HOROR & STORY

28/05/2021

House for sale

Hello guys, HitsugayaToshiro po ulit sender ng My guardian angel. Gusto ko lamang pong ibahagi sa inyo ang isa sa mga karanasan namin ng mga kaibigan ko nang minsang puma*ok kame sa isang haunted house.

Halos isang linggo palang mula ng mag start muli ang klase, nag karoon kame ng dalawang babae sa tropa, yung isa gf ng best friend ko na mula sa ibang section at yung isa naman ay galing sa ibang school. Okay naman silang kasamang dalawa, may pagkabaliw nga lang tong gf ng tropa ko. Uwian na non at nag uusap kame sa mga pwedeng gawin dahil nga sa matagal kameng di nag kita kita, usap dito usap doon hanggang sa inatake nanaman ng kabaliwan tong gf ng tropa ko at sinabing mag ghost hunting daw kame doon sa malaking abandonadong bahay. Pagkasabi niya non napatingin kame sa kanya nitong isa pa naming kasamang babae na tawagin nalang nating si Yeri ( Shoutout sa mga Reveluvs diyan ). Sabay tanong sa kanya kung sure ba siya doon dahil matagal ng sabi sabi samin na meron daw talagang kababalaghan doon, sabi naman niya hindi daw namin malalaman kung hindi namin susubukan, nagpumilit talaga siya noon kaya pumayag nalang kaming lahat. Napagkasunduan namin na dun nalang kami mag kita-kita sa bahay ng lola ko dahil malapit lang naman ito doon tsaka para na din di na ako mag papagod.

