Dr.Shrouk Abd_ ElNasser

20/03/2024

🫰بنفكركم بخدمة الاستفسارات الطبية على مدار اليوم
ومتابعة بوستات برامج التوعية لأن شعارنا ...
It's A New Day to save Animal 🐾🩷

13/12/2023

Will be Another beautiful memory
A special case ....
BesBesa queen cat ❤️

swallowed foreign body & Stoped in cecum Removed surgically ❤️‍🔥
Great effort had been made pre & post operative intervention

Besbea became better now thanks To Allah🥰💚
#لمزيد من الاستفسارات والتواصل واتس آب او بالاتصال على الرقم/
1070413977

28/09/2023

12/08/2023

📌📌بوستنا انهاردة هيكلم عن مشكلة بتواجه كتير من المربيين للقطط خصوصا وهى سقوط القطط من مرتفعات🏠🏢

خلينا نقول ان لو عندك قط مربيه ف البيت ف من الطبيعي يحب يروح ف كل حته ويستكشف المكان وخصوصا لو لسة جايبه جديد وعمره صغير ..

والافضل نكون حريصين جدا ميروحش عند
اى اماكن ممكن تأذيه او يكون فيها ازاز يوقعه او ديكورات حادة ممكن تجرحه لو نط عليها ..

🔴😑طيب البلكونة بتاعتنا واحدة من اخطر الحاجات ف بيوتنا ☠️☠️☠️

ولو لاحظنا سلوك على القط انه وقف على السور وحابب ينط اننى ندربه ونزعقله ونكافئه لو سمع الكلام
ونركب سلك ف بلكونة مخصصة ليهم اما البلكونة الخاصة بينا طول الوقت يكون صعب يدخلوها او تكون مغلقة ...

🟣" فى مقولة شهيرة بتقولك ازاى ده القطط ب ٧ ارواح "

📌هنقولك خلينا نعرف حاجة مهمة ان قطط البيت بتكون غير قادرة تماما على التعامل ف الشارع ومع المرتفعات زي قطط الشارع ولو انت غير قادر على حماية أليفك من الأمرين
الافضل متحملش نفسك مسئولية كبيرة مش هتكون قادر عليها ....

طيب ايه ممكن يحصل للقط بتاعى لو وقع لاقدر الله
من الدور ....💔
[ السادس _ السابع _ فيما اعلى ...]

القطط لما بتقع من مرتفعات اول حاجة ممكن تحصلها وهو

📌١_ شق ف سقف الحلق العلوى بما يعرف ب الcleft palate وبيحصل نزيف من الفم والانف
ووقتها لازم فورا التوجه للطبيب البيطرى 🚑
وسرعة التدخل الجراحى واعادة تخييطه مرة اخرى ووقف النزيف

😱ايه الخطورة لو ملحقتش 💔؟!
بيحصل تدفق للدم ف الرئة ويسبب الوفاة خلال ساعات قليلة 😞

طيب ايه ممكن يحصل لأليفى تانى لو سقط من مرتفع عالى؟!

📌٢_ الكسور المختلفة ف اماكنها ودرجتها واللى بالتبعية ممكن تسبب اصابات بليغة ومشاكل ف الاخراج لو لاقدر الله كانت ف الفقرات او ف الحوض او تسبب تلف للاعصاب والامداد الدموى ف بعض انواع كسور الاطراف .

📌٣_ وهو انفجار الطحال💔 وده بيشخصه الطبيب باستخدام الموجات فوق الصوتية وبيحدد نوع القطع ودرجته
وبرده بيتم وقتها سرعة التدخل الجراحى وازالة الطحال لوقف النزيف الداخلى الناتج عن انفجاره .

ف بنقولك اوعا تتأخر ابدا بالتوجه لاقرب مستشفى او عيادة بيطرى ف حالة سقوط اليفك من دور عالى وظهور اعراض همدان او نزيف من اى جزء ف جسمه او صعوبة ف التنفس ونهجان
لان كل ما بيتأخر الوقت كل مبيكون صعب جدا انقاذه.

