Nola's Schnauzer Lodge

28/08/2025

Week 38 Riyadh
Ons is op pad huistoe julle! 🥳
Heerlike 2 weke van gesin tyd en SA huis en tuin aandag gee en net weer tot verhaal kom na 5 baie lang en besige maande.
KAN NIE MEER WAG NIE!

Nou eers nuus van die week wat verby is.......

Ons skop die naweek af met admin, mens bly vas daaraan maak nie saak waar jy woon nie ne en daarna beplanning vir 'n groot braai saam met Saffas vir Indira se Bday! Hele paar Suid Afrikaners en ook 'n egpaar van Brazilië. Almal kuier gesellig saam en ons sing selfs vir haar Veels geluk in Afrikaans👏🏻Heel spesiaal so ver en in 'n vreemde land.

Ons het darem positiewe admin ook kon doen en ons het vir ons as gesin 'n week oor Kersfees by die see bespreek. My siel het nodig om die oseaan weer te sien, hoor en voel want dit is amper 2 jaar gelede wat ons daar was!
Super lekker vooruitsig!

Sondag laat middag pak ons weer die pad aan na Doctor Soleman Fakeeh hospitaal toe, na Jan se werksdag. Dit is so 27km vannaf ons compound maar die laat middag en aand verkeer is ongelooflik besig!
Dis Riyadh ne!

https://share.google/ccTYN87ozD5SeX2do

Alles verloop goed met die bloedtoetse, ons is vroeg klaar daarmee en gaan apteek toe in die hospitaal vir my skildklier meds se herhaling. Alles werk elektronies en met apps hier in Saudi en ALLES is gekoppel aan jou Iqama. Soms is daar 'n "hickups" en dan is dit nag om te kommunikeer! Die "stelsel" dui aan dat daar geen meds op my profiel is nie maar die app sê, en ek weet daar is 3 maande se meds nog op herhaling beskikbaar wat die Endokrinoloog gelaai het.
Dit werk op trek 'n nommer basis maar jy kan nie 'n nommer by die "stelsel " kry as daar nie iewers deur 'n dokter iets gelaai is nie. Ek het gesit en wag en Jan het gaan hulp vra by ontvangs. Een van die Arabiere het by die Aptekers gaan "indruk" en my meds is onmiddelik gegee😅As ons as Westerlinge sou indruk sou daar darem 'n hele paar Arabiere erg op hul perdjies, of dalk Kamele gewees het🙃Genadiglik sukses gehad want anders was dit weer dokter gaan sien en, en ,en.

Die terugtog vannaf die hospitaal was plesierig want ons brandstof is LAAG toe ons vertrek en dis snelweg huistoe so geen petrol stasie nie🤔GPS, ons staatmaker, dui aan daar is ongeveer binne 850m 'n petrol stasie!
Off we go!
Oeps, dis pragtige nuwe Mobil garage MAAR dit is nog nie in bedryf nie! Nou ja, dan weer nuwe plan soek op GPS. Ja daar is 600m verder nog 'n petrol stasie, jipee!
Daar gekom is dit wraggies 'n Shell garage! Sommer 2 petrol firmas wat in SA is maar wat ons nog nooit in Riyadh gesien het nie! Pragtige skoon diens sentrum met bande, werktuigkundige dienste en motor wasdiens, alles by dieselfde perseel. Ons kry sommer afslag op koffie en natuurlik sê ons nie nee nie😃
Nou huistoe, eet en bed toe na al die stress!

Maandag is vir my ook 'n nuwe ervaring want ek het hulp bespreek om ons huisie te kom skoon maak sodat ek kan sien hoe dit werk en of ek tevrede is, ek wil dit graag weekliks doen wanneer ek klaar geopereer is want ek sal dit nie self kan doen nie, my voet gaan moet op en in die lug wees vir 'n paar weke!🥺
Jona is haar naam en uit die Fillipyne soos meeste skoonmakers hier in Saudi en ook in ons compound. Sy werk baie goed en ons huisie is mooi skoon na slegs 2 ure! Nou is ek happy en ek weet ons is in goeie hande. Sy sal ook sommer die strykwerk kan doen as ek haar vir 3 ure bespreek 👏🏻

Die laaste dae is ek bedrywig met dinge reël vir ons besoek in SA en die laaste take doen hier in Riyadh sodat ons kan vertrek.
Ons bestel sommer paar dinge solank voor die tyd en kry dit in SA wanneer ons terug is, dit help met tyd en ook die erge rondry van een plek na ander, dis kuier tyd wat verlore gaan🤭
Op en aflaai geleentheid by OR Thambo.
Neute bestel.
Hulp in SA gereël om ons huis daar 'n skoonmaak te gee.
En so paar ander dinge en aankope ook😉
Ons liewe buurvrou reël vir ons kossies vir ons tuiskoms en ons is betyds vir ons gemeentefees waar sy vir ons Kerrie en Rys asook Jaffels bestel, kossies wat ons mis en kinders en kleinkids gaan lekker kom kuier en dan is etes sommer gereed.
All in a days work ne!

