24/09/2024
प्रिय किसान साथीहरू👨🌾,
न्यून चापीय अवस्था र बंगालको खाडीबाट आएको जलवाष्पयुक्त हावाको प्रभावले आजदेखि देशभर वर्षा☔ थप सक्रिय हुँदैछ। १० असोज बिहीबारदेखि १३ असोज शनिबारसम्म विशेषगरी कंचनपुर, कैलाली, बर्दिया, दाङ, सल्यान, बुटवल, चितवन, गोर्खा, र कास्कीमा मुसलधारे वर्षाको सम्भावना रहेको जल तथा मौसम विज्ञान विभागले जनाएको छ।
सम्भावित प्रभावहरू📢
➡️बाढी, डुबान र पहिरोको जोखिम: विशेषगरी पहाडी क्षेत्रमा राजमार्गमा पहिरोको कारण यातायात अवरुद्ध हुन सक्छ।
➡️धान खेतीमा ठूलो प्रभाव: लगातारको भारी वर्षाले पकेट क्षेत्रहरूमा धान बाली नष्ट हुन सक्छ।
के गर्ने✅
➡️धान काट्न बाँकी किसानहरूले मौसमको अपडेट अनुसार धानलाई समयमै सुरक्षित गर्ने उपाय अपनाउनुहोस्।
➡️पहाडी र नदी आसपासका क्षेत्रमा बसोबास गर्नेहरूले सतर्कता अपनाउनुहोस्, बाढी र पहिरोको सम्भावना भएकाले सुरक्षित स्थानमा जानुहोस्।
➡️यातायातमा असर पर्ने सम्भावना भएकाले यात्रा गर्दा मौसम पूर्वानुमान हेरेर मात्र यात्रा गर्नुहोस्।
अहिले हल्कादेखि 🌦️मध्यम वर्षा🌧️ जारी छ, जुन शुक्रबार र शनिबारसम्म धेरै ठाउँमा भारी वर्षामा⛈️ परिणत हुन सक्छ।
कृषि कार्यमा सतर्कता अपनाएर सुरक्षित रहनुहोस्।
मौसमको नियमित अपडेट सुपर कृषक एप मार्फत हेरी जलवायु-मैत्री उपाय अपनाउनुहोस्।
