29/10/2024
‼️‼️‼️
MIKAON OG IRO SA NEW CORELLA, NAMATAY
Mipahigayon og contact tracing ang Rural Health Unit sa New Corella, Davao del Norte human gitaho ang pagkamatay sa usa ka tawo human nga mikaon og iro.
Ang RHU New Corella ang mismong mipagawas sa pahayag sa ilang Facebook account human nga nasuta nga namatay sa rabies ang maong tawo.
"Maayong adlaw. Gikasubo sa RHU New Corella na naa tay RABIES DEATH tungod sa pagkaon ug iro. Giawhag ang mga pasyente na naka checkup niaging OCTOBER 24, 2024 na mag fill up sa Google Forms. Kini isip na CONTACT TRACING. Salamat sa pagtabang. Magbinantayon ta mga taga New Corella," sumala sa post.
Matud sa taho nga ubay-ubay ang mikaon sa giluto nga gisuspetsahang rabied dog mao nga naningkamot ang mga opisyal sa dapit nga matabang pa ang mga posibleng sunod mabiktima.
Atangi ang dugang detalye.