Ons soek nog die ou "nickerballs " indien iemand dalk weet waar ek dit sal kan koop!
Wil dit Saudi toe neem!

Die opgewondenheid is groot vir ons kuier en so min as moontlik tyd wil ek aan onnodige take spandeer. (Ons het BAIE tyd om in te haal saam met kleinkiddies en kinders)

Nou is dit so naby en vlieg ons binne die volgende paar ure!!!🥳🙏🏻

Julle moet 'n geweldige 2 weke hê en ek laat hoor weer van myself sodra ons terug is van ons SA reis.

Oor en uit vir nou!

Liefdegroete van ons 2 hier in Riyadh, Saudi Arabië

21/08/2025

Week 37 Riyadh
Vandag oor 'n week vlieg ons Suid Afrika toe! Huistoe!!!
Kan nie meer wag om die nuwe lyfie ontmoet, kleine kinder lyfies vas te hou en groteres styf vas druk nie!!!
Heerlike vooruitsig!!!

Dit was 'n besige naweek en week wat verby is.
Eers was dit ons vlugte vir Desember/Januarie bespreek, en was dit nie chaos en 'n nagmerrie nie! Ons albei UITGEFREAK vir 'n vale! 😥Pryse styg en plekke word sommer baie vinnig minder terwyl ons probeer bespreek! Lyk behoorlik asof 'n klomp sportspanne plekke probeer bespreek!Malhuis!
Uiteindelik het ons sukses behaal en ons plekke is bespreek!🥳

Van die skok is ons laat vir die kuier saam met paar Saffas en Italianers. Die Italianers het die Saffas gevra om te kom help braai☺️
"Because you're from South Africa and you know how to braai"😁Ons sluit na 21h by hulle aan vir "Drinks" en ontspan na al die spanning.🍹

Saterdag is dit Barnard kuier via video call en ons almal kekkel vir 'n verandering weer saam en vang op oor wat in wie se lewens aangaan. Dis 'n spulletjie wat operateur hoor! Een van die dae druk ons mekaar weer styf vas💞

Ons braai 'n SA steak en dit vergoed so bietjie vir die rugby se verloor🤭Volgende naweek nog 'n kans🏉

Die nuwe werksweek skop vir af Jan met 'n paar dae trip Najran toe. Dit is Suid van Riyadh, Suidwes van naaste groot stad Abha en naby die grens van Yemen. Die temperature daar is heelwat koeler en dit is meer bergagtig.
Ek sluit weer paar webwerf adresse in vir dié wat verder wil gaan op lees oor die area.

https://en.wikipedia.org/wiki/Najran

https://www.youtube.com/watch?v=pyRQ3ZgF5_8

https://www.investsaudi.sa/en/meetTheKingdom/province/najran

Dinsdag is dit verjaarsdag hier by Seder Village compound. Ons "Saudi dogter" Indira verjaar. Sy en haar man Renier noem ons hulle "Saudi parents" so dit werk seker ook anderkant om☺️
Ons 3 gaan eet soos elke Dinsdag aand, Jan kom eers laataand terug van sy trip. Sy het 'n baie spesiale Kaaskoek laat aflewer en 'n paar Saffas kom kuier saam. Ons sing almal saam vir haar "Veels geluk liewe Indira" 🥳🎶
(Natuurlik kry "Oom Jan" sy stuk kaaskoek en nog koek saam huistoe☺️)

Woensdag is dit my b***t om uit te gaan en ek klim op die compound bussie, hierdie keer Al Hamra Mall toe. Nodig om ander omgewing te sien en sommer die mense te sit en dophou met 'n bakkie koffie, heerlike ontspanning vir my.☕

Nou lê die naweek voor en kan ons begin pak!👌
Net Sondag nog die laaste, hopelik, mediese toetse vir die operasie wat gedoen word na ons terug kom, dan kan ek ook ontspan wat dit betref, dit is stresvol genoeg soos dit is.😥
Hou al julle duime vas asseblief🤞

Sterkte en geniet wat julle doen!

Liefdegroete van ons 2 hier in Riyadh ,Saudi Arabië

14/08/2025

Week 36 Riyadh
En net so is nog 'n week verby!