#لكى ينعم أليفك ب حياة افضل بنقولك :-
١_ خصص مكان لأليفك يلعب فيه
٢_ ابعده عن الشبابيك والمرتفعات
٣_ عدم تركه فترات طويلة ف المنزل بمفرده
٤_ ركب اسلاك على البلكونات والشبابيك الخاصة بالمنزل
٥_ سرعة التوجه للطبيب ف حالة حدوث اى حادث سقوطى لأليفك

📌📌لمزيد من التواصل والاستفسارات
وحجز الكشف واستقبال حالات الطوارئ من خلال التواصل بالاتصال على الرقم 📞/
1070413977
او واتس آب من خلال الضغط المباشر على الرقم
1070413977
✨️❤️🐾
.Shrouk Gamal

12/08/2023

لمزيد من التواصل والاستفسارات
وحجز الكشف من خلال التواصل بالاتصال على الرقم📞 /
01070413977
أو واتس آب بالضغط المباشر على الرقم /
1070413977
✨️❤️🐾

18/07/2023

جه بوستنا اللى هيتكلم عن الحشرات🕷🪳🕷
اللى بتصيب الجلد والجسم ل أليفك سواء كلاب أو قطط خصوصا فى فصل الصيف ...
وهى نوعين من الحشرات :-
١_ البراغيت fleas
٢_ القراد Ticks

واكتر حاجة بتصيب الكلاب هو القراد
واكتر حاجة بتصيب القطط هي البراغيت

طيب اصلا ايه مصادر الحشرات وازاى ممكن تتنقل لأليفك !!
١_ لو مقعد أليفك ف جنينة بيطلع فيها بإنتظام يوميا او مقيم فيها او قاعد ف roof .
٢_ لو لسة مختلط ب حيوانات كانت مصابة بالحشرات لانها بتنتقل من وإلى .
٣_ لو عندنا ورد وزرع ف البيت
وزى مقولنا الحشرات بتنشط جدا ف فصل الصيف

عشان كده الgrooming الدورى بقص وحلاقة الشعر والاستحمام من اهم طرق الوقاية من الحشرات

🤔طيب الحشرات ممكن تسبب أضرار خطيرة لأليفى زى ايه

الحشرات ف الكلاب 🐕🐕 !

🍂 اول حاجة بتعمل حساسية بشكل عام ف الجسم ف هتلاحظ ان كلبك بدأ يهرش وممكن يعور نفسه ف اماكن
مختلفة من الجسم ..
ووارد جدا يحصل مضاعافات للجروح دي وتتلوث ب عدوى بكتيرية

🍂 تاني حاجة القراد عندنا ف الكلاب بينقل نوعين من طفيليات الدم وال٢ بيسببوا فقر الدم وممكن تؤدى بعدها إلى الوفاة💔 ..

🔺️🔴 النوع الاول وهو الاخطر وده بيعمل ارتفاع شديد ف درجة الحرارة / همدان عام ف الجسم / انقطاع الشهية / القىء / احتقان ف العين / نزيف من الانف / وف المراحل الاخيرة من دورة الطفيل بنلاقى الحيوان بيعمل اسهال بدم يميل للون الاسود وكثيرا ما تتشابه اعراضه مع اعراض فيرس البارفو وعلاج المرضين بيختلفوا كتير عن بعض ،،

ف الدكتور البيطرى فقط هو اللى يقدر يشخص الحالة
باستخدام التحاليل المعملية ل صورة الدم وتحليل طفيليات الدم
وللاسف علاج الحالة ف اخر مرحلة لو استمر الاسهال بدم وبناء على ارقام صورة الدم بيكون عن طريق نقل الدم للحيوان وانقاذها ف الوقت ده بيكون صعب جدا..

🔺️🔵 النوع التاني من الطفيليات اللى بتصيب الكلاب
..بيسبب التهابات ف المفاصل والاعصاب /انقطاع الشهية / هبوط ف الدورة الدموية / انيميا ممكن لو استمرت فترة طويلة نفس الكلام بيحتاج نقل دم .

طيب لو أليفى قطة هل هتتصاب بنفس الطفيليات !؟🐱🐱

الاجابة : لأ
لان نوع الطفيليات المنتقل للقطط بيكون مختلف
و بيسبب
أعراض تنفسية والتهاب رئوى / انقطاع الشهية / سيلان من الانف وعدوى بالجيوب الانفية / انيميا / واحتقان ب العين والغدد الدمعية / وجود او عدم وجود اسهال
/ قىء
واللى نفس الكلام ده بيتشابه كتير مع اعراض فيروس الcalici ف القطط وكما الحال الدكتور البيطرى هو القادر على تشخيص الحالة

طيب احافظ على أليفى ازاى من كل ده ؟!!!

