Heart to Heart

31/03/2024

🍌ဝုတို့နဲ့ သင့်လျော်တဲ့ ငှက်ပျောသီးကို ဘယ်လိုရွေးရမလဲ

🥰ငှက်ပျောသီးက ဝမ်းသွားတဲ့အခါကျွေးရင် ဝမ်းကျစ်စေပြီး အမျှင်ဓာတ်လည်းများတာကြောင့် ဝမ်းကိုလည်း မှန်စေပါတယ်
ဒါ့အပြင် Potassium, Magnesium, Vitamin B6, Vitamin C စတာတွေ ပါဝင်လို့ ငှက်ပျောသီးက ဝုတို့နဲ့လည်း တည့်ပြီးတော့ အာဟာရဖြစ်တဲ့ ဈေးသက်သာတဲ့ အစာဆိုလည်း မမှားပါဘူးနော်

❗ဒါပေမယ့် ငှက်ပျောသီးကိုကျွေးတဲ့အခါ
အမှည့်ထပ် အစိမ်းက ဝုတို့အတွက်ပိုကောင်းပါတယ်တဲ့

⚠️ ပထမအချက်က ငှက်ပျောသီးအမှည့်က ချိုပါတယ်
လူတွေလောက် သကြားဓာတ်မလိုအပ်တဲ့ ဝုတွေဟာ ငှက်ပျောသီးအမှည့်လို ချိုတဲ့အရာတွေကို ကျွေးတဲ့အခါ ပိုလျှံနေတဲ့ သကြားဓာတ်ကြောင့် ဆီးချိုတက် တတ်ပါတယ်

⚠️ နောက်ပြီး အူလမ်းကြောင်းထဲက ကောင်းမွန်တဲ့ ပိုးကောင် Probiotics လေးတွေရဲ့ အစာဖြစ်တဲ့
Prebiotic Rich ဟာ ငှက်ပျောသီးအစိမ်းဖြစ်နေတဲ့ အချိန်မှာပိုပြီး များပါတယ်

🐾 ငှက်ပျောသီးအစိမ်းဟာ အချိုဓာတ်အနည်းဆုံး၊ အမျှင်ဓာတ်အများဆုံး၊ Prebiotic Rich အဖြစ်ဆုံးနဲ့ Cancer ရောဂါကို 60% ကျော်ကာကွယ်နိုင်ပါတယ်
အစာအိမ်နဲ့ အူလမ်းကြောင်းမှာ Ulcer လို့ခေါ်တဲ့ အနာလေးတွေ မဖြစ်အောင် အူမကြီး ကင်ဆာမဖြစ်အောင်ကာကွယ်ပေးနိုင်ပါတယ်

ဝမ်းလျောနေလို့ ဝမ်းသွားနေလို့ ဆီးချိုကျနေလို့ဆိုရင်တော့ တခါတရံ အမှည့်ကျွေးလို့ ကောင်းပါတယ်
လုံးဝကျွေးလို့မရတာ တခါတလေလေးကျွေးပြီးတာနဲ့ ဆီးချိုဖြစ်တော့မယ်လို့ မဆိုလိုပါဘူးနော် 😅
အမှည့်လွန်ပြီး ချိုလွန်းတဲ့ဟာကိုတော့ မကျွေးပါနဲ့လို့

😍 ပုံမှန် Meal Time မှာ ဗိုက်ပြည့်နေလို့မစားတာ အစာချေးများချင်လို့ မစားတာတွေကို ကာကွယ်နိုင်ဖို့ ငှက်ပျောသီးကို

🐾ခွေးသေးဆိုရင် ငှက်ပျောသီးတလုံးရဲ့ ၄ ပုံတပုံ
🐾ခွေးကြီးဆိုရင် ငှက်ပျောသီး တလုံး
ထပ်ပိုမကျွေးနဲ့နော်

Rotation is the Key ဆိုတဲ့အတိုင်း ငှက်ပျောသီးချည်းမကျွေးဘဲ တခြား အရမ်းမချိုတဲ့ အသီးလေးတွေကိုလည်း လှည့်ပတ်ကျွေးပါ

❗ဒီမှာပေါများတဲ့အသီးတွေထဲ မတည့်တာ စပျစ်သီး၊ စောင်းလျားသီးလောက်ပဲရှိပါတယ် ❗

စာများကူးယူဖော်ပြခြင်း မပြုရ

မေတ္တာဖြင့် BuKuJu

Photo Credit to the rightful owner.

22/03/2024

🧄 ပြောရပါဦးမယ် ကြက်သွန်ဖြူအကြောင်းကိုပေါ့

❗ကြက်သွန်ဖြူဟာ ဝုတွေနဲ့ ဘယ်လိုမတည့်ပါပု ညာလိုမတည့်ပါပုဆိုတာ အရင်ခေတ်ကတော့ တကယ်ကြီး ဖြစ်ခဲ့တာပဲ

ဒါမယ့် အခု ယုံကြည်ရတဲ့ Research တွေရှိနေပြီ ခွေးအကောင်ရေ ၂၀၀၀ ကျော်ကို လက်တွေ့စမ်းသပ်ထားပြီးဖြစ်နေပြီ

✔️ ကြက်သွန်ဖြူက တည့်တယ်

ဘာလို့ တည့်တဲ့ ကိစ္စကို အားကြီးနဲ့ ပြောချရသလဲဆိုရင် သူ့မှာက ကောင်းကျိုးတွေ ရှိနေတာကိုးလို့

ကြက်သွန်ဖြူက
🐾ခန္ဓာကိုယ်ကို နွေးစေပြီး
🐾သွေးလေလည်ပတ်အားကောင်းစေတယ်
🐾Detox လုပ်ပေးနိုင်ပြီးတော့
🐾အစာအိမ် အူလမ်းကြောင်းမှာရှိတဲ့ ကောင်းတဲ့ ပိုးလေးတွေကို Support ကာ မကောင်းတဲ့ပိုးတွေကို ဖယ်ရှားပေးတယ်
🐾အသည်းကိုကူညီလို့ အဆိပ်အတောက်တွေကို ဖယ်ရှားပေးတယ်
🐾သွေးပြစ်တာ သွေးကြောကျဉ်းတာနဲ့ ကိုလက်စတရောမြင့်တက်မှုကို ကာကွယ်ပေးတယ်
🐾Cancer ရောဂါ/ နှလုံးရောဂါ/ သူငယ်ပြန်ရောဂါတွေကို ကာကွယ်နိုင်ပြီး

🐾ကြက်သွန်ဖြူရဲ့ Antibacterial, Antifungal, Anti-parasitic ဖြစ်တဲ့ အကျိုးကျေးဇူးတွေကြောင့် သန်းမွှားကပ်တွယ်မှု/ ဝမ်းသန်ကပ်တွယ်မှုကိုပါ လျော့ချပေးနိုင်တယ်ဆိုပြီး သုံးစွဲသူတွေက ယုံကြည်ကြတယ်

🔺ပေါင် ၂၀ ကို ကြက်သွန်ဖြူ အမွှာ တခြမ်း နှုန်း
🔺ပေါင် ၄၀ ကို ကြက်သွန်ဖြူ အမွှာ တမွှာနှုန်းနဲ့
🔺အများဆုံး တရက်ကို ၃ မွှာ
🔺တပတ်ကို ၂-၃ ကြိမ်လောက်ကျွေးနိုင်ပြီး

သွေးအားနည်းရောဂါရှိရင်တော့ မကျွေးသင့်ပါဘူးတဲ့

⚠️အစိမ်းကိုမှ ကြိတ်ပစ် ခြေပစ် နုတ်နုတ်စင်းပစ်ပြီး ၁၀ မိနစ် ကြာထားပြီး ကျွေးနိုင်မှ ကျွေးပါ

ချက်ထားတာ နှပ်ထားတာတွေ မကျွေးပါနဲ့နော်

ဒီထပ်ပြင်းတဲ့ ကြက်သွန်ဖြူဆေးလုံးတွေ အမှုန့်တွေ အဆီတွေကို ဒီ Dosage ထပ် အဆပေါင်းများစွာ များတဲ့ ပမာဏနဲ့ ခွေးတွေကို စမ်းသပ်ကျွေးခဲ့တာတောင်မှ သွေးအားနည်း ရောဂါမဖြစ်သွားခဲ့ပါဘူးတဲ့

🫠 ကမ္ဘာကျော် အစာခြောက် Brand တွေဖြစ်တဲ့ Purina လို တံဆိပ်က အစာခြောက်တွေမှာလည်း ကြက်သွန်ဖြူတွေပါဝင်ပါတယ်
(ဒါကတော့ မတည့်ဘူးအော်နေပြီး အစာခြောက်ထဲကျထည့်တဲ့ ရှုပ်ထွေးတဲ့ သူတို့သိုင်းလောကအကြောင်းပေါ့နော်)

#စာများကူးယူဖော်ပြခွင့်မပြု

Photo Credit to the rightful owner.

20/03/2024

🥲 Popup store လေးလုပ်ပြီး
ဘာတွေအများဆုံးကြားရလဲဆိုရင်
ဝုလေးက အသည်းမတည့်ဘူးဆိုတာပါပဲ

🫠မေးကြည့်လိုက်ရင် အသည်းကို
ထမင်း ဒါမှမဟုတ် အစာခြောက်နဲ့ တနှပ်စာ
အားပါးတရ နယ်ကျွေးတယ်ဆိုတာပါ

အရင်ကလည်း ခဏခဏရေးတင်ဖူးသလို
အသည်းက Vitamin A များလွန်းတဲ့အတွက်
ဝမ်းပျက်တာ ဝမ်းအမဲတွေသွားတာဖြစ်တတ်ပါတယ်

‼️ သို့ပေမယ့် အသားနဲ့ တခြား ဟင်းသီးဟင်းရွက်တွေ လုံလောက်အောင်မပေးနိုင်တဲ့ အာဟာရတွေကို အသည်းအနည်းငယ်ကျွေးရုံမျှနဲ့ ရရှိနိုင်မှာဖြစ်လို့ အသည်းကိုကျွေးရပါမယ်

⚠️ ဘယ်လိုကျွေးရမလဲဆိုရင် ဝုတို့မြှောင်တို့ကို နေ့စဉ်လိုအပ်တဲ့ အာဟာရဓာတ်တွေ ပြည့်စုံကြွယ်ဝစေဖို့ နေ့စဉ်အစာရဲ့ 3-5% ထည့်ကျွေးကို ကျွေးသင့်ပါတယ်

အစာခြောက်စားတဲ့ကလေးတွေကိုလည်း
ကျွေးသင့်ပါတယ်
ပထမဆုံးကျွေးရင်တော့ ပြုတ်ပြီး ကျွေးပါ
တဖြည်းဖြည်း မကျက်တကျက်ကျွေးလို့ရပါတယ်
Raw ကျွေးချင်ရင် 3 ပတ် ခဲပြီးမှ ကျွေးပါ

😇 မတည့်တဲ့ အသားတွေရှိရင် ရှောင်ပါ
ဥပမာ ကြက်သားမတည့်ဘူးဆို ကြက်အသည်းကိုရှောင်ပြီး အမဲအသည်း၊ ဝက်အသည်း၊ ဆိတ်အသည်းဆိုပြီး အနည်းဆုံး ၂ ပတ်တကြိမ် လှည့်ပြီး ကျွေးရပါတယ်

မေတ္တာဖြင့်
BuKuJu

Photo Credit to the rightful owner.

