3 كليبات للتنبي خايفة عليهم مالبلدية
2 male et 1 femelle
Cité olympique tunis
امان شنو صار في القطوس هذا؟ طمنونا عليه.. قالو امس العشية كلب متاع راجل نقز عالقطوس ما سيبو كان مدمدم هكاك وحتى مول القطوس تقدم من يدو، وهو قعد يبكي ع قطوسو محبش يخلي حد يمسو.. بربي طمنونا عليه كان فما حد هزو للفيتو💔
توا هذا حيوان يستحق القتل؟ توا هذي بلاد الحيوانات فيها تتعذب هكا؟ توا انتوما نورمال يا رؤساء البلديات؟ ترقدو في ليل ويجيكم نوم وكلب كيما هذا بايت يتعذب جرة القرارات التافهة متاعكم؟ شوفو الكلب مسكين خلوه غارق في دمه قلبي دم عليه 😭💔 الله لا تربحكم واحد واحد وكل من ساهم في قنص الكلاب تلقوه في صحتكم👌
الوضع في غزة كما هو، الناس تعاني والحيوانات تعاني💔 لطفك يا رب
بربي شكون عندو قطوسة ترضع يهز القطوس هذا امو معندهاش حليب في صدرها
المكان:الحي الأولمبي تونس
مازلنا نسمعو غرايب في تونس 🤬🤬🤬 واحد اقل ما يقال عنه كائن طفيلي خاطر كلمة حيـ.ـوان خساة فيه
الميتسماش قاعد يسـ.ـتفـ.ـعل في كلـ.ـبـ.ـة 🤬 وقتاش باش يتفعل قانون يحمي الحيوانات، ياخي وصلت بينا الحالة للوضع هذا؟ ياخي متخافوش ع صغاركم مالمرضى هاذم؟ وينهم المسؤولين في الدولة وينو مجلس النواب باش يطرح قانون يحمي الحيوانات.. صعيبة عليكم تفعلو قانون يعاقب اي انسان يضر البكمة؟ مفيبالكمش الي راو لازم قانون هذا باش يحمي مجتمعنا مالممارسات هذي؟
حاصل ما نقول كان حسبي الله ونعم الوكيل، الفيديو في ليان هذا
https://www.facebook.com/groups/2428222224165255/permalink/3669873673333431/?mibextid=Nif5oz
وبعد نجيو احنا نقولو فما شكون سكر عليه بلعاني😏🤦🏻♀️
اي كيفاش توا يا جماعة؟
نورمال الي صار في مقر جمعية سوسة؟ نورمال قطاطس يتقتلو بالطريقة الوحشية هذيكا؟
نورمال السلطات متتحركش باش تبحث في الجريمة هذي؟
نورمال ناس متوحشين كيما هاذم يقعدو عايشين معانا؟
ياخي للدرجة جروب كامل مفيهوش حد يوصل صوتنا لرئاسة الحكومة ورئاسة الجمهورية
راهو الناس هاذم خطر علينا وعلى صغارنا وعلى حيواناتنا
راهو انسان يوصل يقتل قطوس بالطريقة الوحشية هذيكا قادر يقتل اي عبد
انسان مسخفوش قطوس وهو يموت يغفصلو في راسو بالحجر جزاؤو الحبس والعقاب الشديد موش مسيب يرتع
امان وصلوها الحكاية لرئاسة الجمهورية والله يزينا تعبنا مرضنا جرة الي نراو فيه كل يوم
قداش من جريمة ترتكب في حق الحيوانات وتتعدى مرور الكرام وكأنو ما صار شي
ابعثوها الحكاية للحقائق الاربعة وابعثوها للاعلام خليوهم يعديوها
زح قطيطسات عايشين دابهم داب روحهم يدخل عليهم شكون بالحجر يفشخ ويغفص فيهم لا رحمة ولا شفقة وزيد في شهر فضيل، الي هو العباد تزيد تقرب لربي وتعمل الخير
عمناول واحد بعثلي فيديو عالباج صور شكون وهو هاز حجرة قد سخط وضرب بيها قطوس قاعد ياكل مالزبلة ووبطبيعة هبطو الفيديو وشي ما تبدل نفس الحال
