Mr.Paws

Mr.Paws عيادة بيطرية مختصة بالحيوانات الأليفة في دمشق منطقة الشعلان
(3)

القط بيني🐱بيني كان معو بحصة بالمثانة وللاسف ما استجابت للعلاج بالادوية🙁اضطرينا للعمل الجراحي واليوم اجا للمراجعة بعد 15 ...
02/03/2022

القط بيني🐱
بيني كان معو بحصة بالمثانة وللاسف ما استجابت للعلاج بالادوية🙁
اضطرينا للعمل الجراحي واليوم اجا للمراجعة بعد 15 يوم من العملية🤩
الفيديو بالتعليقات👇





نعتذر عن الانقطاع بسبب ضغط العمل☹الدنيا لسا شتا وياريت نتأكد شو في بمحرك السيارة قبل مانشغلها😞حالة اليوم للأسف قطة كانت ...
15/02/2022

نعتذر عن الانقطاع بسبب ضغط العمل☹
الدنيا لسا شتا وياريت نتأكد شو في بمحرك السيارة قبل مانشغلها😞
حالة اليوم للأسف قطة كانت عالقة بمحرك سيارة😵
القطة طلعت بعد فك المحرك ومعها جروح كتير خطيرة وتهتك بالعضلات😢
الحمدلله العظم ماكان فيه شي واستبعدنا خيار البتر🤗
الصورة الاخيرة للقطة بعد 15 يوم علاج وامورها بخير وعم تمشي الحمدلله🤩
نشكر صاحب السيارة يلي ماقصر بالاتصال فينا واسعاف القطة فورا💙
ونشكر المتمثل بالسيد باسل نحاس على الاهتمام واقامة القطة أثناء فترة العلاج💙
Bassel Nahhas





أصغر مرضى العيادة 👶أجانا مبارح مرضان من البرد🥶طلع معو التهاب مجاري تنفسية والحمدلله اليوم احسن بكتير وكان معصب وبدو يهرب...
26/01/2022

أصغر مرضى العيادة 👶أجانا مبارح مرضان من البرد🥶
طلع معو التهاب مجاري تنفسية والحمدلله اليوم احسن بكتير وكان معصب وبدو يهرب 😅👌
بنشكر صاحبتو يلي جابتو فورا وماتأخرت عليه 👍
وياريت تطمنينا عنو بالتعليقات 👇
Ghdor Al Tai





للأسف المشاكل الجلدية هي المشاكل الأكثر شيوعاً عند حيواناتنا الأليفة😕طبعاً في أسباب كتيرة للمشاكل الجلدية - ولنعرف العلا...
24/01/2022

للأسف المشاكل الجلدية هي المشاكل الأكثر شيوعاً عند حيواناتنا الأليفة😕
طبعاً في أسباب كتيرة للمشاكل الجلدية - ولنعرف العلاج الصح لازم يكون في تشخيص صح👍
حالة اليوم هي نوع من أنواع الجرب (الجرب الدويدي)🐛 يلي يتطلب فترة علاج طويلة نسبياً😓
الحمدلله الحالة اتشخصت صح وحالياً بلشنا بالعلاج - واكيد بس تطيب رح ننزل الصورة بعد العلاج😎
كالعادة فيديو الدودة تحت المجهر بالتعليقات👇





#متاح🎁 #جراء كولي🐶 #نسل صافي👍
23/01/2022

#متاح🎁
#جراء كولي🐶
#نسل صافي👍






بتعرف أنو الكلاب بتتعرق من أقدامها🥵لهيك حافظ على أقدام أليفك جافة بالشتاء وخصوصا بالأيام الباردة متل هلأ🥶👍
17/01/2022

بتعرف أنو الكلاب بتتعرق من أقدامها🥵
لهيك حافظ على أقدام أليفك جافة بالشتاء وخصوصا بالأيام الباردة متل هلأ🥶👍





🥵التشريس؟!؟!؟! 😡كلبك آخد شراسة ؟؟!!!!هنالك خلط كبير لدى المربين مابين 🤔1- تقوية شخصية الكلب وتعليمه الدفاع عن اصدقائه و...
15/01/2022