Fast forward:
Nasa harapan na kame ng gate at pareho kameng nag aalangan nitong tropa ko dahil apat lang kameng tumupad sa usapan. Alam niyo naman sa mga ganyan di talaga maiiwasan yung pagiging talksh*t ng iba. Kaharap lang namin yung sign na 'House for sale', ewan ko ba kinikilabutan ako kapag binabasa ko yung sign na yun. "Ano g ba talaga?" Tanong ko sa kanila. "Oo naman bakit hindi?" Sagot naman nitong gf ng tropa ko. "Ikaw?" Tanong ko naman kay Yeri. "Oo naman." Mahinhin naman niyang sagot. Nag uusap pa kame non nang bigla nalang puma*ok yung mag jowa sa gate kaya naman napasunod agad kame. "Hindi ka ba natatakot?" Tanong ko uli sa kanya. "Sanay na ako." Tapos dumiretso na siya. Bumungad agad sa amin pag pa*ok ang napaka bahong amoy, parang nabubulok na laman tapos mga kung ano anong kemikal yung amoy pag pa*ok palang namin ng bahay. Napa isip pa ako non na baka may demonyo dito dahil ang sabi ganon daw ang amoy ng mga pinamumugaran nila. Sinabi ko iyon sa kanila pero tumawa lang yung mag jowa habang si Yeri naman sinabing normal lang daw iyon sa isang abandonadong bahay. Tinanong ko siya kung anong pareho, yun bang mangamoy ng ganon yung bahay o pamugaran ng demonyo, ang sagot naman niya: "Pareho." Sabay ngiti na parang nananakot, pero ewan di naman nakakatakot yung ngiti niya ang cute nga eh. Oo nga pala, merong 2 floor yung bahay at madaming mga pintuan na pwede mong daanan palibot sa buong bahay o sa buong pinag tatayuan nito. Etong Gf ng tropa ko ( Tawagin nalang nating si Joy dahil masyado siyang maligaya ) ay nag salita na naman na mag hiwa-hiwalay daw kame, doon daw sila sa bakuran habang kame naman daw ni Yeri ay dito muna sa first floor mag libot tapos mag kita nalang daw kame sa 2nd floor. Siyempre hindi ako pumayag dahil isa yan sa mga lesson sa mga horror movies na wag kayong mag hihiwalay ng mga kasama mo dahil alam niyo na. Ang ka*o mapilit talaga tong si Ligaya tsaka tinanong na din ako netong ni Yeri kung natatakot daw ba ako kaya pumayag nalang ako. Lumabas na sila sa bakuran at nag simula na din kaming mag libot nitong ni Yeri sa 1st floor. Tahimik lang kaming dalawa dahil hindi naman kame ganon ka close tsaka tahimik lang din talaga tong babaeng to kaya kung ano ano nalang ang pumapa*ok sa isip ko, naisip ko na baka set up pala to tapos kung anong mangyare saming dalawa, o kaya baka mahuli kame dito tapos makasuhan pa kame ng trespasing. Puma*ok kame sa isang room, isang bookshelf lang ang nandito at wala itong laman, habang palapit dito si Yeri ay bigla nalang kameng nakarinig ng sigaw mula sa labas kaya agad kameng napatakbo papunta sa direksyon non dahil parang boses yon ni Joy. Palabas na sana ako sa pintuan nang bigla itong nag sara kaya naman napahinto ako at nilingon si Yeri pero nalaman kong wala pala siya sa likuran ko. Inilibot ko ang mata ko sa paligid nang bigla nalang akong nakarinig ng isa pang sigaw na mula naman sa itaas, kaboses ito ni Yeri kaya agad akong nag madali at sinundan kung saan nanggagaling ang tunog na iyon hanggang sa makarating ako sa isang kwarto. Nakita ko siyang nakahiga sa sahig kaya agad akong lumapit sa kanya at sinubukan siyang gisingin, paulit ulit kong binabanggit ang pangalan niya hanggang sa binuksan nito ang mga mata niya, bigla akong nanigas sa pwesto ko dahil purong kulay itim lang ang mga nito sabay biglang ngumiti sa akin. Alam kong hindi siya ito dahil ibang iba ang ngiti niya sa ngiti ng totoong Yeri, napaatras ako sa pwesto ko habang siya nama'y pagapang na lumalapit sakin. "Lumayo ka sakin, sino ka? Anong kailangan mo?" Tanong ko sa kanya. Lalong lumaki ang mga ngiti nito sakin bago ito nag salita ng: "Hindi ba ito ang gusto mo, sayo na ako."
Mahinhin niyang sambit, unti unting nawawala yung takot na nararamdaman ko dahil nagiging normal na ulit yung itsura niya, noong bumalik na ito sa normal ay nilapitan ko siya at niyakap sabay tanong kung ayos lang ba siya. "Oo, ayos lang ako lalo na ngayong sakin kana." Napabitaw ako sa kanya sabay tanong ng "Ano?" Tumingin siya sakin at ngumiti hinaplos niya ang mukha ko at bigla itong sumigaw ng: "SA AKIN KANA!!! SA AKIN KA NA!!" Paulit ulit niyang sinasabi habang tumatawa, nakatitig lang ako sa kanya hanggang sa di ko na namalayang nakasakal na pala siya sa akin. Hindi ko alam kung anong klaseng nilalang siya, basta ang nasa isip ko lang makawala mula sa pag kakasakal niya at hanapin yung mga kasama ko, lalo na si Yeri dahil ako yung huling kasama niya so responsibilidad ko siya. Sinubukan kong mag chant ng exorcism dahil yun lang naman ang alam ko pero hindi ko alam kung gagana ba iyon dahil di naman ako sure kung anong klaseng nilalang nga ba talaga ito. "Exorcizamus te, omnis immundus spiritus, omnis satanica potestas.." Bahagyang lumuwag ang hawak niya sakin kaya nag karoon ako ng malaking pag asa at itinuloy ko ito. "omnis incursio infernalis adversarii, omnis legio, omnis congregatio et secta diabolica..." Napahinto ako sa pag chant dahil bigla kong nakalimutan kung anong susunod, alam kong kabisado ko ito at hindi ko basta basta nalang makakalimutan ng ganun ganun lang kaya pinilit ko itong alalahanin, pero wala hindi ko na talaga maalala. Narinig kong tumawa yung sumasakal sakin kaya napatingin ako sa kanya at dito ko unang nakita ang totoong itsura niya, napaka payat nito na may buhaghag na buhok, bungi-bungi siya at napaka puti ng mukha at wala itong mga mata. Nilapit nito ang mukha niya sakin at nag chant din ng latin, unti unti akong nakaramdam ng pagkahina at unti unti na ding lumalabo ang paningin ko. Hindi ko na alam ang gagawin ko, iniisip ko yung sinabi niyang kanya na ako, ibig bang sabihin kukunin niya ang kaluluwa ko o ang katawan ko? Hindi ko alam kung ano pero bigla nalang puma*ok sa isip ko si Yeri, paano siya? Paano kung napahamak na din pala siya? Hinayaan ko nalang na pumikit ang mga mata ko at nag dasal ako sa panginoon, pinagdasal ko na wag niyang hayaang makuha nitong bruhang ito ang kaluluwa ko, at kung ang katawan ko man ang gusto niya sana'y hindi ito pahintulutan ng Ama, at sana din makita ko pa sila, sana makita ko pa siya...

Pasensya na po kung putol dahil masyado na po atang mahaba at parang 2 parts na ata halos ito. Hindi na rin po kase kasya sa pinag tatypan ko kaya hinati ko nalang po sa dalawang parts. Don't worry guys send ko po agad kapag na post na po ito ni Admin, baka kase matabunan lang sayang naman kung mag tatype ako ng ganon kahaba hehe.

-HitsugayaToshiro.