18/03/2024

😅အဲ့ဒါအမှန်ပဲနော်

ဝုတို့ရဲ့ သဘာဝကိုက အမဲလိုက် Instinct ကပါတာမို့

ပြေးနေ ဘီးလည်နေတာတွေ့ရင် တခါတလေမှာ
🐾 ပျင်းလို့
🐾 လန့်သွားလို့
🐾အုပ်စုတောင့်လို့
🐾နောက်ပြီး ရှေ့မှာ တကောင်ကောင် အတိုက်ခံရဖူးတဲ့ Trauma တွေကြောင့် အဲ့လိုလိုက်တတ်ပါတယ်

အဲ့လိုလိုက်တဲ့အခါ
⚠️အရှိန်ကိုသာ လျှော့ချလိုက်ပါ

ကားနဲ့ဖြစ်ဖြစ် စက်ဘီးနဲ့ဖြစ်ဖြစ်
အရှိန် လျှော့ချလိုက်တဲ့အခါ
ပြေးလိုက်နေတာကို ရပ်သွားပါလိမ့်မယ်

မဟုတ်ရင် အရှိန်မထိမ်းနိုင်ဘဲ ဝင်တိုက်မိပြီး
သူတို့လေးတွေ ဒဏ်ရာရတတ်ပါတယ်

🥲စမ်းကြည့်ပြီးပါပြီ
တခါလန့်ပြီး စက်ဘီးကို မရပ်လိုက်မိတာ
ခြေဖနောင့်ကို အမြည်းခံလိုက်ရဖူးပါတယ်

ဆင်းသွားတော့လည်း အမြှီးလေးတခါခါနဲ့ 🥲

Credit to the rightful owner.

16/03/2024

❗ဒါ အမောင်ဘူးဒီ တနှစ်သားလောက်ကပုံပါ
အဲ့ဒါ 8kg 18 ပေါင် ဝန်းကျင်ဖြစ်နေတုန်းကပုံပါ

⚠️အဲ့ဒီမှာ ဘာဖြစ်သွားလဲဆိုရင်
ဒူးဆစ်တွေ တင်ပါးဆုံရိုးတွေ ဒဏ်ဖြစ်သွားပါတယ်

ပထမဆုံး အိမ်ထဲမွေး အနီးကပ်မွေးဖူးတဲ့ကလေး
လူနားတအားကပ်တဲ့ကလေး
တကောင်တည်းမွေးတဲ့ ကလေး

😵‍💫ရောင်းတာကလည်း မုန့်တွေဆိုတော့
တကောင်တည်းလည်းဖြစ်တော့
သနားလို့ကျွေးလိုက် အားလို့ကျွေးလိုက်နဲ့
မို့ သိပ်နားမလည်ခဲ့ပါဘူး

🥲အချိန်တွေသာပြန်လှည့်လို့ရခဲ့မယ်ဆိုရင်
ခုလိုထိ အဝလွန်စေခဲ့မှာ မဟုတ်ဘူးဆိုတာပါပဲ

ခုလက်ရှိကတော့ သူ့ကိုယ်လုံးဆိုဒ်နဲ့
အနေတော်ဖြစ်တဲ့ 4.7-5 kg ဝန်းကျင်မှာပါ

ဝနေရင် ဝိတ်ချကြပါ
🔺ရာသီဥတုက ပိုပူလာဖို့ပဲရှိပြီး
🔺လျှပ်စစ်မီးကလည်း ပိုမရဖို့သာရှိတာကြောင့်
အဝမလွန်ပါစေနဲ့

Calories နည်းတဲ့အစာကို များများကျွေးရင်
Calories များတဲ့ မဝရေစာတွေလို မဟုတ်ဘဲ
ပိုပြီး ဗိုက်ဝစေ ပိုပြီး ကျန်းမာစေပါလိမ့်မယ်

ချစ်ခင်စွာဖြင့် အမောင်ဘူးဒီဖေဖေ

04/03/2024

☢️ဟူးမန်းတို့ သိပ်မသိကြသေးတဲ့ ဝုတွေအတွက် အန္တရာယ်များတဲ့ အစားအစာတွေက ချောကလက်၊ Coffee၊ လ္ဘက်ရည်၊ အရက် အပြင်ကိုမှ

🍇စပျစ်သီး/စပျစ်သီးခြောက် မတည့်ပါ
ကျောက်ကပ်ပျက်စေနိုင်ပါတယ်
ချက်ချင်း ပြသနာတက်တာမဟုတ်တဲ့အတွက် ကုသဖို့လည်း နောက်ကျတတ်ပါတယ်

🐾 စောင်းလျားသီး
စောင်းလျားသီးခေါ် Star fruit ဟာ ဝုတို့ကိုကျောက်ကပ်ကျောက်တည်တာနဲ့ ကျောက်ကပ်ကို ရောင်ရမ်းစေနိုင်ပြီး ကျောက်ကပ်ပျက်စီးစေနိုင်ပါတယ်

🍅 ခရမ်းချဉ်းသီး အစိမ်း
ခရမ်းချဉ်သီးကို အစိမ်း ကျွေးလို့မရပါဘူး
မှည့်ပြီး ရဲနေတာဆိုရင် အနည်းငယ်ကျွေးလို့ရပါတယ်

🍋 ချဉ်တဲ့အသီးတွေဖြစ်တဲ့
Grapefruit တွေ သံပုရာသီး/ ရှောက်သီးတွေ မရပါဘူး

🧅ကြက်သွန်နီနဲ့ ကြက်သွန်မြိတ် မတည့်ပါဘူး

🍬ပီကေ
ပီကေဘာလို့မတည့်လည်းဆိုရင် သူ့မှာ သကြားအစားထိုး Xylitol ဆိုတာပါပါတယ်
အဲ့ Xylitol ဟာ သကြားတုလို့လည်းခေါ်ပြီး လူတွေအတွက်ထုတ်ထားတဲ့ Peanut Butter လို့ခေါ်တဲ့ မြေပဲယိုနဲ့ သကြားလုံးတွေအပြင် သွားတိုက်ဆေးတွေထဲမှာပါတတ် ပါသေးတယ်
Xylitol ဟာ သွေးတွင်း သကြားဓာတ် အလွန်အမင်း ကျဆင်းစေနိုင်ပြီး အသည်းကိုပျက်စီးစေတတ်ပါတယ်

အစေ့အဆံထဲမှာဆိုရင်
ဦးနှောက်သီးက အနည်းငယ်ကျွေးလို့ရပေမယ့်
🌰Macadamia Nuts ခေါ် သော့သီး/ချောကလက်သီး

🥛နွားနို့
ဝုတို့မြှောင်တို့ရဲ့ အူဟာ အသက် ၃-၄ ပတ်သားကနေစပြီးတော့ နို့မှာပါတဲ့ အဆီကို ခြေဖျက်နိုင်စွမ်း လျော့ကျလာတာကြောင့် ပုံမှန်ကျန်းမာတဲ့ခလေးတွေဆိုရင် အသက် ၃ ပတ်သားကစပြီး နို့မဟုတ်တဲ့ အစာစစားလာပါတယ်
နို့မတိုက်တာကြာလေ အဲ့ဒီနို့ကအဆီကို ပိုပြီး မချေဖျက်နိုင်လေဖြစ်လို့ အဝလွန်စေနိုင်ပြီး နို့မတိုက်တာကြာပြီဆိုရင် အများကြီးမတိုက်မိဖို့ သတိပြုရပါမယ်
ဝမ်းပျက်တတ်တာကြောင့်ဖြစ်ပါတယ်

🍶ပဲနို့/ဆိတ်နို့/သူတို့အတွက်သီးသန့်ထုတ်ထားတဲ့နို့မှုန့်တွေလည်း မတိုက်တာကြာပြီ စတိုက်မယ်ဆို တရက်ကို နည်းနည်းချင်းကနေစတိုက်ဖို့ သတိပြုရပါမယ်

🐾 အမှည့်လွန်/ ချိုလွန်းတဲ့အသီးတွေလည်း ရှောင်ရပါမယ် သူတို့လေးတွေက သကြားဓာတ်အနည်းငယ်သာလိုအပ်တတ်တာကြောင့် ချိုလွန်းတဲ့အသီးတွေကျွေးရင်လည်း ဆီးချိုရောဂါဖြစ်နိုင်ပါတယ်

⚠️နောက်ဆုံးကတော့ တိအတွက်သီးသန့်ထုတ်ထားတဲ့ Rawhide တွေပါ
တိရစ္ဆာန်သားရည်အမျိုးမျိုးကို ဖြူဖွေးနေအောင် အရောင်ချွတ်ထားတဲ့ ဒါမှမဟုတ် မာဆတ်ကျွတ်တောင့်နေအောင်လုပ်ထားတဲ့ အရိုးထုံးတွေဟာ မြိုချမိရင် အစာမကြေ ပိတ်ဆို့မှုဖြစ်စေနိုင်ပြီး မမြိုချဘဲဝါးနေရင်လည်း Chemical တွေဝင်သွားစေနိုင်ပါတယ်

မေတ္တာဖြင့်
Bu Ku Ju & Just for Pet - Since 2015

#စာများကူးယူဖော်ပြခြင်းမပြုပါ

25/02/2024

❌ ဟိုလိုမချီနဲ့ ✅ ဒီလိုချီတဲ့

🐾ဝုတွေကို အပြင်ခေါ်သွားတဲ့အခါ
တနေရာရာသွားဖို့ချီတဲ့အခါ
⚠️လက်ကကိုင်ဆွဲပြီးချီတာ
⚠️ချိုင်းနေရာက မ,ပြီးချီတာမျိုးမလုပ်ရပါဘူး