🥵التشريس؟!؟!؟!
😡كلبك آخد شراسة ؟؟!!!!
هنالك خلط كبير لدى المربين مابين 🤔
1- تقوية شخصية الكلب وتعليمه الدفاع عن اصدقائه ومنطقتته🤗
ومابين
2- جعل الكلب عدواني🤨

الكلاب بطبعها أليفة ومحبة للبشر ولا تحب ان تسبب الأذية والمشاكل للبشر😍
لا يمكن للكلاب ان تصبح عدوانية بدون سبب واضح , دائما ماتكون المشكلة من المربيين او التدريب الخاطئ❌

اسباب العدوانية :
إما مرضية 😖 أو نفسية تربوية 🤪

انواع العدوانية
1-الصراع : يكون عادة هذا الصراع بسبب غريزة التزاوج بين الذكور مع بعضها او الاناث مع بعضها او بسبب غريزة السيطرة.

2-الخوف : القلق والخوف في حياة الكلب تفقد الكلب القدرة على التفكير بشكل جيد لاتخاذ القرارات ينتج عن ذلك عدوانية تجاه الغرباء او حتى تجاه اصحابه عن غير قصد.

3-الدفاع : الغريزة الدفاعية للكلاب تدفعهم الى حماية مناطقهم واصدقائهم.

4-التملك : الكلاب بطبعها تحب التملك والسيطرة والاستحواذ ونرى ذلك حين يصبح الكلب عدوانيا عندما يحس بالغيرة على صاحبه اذا ما اقترب من كلاب اخرى

5-عدوان حماية الطعام : الكلاب هي حيوانات برية بالنهاية وفي فطرتها الاساسية تعلم القيمة الكبيرة للطعام وندرته في البراري لذلك تقوم بمهاجمة اي شخص يقترب من طعامها

6-العدوان المعاد توجيهه : يقوم بعض المربين او المدربين عن طريق الخطأ بجعل الكلاب عدوانية في سلوكها في محاولتهم لتدريبها على الشراسة او القوة او القتال بدون تعليم الكلب القدرة على اتخاذ القرار الصحيح في التعامل مع أي حادثة

7-الألم : تشعر الكلاب بالألم في حال تعرضو لحادثة او أذية جسدية او آلام داخلية ناتجة عن مرض وفي هذه الحالة تكون عدوانية وتهاجم بدون اسباب








افتح الصورة👇
31/12/2021

افتح الصورة👇

قرب موسم التزاوج عند القطط وقربت معو المشاكل الكتيرة(مشاكل بولية او واقع من مكان عالي لان كان بدو يتزوج)😕هذا القط اجانا ...
30/12/2021

قرب موسم التزاوج عند القطط وقربت معو المشاكل الكتيرة(مشاكل بولية او واقع من مكان عالي لان كان بدو يتزوج)😕
هذا القط اجانا بشكوى ماعم ياكل وعالفحص طلع معو احتباس بول بسبب تضيق المجاري البولية❌
والحمدلله اليوم صرلو اسبوع عند صحابو وامورو بخير بعد العلاج والتعقيم 😌
فيديو بعد العلاج بالتعليقات👇






القط هيرو اجا لعنا بشكوى شلل بالجزء الخلفي من الجسم ومافيه يمشي أو يوقف على رجليه - مع احتباس بول وامساك💔😑والحمدلله طلع ...
25/12/2021

القط هيرو اجا لعنا بشكوى شلل بالجزء الخلفي من الجسم ومافيه يمشي أو يوقف على رجليه - مع احتباس بول وامساك💔😑
والحمدلله طلع من عنا وصحتو تمام التمام😎❤
الفيديو الاول لهيرو بالبيت قبل مايجي لعنا👍
والفيديو التاني وقت كان جوعان وعم يدور على اكل😂😌

ملاحظة : فيديو للقط بعد العلاج في اول تعليق 👇





جراء ميني بيشونالعمر شهرينموجود صور للاهل
22/12/2021

جراء ميني بيشون
العمر شهرين
موجود صور للاهل






ناطر بيت جديد جيرمان شيبرد شولاينGermanshepherd showlineالاسم : بابلوالعمر :ثلاث اشهرالجنس:ذكرضخامة شعر طويلكامل التطعيم...
10/12/2021