Lekker Bunny Chow vleis mengsel gekook hierdie week.👏Resep weer gevra van die kinders want my resepte is tuis😉
Soms kry ek dit reg om ietsie eg Suid Afrikaans gaar te maak en so te laat proe met dit wat hier beskikbaar is.😁

Ons het 'n hele paar weke gelede 'n spesiale aanbieding gevind op skaapvleis teen SAR40 per kg! Baie skaars vir hier😅 Hoofsaaklik kookvleis met 'n paar tjoppies wat ons laat afsny het vir braai😉
Heerlik sag gekook vir 'n paar uur en ons 2 het gesmul daaraan! Selfs genoeg vir nog 'n ete vir na my operasie 👌

Laas naweek was die rustigste nog hier want ons het besluit ons doen so min as moontlik en kyk Netflix reeks Lost soveel as moontlik🤭Met kerk, swem en etes tussendeur.

Jan maak Saterdag vir ons heerlike heel hoender in foelie in die braaier, beste wat hy hier kan doen soos Cobb wat ons altyd graag tuis maak. Was nodig om kalmte te vind vir 'n slag.🙏

Intussen word ons visas vir ons Suid Afrika trip uitgereik en kan ons ontspan wat dit betref👏Nog 'n tree nader aan die trippie. Tyd raak nou vinnig min en ons kan nie meer wag nie! Die eerste kuier is reeds gereël en al die kekkel, deel en veral drukkies gaan salig wees💞

'n Villa skuins oorkant ons word heeltemal oorgedoen voor die nuwe huurders kan in trek en dit is 'n bedrywigheid wat skrik vir niks. Hulle kap al die ou sement rondom die huisie los en sit sement blokke in, nuwe teëls binne, kombuis kaste en die stoorkamer word verander in 'n groot stort met badkamer. Groot verandering van wat dit was, en heelwat meer modern. (Ons het vinnige stappie deur die huisie gedoen🤭)
Hulle doen dit so huisie vir huisie soos mense uit trek en uiteindelik sal al die huisies weer op datum wees, sommige huisies is regtig nog erg "outyds".
Die compound is baie gewild omdat meeste tuine het en dit neem lank om al die huise "nuut" te maak.
Dalk gawe nuwe kennisse wat in trek een van die dae☺️

Dis nogsteeds erg warm met dae van 43-45 maar die wind waai deesdae nogals baie, voel vir my asof die seisoen wil begin draai! Die warm wind is wel erg onplesierig en mens moet jou oë maar agter 'n sonbril beskerm want dit word baie gou droog en seer.

Iets wat ek raak gelees het hierdie week is die Cloud Seeding wat Saudi doen. Ek heg vir julle links aan vir dié van julle wat graag daaroor wil oplees.

Hulle gebruik tegnologie om "Eco vriendelike" stowwe vry te stel wat dan reënvorming laat plaasvind.
(So tussen ons , dit het nog nie gereën nie😉)

https://saudigazette.com.sa/article/654028

https://rcsp.ncm.gov.sa/

https://www.facebook.com/share/1BGDz6MnQS/

Elke dag lees en leer ek iets nuuts van Saudi!

Ek het sopas iets in SA op Marketplace gekoop, betaal en laat stuur via Courier Guy in Suid Afrika! Niks kan ons terughou as ons iets wil doen nie nê! Ongelukkig moet ek dit wel by die kinders laat aflewer want iemand moet dit in ontvangs neem ne! Die res vd proses is elektronies en in kontak. Een van die dae doen Ai dit sommer vir ons😁

Ek wens vir julle 'n geweldige lekker week en stuur asseblief groete van huis tot huis.

Liefdegroete van ons 2 hier in Riyadh, Saudi Arabië.

07/08/2025

Week 35 Riyadh
Amper naweek!
Die Vrydag gevoel is hier!
Wat 'n week was dit nie gewees nie veral naweek!
Sjoe!

Vrydag begin heel rustig met Jan wat admin doen en ek maak een van my rokke se moue korter, sommer met die hand want ek het nog nie 'n masjien nie en ek wil graag, dis warm en lang moue werk glad nie🤭

Ons het hier in die compound 'n "club house" en hulle het dit weer bietjie hernuwe gedurende die laaste maand en natuurlik sal die Saffas dit eerste boek vir 'n braai om dit in te wy🇿🇦
Gesellige kuier tussen mekaar al is die woestyn wind warm die hele aand😅

Saterdag was opvolg dag vir bloedtoetse van my skildklier om te kyk of die meds hul werk doen.
Nie my beste dag gewees nie! Om die waarheid te sê seker my slegste dag nog hier in Saudi Arabië!