🌸✨️ الوقاية بتكون عن طريق الالتزام بجدول التطعيمات الدورية ضد الحشرات واللى بتتواجد ف الكلاب على صورة
١_ اقراص وبها وقاية لمدة شهر او ٣ شهور حسب نوعها
٢_ امبولات بتتفضا اعلى سلسلة الضهر للأليف وده لانه خطر يل*سها او يبلعها
٤_ اسبراي
٣_ حقنة تحت الجلد

وف القطط
١_ امبولات كما ف الكلاب
٢_ اسبراي ضد الحشرات

والدكتور البيطرى هو فقط اللى بيوصف انهى تطعيم مناسب لأليفك حسب عمره ووزنه وهل متواجد حيوانات اخرى معاه ف المنزل او لأ

اخر حاجة هنتكلم عليها وهو اذا تواجدت الحشرات بالمنزل اللى بيسكنه الاليف ف من الضرورى جدا هنفعل وضع الطوارىء للتنظيف ☠️☠️

ومسح المكان ب مادة قاتلة للحشرات واللى بتكون متوفرة ف العيادات البيطرية او محلات مستلزمات الحيوانات الكبيرة وبكده نكون بنمنع الاصابة مرة تانية بالحشرات للأليف ..مع مراعاة عدم مبيت الأليف ليوم كامل ف المكان عقب التنظيف حفاظا على سلامته من ل*س المادة القاتلة للحشرات لانها مسممة..

اتمني يكون البوست افادكم🌸

وهيفضل شعارنا لكى ينعم أليفك ب حياة أفضل 🍂💚

لمزيد من الاستفسارات والتواصل وحجز الكشف
واتس آب او بالاتصال على الرقم /
01070413977

18/07/2023

#تابعوا معانا ف البوست القادم
هنتكلم عن الحشرات ومدى خطورتها لما بتصيب أليفك مش بس عشان نضافته وجماله المظهرى ...
الحشرات ممكن تموت أليفك💔 وتصيبه ب أمراض تسببله فقر الدم وامراض تنفسية وتسبب التهابات ف المفاصل والاعصاب والعين 😪😞
وهنتكلم عن مدى أهمية تطعيم الحشرات ف معاده المظبوط بشكل دورى وتسجيله ف الشهادة الصحية الخاصة بيه
لكى ينعم أليفك ب حياة أفضل 🍂💚

لمزيد من التواصل والاستفسارات واتس آب او بالاتصال على الرقم /
01070413977

08/07/2023

📌📌✨️✨️😍🐈‍⬛خصومات على عمليات التعقيم
للقطط ذكور وإناث
تابعوا بوست التوعية عن تعقيم القطط من خلال اللينك 👇
https://m.facebook.com/story.php?story_fbid=225860327025037&id=100088032128467&mibextid=Nif5oz

للتواصل بالاتصال او واتس آب بالضغط المباشر على الرقم/
1070413977
.shrouk Gamal🐾❤️

08/07/2023

📌📍📍انهاردة هنكلمكم عن عمليات التعقيم ف
[ القطط ذكور وإناث ] وليه بنضطر نعملها ك أطباء ..،

🌸🐱اول حاجة هنقولها أن أليفك من حقه ف الطبيعة انه يمارس عملية التكاثر والتزاوج واللى بتكون عند العمر المثالى [السنة] 🐈‍⬛
وليس اقل من ٨ شهور ..ولده لضمان اكتمال الاعضاء التناسلية وتفادى مشاكل كتير قد تحدث اذا تم التزاوج تحت عمر ال ٨ شهور خصوصا للاناث

🌸🐱 تانى حاجة عملية التزاوج ضرورى تتم تحت شروط كتير من المربيين بيغفلوا عنها ألا وهى:_

١_ انه يكون أليفك واخد كل التطعيمات الفيروسية وتطعيمات الديدان والحشرات قبل التزاوج ..