လက်ပေါ်တင်ပြီးချီထားတဲ့အခါမှာလည်း
⚠️လူကလေးလေးတွေလို ဒေါင်လိုက်
⚠️လူရဲ့လက်ဖျံပေါ် ဖင်ထိုင်လျက်အနေအထား မချီရပါဘူး

လူတွေရဲ့ခါးရိုးသည် ဒေါင်လိုက်အနေအထားနေနိုင်ပြီး
ခွေးတွေရဲ့ခါးရိုးသည် အလျားလိုက်အနေအထားမှ မှန်ကန်ပါတယ်

‼️လက်နဲ့ ချိုင်းက ကိုင်မချီလိုက်တဲ့အခါ
သူတို့ရဲ့ လက်မောင်းရိုးနဲ့ စပ်ဆက်နေတဲ့ အရွတ်တွေ အကြောတွေ ကြွက်သားတွေ ဒဏ်ဖြစ်တတ်ပြီးတော့

‼️ဒေါင်လိုက်ချီထားတဲ့အခါ ဝိတ်တွေက ခါးအောက်ပိုင်းမှာစုပြီး ခါးအောက်ပိုင်းနဲ့ တင်ပါးဆုံရိုးဒဏ်ဖြစ်စေနိုင်ပါတယ်

🤝 ဒါကြောင့် ချီ မ, လိုက်တာဖြစ်ဖြစ်
ချီထားတာဖြစ်ဖြစ် ဒေါင်လိုက်မချီ
အလျားလိုက်သာ ချီပါ

😇 ဝုတို့ အသက်ကြီးလာတဲ့အခါ အရိုးအဆစ် ကြွက်သား အရွတ်အကြောတွေ ဒဏ်ဖြစ်လို့ နာကျင်ကိုက်ခဲခြင်း သက်သာစေပါလိမ့်မယ်

မေတ္တာဖြင့်
Bu Ku Ju & Just for Pet - Since 2015

#စာများကူးယူဖော်ပြခွင့်မပြု

Photo Credit to the rightful owner.

16/02/2024

အီးကြိုက်ဝုတို့အတွက်

🙂အီအီးတွေပြန်စားတဲ့ဝုတွေရှိလား
ဒါမှမဟုတ် မြက်တွေ ဖုန်တွေကိုလိုက်စား လိုက်လျက်နေတယ်ဆိုရင် ဒါလေးတွေ Try ကြည့်နော်

🐾Probiotics ဒါမှမဟုတ် Probiotic Rich ဖြစ်တဲ့ အစာတွေကျွေးမယ်
ဥပမာ ဒိန်ချဉ်တို့ Kefir တို့
မဟုတ်လည်း Guardizen လိုမျိုးပေါ့
Probiotic ဆိုတာက အူထဲမှာရှိတဲ့ကောင်းတဲ့ Bacteria လေးတွေဖြစ်ပြီး အဲ့ဒီ Bacteria လေးတွေလျော့နည်းနေရင်လည်း အဲ့လိုပေါက်တက်ကရစားတတ်ပါတယ်

🐾နာနတ်သီး
နာနတ်သီးမှာက Papain ဆိုတဲ့ အစာခြေ အင်ဇိုင်း ဓာတ်တမျိုးပါဝင်ပြီး အူလမ်းကြောင်းကို အထောက်အပံ့ပေးတဲ့အပြင် အီအီးမှာလည်း အဲ့ဓာတ်ကပါပါတယ်တဲ့
ဒါကြောင့် အစာခြေ Enzyme မလုံလောက်လို့ အီအီးပြန်စားတာတွေကို လျော့နည်းစေတယ်

🐾ဟင်းနုနွယ်
ဟင်းနုနွယ်ကို ကြိတ်ပြီးတော့ဖြစ်ဖြစ် သေးသေးစီလှီးဖြတ်ပြီး ပြုတ်ပြီး ပေါင်းပြီးတော့ဖြစ်ဖြစ် ကျွေးကြည့်နော်
ဟင်းနုနွယ်မှာက အီအီးတွေ ဖုန်တွေ စားချင်စိတ်ကို လျော့ချပေးနိုင်တဲ့ Vitamin B ကြွယ်ဝစွာပါဝင်ပါတယ်တဲ့

ဆိုတော့ကာ နောက်ဆုံးအနေနဲ့မှာရရင် 70% သောကိုယ်ခံအားတွေက အစာခြေစနစ်ဖြစ်တဲ့ ပါးစပ်ကနေ ဟိုးအောက် အူအထိပေါ်မူတည်တာကြောင့် နေ့စဉ် ခံတွင်းကျန်းမာရေးကိုဂရုစိုက်ရပါမယ်

🐾သွားပုံမှန်တိုက်ရပါမယ်

🐾နေ့စဉ် ကိုယ်လက်လှုပ်ရှား ပြေးလွှားဆော့ကစားစေတာ ဒါမှမဟုတ် အသက်အရွယ်နဲ့ ကျန်းမာရေးအခြေအနေ နေထိုင်တဲ့ ပတ်ဝန်းကျင်အနေအထားတွေအရ ပြေးလွှားဆော့ကစားဖို့ အစဉ်မပြေဘူးဆိုရင် Puzzle လေးတွေနဲ့ ပေးဆော့တာ Licking Mat တွေ Licking Bowl တွေပေးတာ Treat လေးတွေဖွက်ပြီး အနံ့ခံပြီး လိုက်ရှာစားစေတာ စတဲ့ Energy Burn တဲ့ အရာလေးတွေလည်း ပေးလုပ်ရပါမယ်

#စာများကူးယူဖော်ပြခွင့်မပြုပါ

Photo Credit to The Rightful Owner.

26/01/2024

😔US ဘက္က Pet Group တခုမွာ
Post တခုေတြ႕တာ

ေခြးေလးက အသက္ ၁၄ ႏွစ္ေလာက္ရွိၿပီ
သူငယ္ျပန္သြားတယ္

ေရခ်ိဳးခန္းထဲဝင္ ႐ွဴးေပါက္ၿပီး ျပန္လွည့္ေတာ့ တံခါးေနာက္ဘက္ျဖစ္ေနတယ္ သူငယ္ျပန္ေတာ့ ဘယ္လိုထြက္ရမလဲ မသိ
ငယ္သံပါေအာင္ ေအာ္ဟစ္ေနရွာတာ ေၾကာက္လန္႔ၿပီး တုန္ေနတယ္ ပိတ္မိေနပါၿပီဆိုၿပီးေတာ့ 🤕

☹️ ဒါမ်ိဳးက တခုၿပီးတခု ေန႔စဥ္ျဖစ္လာေတာ့
သခင္ကိုလည္း မမွတ္မိေတာ့ဘဲ အရာရာကို ေၾကာက္လန္႔ၿပီး အခ်ိန္တိုင္း က်ီးလန္႔စာစားေနသလိုျဖစ္လာတာနဲ႔ပဲ သူ႔ရဲ႕ အေၾကာက္တရားေတြပဲရွိေတာ့တဲ့ လက္က်န္ရက္ေတြကို အဆံုးသတ္ဖို႔ ေနာက္ဆံုး ေဆးထိုးၿပီးထာဝရေပးအိပ္လိုက္ရတယ္

😑 ဒီ ၃ ေကာင္လည္း ငယ္ကတည္းက က်န္းမာေရးျပသနာေတြနဲ႔ လံုးပန္းေနရတာနဲ႔ Brain Health အတြက္ အစာပဲေကၽြးႏိုင္ၿပီး ေလ့က်င့္ခန္းမလုပ္ေပးႏိုင္ခဲ့ဘူး

ခု Buddy ေလးက အသက္ ၇ ႏွစ္ျပည့္ေတာ့မယ္
Senior ထဲဝင္ေတာ့မွာဆိုေတာ့ လူေတြလို အသက္ႀကီးလာၿပီး သူငယ္ျပန္တာမျဖစ္ရေအာင္ Brain Game ေလးေတြ ဝယ္သြင္းဖို႔ ဆံုးျဖတ္လိုက္တာ

😇လိုအပ္လားဆိုရင္ အသက္ရွည္ က်န္းမာေအာင္ ထားေနတဲ့ သူတိုင္းအတြက္ လိုအပ္ပါတယ္
ငယ္စဥ္ကတည္းကိုက လိုအပ္တာပါ

စစခ်င္းဆို အလြယ္ဆံုးကေန ေပးေဆာ့ရပါတယ္

တပတ္ကို ၂-၃ ႀကိမ္အနည္းဆံုး ေပးေဆာ့သင့္ပါတယ္

19/01/2024

‼️အသည်းအမြစ်ချည်းနေ့စဉ်မကျွေးဖို့ Post တင်ဖူးတယ်ဆိုတော့ ဒီတခါ အသည်းကို နေ့စဉ်ဘယ်လိုကျွေးရမလဲဆိုတာလေးပြောချင်ပါတယ်

အသည်းအမြစ်နဲ့ ထမင်းချည်းပဲကျွေးတာ ဘယ်လို အစဉ်မပြေကြောင်း Post ကို ဆက်ဖတ်ရင် နားလည်ပါလိမ့်မယ်

🤗 ဒါဆို ဝုတို့ဟာ Carbohydrate တွေဖြစ်တဲ့ ဆန်၊ ဂျုံ၊ ပြောင်း၊ပဲ ကလွဲရင် ကျန်တဲ့ ဓာတ်တွေမှာ လူတွေလိုပဲ အဟာရအစုံအလင် လိုအပ်ပါတယ်

🚫 အသားချည်းပဲ ကျွေး
အရိုးပြုတ်ချည်း ကျွေး
ကြက်သား/အမဲသား/ငါး/ ဆိတ်သားဘယ်လိုပဲ လှည့်ပတ်ကျွေးကျွေး နောက်ဆုံးမှာတော့

အာဟာရဓာတ် အစုံလင်ဆုံးပါဝင်တဲ့ အသည်းလောက် ဘယ်အစာကမှ အာဟာရမစုံပါဘူးတဲ့

😇 ဒါကြောင့် ကြက်/ဝက်/ဆိတ်/ဘဲ အသည်းအမျိုးမျိုးကို နေ့စဉ် အစာရဲ့ 5% နဲ့ အမဲအသည်းကိုတော့ နေ့စဉ်အစာရဲ့ 3% ထည့်သွင်းကျွေးမွေးဖို့လိုပါတယ်