Ons is vroeg by die bloedbank sodat die toetse betyds kan deurgaan en die Endokrinoloog die resultate kan kry.
Toe nou nie so maklik nie!
Ons word van vloer 1 na vloer 3 gestuur en weer terug! Uiteindelik land ons op in die admin/versekering afdeling waar hulle uiteindelik die toetse op die stelsel gelaai kry dat ek kan gaan vir die toetse.
Hulle het geen idee van vooruitbeplanning, insig of logika hier nie!
Mens moet tog eers bloed trek om uitslae te kry sodat die dokter 'n beslissing kan maak?!😅
Ek haal my hoed af vir Jan wat elke dag met die Arabiere moet saam werk🎩👏

Nou ja, na ons 'n nuwe afspraak gemaak het vir 'n week later pak ons die pad huistoe weer aan. Seker so 15 minute later terwyl ons nog op pad is bel die dokter my persoonlik en laat weet my dat my bloede reg is en ek is goedgekeur om vir die operasie te gaan.
GROOT VERLIGTING!!!

Tuis stel ons 'n baie spesifieke boodskap op vir die spesialis se bestuurder sodat ons die finale bloedtoetse, narkotiseur en operasie geboek kan kry. Net genoeg inligting en vrae anders loop dinge verkeerd😁
So far so good en glo ons dat alles van nou af in plek sal val.
Ons hoor Sondag van die bestuurder via WA dat ek 24 Aug vir die laaste mediese toetse moet kom en die operasie word geboek vir 20 September!
Halleluja!

Die res van die week hou vir Jan 'n hele paar uitdagings in wat werksdinge betref o.a. parkering by die werk en 'n hele paar trippies aan en met besoekers. Elke dag nuwe uitdagings want die firma brei uit en uiteindelik na hele paar maande se versoeke en Visa verwerkings sluit 'n paar Ingenieurs wat hy aangestel het hulle by hom aan. Stadig maar seker vorder dinge🙏

Woensdag verjaar 'n kollega en word 40🥳
Jan en ek word deur hom en sy vrou "Our Saudi parents" genoem😉
Hulle vier die verjaarsdag saam in Bahrain, lyk soos 'n tropiese vakansie oord daar.

Ek bederf myself met 'n trippie met die bus Ikea toe en shop met die ogies al is dit met die ondersteuning van 'n kruk😉Ek sal nog moet soek vir 'n trollie waarop ek my knie kan laat rus vir die 12+ weke wat ek nie op my voet mag trap nie!

'n Heerlike koppie koffie met Sweedse appeltert is 'n ekstra bonus☕🥧👌
Doen my siel baie goed om uit te kom!💖

Ek koop vir ons Swedish meatballs etes, (Frikkadelle, mash, ertjies en Lingonberry sous) as Take Aways vir ons sodat ons die ervaring saam kan hê, nie te sleg geprys vir Riyadh nie, SAR16 (R80) waar 'n standaard bord kos jou meestal SAR35 (R175) kos👌
Ons sal dit nog een keer saam gaan doen voor ons hier vertrek.😉

Mag hierdie naweek 'n kalm een wees!

Groetnis van huis tot huis!

Van ons 2 hier in Riyadh, Saudi Arabië

17/07/2025

Week 31 Riyadh
En hier is die naweek alweer by ons in Riyadh voor die deur!
Jammer julle in SA moet nog 1 daggie wag😉

Ons het verlede week Vrydag die eerste keer via Zoom by die kerkdiens hier ingeskakel en was dit nou lekker om weer 'n boodskap in Afrikaans, in eie tyd te beleef.
Nicolette Steele is die voorganger en soos ek haar onthou altyd die sprankelende geesdriftige mens!
Belewenis kwadraat en ons albei was diep geraak!
Gelukkig was ons nie tussen die ander mense nie want ek het sommer baie emosioneel geword!
Ons Heer werk op fantastiese maniere, selfs hier in die vreemde Moslem land!

More gaan ons weer die voorreg hê om na ons dominee van BAIE jare, dr Michiel vd Merwe, se preek te luister, hy vanuit SA en ons almal in verskeie plekke in Saudi Arabië!
Sien uit daarna Dooms!

Ons het verlede naweek afgeskop met 'n braai by 'n kollega van Jan met totaal van 12 mense. Sommige Saffas, ander werks kollegas.
Kyk hier in die compound is dit 'n goeie mengelmoes van kulture en dan kom kuier daar nog vriende van buite ook by so 'n braai natuurlik.
Braziliane, Britte, man van Ukraine, man van NZ maar meeste was Saffas.
Ek besluit om almal te treat met Melktert, moet die buitelanders darem blootstelling gee aan die smaak van Suid Afrika 😉Gesellige middag /aand gewees!