ناطر بيت جديد
جيرمان شيبرد شولاين
Germanshepherd showline
الاسم : بابلو
العمر :ثلاث اشهر
الجنس:ذكر
ضخامة شعر طويل
كامل التطعيمات
مستوى مميز جدا





💔الدنيا شتوية وبلش البرد وحيوانات الشارع أمانة برقبتنا🐱🐶😥❄️⛈" كريستو " متل ما سميناه نحنا هو قط شارع شافو احد الاشخاص ت...
04/12/2021

💔
الدنيا شتوية وبلش البرد وحيوانات الشارع أمانة برقبتنا🐱🐶😥❄️⛈

" كريستو " متل ما سميناه نحنا هو قط شارع شافو احد الاشخاص تعبان جنب بيتو وجابو لعنا❤️
السيد كريستو طلع عندو امساك 😑- التهاب مجاري بولية😣 - بالإضافة للديدان 🤕(يلي رح يكون في مقال مفصل عنها)👍

وبهالمناسبة حبينا نساعد كل حدا حابب يعمل خير ويساعد حيوان مريض من الشارع❤️🥰
لهيك بتتكفل عيادة بعلاج الحالات الانسانية بقيمة العلاج فقط (المعاينة علينا ونص العلاج عليك)






سلسلة معلومات بيطرية (بوست رقم 2)عند تغيير طعام حيوانك الأليف 🐶 🐱 يجب عليك الانتباه 😲الجهاز الهضمي للحيوانات الأليفة قوي...
28/11/2021

سلسلة معلومات بيطرية (بوست رقم 2)

عند تغيير طعام حيوانك الأليف 🐶 🐱 يجب عليك الانتباه 😲
الجهاز الهضمي للحيوانات الأليفة قوي جدا 💪 ولكنه ☝️حساس بشكل قوي 😱 للتغير المفاجئ لنوع الطعام لذلك علينا الالتزام بالطريقة التالية :
يجب اضافة الطعام الجديد بشكل جزئي الى الطعام القديم وتعديل النسب كما يظهر بالصورة 👇

لكي نتفادى أي مشكلة قد تحصل او حدوث صدمة هضمية للحيوان

ملاحظة : يوجد لدينا
1-جميع انواع الدراي فود 🥔🥐🥯
2-توصيل طلبات 🚗
3-تواصي لكل احتياجات حيوانك الاليف🧳🎒👜
Mr.Paws Clinic






الغرومنغ (حمام وعناية للحيوانات✂️🚿) 🐶 🐱 عند هو غرومنغ احترافي😎ويتضمن👇 :1- حمام بمواد خاصة لمنع تساقط الشعر للكلاب والق...
23/11/2021

الغرومنغ (حمام وعناية للحيوانات✂️🚿) 🐶 🐱 عند هو غرومنغ احترافي😎
ويتضمن👇 :

1- حمام بمواد خاصة لمنع تساقط الشعر للكلاب والقطط🧼🧴🧽
2- تنظيف داخل الاذن وحول العين👁👂
3- حلاقة الشعر الزائد (العين والقوائم)✂️🐾
4- تنشيف الشعر (سشوار خاص بالحيوانات)🧻
5- مواد خاصة لمنع الحشرات والفطور❌❌
6- تفريغ وتنظيف الغدد الشرجية✔️
7- زيوت خاصة للعناية بالبادات🐾
8- قص وعناية بالاضافر✔️

اسعار خاصة بمناسبة الافتتاح💥✔️

سلسلة معلومات بيطرية (بوست رقم 1 )هالبوست رح يحكي عن مشكلة كتير مهمة وللأسف أغلب الحالات ما بتستفيد من العلاج لأنها تنكش...
20/11/2021

سلسلة معلومات بيطرية (بوست رقم 1 )