Local service

22/04/2021

HAUNTED HOUSE NG MALAYBALAY 3

Sorry po talaga ulit kung di kaya ng isang bagsakan lang. Kahit ako man ay gusto din ng isang bagsakan na lang pero ayaw talaga ni messenger eh. Saka nakalimutan ko pong banggitin sa 1st at 2nd part ng kwento, namatay po yung a*o kong si Hotdog. Bigla kasi siyang nagsuka ng dugo. Di ko alam kung bakit. Saka TOTOO pong nangyari ito. Di po ito gawa gawa lang. Kaya po natatandaan ko pa din yung date kasi mahilig talaga ako sa pagsusulat ng diary simula pa noon. Nakita ko po kasi yung diary ko noong 2014 dito sa cabinet kaya naisipan kong ikwento ito at nalalagay ko tamang petsa kung kelan nangyari. Send ko na lang agad po yung next part. Salamat at pasensya na po ulit.
-
Tinanong ko si Rita kung para saan yung mga binigay niya sa amin.

Ako: Pero bakit? Para saan?
Rita: Proteksyon niyo iyon. Saka magdasal din kayong lahat. Lalo na ikaw at yung bunso niyo. Nga pala yung bunso niyo, asan?
Ako: Nasa taas, bakit?
Rita: Kanina pa?
Ako: Oo. Kanina pa.
Rita: Kunin mo siya, may batang umakyat sa hagdan ngayon lang! Akala ko kapatid mo yun!!

Agad naman akong napatakbo sa taas na siya ring pagsigaw ni mama dahil nasa bintana na nakatayo si Daniel at akmang tatalon na sa bintana ng mahablot ko ang kamay nito. Sumigaw naman si Rita mula sa labas ng "WAG NIYO SILANG GAMBALAIN! WALA SILANG KASALANAN SA INYO! DOON KAYO SA TAONG MAY GAWA NYAN SA INYO!". Kinarga ko na si Daniel pababa ng biglang, sumigaw ito.

Daniel: ATE! MAY MUMU!! ATE BILIS!

Napatakbo naman ako ng mabilis pababa dahil na din sa gusto kong ilayo si Daniel sa kung anuman yung humahabol sa amin. Iyak ng iyak si Mama noon dahil sa takot. Nung medyo kumalma na kami, may ibinigay sa akin na dalawang kwintas si Rita. Sabi niya, yung isa daw para kay Daniel at yung isa ay para sa akin. Bigay daw yun ng papa niya para sa amin kasi naikwento nga daw ito ni Rita sa kanya. Manggagamot kasi ang tatay niya.

Kinagabihan, ikinabit na ni mama sa dalawang pintuan ang mga wind chime na bigay ni Rita sa amin. Nagsaboy na din kami ng asin sa labas at doon sa may yero. Tinanggal na din namin ang salamin. Pati na yung nasa kwarto namin ni Jessa, tinanggal na din ni mama. Suot na namin ni Daniel ang kwintas kasi ang sabi ni Rita, mapoproteksyunan kami nito laban sa mga elementong iyon. Magpaparamdam sila pero di na sila makakalapit sa amin. Sinabihan niya din sila mama na maglagay ng asin sa bulsa nila.

Bandang 9pm na pero nasa sala pa din ako noon at nanonood ng Vampire Diaries habang gumagawa ng aking report ng biglang, namatay ang TV at may sumipa ng pintuan sa kusina ng sobrang lakas. Hanggang sa pagtingin ko sa may banyo, biglang napunta yung dulo na bahagi ng kurtina sa itaas. Hindi ito bumababa. Nagdasal na lang ako habang dinadial ang number ni papa kahit na nasa kwarto lang naman ito. Hindi ko na nagawang sumigaw pa dahil na din sa nagdadasal ako habang hawak ko ang proteksyon ko na bigay ni Rita. Unti unti ng bumababa ang kurtina at gumawa ito ng pigura na animoy may taong nagtatago dito. Bigla akong sumigaw ng "LUBAYAN MO KAMI. LUBAYAN NIYO ANG PAMILYA KO! SA NGALAN NG PANGINOON AT NI HESU KRISTO, INUUTUSAN KITANG UMALIS SA BAHAY NA ITO AT LUBAYAN ANG PAMILYA KO!!" Agad namang napatakbo sina Papa pababa habang karga karga si Daniel, na siya ring pagkawala ng kung anumang nilalang na nagtatago sa likod ng kurtina na iyon. Niyakap ako ni mama. Tinanong niya ako kung ayos lang daw ba ako. Tumango naman ako.