Die res van die naweek is herlaai en afskakel tyd voor die werksweek weer vir Jan begin. Die admin moet gedoen word want om na ander land te verhuis, al is dit net tydelik soos ons, het maar baie intriges soos ons bly uitvind! Mag dit makliker wees om weer terug te gaan SA toe! 🤭

Hier in Saudi is dit bedrywig! Elke week lees ek van nuwe wette, of oues wat verander word, nuwe uitbreidings en verbeteringe. Die kroon prins, Mohammed bin Salman Al Saud, is aan die voorpunt van meeste daarvan.
Ek het al vantevore genoem dat hulle 'n strewe het om in 2030 die grootste toerisme land te wees en daarom al hierdie geweldige uitbreidings en veranderings.
Stelselmatig verslap sekere reëls en regulasies en ander word weer meer strenger toegepas, alles in die lig van 2030.
Ek sit weer 'n paar foto's by wat self beskrywend is waarna julle gerus kan kyk en lees wat alles bereik word.
Baie 1stes wat hier gebeur!

O, ja, die stortkop wat ons gekoop het werk heerlik. Weet nog nie so lekker of al die skadelike goeters uitgefilter word nie maar die water voel salig sag op ons lywe!
SAR20 baie goed gespandeer! 🎉
Hier vier ons elke klein dingetjie want dit maak 'n GROOT verskil!
Gisteraand vir ons kerrie hoender gemaak!
Nie hoender kerrie nie hoor😜
Was dit nou salig! Natuurlik mbv Rajah kerrie poeier al die pad uit Suid Afrika, die pers een wat my nie brand nie😉
Soos ek sê, ons vier die klein dingetjies👌

Vir ons lê die kalmte van naweek voor maar dalk kan ons so avontuur of twee ook in pas!
Sal julle kom vertel ☺️

Hê een geweldige naweek en week tot ons weer bymekaar uitkom!

Groetnis van huis tot huis!

Liefdegroete van ons twee hier in Riyadh, Saudi Arabië! 💞

10/07/2025

Week 30 Riyadh

Kan julle glo?
30 weke al vir my hier in Riyadh, Saudi Arabië!
Time flies when you're having Fun ne! ☺️

Die weke is maar stil en rustig vir my deesdae tuis en met die erge hitte gaan ons ook nie ver of lank strate toe nie. Die trippies word deeglik beplan om so kort moontlik buite in die son te wees😉

Saterdag oggend het ons dit gewaag want ons moes plan maak met stortkop met 'n filter teen hierdie vreeslike harde en ontsoute water! Ons hare val uit en veral my vel is ongelooflik droog!
Lees gerus bietjie oor die water in Saudi Arabië en die prosesse van ontsouting.
Hier in ons compound gebruik hulle ook gesuiwerde rioolwater in die tuine en op die gras🤩

"Is Saudi water ok to drink?

It's not safe for human consumption. Use only packaged drinking water. 😒

Is desalinated water safe to drink?
… contains no essential minerals or salts, and the long-term health effects can affect your organs and the functioning of your tissues, bones, and immune system.

Hair fall is a common occurrence, especially in KSA where the water is very harsh and it is very important to rinse and wash your hair regularly so getting water tank cleaning done can not only slow down your hair fall but also strengthen your scalp by keeping it healthy and moisturised, this, in turn, helps in minimising any worry over your scalp turning flaky and your hair becoming weak. Disinfection of water can ensure the impurities are removed and only nourishing water hits your head."

https://thehealthyhome.me/en/sa/health/how-water-tank-cleaning-helps-your-hair-and-skin-ksa #:~:text=Hair%20fall%20is%20a%20common,this%2C%20in%20turn%2C%20helps%20in

https://thehealthyhome.me/en/sa/health/can-i-drink-the-tap-water-in-riyadh

Ons besoek ook 'n Sketchers "Factory Shop" wat 'n uitverkoping het om 'n paar nuwe tekkies te soek. Hier is mens nogals erg op skoene en my steunsooltjies pas nie goed in my skoene wat ek hierheen gebring het nie. (Terwyl ek wag om die operasie te laat doen wil ek soveel moontlik steun aan my voet gee.)

Ons sluit die sirkel roete af deur by groot Tamimi, ons supermarkie in die compound se ma, waar ons vars vrugte en groente vir die week koop, so ons is happiness! ☺️

Die res van die naweek is dit admin, afskakel en so bietjie rugby luister op RSG voor die nuwe werksweek weer vir Jan moet begin.