ولو حابب تعرف اكتر عن تطعيمات القطط
ده لينك البوست بتاعنا اللى بيتكلم عنها فيه 👇🏻

https://m.facebook.com/story.php?story_fbid=106442848966786&id=100088032128467&mibextid=Nif5oz

٢_ حالته الصحية والاعضاء التناسلية سواء للبنت او الولد خالية من أى امراض
٣_ التأكد انه لا يعانى من اى مرض معدى مناعى زى بعض الفيروسات او جلدى ممكن ينقله للأليف الآخر ..
٤_ أن القطة الانثى هى التى تذهب للذكر وليس العكس..

✋️وعشان كده اى خلل ف الشروط دي بيؤدى لعواقب وخيمة
وكلنا عارفين تعب القطط اد ايه بيكون مُكلف ومرهق ..

🔺️وفى حالة انك مقدرتش تكون مطعم أليفك ف هيكون عرضة لانتقال الفيروسات منه أو إليه ..
واذا تبين بالكشف الدورى انه بيعانى من اى امراض بالاعضاء التناسلية هيكون صعب تزاوجه وخلينا هنا نقسم الجنسين ونبدأ بالبنات

🌸🌸🌸اول حاجة الانثى 🌸🌸🌸:_

بعض القطط الاناث بتتعرض لخلل فى الهرمونات فبيؤدي إلى ظهور الامراض التناسلية زي:_

١_ تكيسات المبيض واورام المبيض وده هنلاحظه ف تكرار طلب الجواز للانثى على فترات متقاربة جدا واحيانا عقب الولادة واثناء فترة الرضاعة
٢_ الصديد الرحمى
٣_ اورام الثدى
٤_ تاريخ سابق لعسر الولادة وموت الاجنة داخل الرحم
٥_ تاريخ سابق لعلاج الرحم الصديدى وعودته مرة اخرى
٤_ كمان الانثى اذا طلبت التزاوج مرات عدة ولم يحدث التزاوج ولم يتوفر الاتاحة لتزاوجها ف ده من اكبر العوامل اللى هتؤدي لخلل الهرمونات واصابتها بالامراض السابقة

وفى الحالات دي بناخد قرار ازالة الرحم ✋️
وتشخيص الحالة بيكون بالكشف وباستخدام الموجات فوق الصوتية

📌📌 🐱🐈‍⬛ثانيا الذكور 🐈‍⬛🐈‍⬛

١_ اذا كان أليفك الذكر يعانى من أمراض البروستاتا
٢_ له تاريخ سابق بالاحتباس البولى مرة أو أكثر من مرة .
٣_ تكرار طلب الزواج مع عدم اتاحة التزاوج نفس الحال كما ف الاناث بيؤدى لخلل هرمونى وحدوث تضخم واورام ف الخصيتين والبروستاتا وايضا ضيق المجرى البولى اللى هيؤدي الى انسداده من حين لاخر واحتباسه.

وفى الحالة دي بنقول ان قرار التعقيم هو الاسلم والاكثر امانا ...
واللى قبل ما بناخده بيتم الاطمئنان على صحة الأليف بالكشف قبل اجراء العملية واذا تبين اى اعراض لاى مرض بيتم تأجيلها لحين الاستشفاء ..

ملحوظة هامة 🔺️✋️اذا كان عمر الأليف فوق ال٥ سنوات بيتم إجراء بعض الفحوصات المعملية للاطمئنان عن حالة الكبد والكلى وصورة الدم

لينعم أليفك ب حياة افضل 🍂💚
بنقولك اتطمن بشكل دورى من خلال الكشف والمتابعة ..

