(63) Ning Hpring Rawt Malan Masat Nhtoi bai du wa sai. Rawt Malan Nhtoi kawn Awng Dang ai Masat Nhtoi de lahkam sa wa sai lam hpe lawu de na madun da ai video hta mu lu sai. 👇👇👇
Wunpawng hkanan de du lung wa saga ai. Lawu de na video gaw 3 ning laman hta anhte wunpawng mungdan kaw shanu nga ai mung shawa ni a nta🏘🏡💒 3427+ hpe Tatmadaw ni jahten kau ya ai.
Jinghpaw mung buga nga ginra masha marai 145,000+ hpyen yen tsin yam hkrum sha mat wa ai.
Wunpawng mung masha marai 1190 jan hkala nba hkrum sha ai.
Wunpawng myusha marai 660 jan mara n nga Tatmadaw a sat shamyit ai lam hkrum sha mat ai.
2023, laning mi laman hta sha Wunpawng Mungdan Shanglawt Hpung KIA/KIO uphkang ginra hta nbungli hte 122 lang bawm jahkrat, gasat ai lam galaw hkrum sha lai wa sai.
Yak hkak jamjau , hpyen a myu myu hpe tawt lai let myutsaw hpyen la ni awng padang dip la lu ai lam ni mung makoi n mai hkra mu lu na lu saga ai. 2021 kawn 2024 hta KIA/KIO uphkang ginra hta majan hpyen mang ginra ni law jat wa ai lam ni hpe madun dat ai hku re.
Wunpawng mungdan grin nga u ga! Wunpawng mungdan lawan hkamja wa lu ga! Wunpawng mungdan galu kaba nga u ga law. 🌿☘️☘️🌿🍀 Myu tsaw Share ninghkring/shagan hpyenla ni yawng hpe hkungga jaw dat ai.
#rawtmalannhtoimasat
#MT ▶️
61 Ning Hpring Mung Shawa rawt malan nhtoi lamang (2022, Chiang Mai, Thailand)
Gawdin gin sup lamang
61 Ning Hpring Mung Shawa rawt malan nhtoi lamang (2022, Chiang Mai, Thailand)
Du Daju Sumlut Gun Maw
"Dai ni na ramma ni hpa galaw nga ai hpe yu nna, hpawt ni anhte a Mungdan hpa baw byin wa na hpe chye yu ai,"
Dukaba Sumlut Gun Maw.
Daini anhte WP ramma ni shani shagu, hkying ten shagu hta hpa galaw nga ga ai kun? Anhte shakut shaja lu yang hpawt ni anhte Mungdan anhte a lata kaw rai na re.
Hpa hpe mung le ra sawt sawt ndai sawt sawt nrai ai sha, kaja wa nan lama ma hta kung kyang ai ramma ni tai sa wa ga law. Dukaba n gun jaw ai hpe mung atsawm madat la rai nna shawng lam de gasat sa wa ga.
Grai chye ju kaba sai.
##KYU#
#awmdawmshanglawt#
Du Daju Sumlut Gun Maw
"Anhte ra sharawng ai gaw awmdawm shanglawt re, raitim dai ni na mungkan a masa hta hkan nna, moi anhte kalang myit hkrum ga sadi tawn da sai Pang Lung Ga Sadi hku nna anhte a daru magam bai lu la na matu shakut nga ai re"
Du Daju Sumlut Gun Maw
Ningbaw Malai II
Wunpawng Mungdan Shanglawt Hpung
Daini anhte WP ramma ni hpe Dukaba kaw na shatsam ai mungga hpe atsawm sha jawm madat la nna, tinang du ang ai shara, galaw nga ai magam bungli hpe tup hkrak awng dang hkra shakut shaja sa wa ga law
##KYU##
Ramma
Ramma ni hpang de
Ndai sumla hkrung hpe yu nna dai ni na aten hta anhte WP ramma ni hpa galaw nga ai ngu ai hpe atsawm sha chye na nna, A Myu sha ni a matu hpa galaw ra na re ngu ai hpe tinang nang myit sawn dinglik la lu na re ngu ai hpe kam let n gun jaw dat ai.
##KYU###
Credit: original uploader
Young Governor
US Vermont Mungdaw Up Hkang Du Ra Lata Poi Shingjawng ai Asak 14 Ning Lahta Tsang Jawng Ma Ethan Sonneborn.
--------------------------------------------------------------------------------------------------
Ethan Sonneborn gaw zet let kung kyang ai ma langai rai nna American US Vermont Mungdaw Bristol mare kaw shangai ai rai nga ai. Vermont mungdaw a labau hta asak kaji dik htum mungdaw up hkang du shang shingjawng ai wa mung rai nga ai. Lai wa sai Aug 14 ya shani galaw mat wa ai primary election (jau tau ra lata poi) hta Democratic party hku nna shang shingjawng mat wa sai re. (Vermont Mungdaw hta gaw asak masat da ai lam nnga ai re).
Shi hte asak bung ai jawng ma manang lahkawng hte rau gahkyin gumdin ai magam bungli ni rau wu wu di di jawm galaw mat wa ai lam hpe chye lu ai. Shi a mungshawa kahkyin gumdin ai lam hta madung hku nna Hkamja lam, Hpaji Lam, Sut Masa, hte Makau grupyin makawp maga lam hte seng ai hpe madung hkaw tsun lai wa sai re.
Raitim ndai ra lata poi hta Ethan Sonneborn gaw no 3 shara hta sha rai mat ai mahtai pru sai. Ndai ra lata poi hta n awng dang mat ai nga tim masha law law gaw shi hpe shakawn shagrau nga ma ai.