Een van my baie spesiale vriendinne het my vertel van Radio Garden waar jy via Internet na vreeslik baie radiostasies kan luister so RSG, Groot FM, LM radio en selfs Radio Nederland is op my lys👌
Wonderlik die gebruik van tegnologie!

My amper buurvrou hier stuur vir my hul "kerkdame" se nommer want ek wil uitvind hoe hulle te werk gaan en wanneer hul bymekaar kom. Wraggies is dit 'n vrou wat jare gelede in ons gemeente in Centurion was! Die mees energieke christelike vrou wat ek nog ontmoet het. En hier vind ek haar weer in Riyadh, Saudi Arabië! Ons kan via internet inskakel of Vrydae oggende, wanneer dit Sondag hier is, by hul woonstel bymekaar kom vir "kerk". Ons gaan defnitief op een of ander manier inskakel.

Die Heer bly in wonderlike maniere in ons lewe werk! Ons mense, ons kerk se mense, Afrikaanse mense, hier, in die vreemde!
Ons Heer is Groot en Goed!

Klein dingetjies maak die dae lekker en meer draaglik deesdae. Geselsies met vriendinne en boodskappe van SA beteken so baie!
Ons kan nie wag om weer in SA te gaan kuier in Augustus nie!
Die kinders, kleinkinders en al ons geliefdes net weer styf vas te kan druk!
DANKIE vir al jul liefde, ondersteuning en ware belangstelling in ons "Avontuur"!
Liefdegroete van ons twee uit Riyadh, Saudi Arabië!

The Healthy Home® UAE helps boost your home's health and wellness with home sanitizing, AC Cleaning, and Pest Control Services customized for your needs.

03/07/2025

Week 29 Riyadh
Dit was 'n stil en rustige week en ons het geen avonture onderneem nie, dit was nodig alhoewel "boring" vir julle, die lesers🤭

Ek kry kans om my baba kombersie klaar te hekel en spandeer tyd aan patrone soek via internet want my patrone is in SA en hier het ek nou tyd🤩

Ons naweek is ook rustig met Jan wat moet admin sake hanteer en probeer ons tussendeur afskakel van die daaglikse werksdinge deur bietjie TV te kyk en na ons klein supermark toe gaan vir brood en melk dinge, ek op my scooter en Jan wat loop 😉

Ons sluit die naweek af met ja, natuurlik, braai! Rooibok wors, al die pad uit Suid Afrika! Baie spesiale ete saam met Braaibroodjies hier in Saudi!

Sulke klein dingetjies wat groot verskil maak in mens se emosionele welstand so ver van huis en die bekende.

Riyadh wen die bod om 2030 se Expo aan te bied!
Dit is groot nuus hier want soos met enige groot geb***tenis beteken dit meer toeriste en daarmee saam nuwe ontwikkeling en ook groot 1inkomste natuurlik.

https://www.visitsaudi.com/en/riyadh/stories/riyadh-expo-2030

Riyadh is gearing up to take its place on the world stage in 2030 for the World Expo.
The event, which takes place every five years, attracts millions of visitors and billions of dollars in investment. Dating back to the mid-19th century, the World Expo serves as a platform for nations to showcase cultural, technological and economic achievements, and to promote cooperation, innovation and cultural exchange. Iconic cities such as Paris.

Riyadh’s bid to host the World Expo 2030 showcased its cultural richness, economic prowess and forward-thinking development projects aligned with Saudi’s Vision 2030. The city’s commitment to sustainable growth coupled with its regional significance and proven ability to host large events, also made Riyadh an irresistible choice for World Expo 2030.

What You Will See at World Expo 2030

With an inspiring main theme — The Era of Change: Together for a Foresighted Tomorrow — Riyadh Expo 2030 invites the world to see how Saudi imagines a different future as well as the actions being taken today to shape a prosperous and sustainable tomorrow. When Paris held the World Expo in 1889, it debuted the Eiffel Tower. For its bid, Saudi unveiled an extensive campaign focusing on the futuristic megaprojects being built across the country for completion by 2030, which include a giant cube-shaped structure, Mukaab, an immersive, experiential destination that promotional videos call “a gateway to another world.” Riyadh has also unveiled plans for the New Murabba, the largest modern downtown, designed to help make Riyadh one of the top 10 most livable cities in the world by 2030.

Exciting tye om in Riyadh te woon want hier gebeur soveel dinge op verskillende vlakke! Oral, oral waar ons ry word daar gebou!
Tuine met water en bome word uitgelê en beplan.
Net jammer ons gaan nie 2030 meer hier wees nie!