Kinabukasan, naisipan ni mama na tanggalin muna yung yero na nakaharang sa gilid ng bahay kasi sobrang dumi na nito. Andaming tuyong dahon at gusto rin ni mama na palakihin yung butas doon kung saan, doon nahuhulog yung mga dumi galing sa lababo. Inutusan niya yung kapatid kong si JC, pangatlo saming magkakapatid. Nilisan na namin yung gilid ng bahay at sinunog yung mga tuyong dahon doon. General cleaning daw yun sabi ni mama hahaha. Tapos si JC naman, naghukay na. Habang naghuhukay siya ng butas, may natamaan siya ilalim. Sabi niya, parang kahon daw na kahoy yung natamaan niya. Sinadya niyang patamaan ito ulit ng pala at ng maramdaman niyang parang nagkabutas ito, biglang umalingasaw yung amoy. Amoy ng patay na nabubulok. Kaya tumakbo yung kapatid ko sa banyo dahil di niya makayanan yung amoy. Ilang araw ang lumipas mula noong nilinisan namin ang gilid ng bahay, napansin namin si mama na parang nanghihina.

Dumaan pa ang mga araw, nanatili pa ring matamlay si mama na animo'y parang may iniindang sakit ngunit ayaw lang nitong sabihin. Wala sina Jessa at JC sa bahay dahil nagbasketball kasama yung mga pinsan namin. Si papa naman, umalis muna. Namili ng groceries sa bahay. Isasama niya sana si Mama ka*o, ayaw ni mama kasi daw masama ang pakiramdam niya kaya kaming tatlo lang nina mama ang naiwan.

Ako: Ma, ayos ka lang ba?
Mama: Ewan ko ba. Para akong lalagnatin ata, ang lamig kasi ng nararamdaman ko.
Ako: Magpahinga na lang po muna kayo. Ako na bahala dito maglinis.
Mama: Oh sige. Saka mamaya, pag uwi nila Jessa, punta ka muna doon sa Lola mo. May pinapakuha kasi siyang ulam daw doon. Para di na tayo magluluto mamayang hapunan.
Ako: Opo ma. Nga po pala, suotin niyo po ito.
Mama: Pero bigay sa iyo yan ni Rita. Proteksyon mo yan diba?
Ako: Wag na po kayong mag alala sa akin. Di na po ako natatakot. Saka, mas malakas ata ang Panginoon sa kanila noh. Magdadasal lang po ako ma. Ayoko lang kasi na may mangyari sa'yo o sa inyong lahat. Palamura ka pa naman hahaha.

Binibiro ko lang si Mama dahil gusto ko siyang makitang tumawa. Pero totoo, ayoko lang kasing may mangyaring masama sa kanila. Mayamaya pay nakauwi na sina Jessa kaya umalis na din ako. Nakwento ko sa Lola at Lolo ko yung nararanasan namin sa bahay na yun.

Lola: Umalis na kayo dun. Kakausapin ko si papa mo na umalis na kayo dun. Wag niyo ng hintayin na may mangyari pa sa inyo.

Nasa kalagitnaan kami ng pag uusap ni Lola ng biglang tumawag si Jessa.

Jessa: Ate, si Mama. Papunta sila ni papa sa ospital. Sa provincial. Bigla kasing hinimatay si mama.
Ako: Ano? Teka, pauwi na ako. Wag kayong umalis dyan sa bahay ha? Kukunin ko kayo dyan para makasunod ako dun kila papa.

Papa*ok pa lang ako ng bahay nang may naaninag ako sa screen ng TV. May repleksyon akong nakita na nakatayo sa harapan ko. Huminga muna ako ng malalim saka nagdasal ng mataimtim. Tumakbo ako ng kwarto para kunin ang mga kapatid ko. Nung puma*ok ako sa kwarto nina Mama, nakita ko sila Jessa nag iiyakan. Tinanong ko sila kung bakit, sabi ni Jessa eh natatakot daw sila kasi may babae daw sa baba na nakatayo sa may pintuan. Saka nag aalala daw sila kay mama kasi sabi daw ni mama bago siya hinimatay, may hagdan daw siyang nakikita sa langit. Pinakalma ko lang sila. Sabi ko humawak lang silang tatlo sa akin. Nung nakababa na kami, kinuha ko agad yung asin sa may lababo at isinaboy ito hanggang sa makalabas kami. Agad ko namang kinandado yung bahay saka umalis.

Nakarating na kami kina Lola at iniwan ko muna doon ang mga kapatid ko saka pinuntahan sila mama sa ospital. Pagdating ko doon, okay na si Mama. Sabi ni papa, pinagtulong tulungan na siya ng mga nurse at doktor dahil wala ng blood pressure si mama. Buti na lang daw eh may nurse na nagsuggest na baliktarin yung posisyon ni mama. Itinaas daw nila ang paa ni mama at saka siya kinuhanan daw ng BP ulit. Nung una naging 60 palpatory daw hanggang sa naging 80/60 at umakyat na ng 110/80. Kaya nilipat na siya sa private room. Sinabihan ko si papa na kapag nakalabas na si mama, umalis na kami sa bahay na yun.