❌ တပတ်ကိုတကြိမ် အသည်းနဲ့ချည်းကျွေးရင်ရော မရဘူးလားဆိုရင်တော့ဖြင့် မရပါဘူး
တချို့ အာဟာရဓာတ်တွေဟာ ခန္ဓာကိုယ်ထဲ နာရီအနည်းငယ်သာနေပြီး ပိုတယ်ဆိုတာနဲ့ ခန္ဓာကိုယ်က အလိုလို စွန့်ထုတ်နိုင်တဲ့ဓာတ်တွေရှိပါတယ်
တရက်ထဲကျွေးရင် နောက်ရက်တွေမှာ အဲ့ဒီလိုအပ်တဲ့ အာဟာရကို မရဘူးဖြစ်နေမှာပါ

⚠️ ပြီးတော့ အသည်းဟာ Vitamin A ကြွယ်ဝစွာပါဝင်တဲ့အတွက် Vitamin A အနည်းငယ်သာလိုအပ်တဲ့ ဝုတို့မြှောင်တို့အတွက် တကြိမ်တည်းမှာ အလွန်အကျွံ ကျွေးရင် Vitamin A အဆိပ်အတောက်​ဖြစ်ခြင်းဆိုတဲ့ ပြသနာဖြစ်နိုင်ပါတယ်/ ဝမ်းပျက်ဝမ်းလျှော/ ဝမ်းအမဲတွေသွားတာတွေဖြစ်တတ်ပါတယ်

😎 Calorie နည်းပြီး အသားထပ်ပိုတဲ့ Protein ဓာတ်တွေအပြင် Vitamin B အမျိုး၊ Folic Acid၊ Vitamin C၊ Vitamin D၊ Vitamin K2 ၊ တခြား ဓာတ်ပေါင်းများစွာအပြင် Beef Liver မှာဆို Zinc, Chicken Liver မှာဆို Iron ပါဝင် ပါသေးတယ်

🐾 ဒါကြောင့် အသည်းကို တနေ့အစာရဲ့ 3-5% နေ့စဉ်ကျွေးပေးမယ်ဆိုရင် အာဟာရဓာတ် လိုအပ်/လျော့နည်းမှုအတွက် Cover အနည်းငယ်ဖြစ်နိုင်ပြီး

❤️ မှန်းဆပြီးပြောပေးရရင်တော့ 15 lb ရှိအာဝုဆို ကြက်အသည်းကို တလက်မပတ်လည်ခန့်နဲ့ အမဲအသည်းဆိုရင်တော့ လက်မဝက်ပတ်လည်ရှိတဲ့ အတုံးတတုံး နေ့စဉ် ကျွေးသင့်ပါတယ်

✅ ပါဝင်တဲ့ ဓာတ် အချိုးအစားတွေက မတူညီတာကြောင့် အသည်းကို အနည်းဆုံး ၂ ပတ်တကြိမ် အမျိုးမျိုး လှည့်လည်ကျွေးမွေးဖို့လိုအပ်ပါတယ်

အကယ်လို့ တကောင်တည်းမွေးထားလို့ အလုပ်ပိုတယ်လို့ ခံစားရရင်တော့ BuKuJu မှာ ကြာကြာအထားခံပြီး Snack လိုရော အစာထဲပါထည့်ကျွေးလို့ရတဲ့ Dehydrated Liver Bites ကို ဝက်နဲ့ အမဲ (၂) မျိုးရွေးချယ်ဝယ်ယူကျွေးမွေးနိုင်ပါတယ် 🙏😇

#စာများကူးယူဖော်ပြခွင့်မပြုပါ

Photo_Credit to the rightful owner.

01/12/2023

အန်တဲ့အခါ သိမှတ် နားလည်စရာတွေပါ

Dogs Vomiting 101 ဆိုသော်ငြားလည်း စုံချင်မှတော့ စုံလိမ့်မယ်။ ဒီရက်ပိုင်းက Page inbox ထဲမှာ အာဝုတွေရဲ့ အန်ဖတ်တွေ၊ အာဝုတွေရဲ့ အီးတုံးလေးတွေနဲ့ နိုးထနေရတာ အတော်ကြာပြီ။ အာဝုတွေအန်ပြီဆိုရင် အာဝုမိဘတွေ အလန့်တကြားဖြစ်တတ်တာကို ကိုယ်ချင်းစာပါတယ်။ လာမပြပါနဲ့လို့လဲ မပြောရက်ပါဘူး။ ဒါပေမယ့် တစ်ခုရှိတာက အာဝုရှိတဲ့အိမ်တိုင်း အာဝုတွေအန်ဖတ် တစ်သက်မှာ တစ်ခါကျုံးကို ကျုံးရပါတယ်။ အဲ့ဒီတော့ကိုယ့်ကလေးအန်တာကို ကြည့်ပြီးအကဲခတ်ပြီးတော့ ဘယ်ကိစ္စတွေက Emergency၊ ဘယ်ကိစ္စတွေကတော့ စောင့်ကြည့်ဖို့လိုမယ်၊ ဘယ်လိုဆိုရင်တော့ စိတ်ပူစရာမလိုဘူးဆိုတာကို ခွဲတတ်စေချင်လို့ ဒီစာလေးကို ရေးဖြစ်ပါတယ်။

Vomiting VS Regurgitation

အန်တာ ၂ မျိုးရှိပါတယ်။ Vomiting VS Regurgitation ဆိုတာကို သိဖို့လိုပါတယ်။ Vomiting ဆိုတာဘာလဲ Regurgitation ဆိုတာ ဘာလဲဆိုတာကို ကွဲကွဲပြားပြားသိတော့မှ ဘယ်ဟာကစိတ်ပူသင့်တယ်၊ ဘယ်ဟာကတော့ ပုံမှန်ဆိုတာကို သိမှာပါ။ သာမန်ဒီတိုင်းပဲ ကြည့်လိုက်ရင်တော့ အန်တာက အန်တာပါပဲ။ ကိုယ့်ကလေးကို ဂရုတစိုက်နဲ့ ကြည့်နေကျဆိုရင်တော့ ဒီစာလေးကို နားလည်ပါလိမ့်မယ်။ Vomiting ဆိုတာက သာမန်အန်တာပါ။ သာမန်အန်ဖို့အတွက်ဆိုရင်တော့ ဘာလုပ်လေ့ရှိလဲဆိုရင်တော့ အန်ထုတ်ဖို့အတွက် ကြိုးစားပါလိမ့်မယ်။ ဗိုက်ကိုကျုံ့ပြီး အကြိမ်ကြိမ် ပိန်လိုက်ဖောင်းလိုက်နဲ့ညှစ်တာမျိုး၊ အော့နေတာမျိုး၊ သရေတွေကျနေတာမျိုး ဒီအပြုအမူတွေက အာဝုတွေ အန်ထုတ်ဖို့ကြိုးစားနေတာပါ။ ဒါက Vomiting ရဲ့ အဓိကလုပ်လေ့လုပ်ထရှိတာမျိုးပါ။ ဒါက အပြုအမူပိုင်းပါ။ အတွင်းပိုင်းမှာကျတော့ အူလမ်းကြောင်း အပေါ်ပိုင်းနဲ့ အစာအိမ်ကို ညှစ်ထုတ်ပါတယ်။ အဲ့ဒါကြောင့် အပေါ်မှာပြောသလို အပြုအမူတွေ ဖြစ်လာတာပါ။ ပုံမှန်အားဖြင့်တော့ အန်ဖတ်ထဲမှာ အဝါရောင်အရည်၊ မကျေသေးတဲ့အစာ၊ ပျစ်ချွဲချွဲအရည်တွေပါလာနိုင်ပြီးတော့ အနံ့က ချဥ်စုပ်စုပ်လဲဖြစ်နေပါလိမ့်မယ်။

Regurgitation ကျတော့ ဘာကွာသွားမလဲဆိုတော့ ခုနကပြောတဲ့ မအန်ခင်လုပ်တဲ့အပြုအမူတွေ ဘာမှမလုပ်ပါဘူး။ ရုတ်တရက်ကြီး ထိုးအန်ချလိုက်တာပါပဲ။ အစာစားပြီးစဆိုရင် ကောင်းကောင်းမဝါးထားတဲ့ အစာအဖတ်တွေပါမယ်၊ ရေသောက်ပြီးစဆိုရင် ရေပါမယ်။ တံတွေးနဲ့ အချွဲနည်းနည်းပါမယ်၊ ဒီလောက်ပါပဲ။ Regurgitation က အစာအိမ်၊ အူလမ်းကြောင်းနဲ့ဆိုင်တာမဟုတ်ပဲ လည်ချောင်းထဲကနေ တန်းအန်လိုက်တာ မို့လို့ပါ။

Vomiting (အန်တယ်) ဆိုတိုင်းစိတ်ပူရမှာလား?

Vomiting (အန်တယ်) ဆိုတိုင်းစိတ်ပူရမှာလား? ဒီမေးခွန်းကိုမမေးခင် အရင်ဆုံးသိဖို့လိုတာက အာဝုတွေ ဘာကြောင့်အန်တာလဲ? စားနေကျအစာပဲကျွေးတယ်၊ ပုံမှန်နေလဲ ကောင်းနေတယ်၊ ဒါပေမယ့်ထအန်တယ်၊ ဘာ့ကြောင့်ဖြစ်ရတာလဲ? ဆရာဝန်ဆီ ချက်ချင်းပြေးဖို့လိုပြီလား? ဒါကိုနားလည်နိုင်ဖို့ ဒီအချက်တွေကို သိဖို့လိုပါမယ်။

၁။ ကိုယ့်ကလေးအသက်ဘယ်လောက်ရှိပြီလဲ?