Mag jul naweek en week goed en positief wees!
Liefdegroete van ons 2 uit Riyadh, Saudi Arabië 💞

26/06/2025

Week 28 Riyadh
Helo almal!
Soos meeste van jul weet het die operasie nie plaasgevind nie en ons werk nou na September maand sodra ons terug is van ons SA kuier🙏

Ons spandeer die naweek rustig met bietjie admin vir Jan en inkopies by Lulu, hare sny by Albert wat al 15 jaar by Seder werk en swem sessie in die erge hitte.

Jan het werk verpligtinge in Dammam en noudat my operasie eers uitgestel is. Hy word 4h30 Sondag oggend opgelaai lughawe toe en kom weer Dinsdag middag terug na baie suksesvolle trip👏

Intussen het Israel besluit om Iran se kern aanlegte aan te val en met hulp van Trump en Amerika se B2 bomwerpers is dit redelik vernietig. Dit is wel 'n paar dae van onsekerheid want lugruimtes is nie veilig nie en Iran stuur selfs 'n missiel na die Amerikaanse basis in Qatar maar waarsku hulle eers vooraf.
Genadiglik is ons veilig in Saudi Arabië.

My dae alleen tuis gedra ek myself baie rustig en bly ek van voet af so ver moontlik, ek wil nie nog meer skade maak voor die operasie kan plaasvind nie.

Jan se firma het uiteindelik in hul eie kantore ingetrek en hy kan met die kar ry en vind dit heel goed... Vinnig want hy ry vroeg en binne halfuur is hy by die werk!
Heerlik na maande van Uber, bus en Metro. Hy gaan wel die geselskap van sy kollega mis trein toe en op die trein🤩

Ek sluit hierdie week af met meer inligting oor belangrike tyd in Muslim geloof hier in Saudi Arabië maar wat ook wêreld wyd nagevolg word omdat Saudi Arabië as 'n Heilige land bestem word in Islam geloof.

"Saudi Arabia is considered a holy country by Muslims due to the presence of the two holiest cities in Islam, Mecca and Medina.

Mecca is the birthplace of the Prophet Muhammad and the focal point of the Hajj pilgrimage, while Medina is where the Prophet emigrated and is buried. These cities hold immense religious significance for Muslims worldwide.

Here's why Saudi Arabia is considered holy:
Mecca:
Contains the Kaaba, which is the most sacred site in Islam. It is the direction (Qibla) Muslims face during prayer and the destination of the Hajj pilgrimage.

Medina:
Houses the Prophet's Mosque (Masjid an-Nabawi), where the Prophet Muhammad is buried.
Custodian of the Two Holy Mosques:
The King of Saudi Arabia holds the title "Custodian of the Two Holy Mosques," signifying the importance of Mecca and Medina to the Saudi state and its leadership.
Hajj Pilgrimage:
Millions of Muslims travel to Mecca and Medina each year to perform the Hajj, further solidifying the country's religious significance."

Julle sal ook lees dat die koning hier as die "Custodian of the Two Holy Mosques" bekend staan wat hom administratiewe take en verantwoordelikhede gee. Soos toe hele paar Pakistani muslims in Saudi vasgevang was agv die oorlog tussen Indië en Pakistan was hulle onder sy versorging as gaste.

" King Salman ibn Abdulaziz Salman ascended to the throne more than 60 years after the death of his father, Ibn Saud, who founded the country. He designated his son, Mohammed bin Salman, as his successor, making Salman the last of his generation to rule Saudi Arabia.
Salman of Saudi Arabia (born December 31, 1935, Riyadh, Saudi Arabia) is the king of Saudi Arabia (2015– ) and is expected to be the last of the sons of Abdulaziz ibn Saud, the founder of Saudi Arabia, to rule the country. Because Salman acceded to the throne at an advanced age, his son Mohammed bin Salman has assumed many of his father’s duties as the head of state and government"

Hier in Saudi Arabië is Hajj verby en vandag is 26 Junie 2025 maar ook 1 Muharram 1447 AH, wat die begin van die lunar Hijri nuwe jaar vir Islam is.

Met hierdie nuwe jaar gaan die vervanging van die kiswah vervang.
Dit is die "oortreksel" wat oor die Kaaba, die blok gebou in die belangrikste moskee in Meccah, Masjid al-Haram, gedrapeer is, vervang word met 'n nuwe een.
Ek sluit 'n paar skakels by my skrywe in om te gaan lees oor die tradisie en islam geloof hiervan.