لمزيد من الاستفسارات حول عمليات التعقيم واجراءات ما قبل العملية والحجز
برجاء التواصل بالاتصال على الرقم/
01070413977

او واتس آب بالضغط المباشر /
1070413977

🎊🎊✨️✨️📌 مع العلم بوجود عروض وخصومات😍😍 على عم1070413977يم للاناث والذكور
shrouk Gamal

05/07/2023

للكلب smooky
على اثر حادث سيارة تسبب فى تهتك بالجلد والعضلات وجرح عميق ومتسع بدءا من مفصل الكوع حتى الرسغ ف الرجل اليُمني الامامية
وعمل اشعة للتأكد من خلوه من اى كسور ولكن ضعف وتمحور بالمفصل الرسغي
وتم التدخل الجراحى واعادة تخييط وتجميع الاجزاء المتهتكة من العضلات والجلد
وتلقى كورس علاج مكثف للعظام والمفاصل والاعصاب
مع الغيار الموضعي للجرح لمدة ١٤ يوم وتمام الشفاء بفضل الله ❤️
وتم إعادته لمكانه مرة آخرى 🩵🐾🐾
تابعوا البوست الجاى هننزلكم فيه فيديو ل smooky بعد تمام الاستشفاء ولينكه اهو 👇
https://m.facebook.com/story.php?story_fbid=223980460546357&id=100088032128467&mibextid=Nif5oz
😍🥰🥰✨️
Shrouk Gamal
لمزيد من الاستفسارات والتواصل وحجز الكشف
واتس آب وبالاتصال على الرقم /
01070413977

29/06/2023

من كلبة hasky Beny 😍 نتيجة عدوى بكتيرية فى منطقة الكتف وحتى الelbow
على اثر مقاومة العدوى البكتيرية لنوع المضاد أدى الى سحب عينه لعمل مزرعة ثم التدخل الجراحى
و ازالة التليف من الجلد والs/c وأولى طبقات العضلات واعادة تخييط وتجميع العضلات المتهتكة والجلد
وفك غرز الجرح بعد الاستشفاء ومرور ١٤ يوم ❤️❤️❤️
لمزيد من الاستفسارات والتواصل
واتس آب وبالاتصال على الرقم /
01070413977
. Shrouk

24/06/2023

اى حد يتخربش او يتعض من الأليف بتاعه او حيوان من الشارع والحيوان مش متطعم ضد السعار ...
[وانا ك طبيب بقول حتى لو متطعم ]
والعضة او الاصابة ف مكان قريب من اعصاب خصوصا لو مركزية زي الرقبة والوجه سلسلة الضهر و الساقين والمعصم يكمل قراية البوست للاخر ...

اول حاجة فترة حضانة الفيرس ف الجسم ممكن تستمر من اسبوع ل 3 اسابيع _ وحتى 12 اسبوع

وده معتمد على كمية الفيرس اللى اتنقلت وقت الاصابة وعلى خطورة مكان العضة كل مكانت اقرب للحبل الشوكى والمخ كل ما قصرت فترة الحضانة ..

🔴اول خطوة بتتعمل بعد الاصابة هي غسل المكان بالماء والصابون باستمرار كل نص ساعة ومحاولة استخراج اكبر دم ممكن من المكان وتطهيره بالكحول والبيتادين
" بس الميه والصابون اساسي كل شوية "

خلينا متفقين ان قبل تاني خطوة ان السعار فيرس ملوش علاج الا المصل ف اول كام ساعة من الاصابة غير كده فهو مميت سواء للانسان او الحيوان
وبمجرد ظهور الاعراض العصبية واصابته للمخ بيكون الحالة للاسف خلاص فقدت الامل💔

🔴تانى خطوة وهي لازم وحتما المصاب ياخد المصل خلال اول١٢ _ ٢٤ ساعة من العضة ويكمل على جدول التطعيمات حتى انتهاء ال٥ جرعات واللى بيكون حسابها
اول جرعة >> 0 day [ يوم العضة ]
تاني جرعة >> 3day [ اليوم التالت من العضة ]
تالت جرعة >> 7day [ اليوم السابع من العضة ]
رابع جرعة >> 14 day [ اليوم ال١٤ من العضة ]
وخامس جرعة والاخيرة >> 28day [ اليوم ال٢٨ من العضة ]

ويُفضل ان المصل يتاخد ف المكان الاقرب للعضة يعني اتعضيت ف ايدك الشمال هتاخد الحقن ف ايدك الشمال ..وهكذا

🔸️ اعراض السعار ف الانسان🔸️
بتكون حمى / وارتعاش شديد / وضعف الشهية / واعراض عصبية وهيجان بتنتهى بالوفاة

🔸️اعراض فيرس السعار ف الحيوان🔸️
قبلها بس هنقول ان اى حيوان قادر ينقل السعار لحيوان آخر بنفس الطريقة ونفس الفكرة عض او اصابة مكان قريب من اعصاب مركزية

وبالنسبة للاعراض حرارة عالية بتوصل ل 41 مبتنزلش باى خوافض / كثرة اللعاب للحيوان / فقدان الشهية وهروبه من الميه / هجومه على اى حد بيقرب منه تستمر الاعراض حتى الوفاة ..