ဒီမေးခွန်းကိုက မေးရတာ အကြောင်းရှိပါတယ်။ အာဝုပေါက်စနတွေ၊ Puppy တွေက အမြဲတမ်း တွေ့သမျှ ကောက်ပြီးဝါးလေ့၊ မျိုချလေ့ရှိပါတယ်။ တွေ့သမျှဆိုတဲ့အတိုင်း အစုံမြင်လေသမျှ အကုန်ကောက်ပြီးကို ဝါးလေ့ရှိတာပါ။ အဲ့တော့ဘာဖြစ်သလဲဆိုတော့ အစာမခြေနိုင်ပါဘူး။ အစာမခြေနိုင်တဲ့အတွက်ကြောင့် အူထဲရောက်ရင် ပြသနာရှိမှာမို့ အစာအိမ်ကနေပြီးတော့ ပါးစပ်ကနေပဲပြန်ထွက်အောင် အန်ပြီးတော့ ထုတ်လေ့ရှိပါတယ်။ အခုလိုမျိုး မျိုချတာကို တွေ့တဲ့အခါမှာ သေးသေးကွေးကွေးဆို ပြသနာမရှိပေမယ့် ကြီးကြီးမားမားအရာတစ်ခုခုကို မျိုချနေတာကို တွေ့တယ်ဆိုရင်တော့ အတတ်နိုင်ဆုံးမမျိုချခင်မှာ ပါးစပ်ထဲက နှိုက်ထုတ်တာက အကောင်းဆုံးပါ။ မနှိုက်ထုတ်နိုင်ဘူး မျိုချလိုက်တာကလဲ ကြီးတယ်ဆိုရင်တော့ အန်တဲ့ထိမစောင့်ပဲ ဆရာဝန်ဆီကို အမြန်ဆုံးသွားတာက ပိုသင့်တော်ပါတယ်။ တခါတလေ သတိမထားမိပဲ မျိုချလိုက်တာကို သိနိုင်တဲ့အချက်ကတော့ အစာမစားတော့ပဲနဲ့ ခဏခဏလဲအန်တယ်ဆိုတဲ့ လက္ခဏာပါပဲ။ ဒီလက္ခဏာမျိုးတွေ့ရင်တော့ ဆေးခန်းကိုချက်ချင်း ခေါ်သွားသင့်ပါတယ်။

၂။ အန်တဲ့အကြိမ်ရေ ဘယ်လောက်ရှိပြီလဲ?

တခါတလေ တနေ့ထဲကို တစ်ကြိမ်အန်တယ်၊ ၂ ကြိမ်အန်တယ်၊ အန်တာကလွဲပြီး တခြားလက္ခဏာတွေဖြစ်တဲ့ အစားမစားတော့ပဲ အန်ပဲအန်နေတာ၊ သွားဖုံးတွေပြာနေတာ၊ နေမကောင်းပုံပြတာမျိုး မရှိဘူးဆိုရင်တော့ သိပ်စိတ်ပူရတဲ့အနေအထားမရှိပါဘူး။ မစားသင့်တဲ့ဟာ တစ်ခုခုကိုစားမိလို့ ခန္ဒာကိုယ်ထဲကပြန်ထုတ်နိုင်ဖို့ ကြိုးစားနေတာပါ။ အဲ့လိုမဟုတ်ပဲ အန်လဲအန်တယ်၊ အပေါ်ကပြောတဲ့ လက္ခဏာတွေရှိနေပြီဆိုရင်တော့ ဆရာဝန်ဆီသွားဖို့လိုပါတယ်။

၃။ ခဏခဏအန်နေတာကြာပြီလား?

တချို့အာဝုတွေရှိပါတယ်။ အပတ်တိုင်းအန်နေတာ၊ လနဲ့ချီ ခဏခဏအန်နေတာ၊ တချို့ဆို နှစ်နဲ့ချီခဏခဏ အန်တာမျိုးရှိပါတယ်။ အဲ့လိုခဏခဏအန်တာမျိုးက အရေးပေါ်အခြေအနေမဟုတ်ပေမယ့် ဆရာဝန်နဲ့ တိုင်ပင်ပြီးတော့ ဆေးစစ်တာ၊ ဘာညာလုပ်သင့်တဲ့အခြေအနေပါ။ ဒီလိုအခြေအနေမျိုးက ကျန်းမာရေးနဲ့ ပတ်သက်တဲ့ ပုံမှန်မဟုတ်တဲ့ အခြေအနေတစ်ခုခုရှိနေပြီဆိုတာကို ပြသနေတဲ့လက္ခဏာတစ်ခုလဲဖြစ်ပါတယ်။ ဆရာဝန်သည်သာ သေချာစမ်းသပ်ပြီးတော့ အဖြေရှာနိုင်မှာဖြစ်ပါတယ်။

၄။ အန်ဖတ်ထဲမှာ သွေးစပါလား?

အန်ဖတ်ထဲမှာ သွေးစပါတိုင်း လန့်စရာမဟုတ်ပါဘူး။ အန်ဖတ်ထဲမှာပါတဲ့ သွေးစပမာဏနဲ့ အရောင်ပေါ် မူတည်ပါတယ်။ သွေးစနည်းနည်းကတော့ ပါလေ့ပါထရှိပါတယ်။ အန်တယ်ဆိုတာက အစာအိမ်ကို ညှစ်ပြီး အန်ရတာဖြစ်တဲ့အတွက် တခါတလေ သွေးကြောလေးတွေ ပေါက်တာမျိုး၊ သွေးထွက်တာမျိုးရှိလို့ပါ။ သွေးစနည်းနည်းမဟုတ်ပဲနဲ့ သွေးအများကြီးပါတာဆိုရင်တော့ ဆရာဝန်ဆီချက်ချင်းခေါ်သွားဖို့လိုပါတယ်။ အညိုရင့်ရောင် ဒါမှမဟုတ် ဘလက်ကော်ဖီအရောင်ဆိုရင်တော့ ကိုယ့်ကလေးက အကိုက်အခဲပျောက်ဆေး တစ်ခုခုတိုက်ထားလားဆိုတာ စဥ်းစားဖို့လိုပါတယ်။ အဲ့ဒီအရောင်ဘာလို့ဖြစ်ရလဲဆိုရင်တော့ အစာအိမ်ထဲက သွေးထွက်တာကို အစာချေရည်နဲ့ ထိတွေ့ပြီးတော့မှ အန်တာမို့လို့ပါ။

Conclusion

အပေါ်ကအချက်တွေကတော့ အန်လေ့အန်ထရှိတာပေါ်မှာ ထည့်စဥ်းစားရတဲ့ အချက်တွေပါ။ အဲ့ဒီအပြင် ဖြစ်နိုင်တာတွေကတော့ အစာကိုမြန်မြန်စားလေ့ရှိတဲ့ ကလေးတွေ၊ အစာစားပြီးကာစမှာ လေ့ကျင့်ခန်းလုပ်တာ သို့မဟုတ် အပြင်းအထန်ဆော့တဲ့ကလေးတွေမှာလဲ အန်လေ့အန်ထရှိပါတယ်။ ဒီလောက်ဆိုရင်တော့ ဘာလို့အန်တာလဲ ဘာတွေသတိထားရမလဲ အရေးကြီးတဲ့အနေအထားဟုတ်မဟုတ်ကို ခွဲခြားနိုင်မယ်လို့ထင်ပါတယ်။

17/11/2023

သွေးဝမ်းရောဂါ ပြုစုကြရာဝယ် ❗

🥺 သွေးဝမ်းသွားနေလို့တဲ့

❗ Canine Parvo Virus ခေါ် သွေးဝမ်းရောဂါ ❗

ခွေးကြီးတွေထပ် အရွယ်မရောက်သေးတဲ့ ကာကွယ်ဆေးမစုံသေးတဲ့ ခွေးငယ်လေးတွေမှာ ပိုအဖြစ်များပြီး ရာသီဥတုပူပြင်းတဲ့ ကာလအကူးအပြောင်းတွေမှာ ပိုပြီးဖြစ်ပွားတတ်ကြပါတယ်

😑 ဝမ်းထဲမှာ သွေးပါတိုင်း သွေးဝမ်း Parvo ဖြစ်တာမဟုတ်ပါဘူး ... ဝမ်းကိုက်ပိုး/ သန်/ အရိုးနဲ့ ပြင်ပအရာတခုခု အူမှာစိုက်နေတာနဲ့ တခြားအကြောင်းအရင်းတွေလည်း ရှိပါတယ်
သို့ပေမယ့် ခွေးလေးတွေမှာ ကျောက်ရောဂါထပ် သွေးဝမ်းကပိုဖြစ်လွယ်တယ်ဆိုတာ သင်သိပါသလား

သွေးဝမ်းဖြစ်စေတဲ့ Parvo Virus ကလည်း Covid လိုပဲ ထိတွေ့မိတဲ့နေရာတိုင်းရှိနေပြီး

🙂 Covid ကမှ ဆပ်ပြာ/ အရက်ပျံတမျိုးမျိုး ဒါမှမဟုတ် Dettol နဲ့ ရှင်းလို့ရပြီး
😑 Parvo ကတော့ အင်္ကျီ အစွန်းချွတ်ဆေးရည် Bleach ကို ရေအဆ ၂၀ ရောကာ မိနစ် ၂၀ ခန့်ဖြန်းထားမှ အဲ့ Parvo Virus ကသေတာကို သင်သိပါသလား

Covid ပိုးကမှ ၃-၄ ပတ်ကြာရင်သေပြီး
Parvo ကတော့ လေဝင်လေထွက်မကောင်း နေရောင်မရတဲ့ ဆိုဖာခုံကြားတွေနဲ့ အခန်းထောင့် ကြမ်းပြင်တွေကြားမှာ ၅-၆ လကနေ နှစ်ချီနီးပါးထိ ရှင်သန်နိုင်ပါတယ်

⚠️ Parvo သွေးဝမ်းဖြစ်မှန်း ဘယ်လိုသိရမလဲဆိုရင် Test Kit နဲ့ စစ်ကြည့်လို့ရပါတယ်

အစာမစားဘူး မှိုင်တယ် အန်တယ်
ကိုယ်ပူလွန်းတယ် ခန္ဓာကိုယ်အေးနေတယ်
ဝမ်းက အညိုရောင်သွားမယ်
အနံ့က ပုပ်နံ့နံမယ်
ဒီအချက်ထဲက တခုခုဖြစ်နေပြီ
ကာကွယ်ဆေးလည်း မစုံသေးဘူးဆိုရင်
Test Kit နဲ့ စောစီးစွာ Parvo စစ်ကြည့်သင့်ပါတယ်

⚠️ ဘယ်လိုကာကွယ်ရမလဲဆိုရင်တော့
အသက် ၄ လလောက်မှ ခွေးတွေက ကိုယ်ပိုင် ကိုယ်ခံအား စပြီး ရတတ်ကြတာဖြစ်လို့

1. ကာကွယ်ဆေးကို အသက် ၁ လခွဲမှစပြီး ၂၁ ရက်ခြား တကြိမ် ဒါမှမဟုတ် တလတကြိမ်ကို အနည်းဆုံး ၃ ခေါက်ထိုးရပါမယ်
ပုံမှန် နှစ်စဉ် Booster လိုအပ်သလိုထိုးလို့ရပါတယ်

2. နောက်ပြီး ကာကွယ်ဆေးမစုံသေးတဲ့ ခွေးငယ်လေးတွေကို အပြင်ခေါ်တာ ရှောင်ရပါမယ်
အဲ့လိုခွေးငယ်တွေကိုလည်း အပြင်ကပြန်လာတဲ့ ဖိနပ်တွေနဲ့ ဆော့ကစားစေတာမျိုး ရှောင်ရှားရပါမယ်
တခြား ခွေးကြီးတွေ အိမ်အလည်လာတာလည်း ရှောင်ရပါမယ်

⚠️ Parvo ဖြစ်ရင် ဘယ်လိုပြုစုရမလဲ?

