခဲ့ရင် ကြိုတင်ပြင်ဆင်ပြီးသားဖြစ်အောင် ဝယ်ထားသင့်ပါတယ်ဗျ။

🌊🌟Arowanaတွေက ရေအရည်အသွေး၊Tank Size စတာတွေအပြင် ရေအပူချိန်ကလည်း သူတို့ရဲ့ ကျန်းမာရေးပေါ်အများကြီး သက်ရောက်တာကြောင့် နွေးထွေးတဲ့ဝန်းကျင်ဖြစ်အောင် ဖန်တီးပေးနိုင်ဖို့က ပိုအရေးကြီးပါတယ်ဗျ။

--------------------------------

Htoo Arowana Farm

Phone Number - 09777500186, 09962833036, 420030086

11/11/2023

ဘာကောင်လေးလဲ 😁 အမြှီးလေးဖြောင့်ရင် မိုက်ပီ

09/11/2023

ရေတော့ကူးနေပါပြီး😊