5 araw namalagi si mama sa ospital hanggang sa nadischarge siya. Andaming tests ang ginawa kay mama noong nasa ospital pa kami pero peptic ulcer lang yung diagnosis sa kanya. Nagtataka lang ako kasi kung ulcer yung sakit niya, bakit halos mawalan na siya ng BP? Nanlalamig katawan niya? Namumutla? Saka di naman siya umiinda na masakit tiyan niya these past few days? Di ko talaga maintindihan. Pinagsawalang bahala ko na lang yung mga agam agam ko na yun. Ang importante, okay na siya. Pag uwi namin ng bahay, agad kaming sinalubong ni aling gloria na galit na galit. Bakit daw binuksan at tinanggal namin yung yero na hinarang niya doon.

Aling Gloria: Sinabihan ko na kayo hindi ba na wag na wag niyong tatanggalin yan?!
Papa: Nilinisan lang kasi ng mga anak ko po yan Aling Gloria. Marami na kasing basura at tuyong dahon.
Aling Gloria: Wala akong pakialam. Kahit pa gabundok na yang basura at tuyong dahon dyan, kapag sinabi kong wag niyong bubuksan dapat wag niyong buksan! Wala na akong magagawa kung ganito lang din naman kayo. Ang gusto ko, mag impake na kayo at umalis na dito sa bahay ko. Di kayo marunong sumunod sa utos! Bibigyan ko kayo ng 3 araw na lang na mamalagi dito. Tapusin niyo nalang yung huling ibinayad niyo.
Ako: Mawalang galang na po Aling Gloria, hindi niyo naman po kelangan na magsisigaw pa at padabog na sagutin si Papa. Opo, aalis naman na po talaga kami dito Aling Gloria. Hindi niyo na po kelangan pang sabihin yan. Pero may itatanong lang po ako sa inyo, ano bang meron dyan sa gilid na yan na ayaw niyong malaman namin kaya galit na galit po kayo dahil tinanggal namin ang yero na nakaharang dyan? May tinatago po ba kayo dito kaya itong bahay na ito, walang nagtatagal dito na tumira? Yung kahon na nasa ilalim ng lupa malapit sa butas na nakatapat sa lababo, ano yun?? Bakit simula noong natamaan ng kapatid ko 'yun ng pala, may umalingasaw bigla na mabahong amoy?? Ngayon sagutin niyo po yung tanong ko. Saka, bakit lahat na lang sa bahay na ito eh magkakatapat? Mula sa bintana at pinto, sa mga pintuan na magkatapat din, at sa mga salamin na nakaharap sa mga pintuan. Bakit may kung anong elemento kaming nararamdaman sa bahay na ito? Yung a*o kung si Hotdog, sobrang lakas pa nun bago kami lumipat dito. Pero nung nakalipat na kami, siya unang nagkasakit hanggang sa mamatay siya. Kahit yung veterinarian, di alam kung anong nangyari sa kanya. Bakit may nakikita kaming itim na anino dito sa may hagdan minsan? Sino yung batang lalake at babae na minsan na naming nakita lahat dito? Bakit malas ang bahay na ito? Sagutin niyo ako.

Biglang nanlaki ang mata ni Aling Gloria sa mga sinabi kong iyon.

Aling Gloria: W-wala na tayong dapat pang pag usapan at hindi malas ang bahay ko na ito. Basta ang gusto ko pagkatapos ng 3 araw, umalis na kayo dito.

Agad naman itong umalis. Alam kong may tinatago talaga siya amin. Hindi ako pwedeng magkamali doon. Kinabukasan, pumunta sa bahay yung kasama ni Papa sa trabaho. Tinanong naman ito ni Papa kung may alam ba siyang pwede naming lipatan. Tawagin na lang nating Tito Clyde.

Tito Clyde: Oo pre, meron. Bakit? Aalis na kayo dito?
Papa: Oo eh. Pinapaalis na kasi kami ng may ari nito. Eh kahit naman na di niya pa kami pinapaalis, aalis pa din kami dito. Sobrang malas ng bahay na ito eh.
Tito Clyde: Ganun ba? Sa totoo lang, dito din kasi kami nakatira noon. Kung alam ko lang na dito pala kayo lilipat, dapat pala eh binalaan ko na kayo.
Papa: Bakit pre? Ano ba meron sa bahay na ito?
Tito Clyde: Nung nakatira kasi kami ng pamilya ko noon dito, yung 2 kong anak na babae palaging ginagambala daw ng kung anong elemento mang nandito. Eh hindi naman kami nagpapaniwala sa mga ganyan talaga ka*o yung mga anak ko eh puro na dalaga yun at saka di naman matatakutin yun pero nung nakatira kami dito, gabi gabi na lang talaga sila nagsisiiyakan dahil nga may nakikita silang anino ng tao o di kaya ay bata na tumatakbo. At ang mas nakakabahala pa ay tuwing matutulog daw sila, sabay pa silang binabangungot. Kesyo, may babae daw na nakadagan sa kanila na nanlilisik yung mata at may dugo pang lumalabas dito. Tapos yung ngiti daw eh abot hanggang tenga. Yung tipong hiniwa yung bibig hanggang tenga. Yun ang sinabi ng mga anak ko. Kaya di na kami nakatiis, talagang umalis na kami.
Papa: Kami nga din eh. Simula nung tumira kami dito, puro malas ang nangyayari samin at at araw man o gabi palaging ginagambala ang pamilya ko. Minsan nga yung mga gamit namin sa kusina eh pinapakialaman. Magigising na lang kami na magulo na kahit inayos naman ito ng asawa ko bago kami umakyat ng kwarto.