Covid လိုပါပဲ ကိုယ်ခံအားကောင်းအောင်ပြုစုရပါမယ်

1. ခန္ဓာကိုယ်အေးနေရင် ပိုးတွေကပိုပြီး ထကြွတတ်လို့ ကြမ်းပြင် ကြွေပြားတွေမှာ မအိပ်ခိုင်းရပါဘူး

2. မအန်တဲ့ Parvo Patient တွေက အန်တဲ့ Patient တွေထပ် ပိုပြီး အသက်ရှင်နိုင်ခြေများတာကြောင့် အစာကိုပျော့ပျော့နဲ့ နည်းနည်းစီ (လုံးဝကိုမှ နည်းနည်းလေး) ခဏခဏ ကျွေးလို့ရပါတယ်
(အစာကျွေးလို့ အန်ရင် ပြန်မကောင်းမချင်း အစာဖြတ်ရပါမယ်)

3. Hydration ခေါ် ရေဓာတ်လုံလောက်စွာရှိနေဖို့ အရေးကြီးပါတယ်
ခွေးသေး Puppy လေးတွေဆိုရင် နာရီဝက်ကို အာစွတ်ရုံ လက်ဖက်ရည်ဇွန်း တဇွန်းစာ
ခွေးကြီး Puppy လေးတွေဆိုရင် နာရီဝက်ကို အာစွတ်ရုံ ထမင်းစားဇွန်း တဇွန်းစာ
အာဟာရဖြစ်စေတဲ့ အရည်ဖြစ်တဲ့ Glucose / ဓာတ်ဆား/ အရိုးပြုတ်ရေ အကုန်လုံးတိုက်လို့ရပါတယ်

တိုက်လို့ အန်ရင် နာရီဝက်နောက်ဆုတ်ရပါတယ်
တနာရီခြားပြီးတိုက်တာ အဲ့လောက်ပမာဏလေးတိုက်တာတောင် အန်ရင် ၃ နာရီခြားတခါ တိုက်ရပါတယ်
ဒါတောင်မရသေးဘူးဆိုရင် ခံတွင်းကနေ အရည်အဝင်ကို လုံးဝဖြတ်ထားပြီး ဆေးခန်းမှာ တရက်ကို ၂ ကြိမ် Drip ကျောကုန်းအရေပြားအောက်ကနေသွင်းရပါတယ် အချိန်ပေးနိုင်ပြီး ညကိုအိမ်ပဲပြန်ခေါ်ချင်ရင်တော့ တနေကုန် သွေးကြောကနေ အရေဓာတ်ချိတ်ရပါတယ်

4. ကောင်းမွန်စွာအိပ်စက် အနားယူစေရပါမယ် ကောင်းကောင်း အိပ်ပျော်နိုင်တဲ့ကလေးက ဂဏာမငြိမ် မအိပ်နိုင်ဘဲ နေရာရွှေ့ရွှေ့နေတဲ့ ကလေးထပ် မြန်မြန်သက်သာနိုင်ပြီး အသက်ရှင်နိုင်ခြေပိုများပါတယ်

5. Interfron ဆိုတဲ့ဆေးတမျိုးရှိပါတယ်
ကိုယ်ခံအားကို တက်စေတဲ့ဆေးလို့ အလွယ်မှတ်သားဖူးပါတယ် အဲ့ဒိီဆေးကို ဆရာဝန်နဲ့တိုင်ပင်ပြီး တရက်တကြိမ် ၅ ရက်ဆက်တိုက် မပျက်မကွက် ထိုးပေးရပါတယ်

6. ကိုယ်ပူချိန် ထိမ်းရပါမယ်
ကိုယ်ပူတက်နေရင် ကိုယ်ပူကျအောင်
ကိုယ်လက်တွေအေးနေရင် Normal ပြန်ဖြစ်အောင်
တရက်ကို လိုသလို Body Temp တိုင်းရပါမယ်

😇 Parvo ဖြစ်တဲ့ဝုလေးတွေကို ပြုစုစောင့်ရှောက်ဖူးခဲ့သမျှ အတွေ့အကြုံတွေကို ပြန်လည်မျှဝေတာဖြစ်ပါတယ်
သေချာအပင်ပမ်းခံပြီး ပြုစုတတ်ရင် ရှင်ဖို့ ရာခိုင်နှုန်း အလွန်များပါတယ်
အတွေ့အကြုံတွေအရ ပထမတပတ်ကိုကျော်လွန်နိုင်ရင်လည်း အသက်ဆက်ရှင်ကြတာများပါတယ်

❗ Covid လိုပဲ ခွေးအချင်းချင်း/ လူနဲ့ အသုံးအဆောင်ပစ္စည်းများက တဆင့်ကူးစက်လွယ်တာကြောင့် Parvo ခွေးကိုပြုစုကိုင်တွယ်တဲ့သူက တခြားခွေးလေးတွေကို ကိုင်တွယ်ခြင်းကိုပါ ရှောင်ရပါတယ်

❗ တခြားခွေးလေးတွေ ရှိတယ်ဆိုရင် သေချာ အဝတ်အစားလဲ ကိုယ်လက် သန့်စင်ဖို့လိုပြီး ပိုးသတ်ရခက်ခဲတဲ့ မွေ့ယာတွေနဲ့ ဆိုဖာတွေမှာ အိမ်ရှိအခြားသူတွေနဲ့ အိပ်စက် အနားယူခြင်းကအစ သတိထားရပါမယ်

မေတ္တာဖြင့် Just for Pet

#စာများကူးယူဖော်ပြခွင့်မပြု

Photo Credit to the rightful owner

11/11/2023

⚠️ခြေသည်းလက်သည်းတွေ ရှည်မနေပါစေနဲ့ဆိုတာ
ဒါကြောင့်ပြောတာပါနော်

ခြေသည်းလက်သည်းတွေ ညှပ်ပါ
လက်ဖဝါးကြား အမွှေးလေးတွေကို ရိတ်ပါလို့ ❗

Screenshot from Danny The Groomer

07/11/2023

❗ခွေးကိုက်လို့တဲ့

အကြံတောင်းတဲ့ပေါ် စဉ်းစားမိတဲ့အခါ

🐾Behavior နဲ့ 🐾Physical Health ဆိုတဲ့
အမူအကျင့်နဲ့ ကျန်းမာရေးဆိုပြီး ၂ ပိုင်းရှိပါတယ်

ကျန်းမာရေးအကြောင်းပြောရရင်
1. Hormone အပြောင်းအလဲကြောင့်
အရွယ်ဝင်ကာစ/ မိတ်လိုက်ရာသီတွေမှာ ဟော်မုန်းအပြောင်းအလဲကြောင့် စိတ်တို စိတ်ဆတ်လွယ်ပြီး လူနဲ့ တခြားတိရစ္ဆာန်တွေကို ကိုက်တတ်ကြပါတယ်
ဒီလိုချိန်မျိုးမှာ သားအိမ်ထုတ်တာ/ သင်းတာ/ တားဆေးထိုးတာက အထောက်အကူဖြစ်စေနိုင်ပါတယ်
(မဖြစ်မနေကလွဲရင် တားဆေးထိုးခြင်း အားမပေးပါ)

2. Pain ရနေတာ (❗အရေးကြီးပါတယ်❗)
အရင်လိမ္မာပါတယ် ဒီရက်ပိုင်းအတွင်း ကိုင်လိုက်ချီလိုက်ရင် ကိုက်တယ်ဆိုရင်တော့ သူ့ခန္ဓာကိုယ်မှာ ဝေဒနာတခုခုကို ခံစားနေရလို့ဖြစ်နိုင်ပါတယ်
ဆေးခန်းပြပြီး အရိုးအဆစ်တွေမှာ နာကျင်မှုရှိနေသလား၊ အမြင်/အကြား အာရုံဆုံးရှုံးလိုက်ရလို့လား ဆိုတာနဲ့ တခြားဝေဒနာ တခုခုရှိလား ရှာရပါမယ်
တတ်နိုင်သမျှ တကောင်တည်း အနားယူစေတာ
မနှောက်ယှက်ဘဲ နေပေးတာက အထောက်အကူဖြစ်စေနိုင်ပါတယ်

Behavior နဲ့ Mental
1. အမဲလိုက်ခြင်း
ခွေးတွေရဲ့ သဘာဝ ကမ္ဘာကြီးအစကတည်းက ပါလာတဲ့ အမဲလိုက်ချင်တဲ့ ဗီဇကြောင့် လူနဲ့တခြားတိရစ္ဆာန်လေးတွေကို ကိုက်တတ်ပါတယ်
ပြေးလွှားနေတာမြင်ရင်၊ လည်နေတဲ့ ဘီးတွေကိုမြင်ရင် ပိုပြီး အမဲလိုက်ချင်ကြတာကြောင့် ခေတ္တခဏငြိမ်ငြိမ်လေးနေကာ မျက်လုံးချင်းမဆုံဘဲ သွားပေါ်အောင် ပြုံးရယ်ပြခြင်းကိုလည်း ရှောင်ရှားရပါတယ်
ဆော့ကစားလွန်ပြီး ကိုက်ခြင်းကို ငယ်စဉ်က အားပေးသလိုဖြစ်မိတဲ့ အခြေအနေတွေကြောင့်လည်း ဆော့ကစားစဉ် ကိုက်မိတတ်ကြပါတယ်

2. Trauma
ငယ်စဉ်က အရိုက်ခံရတာ/ အိပ်နေစဉ် လန့်နိုးရတာ များတာ/ လူတွေအော်ဟစ် ကန်ကြောက်ကြတာ/ လက်သည်းညှပ် နားသန့်ရှင်းရေးလုပ်စဉ် နာကျင်မှုတခုခုခံစားလိုက်ရတာတွေကြောင့်လည်း ကြောက်ကန်ကန်ပြီး ကိုက်တတ်ပါတယ်