Rai yang masha ni gaw asak 14 kaw mungdaw up hkang du pyi shang shingjawng sai, anhte WP ramma ni gaw gara kaw naw rai nga ga ai kun ngu myit sawn sumru la nna, Amyu hte Mungdan a matu shakut sa wa ga ngu tang madun dat ai.
Grai chye ju kaba sai.
###KYU###
Inspiration
Lagaw, Lata Ntu Mat Tim Mungkan Hta Mying Gumhkawng Awng Dang Nga ai Nick Vujicic
----------------------------------------------------------------------------------------------
Nicholas James Vujicic ngu ai wa gaw, 1982 December 4 ya shani hta Austrilia, Melbourne muklum hta hkri tung lagaw lata yawng hkra ntu ai shangai wa ai rai nga ai. Ganing re yak hkak lam a lapran hta raitim myit ndaw ai, myit masin ja dik ai wa rai nga ai.
2012 hta gaw shi hpe grai tsaw ra ai num kasha hte dinghku de sai hte, ya gaw Kasha marai 4 hte ngwi pyaw ai dinghku gaw gap da lu sai re.
Ya dai ni gaw shi TV program law law hta lam lam htawn shapoi ya ai wa rai nga ai. Bai na mungdan shara shagu law law hta, masha law law hpe kasi madun myit n gun jaw hkawm ai wa rai nga ai. Shi a marang galai shai wa ai, myit n gun lu ai masah law law rai sai.
Lagaw lata n tu ai raitim awng dang law law hte ngwi pyaw ai prat madu da lu ai wa rai nga ai.
Rai yang dai ni anhte WP ramma ni gaw lagaw lata hkum ai hta sha n ga n gun atsam law law lu ga ai. Hpa majaw awng dang lam hpe nmai lu na ta?
Nicholas Jamces Vujicic a n gun jaw ai video hpe madat n gun la nna, amyu hte mungdan hpe gaw gap sa wa ga ngu ga saw dat ga ai.
Grai chye ju kaba sai; KYU
#awmdawmshanglawwt###
Hkahku
Hkawm Sa Hkawm Wa Yak La Ai, Wunpawng Mungdan Hka Hku Mung
----------------------------------------------------------------------------------------------
"Lanam ta rai yang gaw hkawm sa hkawm wa loi mi loi ai, hka kaba ai majaw Hka Rum nnga mat ai" nga tsun ma ai.
Raitim hka hpung na gaw n hkrit na zawn sha nrai nga ai tsawm htap ai gawng shingyan Mali Hka Nu a hku ding yang lung mat wa yang, yak hkak jam jau hkrum nga ai anhte a myu sha ni hpe mu lu ai re.
Shara shagu na Myu Sha ni hte Hpu Nau ni karum jaw ai karum ningtum ni hpe hpyen yen nga ai myu sha ni kaw du hkra sa karum kau da lu sai re.
Hpyen yen ni a mabyin masa gaw, tsamai wa na lam nmu shi nga ai.
N -gu tum mi sha rai tim, anhte yawng pawng dat yang N-gu Buri mi lu na re. Yak hkak nga ai myu sha ni hpe karum ningtum ai lam hpe anhte KYU hte rau yawng shang lawm na hpe myit mada, ga saw dat ga ai.
Karum mayu ai ni nga yang KYU de matut mahkai wa mai ai lam hpe matut shana dat ga ai.
#awmdawmshanglawt##
CMU
Kachin Ramma ni hpe n gun jaw saw lajin dat ga ai.
Dai ni na ten hta anhte Kachin ramma ni gaw hpaji matut sharin hka ja la ai lam hta grai naw gawng kya nga ga ai. Ya ten Chiang Mai Dakkasu kaw mung anhte Kachin ramma ni gaw grau shau nga ga ai. Masha amyu ni Karen, Sam zawn re ni gaw grai law nga ma. Dai majaw anhte Kachin ramma ni mung law law mungkam madap de hpaji ni law law sa sharin la ga ngu ga saw dat ga ai.
Ya kalang bai 2018 -2019 Jawng lung ladaw, jawng bai hpaw nga sai re. Jawng shabrai ni gaw ntsaw lam Thai 80,000 (Myen Sen 30) ram sha re ai. Shi a program hta hkan nna shai ai lam loi li gaw nga ai. Jawng shawk na mahkrun ni hpe mung karum la na rai nga ga ai.
Chiang Mai, Thailand hta jawng lung na myit lawm ai ramma ni anhte kaw matut wa marit dang di dang dep ai ram karum na matu jin jin rai nga ga ai. Scholarship program ni mung grai nga ai re. Anhte Kachin ramma ni mung shada da pawn ba hkat ai hte hpaji chye ai ramma ni byin tai hkra shakut sa wa ga.
Anhte a lata hta anhte a Kachin amyu ni hpe pawn ba la ra nga ga ai. Ndai page hta Hkring dat ni mung yawng lawm sai hku re. Ndai kaw matut wa na hpe hkap tau la nga ga ai. Grai chyeju kaba sai.
YAWNG A LIT
Karum la ga!
Buga shara shagu hta shangu shingbyi nga ai anhte a sai daw sai chyen myu sha ni hpe myit dum let ndai slide show hte anhte mai byin atsam lu ai daram karum madi shadaw la lu na matu ga saw dat ga ai. Nang kaja wa jam jau hkrum nga ai myu sha ni hpe karum shingtau shang lawm mayu ai rai yang anhte KYU de matut wa marit, nshut nshai na a karum ningtum hpe alu sha shalai ya na ga ai.
Grai chyeju kaba sai
Kachin Youth Union (KYU)
No.1 lang na Thai mungdan Jinghpaw Wunpawng Hka lup hpung ramma ni a Sharin hpawng hta KYU ni a shachyen sanglang ai presentation lamang.