Di na ako nakatiis sa pakikinig lang kasi naghuhugas ako ng pinggan noon nung nag uusap sila. Kaya kinwento ko din sa kanila yung nangyari sa gilid ng bahay nung naglilinis kami.

Tito Clyde: Hindi kaya may nangyari sa bahay na ito na ayaw nilang malaman natin?
Papa: Yun nga rin sa tingin ko pre.
Tito Clyde: Umalis na kayo dito pre. Baka mapahamak pa kayo sa bahay na ito.

Kinagabihan, nag ayos na kami ng gamit namin. Uuwi muna kami doon sa Lolo at Lola ko. Dala namin ang iba naming mga damit at gamit. Yung kayang bitbitin lang. Doon muna kami matutulog tapos bukas na namin babalikan ang iba pa naming gamit. Kinabukasan, pagdating namin sa bahay andun si Aling Gloria. Inayos niya yung yero na tinanggal namin sa gilid ng bahay. Binalik niya iyon sa dating ayos. Hindi niya kami pinansin basta patuloy lang siya sa pag aayos noon. Nilapitan siya ni Papa. Nagpaalam na kukunin na namin ang lahat ng gamit namin dahil aalis na kami at nagpasalamat dahil sa pagpapatira sa amin doon. Tumango lang ito bilang pagsagot kay papa.

Nakarating na yung sasakyan na pagkakargahan namin saming mga gamit. Sa wakas, makakaalis na din kami dito. Habang abala kami sa pag lalabas ng gamit namin, umalis na si Aling Gloria. Tapos na niyang ayusin yung yero. Talagang hinigpitan na niya yung pagkakatali nito sa mga pader. Yung tipong kahit anong gawin mong bukas eh, mahihirapan ka talaga. Nakarga na lahat ng gamit namin sa sasakyan ng biglang nagtext sa akin si Rita.

Rita: Be, asan ka?
Ako: Uuwi na kami doon sa Lolo't Lola ko be. Aalis na kami dito sa bahay na tinitirhan namin.
Rita: Mabuti naman kung ganun. Bago kayo umalis, mag alay ka muna ng dasal sa bahay na yan ha? At pakiusapan na wag na silang sumunod sa inyo at sabihin mo din sa kanila na kung anuman ang nangyari sa kanila noon, wala kayong kinalaman. Doon sila maningil sa taong gumawa nu'n sa kanila saka ipagtirik mo din sila ng kandila.
Ako: Sige. Salamat talaga ng marami Rita ah?

Agad ko namang ginawa yung sinabi niya. Ilang buwan na ang nakalipas simula noong umalis kami sa bahay na iyon, nabalitaan namin na pumanaw na pala si Aling Gloria. Ang sabi, binangungot daw ito doon mismo sa bahay na tinirhan namin. Doon kasi daw siya natulog nung gabing iyon bago siya pumanaw. Sabi nung pinsan kong si Aya na nakatira lang malapit sa kanila, may papel daw na nakuha sa kamay nito. Ang sabi, may nakasulat daw doon na "KALOT YUTA LABABO" (HUKAY LUPA LABABO). Kaya kinabukasan, yung kasambahay niya daw eh nagtawag ng mga lalakeng pwede niyang utusan na hukayin yung nasa gilid ng bahay na kung saan ay nakatapat yung lababo. Yung hinukay nung kapatid ko na may natamaan siyang kahon na gawa sa kahoy. Nung nahukay na nila, laking gulat daw nila na ang laman pala ng kahon na iyon ay buto ng mga tao. Buto ng matanda at buto ng isang bata. Pinuntahan nga daw ng mga pulis yung mga anak ni Aling Gloria para maimbestigahan. Tinanong ko siya kung may nakulong ba sa kanila o kung may alam ba siya sa naging imbestigasyon ng mga pulis. Pero sabi niya wala daw. Biglang naging tahimik daw yung ka*o eh.