3. ပိုင်ဆိုင်မှုကို လုယူခြင်း
အစာစားချိန်/ အရုပ်နဲ့ ပါးစပ်ထဲဝင်နေတဲ့ တခုကို လုယူစဉ်/ နေရာ ပိုင်စိုးမှုကို လိုချိန်မှာ ကိုက်တတ်ပါတယ်
အစားစားချိန်မှာ ပန်းကန်ကိုထိလို့ အနားကပ်မိသွားလို့ ကိုက်တတ်တဲ့ကလေးတွေကျတော့ အစာကျွေးချိန် လုံခြုံတဲ့နေရာ ဘယ်သူမှ မနှောက်ယှက်နိုင်တဲ့ စိတ်ချရတဲ့ Safe Place လိုနေရာမှာ ကျွေးခြင်းက အထောက်အကူပြုပါတယ်
ပိုင်နက်လိုချင်တဲ့ချိန် ကိုက်တတ်တာနဲ့ ပါးစပ်ထဲရောက်နေတဲ့ တခုခုကို လုယူစဉ် ကိုက်တတ်တာကတော့ ပြောရတာရှည်လို့ Youtube မှာ Training Video လေးတွေကြည့်ပါ

⚠️Behavior ကြောင့် ကိုက်ခြင်းတွေကတော့ Calming ဖြစ်စေတဲ့ H**p Oil တွေ တခြား Supplement တွေအပြင် လုံခြုံစိတ်ချရတဲ့ ဆိတ်ငြိမ် နှောက်ယှက်မှုကင်းတဲ့ နေရာပတ်ဝန်းကျင်နဲ့ စိတ်အခြေအနေတခုကို ပေးနိုင်ခြင်းက အထောက်အကူဖြစ်စေပါတယ်

အချိန်ကြာမွေးမြူလေ့လာရင်း သိရသော အကြောင်းအရာများဖြစ်တာကြောင့် မှားယွင်းတာတွေရှိကောင်းရှိနိုင်ပါတယ် 🙏

❗ဘာကြောင့်ကိုက်ခံရသည်ဖြစ်ပါစေ
🐶ခွေး 🐱ကြောင် 🐁ကြွက် 🦇လင်းနို့ စတဲ့ တိရစ္ဆာန်လေးတွေ ကိုက်ဆွဲ ကုတ်ခြစ်ခံရသည့်အခါ
ဒဏ်ရာပေါ်မူတည်ပြီး မေးခိုင်ကာကွယ်ဆေးနှင့် ခွေးရူးကာကွယ်ဆေးထိုးသင့်ပါတယ်

❗တချို့က ခွေးကို ခွေးရူးထိုးပေးထားလို့ ပေါက်ပြဲဒဏ်ရာအကြီးကြီးရတဲ့အခါ လူအတွက်ကာကွယ်ဆေးထိုးဖို့ တွန့်ဆုတ်တတ်ကြပါတယ်
⚠️အဲ့ဒီကာကွယ်ဆေးက ကိုက်ခံရတဲ့ ဒဏ်ရာကို မြန်မြန် သက်သာအောင် အယောင်ကျအောင် Healing လုပ်ပေးနိုင်တယ်ဆိုတာလေး သိထားရပါမယ်

#စာများကူးယူဖော်ပြခွင့်မပြု

Photo Credit to Rightful Owner

24/10/2023

Earmuff ရဲ့ အသုံးဝင်ပုံများ

😅ဒီ Earmuff ေလးကေလ ေရခ်ိဳးခ်ိန္ နားထဲ ေရမဝင္ေအာင္ သံုးတဲ့ဟာပဲ မဟုတ္ဘူးတဲ့

🐾နားရြက္ အေထာင္မ်ိဳးေလးေတြဆို ေရေလာင္းရင္း နားထဲေရဝင္ႏိုင္တာေၾကာင့္ ဒီ Earmuff ေလးသံုးရတယ္ဆိုေပမယ့္

🐾Dryer မႈတ္တဲ့အခါမွာ နားမထိခိုက္ေအာင္အျပင္

🐾Dryer သံေၾကာင့္ စိတ္လႈပ္ရွားလြန္းတာ
🐾မိုးၿခိမ္းသံ မီး႐ွဴး မီးပန္းေဖာက္သံေတြေၾကာင့္ ေၾကာက္လန္႔တုန္လႈပ္တာေတြကိုပါ သက္သာေစတယ္

သူတို႔က လူထပ္ကိုမွ အၾကားအာရံုက ပိုစူးရွတယ္မဟုတ္လား

🐾ဒါ့အျပင္ ကားစီးတဲ့အခါ/ အေမႊးညႇပ္/ လက္သည္းညႇပ္/ ဘီးၿဖီးတဲ့အခါ အလြန္တရာ Anxious ျဖစ္တာ Excited ျဖစ္တာေတြကိုပါ သက္သာေစကာ

🐾နားရြက္ အရွည္ႀကီးနဲ႔ ေကာင္ေတြ
မ်က္ႏွာက အေမြးအရွည္ႀကီးနဲ႔ ေကာင္ေတြ
အစာစားတဲ့အခါ ေပက်ံကုန္မွာစိုးရင္လည္း သံုးၾကပါတယ္

🤗ပိတ္သားမွာ Elastic ျဖစ္ၿပီး လည္ပင္းမအစ္ေအာင္ ေလႁပြန္မထိေအာင္ လုပ္ထားတာျဖစ္ပါတယ္

😂 ႐ိုး႐ိုး သဘက္ေတြပတ္တာနဲ႔က အျပင္က ၾကည့္ရင္တူေပမယ့္ ရရွိႏိုင္မယ့္ ေကာင္းက်ိဳးနဲ႔ အားသာခ်က္ေတြက မတူပါဘူး
သဘက္မွာက အနားသတ္ပါတယ္ အဲ့အနားသတ္ကို တင္းထားမိရင္ ေလႁပြန္က်ဥ္းတဲ့ကေလးေတြဆိုရင္ ေလႁပြန္ထိခိုက္ႏိုင္ပါတယ္

ပစၥည္းကေရာက္ထားတာေတာ့ ႏွစ္စကတည္းကပါ

#ရွာေဖြေလေတြ႕ရွိေလ

24/10/2023

လေပြွန်ကျဉ်းနှင့် သက်ကြီး အဆုတ်အားနည်း
ခွေးများအတွက်
လိုအပ်သော စက်ပစ္စည်းများ

⚠️ ေလႁပြန္က်ဥ္း ... သက္ႀကီး အဆုတ္အားနည္း ျဖစ္တဲ့ေကာင္ေတြနဲ႔ အိမ္မွာလိုအပ္တဲ့ စက္ေတြကေတာ့

1. Air Con
ပူရင္ ေလွာင္ပိတ္ေနရင္ မရပါဘူး
မွာေနက်အတိုင္း ေအးစက္ေနဖို႔ မလိုပါ
အခန္း Temp 23-24°C ေလာက္ကိုမွ Fan Speed ကိုျမႇင့္ၿပီး Air Flow အဓိကလိုအပ္ပါတယ္

2. Air Cooler/ ပန္ကာ
မီးပ်က္တဲ့အခ်ိန္ အိမ္က ေလဝင္ေလထြက္မရွိရင္ အားသြင္း Air Cooler/ ပန္ကာ လိုအပ္ပါတယ္

3. Dehumidifier
မိုးတြင္းလို စိုထိုင္းစမ်ားတဲ့ ရာသီနဲ႔
အိမ္က ေရေငြ႕မ်ားတဲ့ အိမ္မ်ိဳးဆို ေရေငြ႕စုပ္စက္ျဖစ္တဲ့ Dehumidifier လိုအပ္ပါတယ္
ေရေငြ႕မ်ားရင္ မွိုနဲ႔ Bacteria ေပါက္ပြားႏိုင္တာေၾကာင့္ အဆုတ္ Infection ဝင္ေစႏိုင္ပါတယ္

4. Humidifier
ေရေငြ႕ထုတ္စက္ျဖစ္တဲ့ Humidifier ကို ေဆာင္းတြင္းလို ေအးၿပီးေျခာက္ေသြ႕တဲ့ ကာလမွာ လိုအပ္ပါတယ္
ေရေငြ႕ခမ္းေျခာက္တဲ့ ေလဟာ ေလႁပြန္ကို ယားယံေစၿပီး ေခ်ာင္းဆိုးျခင္းကိုျဖစ္ေစႏိုင္ပါတယ္
ေခ်ာင္းဆိုးေလ ေလႁပြန္ေရာင္ေလပါ

5. Nebulizer & Oxygen
အေရးေပၚအေျခအေန ေဆး႐ွဴဖို႔ ဘာညာအတြက္က Nebulizer ဆိုတဲ့ ရင္ၾကပ္သမားေတြသံုးတဲ့ စက္ကေလး လိုတတ္ပါတယ္
Oxygen ကလည္း ေဆး႐ွဴခ်ိန္ ခၽြဲေပ်ာ္ၿပီး ခၽြဲပိတ္စို႔တာမျဖစ္ေအာင္ တြဲၿပီး သံုးေပးဖို႔လိုအပ္ပါတယ္
ဒါကေတာ့ Nebulizer သံုးဖို႔ လိုအပ္မလားဆိုတာ ဆရာဝန္နဲ႔ တိုင္ပင္ရမွာျဖစ္ပါတယ္
Oxygen ကေတာ့ ေဘးရန္ သိပ္မရွိပါဘူး

ေနာက္ဆံုး အေရးအႀကီးဆံုးကေတာ့
6. Air Purifier ပါ
ေလထုညစ္ညမ္းလြန္းတဲ့ ႏိုင္ငံမွာ လူေတာင္ေနေနတာပဲ ေခြးကဘာျဖစ္မွာလဲလို႔ေမးရင္ေတာ့ လူေတာင္ တခ်ိဳ႕က ခံႏိုင္ရည္ရွိသလို တခ်ိဳ႕က မခံႏိုင္ၾကပါဘူး