حاصل يزي ما حكينا وتكلمنا
اخر كلمة نقولها بربي وصلولنا صوتنا لرئاسة الجمهورية خاطر صدقوني بلاد داخلة في الحي
تحية اكرام وتقدير للامام الجزائري #وليد_مهساس الذي اعطى صورة مشرفة عن الاسلام من خلال لقطة عفوية لم نكن نعلم انها ستصل الى العالمية وتنتشر بهذا الشكل في كامل انحاء العالم ويشاهدها ملايين البشر من مختلف الجنسيات
لقطة واحدة قادرة على ان تغير الصورة المشوهة التي حاول الاعلام العالمي ان ينشرها عن ديننا الرحيم ❤️ الحمد لله الذي زرع في قلوبنا الرحمة وساق تلك القطة في طريق الامام الرحيم❤️
رسالة شكر ومحبة الى هذا الامام الذي قلبه ينبض حبا ورحمة لهذه المخلوقات ونتمنى ان يكون مثل يحتذى به لكل الائمة ❤️
واحد "ذكر" حتى كلمة ذكر خسارة فيه، ناس شادين الصف في restaurant في العوينة، جاه قطوس يدحنس عليه، قام شاطوا بساقو، طفلة بحذاه قالتلو حرام كيفاش دز فيه هكاك، يعمل هكاك ويضربها بكف اتو تراوه في الفيديو 😡 طفلة دافعت ع قطوس شارع، تاكل كف من عند واحد ح. ثالة مريض والاغرب من هذا ناس الي غادي يتفرجو وحد ما تكلم والله كان جيت غادي راني مسحت بيه القاعة وخلي توصل وين توصل 😡😡
ايا افرحوا بيه والي يعرف بروفيلو والا نومروه يبعثوا لباج المدام عالانستقرام.. مع العلم الطفلة مشات شكات ومخذاتش حقها،.. هذي تونس الاولى عربيا في حقوق المراة 🥴
درس لكل شخص يسيئ معاملة القطط 😈😼😾😸
كيف توصل لمرحلة انك متحبش تقتل نملة او حيوان ما ضركش وقتها اعرف الي انتي وصلت لمرحلة من الايمان قوية برشا، رَزَقَ بيها الله فقط الانبياء كيما سيدنا سليمان... انك توصل تشوف الي اي كائن خلقو ربي يستحق الرحمة حتى انك توصل لمرحلة ترفق بالاشجار والنباتات.. والرسول عليه الصلاة والسلام يقول "مَن أُعطِيَ حظُّه من الرفقِ فقد أُعطِيَ حظُّه من خيرِ الدنيا والآخرةِ" "وإذا أحب الله عبدا أعطاه الرفق" يعني اكبر نعمة ينجم يعطيهالك ربي هي الرحمة والكون هذا لولا الرحمة في قلوب بعض البشر والا راو ما استمرش
واضح متفاهمة هي والقطوسة 🙄🙄❤️
حسبي الله ونعم الوكيل 💔😞
الحصان الي كلكم تعرفو حكايتو بعثلي مولاه فيديو وهو يطلع في الروح حسبي الله ونعم الوكيل في كل إنسان عذب حيوان منيش باش نقول نطالب بتفعيل قانون لحماية الحيوان خاطر انا بصراحة ايست البلاد هذي اخر همها الحيوان هو الانسان شوف وشوف ياخذ حقوا
اما نشكي بيكم لربي وكهو وهاك البكمة الي تعذبت وماتت في جرتكم تو تاخذ حقها في دنيا قبل الاخرة
وفي كل الحالات الي يلقى حيوان مصاب ومعندوش فلوس... اضعف الايمان يروح بيه للدار والا يخاول يعالج بالي ينجم موش يخليه مطيش مريض ويقول تو يتكتبلي اجر.. الاجر يتكتب وقت انتي تحاول معاه بلي تنجم موش تقعد تتفرج واقف وكهو