Ngayon, may asawa na ako at kakauwi lang namin noong 2019 dito sa Bukidnon. Sabi nung kapatid ko, pinaparentahan ulit nung pamilya ni Aling Gloria yung bahay. 1,000 pesos per month na lang daw. Sabi ko naman sa kanya, kahit umabot pa ng piso na lang per month yung renta ng bahay na iyon, di na ako ulit titira doon.

Dito na po nagtatapos ang kwento. Sorry po kung masyadong mahaba at putol putol pa ang kwento. Sorry po talaga at maraming salamat sa pagbabasa. Salamat din po Spookify admins sa pagpost ng kwento ko pong ito.

Shoutout nga po pala sa mga readers na sumubaybay talaga sa kwento ko na sina:
- Ojas de Lagrimaz
- Kriz Angeli
- Khim Reyes
- GleFoy Badion Bernal Docallos
- Grace Mata Ruiz
At sa lahat ng mga bisayang bumasa ng kwento ko especially sa mga taga Bukidnon. Sa mga hindi ko po namention, salamat din po sa inyo. Mahal ko po kayong lahat. Sa uulitin.

- Levi

22/04/2021

Haunted house
Hi Admin, this is my real account. Please hide my identity. Silent reader ako since 2016 pa. Ngayon lang nagka-time mag share ng story kaya sana ma-post 🙂

Itong kwento na ishi-share ko is based sa experience ko. Hindi open ang 3rd eye ko and bihira lang din ako makaramdam, ilan 'to sa mga 'di ko makakalimutan na creepy experience ko.

So ayun, tinulungan ko maghanap yung boyfriend ko ng mauupahang bahay, may nakita kami na for rent malapit samin kaya tinawagan agad namin yung may-ari para makita namin. Within the day nakipag-kita agad sya, kahit sa kabilang city pa sya nakatira eh sinadya kami puntahan agad-agad.

Nasa loob ng compound yung unit, meron 5 na bahay dun sa compound pero hindi sila magkaka-mag-anak. Kada bahay may sari-sariling maliit na gate (mga hanggang balikat lang yung mga gate) tas yung pinaka main gate papa*ok yun yung pinakamalaki. Yung mismong bahay nasa pinaka-dulo (para mas ma-visualize nyo, 3 bahay sa kaliwa 2 naman sa kanan) dead end na yung gilid ng unit tas pader, mababa lang yung pader mga 5'5 yung height ng pader kaya matatanaw mo yung kabila, parang bakanteng lote na puro puno. Pag-pa*ok namin ng bahay, ang dilim at ang lungkot ng ambiance kahit na puro ilaw at ang tingkad ng pagka dilaw nung pintura ng bahay, iba yung mafi-feel mo.

Maluwag yung sala, meron kusina, tas mag-katabi yung cr at dirty kitchen. Bale yung cr katapat hagdanan paakyat sa 2nd floor. Pag umakyat ka ng 2nd floor may 2 rooms dun, sobrang laki (sa isang room kasya yung 3 double deck na malaki yung size, tas kada kwarto may sobrang laking built-in na cabinet, maluwag talaga yung bahay para sa 4 na tao lang). Yung mga bintana malalaki at may harang parang net na green, pero kahit may mga bintana yung kwarto at yung sala, hindi sya direktang nasisinagan ng araw kasi mababa yung bahay compare sa mga katabi nya, sapat na yung bintana para may hangin lang na puma*ok.

Natuwa sila tita kasi malaki and spacious yung bahay, tas tinanong namin kung magkano yung upa and sabi samin 5k lang, medyo nagulat kami kasi ang laki nya mga nasa 90-100sqm yung floor area tas 5k lang. Kaya kinuha na nila agad, nag-bayad na sila that day ng downpayment and nag-pirmahan na ng contract para makalipat na agad. Napansin ko na nakalagay sa contract na hindi sila pwedeng umalis within 1year after the signing.

Marami kaming na-experience na creepy pero ito yung mga 'di ko makakalimutan.

Una, nag groupings kami ng mga kaklase namin dun sa bahay nila. Bale 8 kami, ako, bf ko, yung 5 na ka-grupo namin tas kapatid ng bf ko. Habang gumagawa kami sa lamesa nila ng lulutuin namin (marketing kasi yun, yung napili namin na product na ibenta is pagkain) so ayun na nga, katabi ko sa kanan ko yung weird namin na kaklase, ayaw sya ng mga iba namin kagrupo kasi nga weird sya pero mabait naman. Nasa kanto ako ng mesa tas katabi ko sya sa kanan (kaliwa ko yung bf ko)biglang may dumaan na itim sa gilid ko mabagal yung lakad, lahat ng kaklase namin nakapalibot sa mesa, yung kapatid ng bf ko nasa kwarto kaya imposible na may dadaan dun, alam ko sinundan ng tingin ni Jem yung dumaan pero ako dinedma ko lang.