ေနာက္ၿပီး လူက အခန္းတခုထဲက ၾကမ္းျပင္ေပၚမွာ ၂၄ နာရီမေနရပါ သူတို႔က အခန္းထဲမွာ ၾကမ္းေပၚမွာ ၂၄ နာရီနီးပါးေနရတဲ့ကေလးေတြျဖစ္လို႔ ဖုန္/ မီးခိုး/ ေဆးလိပ္ေငြ႕/ V**e ေငြ႕/ ၾကမ္းတိုက္ေဆး Chemical ေငြ႕/ မသန္႔ရွင္းတဲ့ေလေတြ႐ွဴရင္ ပိုပိုၿပီး ဆိုးရြားလာတတ္တာေၾကာင့္ မီးလာေနခ်ိန္တိုင္း ကၽြန္ေတာ္တို႔က Air Purifier ကိုဖြင့္ေပးပါတယ္ ခုလို ေဆာင္းတြင္းေရာက္ေတာ့မယ့္ ကာလဆိုၿပီးလိုအပ္ပါတယ္
တမိုးတြင္းလံုးစာ သစ္ရြက္ေျခာက္ေတြကို မစြန္႔ပစ္ဘဲ မီး႐ွိဳ႕ၾကေတာ့မယ္ မဟုတ္လား

ဆိုေတာ့ ကၽြန္ေတာ္တို႔ တိုက္တဲ့ေဆးေတြ Supplement ေတြ ဒီ Link https://m.facebook.com/story.php?story_fbid=3208520146065433&id=2105038133080312&mibextid=qC1gEa မွာဖတ္ႏိုင္ပါတယ္

❗သင့္ေခြးေၾကာင္ကို အဝမလြန္ပါေစနဲ႔❗
ေရာဂါအခံမရွိဘဲ အဝလြန္ေစျခင္းဟာ ႏိုင္ငံျခားမွာဆို တိရစၧာန္ ညႇင္းပန္းႏွိပ္စက္မႈ ေျမာက္ပါတယ္

🙏က်န္းမာလို႔ သက္ရွည္ ေပ်ာ္ရႊင္ေသာ တိေလးေတြ ပိုင္ဆိုင္ၾကရပါေစလို႔ Just for Pet မွ ဆုေတာင္းေမတၱာပို႔သပါရေစခဗ်

#စာမ်ားကူးယူေဖာ္ျပခြင့္မရွိပါ

24/10/2023

ဝမ်းပျက်ခြင်းအတွက် ပထမဆုံးသတိပြုမိစရာ

😑အစာသိပ်မစားဘူး
ဝမ်းပျက်လွယ်တယ်
ဝမ်းသွားရင် အကျိအချွဲလေးတွေပါတယ်
ဖင်ကိုလည်း တရွတ်ဆွဲပြီး ကြမ်းမှာပွတ်သေးတယ်

❗ဒီလိုအခြေအနေမျိုးမှာ ကလေးက ဆော့နိုင် အိပ်နိုင်နဲ့ လန်းပြီး သန်မချတာ ကြာပြီဆိုရင် သန်ချကြည့်သင့်ပါတယ်

⚠️ပုံမှန်သန်ချခြင်းကို ၃ လတခါလို့သတ်မှတ်ပေမယ့် တကောင်နဲ့တကောင်က မတူကြပါဘူး
တချို့ကလေးတွေက ၁ လခွဲ ၂ လဆို ဖင်ပွတ်နေပါပြီ
သန်ချဖို့လိုနေတတ်ပါပြီ

🐾 သန်ချတဲ့အခါ ဝမ်းသန်အတွက်ဆေးသီးသန့် အသုံးပြုပေးတာက ပိုပြီး ထိရောက်ပါတယ်

❤️ 5 kg ကို တခြမ်းနှုန်း
10 kg ကို တလုံးနှုန်း စသဖြင့်
Body Weight နဲ့ ဆေးအမျိုးအစားပေါ်မူတည်ပြီး ချရပါတယ်

👍 သန်ချဆေးတိုက်ကျွေးရင် အန်တတ်ပြီးတော့
နာရီဝက်အတွင်း အန်လိုက်တယ်ဆိုရင်တော့ နောက်နေ့မှာ ဆေးပြန်တိုက်ရပါတယ်

👀 ကျွန်တော်တို့ရဲ့ အတွေ့အကြုံတွေအရ ဒီလို ဝမ်းပျက်လွယ်တာ ချွဲပါတာမျိုးမှာ သန်အရင်ချလိုက်ရုံနဲ့ သက်သာသွားတဲ့ အကြိမ်တွေများပါတယ်

သန်ချပြီး ၂ ပတ်အတွင်း အစာမမှားပါဘဲ ဝမ်းပျက်တာ အကျိအချွဲပါတာမျိုးဆိုရင်တော့ ဆေးခန်းပြပြီး ပိုးသတ်ဆေးတိုက်ရပါတယ်

ဒီ Post လေးကတော့ ဆေးခန်းပြဖို့ နေရာအချိန်အခါ မလွယ်ကူ ဆေးခန်းသွားဖို့ အချိန်မပေးနိုင်တဲ့သူတွေအတွက် ❗ခွေးကလန်းတယ် ❗ ဆိုရင် သန်မချတာကြာပြီဆိုရင် လုပ်ကြည့်လို့ရတဲ့ နည်းလမ်းလေးပါ

မေတ္တာဖြင့် Just for Pet

Photo Credit to rightful owner

06/07/2023

❗မိုးတြင္းေရာက္ၿပီမို႔ ေႁမြပါး ကင္းပါး ဂ႐ုျပဳၾကပါေနာ္

💔အေတြ႕အၾကံဳေတြကရတဲ့ သင္ခန္းစာဘယ္ေလာက္ေကာင္းေကာင္း ဒါမ်ိဳးအေတြ႕အၾကံဳေတြ တကယ္မလိုခ်င္ဘူး

😑လူေတြေၾကာင့္ ပ်က္စီးရတဲ့ သဘာဝပတ္ဝန္းက်င္အေျခအေနေတြ၊ ေတာရြာ မီး႐ွိဳ႕တာေတြ၊ သစ္ပင္ေတြ အကန္႔အသတ္မရွိ ခုတ္ထစ္ေနတာေတြ စတာေတြေၾကာင့္ ေတာထဲရွိေနရမယ့္ ေကာင္ေတြက ေတာထဲမရွိႏိုင္ေတာ့ဘဲ ၿမိဳ႕ေပၚေတြေရာက္ေနသလားပဲ

ရန္ကုန္ ျမိဳ႕လည္ေခါင္မွာေတာင္မွ ေႁမြေတြ႕တာေတြမ်ားလာတယ္ Just for Pet က အိမ္မွာလည္း ၅ လပိုင္း တပတ္တြင္း ေႁမြ ၂ ခါေတြ႕တယ္

😔ခုလည္း မာရီေလး ဘာေကာင္ကိုက္ခံရမွန္းမသိ

🔺၁ ရက္ေန႔ ညျပန္လာတယ္ တေဝါင္ေဝါင္နဲ႔ မ်က္လံုးေသႀကီးနဲ႔ သြားဖံုးေတြက ေဖြးဆုတ္ေနတာ
🔺၂ ရက္ေန႔ မနက္ကတည္းက ေသြးေတြစစ္ေတာ့ ေသြး Result က မေကာင္း ေသြးအားအရမ္းနည္းေနတယ္
ေသြးသြင္းၿပီး လိုတာအကုန္ကုတယ္
Temp က က်တာ 97-98... Heating Pad ေတြနဲ႔ထားရတယ္
🔺၃-၄ ရက္ေန႔က် Temp က 104 ေတြျဖစ္
နာက်င္မႈေဝဒနာကို အေတာ္ခံစားေနရရွာတယ္
၄ ရက္ေန႔ည လက္ႀကီးတဖက္ကေဖာင္းၿပီးေရာင္လာေရာ
🔺၅ ရက္မနက္က် ပါးခ်ိတ္ႀကီးေရာင္လာတယ္
မနက္ကတည္းက ေဆးခန္းမွာ ေဆးထိုး အားေဆးေတြသြင္း ညေနက် Pain shock ရခ်င္ၿပီး မ်က္လံုးသူငယ္အိမ္က က်ဥ္းလိုက္ က်ယ္လိုက္ေတြျဖစ္
မ်က္ေတာင္ေတာ့ လံုးဝမခပ္ႏိုင္ေတာ့ဘူး
တအားေတြေမာလာလို႔ oxygen ေတြေပးရတယ္
ည ၉ နာရီေက်ာ္ေတာ့ ေသသြားေရာ

💔ထင္တာေတာ့ အဆိပ္ရွိတဲ့ေကာင္တေကာင္ေကာင္ အကိုက္ခံရတာျဖစ္ဖို႔မ်ားတဲ့အေျခအေနပါ

အဲ့ေတာ့ ခုလိုမိုးတြင္း ဖားနဲ႔ ႂကြက္ေပါခ်ိန္
❗ေနထိုင္တဲ့ ျခံထဲ သစ္ပင္ေတြ ေျမႀကီးေတြ ျခံဳေတြရွိရင္
❗ ညပိုင္းေတြ လမ္းေလွ်ာက္ေက်ာင္းတဲ့ အာဝုေတြရွိရင္ သတိထားပါ
အကိုက္ခံရမွန္းသိသိခ်င္း ဒါမွမဟုတ္ အာဝုကသြားၿပီး ကိုက္လိုက္မွန္းသိသိခ်င္းေတာင္ အဆိပ္ရွိေႁမြဆိုရင္ ခ်က္ေကာင္းထိသြားရင္ အသက္ဆံုးရွံုးႏိုင္ပါတယ္

💔ဒါေတာင္ မာရီက ဒီျခံထဲမွာပဲေမြး ဒီျခံထဲမွာပဲႀကီး
ဒီလထဲမွာတင္ အသက္ ၄ ႏွစ္ျပည့္တဲ့အျပင္
ေၾကာင္ထဲမွာဆို ဝိတ္လည္းရွိၿပီး
အေကာင္လည္းႀကီးတဲ့ထဲ ပါပါတယ္
ဒါလည္း သူမခံႏိုင္လိုက္ပါဘူး

ခုက ရန္ကုန္ၿမိဳ႕လယ္ေခါင္ျဖစ္တဲ့ ပုစြန္ေတာင္တို႔ဘာတို႔မွာကအစ ေႁမြေတြေတြ႕ေနရတာပါ

🙏သတိလိုပိုတယ္မရွိပါဘူး
ဖားလည္း အဆိပ္ရွိ ကင္းေျခမ်ားလည္း အဆိပ္ရွိပါတယ္ အေမႊးရွည္ အာဝုေတြဆို လမ္းသြားၿပီး ျပန္လာရင္ အေမႊးေတြထဲ ကင္းေျခမ်ားပါလာတတ္ပါတယ္ အေမာင္ဘူးဒီက ၂ ခါျဖစ္ဖူးလို႔သိရပါတယ္

⚠️အာဝုပူစီမိဘမ်ား သတိထားႏိုင္ဖို႔ရန္
တင္လိုက္ပါတယ္