هالبوست رح يحكي عن مشكلة كتير مهمة وللأسف أغلب الحالات ما بتستفيد من العلاج لأنها تنكشف وتتشخص بشكل متأخر
الحالة يلي موجودة بالصور اسمها Carpal hyperextension (تمدد مفصل الرسغ) وهي ببساطة عبارة عن تشوه بعظام مفصل الرسغ عند الكلاب والقطط وبسببها يصير تمدد وتشوه للمفصل.
المشكلة أكثر شيوعاً عند الكلاب خصوصاً السلالات الكبيرة نوعاً ما (جيرمن شيبرد – غولدن – لابرادور – بيتبول) وهذا الشي ما بيعني ان السلالات الصغيرة ما بتنصاب، إنما بنسبة أقل.
شو الأسباب:
المشكلة إلها أكثر من سبب تتصنف حسب العمر (صغير أو كبير)
الأعمار الصغيرة
1- الصدمة (يعني الكلب أو القط عم يتمرن تمرين قاسي كتير وينط من مكانات مرتفعة)
2- نقص التغذية يعني الكلب أو القطة ماعم تأخذ الكمية الكافية لحاجة جسمها من العناصر الغذائية
3- زيادة التغذية (أي نعم زيادة التغذية تسبب كتير مشاكل – وهذا موضوع كتير كبير وللأسف كتير ناس مابتعرفو وانشالله رح نفصلو ببوست لحالو) زيادة التغذية خصوصا بقصد النمو السريع او الضخم ممكن تخلي العظم والغضاريف تنمو بشكل سريع بس بالمقابل رح تنمو بشكل هش كتير وبالتالي تمدد او ارتخاء المفاصل ومشاكل تانية
4- استعداد وراثي لهذا الشي
5- بعد المرض: عادة تصيب الكلاب غالباً بعد مرض يتطلب إقامة مرضية بالعيادة (مثل البارفو) وهالشي يكون بسبب نقص العناصر الغذائية لمدة طويلة بسبب المعالجة ومنع الأكل والمعالجة بالسيرومات
طيب كلبي أو قطي معو هالمشكلة، شو الحل؟
1- أول شي نصحح أو نحسب كمية الأكل اللازمة للكلب بدون زيادة أو نقص ونحنا ممكن نساعدك بهذا الشي.
2- إذا المشكلة لساها بالبداية ممكن تنحل بشوية مكملات غذائية وفيتامينات
3- ممكن نستعمل جبائر ومشدات بالإضافة للمكملات الغذائية
4- أما بالمراحل المتقدمة كتير للأسف نلجأ للحل الجراحي

سلسلة معلومات بيطرية (بوست رقم 1 )
د. سعيد السليمان
Mr.Paws Clinic







عيادة Mr.Paws Clinc حالياً جاهزة لاستقبالكم مع حيواناتكم الأليفة بإشراف الدكتور سعيد السليمان وكادر العيادة بدءاً من يو...
15/11/2021

عيادة Mr.Paws Clinc حالياً جاهزة لاستقبالكم مع حيواناتكم الأليفة بإشراف الدكتور سعيد السليمان وكادر العيادة
بدءاً من يوم الثلاثاء الموافق 16/11/2021
مواعيد الدوام من الساعة 12 ضهراً
وحتى الساعة 9 مساءً





سلسلة (أخطاء شائعة لدى المربين)بوست رقم 1هل كنت تعلم؟!خبرونا بالتعليقات #كلاب #قطط #معلومات
13/11/2021

سلسلة (أخطاء شائعة لدى المربين)
بوست رقم 1
هل كنت تعلم؟!
خبرونا بالتعليقات






#كلاب
#قطط
#معلومات

Address

سوريا
Damascus

Opening Hours

Monday 11:00 - 21:00
Tuesday 11:00 - 21:00
Wednesday 11:00 - 21:00
Thursday 11:00 - 21:00
Friday 13:00 - 21:00
Saturday 11:00 - 21:00
Sunday 11:00 - 21:00

Telephone

+963954472486

Website

Alerts

Be the first to know and let us send you an email when Mr.Paws posts news and promotions. Your email address will not be used for any other purpose, and you can unsubscribe at any time.

Videos

Shortcuts

Share

Category

Other Pet Supplies in Damascus

Show All