Tas pabulong nyang tinanong sakin (non-verbatim)
Classmate: nakita mo yun?
Ako: oo, pero sa peripheral ko lang 'di ko talaga tinignan, natakot ako (tas nag fake smile)
Classmate: ano yang labas nyan pag-kumaliwa ka galing pinto?
Ako: pader na yan diba? (alam ko na alam nyang pader yan kasi makikita mo yun bago ka puma*ok ng pinto) dead end, tas parang bakanteng lote
Classmate: dyan pumunta, yung babaeng nakaitim.

'Di ko na inusisa, pinatay ko na agad yung topic kasi nga natatakot na 'ko. Edi nag-uwian na kami. Kinabukasan sa school, dun kami nagkwentuhan, sabi nya "laging tahimik dun noh?" Sabi ko, "oo, kasi apat lang naman silang tao dun tas 'di pa sila mahilig mag-patugtog ng malakas" sabi niya, "mag-ingay ingay sila kahit pano, saka buksan lagi ilaw" tas sabi ko, "ano ba nakita mo? Nakita ko sinundan mo ng tingin eh" Sabi nya, "tumagos dun sa pader mag-ina, babae may kasamang bata, nakalutang sila parehas" dun ko nalaman na may 3rd eye pala sya. Kaya pala 'di sya mapakali nung andun sya inikot-ikot nya mata nya na parang may titigan sya sa hangin.

Ito pangalawang creepy na experience, nung mga time na to alam na namin na may something dun sa bahay kasi lagi kami may naririnig na naglalaro ng bola sa taas kahit walang tao, naglalakad, minsan pababa ng hagdan pero pag-tingin mo wala naman, nagkakalabugan ng mga kung ano-ano, pero dinededma na lang nila kasi may contract sila na di pwede umalis at may penalty na 50k.

Sinundo namin ng kaibigan ko yung bf ko kasi may pupuntahan kami, pagdating namin mag aayos palang bf ko sabi nya, "akyat muna ako bihis lang ako" naiwan kami ng kaibigan ko sa baba. Pag-akyat nya narinig ko nagbukas yung gripo sa cr akala ko sya nagbukas, hanggang sa narinig ko na umaapaw na. Tumayo na ko para sana patayin, pababa na bf ko nun tapos parang inis sya, sabi nya sakin "bakit binuksan mo yung gripo tapos 'di mo pinatay, umaapaw na yung tubig" sabi ko,"papunta palang ako sa cr papatayin ko sana, hindi ako nagbukas nyan kala ko nga ikaw" akala ko pinagtitripan nya lang ako, ganun din pala sya akala nya pinagtitripan ko lang sya. Nagulat kami biglang namatay yung gripo, nagkatitigan kaming dalawa. Parang nanigas kami parehas, bigla kami may narinig na naglalakad sa taas tas sabi ko "sinong tao sa taas?" Sabi nya "ako lang tao dito diba? Umalis sila" nararamdaman namin parang papunta sa hagdan yung yabag, eh katapat namin halos yung hagdan. Bigla rin nag-galawan yung mga nakasabit na gamit sa dirty kitchen, imposibleng hangin yun kasi hindi naman open yun at walang hangin na pumapa*ok dun. Kaya nga mainit dun kapag nagluluto minsan. Tumakbo kaming dalawa papuntang sala, tatakbo na sana kaming tatlo palabas tas hinatak ako ng bf ko sabi nya "wag natin pakitang natatakot tayo" so pinilit namin kumalma. Ang hirap kumalma mga dzai!!!! Hahahahahaha. Inisip ko na lang na hindi namin masasara yung pinto ng bahay kung sakali na magtatakbuhan kami palabas baka manakawan pa. So ayun, nilock nya ng maayos yung pinto, saka kami nagtakbuhan palabas ng gate.

Sobrang dami pang nangyare dun, natiis nila yun ng 1 year. After ng contract lumipat na rin sila. Di nasagot tanong namin kung bakit may something sa bahay na yun, kung anong background nun. Pero pagkalipat nila, bumabalik balik pa rin kami dun kasi naniningil kami ng utang (mahilig mangutang yung mga nasa compound and ang laki ng utang nila sa parents ng bf ko, mga 1 yr din kami nagpabalik balik dun every Sunday para maningil ng utang) ang tagal bago natirahan ulit yung bahay, lagi namin tinatanong kung may umupa na ba na bago kasi laging patay ilaw, wala pa daw. Huling balik namin may nakita kaming babaeng naka-uniform na puma*ok dun, mga 1 yr and 2mos siguro bago may tumira ulit na bago. Yun na rin yung huling punta namin kasi tapos na sila magbayad ng utang. 🤣

So ayun lang. Di naman ganun nakakatakot pero pag naaalala ko tumatayo pa rin balahibo ko.

-A.