Kaaba in Mecca

The Kaaba is a cube-shaped building located at the center of the Masjid al-Haram (the Great Mosque) in Mecca, Saudi Arabia. It is the holiest site in Islam, and Muslims around the world turn towards it during their daily prayers.
More details about the Kaaba:
Significance:
The Kaaba is considered the "House of God" (Bayt Allah) and is a focal point for Muslim worship and pilgrimage (Hajj and Umrah).
Construction:
Islamic tradition holds that the Kaaba was originally built by the Prophet Adam and later rebuilt by the Prophet Abraham (Ibrahim) and his son Ishmael (Ismail).
Structure:
The Kaaba is a large, cuboid structure, about 15 meters tall and 12 meters wide. It is made of granite stones and covered with a black silk cloth called the Kiswa, which is replaced annually.
Black Stone:
Embedded in the eastern corner of the Kaaba is the Black Stone, believed by Muslims to be a meteorite sent by God.
Rituals:
During the Hajj, pilgrims circle the Kaaba seven times counterclockwise.

https://english.alarabiya.net/News/gulf/2025/06/02/raising-the-kaaba-s-kiswa-an-annual-hajj-tradition-explained

https://theislamicinformation.com/news/kiswah-changed-on-1st-muharram-1447-2025/?fbclid=IwY2xjawLJrVFleHRuA2FlbQIxMQABHsjRYqc-gk0j1El177B5SFFXEUyVKg6ObJiNu5Jul0ZGvaS0DivvAyHQAkx2_aem_GKXvgXWZU2Z8EqmChcq47w

www.spa.gov.sa/en/w2133399

https://gulfnews.com/world/gulf/saudi/saudi-arabia-to-replace-kaabas-kiswa-as-hijri-year-1447-begins-1.500175631

Net so bietjie interressantheid van die land se heersers en geloof.

Vir ons lê die naweek voor en ons gaan laag lê!

Groetnis van huis tot huis van ons 2 uit Riyadh, Saudi Arabië 💖

18/06/2025

Week 27 Riyadh
Een dag vroeër as gewoonlik maar more gaan ek nie kans kry nie.

Laaste paar dae van Jan tuis en ons wil graag nog 'n paar spesiale dinge saam gedoen het.

Daar moet so bietjie admin afgehandel word maar daarna was dit ontspan!
Swem in die hitte!
Vrugte Shopping doen.
Ons gaan toets 'n aanbevole restaurant met die naam van Cheesecake Factory en ja, ons stem saam dit is heerlik!
Dit voel so klein bietjie soos Spur in SA want hul sing ook Happy Birthday vir paar 'n mense😊
Ek beleef Madeira sauce saam met sampioene en ek gaan moet Google vir resep om dit self te maak! Yummy!👌
Vier 'n baie spesiale mens se verjaarsdag van hier ver met videocall🥳
Kyk Jeff Dunham vir so bietjie lag!
Bestel vir ons restaurant kos op 'n luilekker Saterdag aand voor die week en werk vir Jan weer begin!

En toe gebeur dit waarvoor ek nou al hele rukkie wag -
Die ortopeut se bestuurder laat weet ek kan Dinsdag middag kom vir die res van die toetse en skielik laat weet hy ook dat ek Donderdag geopereer gaan word!
Ons spring weg na werk hospitaal toe vir bloedtoetse, bors Xstrale, sommer word 'n EKG ook gedoen en ons ontmoet die Narkotiseur!
Kyk as hul eers wegspring moet mens vashou en byhou!

Almal is vriendelik met hierdie 2 Suid Afrikaners en ons word goed behandel. Ek kry selfs 'n drukkie van een van die susters wat my van kamer na kamer vergesel het🤗
Suid Afrikaners is nogal gewild in Saudi want hul weet wat hul in ons het☺️

Van een vloer en vertrek na die ander maar alles is gedoen en die senior ortopeut aan diens kom verduidelik in breë trekke wat gedoen gaan word.
Donderdag oggend moet ek 6h00 aanmeld en dan sal die chirurg voor my operasie mooi kom verduidelik hoe en wat en dan ook weer na die operasie oor hoe dit gegaan het en wat die nasorg behels.
Ek is super geseënd!
Ons Heer is in beheer! 🙏

Nou is dit voorberei soveel moontlik vir die operasie asook daarna want ek sal 8 weke op 1 been wees want ek mag nie op die ander voet enige gewig sit nie terwyl dit aangroei en genees nie.

Sover werk dit wonderlik uit dat ek hopelik genoegsaam sal herstel om in 'n Moonboot te wees wanneer ons weer SA besoek👌🙏

Ons is gelukkig nog betyds terug by die compound om die Shawarma aand by die restaurant te kan geniet voor ons huis en bedwaarts keer.

Tot ek weer gesels volgende week sê asseblief gebede saam met my dat ek kalmte sal vind, alles goed sal verloop en ons Heer my sal dra deur die operasie 🙏

Mooi bly en Liefdegroete van ons twee in Riyadh, Saudi Arabië 💖