✋️عشان كده بنقول تطعيم السعار مهم جدا 🔺️ لاى حد مربى حيوانات ف البيت
واللى بيبدأ ف القطط والكلاب من عمر ال٣ شهور وبتكون جرعة واحدة ف السنة وتُكرر سنويا ف نفس المعاد

لكى تنعم أنت وأليفك ب حياة أفضل 🍂💚
🔸️بنقولك واظب على جدول تطعيمات السعار بتاعته وتسجلها ف الشهادة الصحية الخاصة بالأليف
🔸️ساعد ف تطعيم كلاب الشوارع
🔸️ومتهملش ف اخد الجرعات ف حالة حدوث اصابة

للاستفسار برجاء التواصل واتس آب وبالاتصال على الرقم /
01070413977

28/11/2022

بوستنا انهاردة هيتكلم عن


الاحتباس البولى ف القطط من أشهر الامراض اللى بتصيب خصوصا الذكور نظرا لضيق المجرى البولى
واللى بيكون أهم أسبابها
١- اكل اللحوم الحمراء بكثرة والكبد والمواد الغذائية العالية ف الفوسفور
٢- أكل dry food لانواع مجهولة المصدر وعالية فى تركيزات الاملاح
٣- كثرة طلب الزواج للذكور
٤- تقدم العمر وضعف أداء الكلى
٥- عدوات المثانة البكتيرية الشديدة

طيب يا دكتور الاحظ ازاى ان القط بتاعى محتبس ؟!🤔

🌸الأعراض :_
اول حاجة هيكون عندك سبب من الاسباب اللى فاتت ..،،
تاني حاجة هتلاحظ ان القط بدأ يقطع اكل /
يتردد على الlitter box بتاعه ومفيش اى اخراج بينزل منه/ هتلاحظ انحناء ف الضهر والم شديد / هتلاحظ تنقيط بسيط للبول وقد يكون مختلط بدم او مدمم بالفعل
او ان القط يبدأ يهمد وينام على جمبه ويكون غير قادر على الحركة وأداء نشاطه الطبيعي ...

👌فوراً لو لاحظت اى عرض من دول تزور طبيب الأليف وعمل قسطرة بولية او بزل المثانة ف حالة صعوبة تركيبها بسبب ضيق المجرى البولى الشديد ..

⬅️ولازم تكون عارف ان الاحتباس لو عدا عليه ٤٨ ساعة
قد يحدث خطر من ال٢ او كلاهما
١- أن يحصل انفجار للمثانة ووفاة الأليف ف الحال 💔
٢ - يزيد تركيز الurea ف الدم وحدوث تسمم

ومن أهم الخطوات اللى بيتخدها الطبيب واللى ضرورى يكون صاحب الأليف على دراية بيها وب أهميتها الآتى :-

١- عمل سونار على المثانة للتأكد من الاحتباس ومستوى التهابات المثانة وعدم وجود اى حصوات كبيرة الحجم تستلزم التدخل الجراحى ..

٢- عمل تحليل بولى لمعرفة نوع الاملاح والحصوات واللى هتفرق معانا ف العلاج بشكل اساسي وف نوع الدراى العلاجى المناسب ...

هتقولى يعني فى دراى علاجى يا دكتور؟!
بنقولك ايوا فى دراى علاجى بيصفه الطبيب بناء على نوع الحصوات وPH البول واللى بيه بيرتفع curve التحسن بشكل كبير جدا والعكس
[ الدراى العلاجى المناسب يصفه الطبيب فقط ]

٣- عمل مزرعة بول ف حالة وجود صديد ف البول للتأكد من المضاد الحيوي المناسب للبكتيريا

وف حالة تركيب القسطرة بيمشي الأليف على كورس مكثف من مضادات الالتهابات وادوية أخرى يصفها الطبيب حسب درجة الاحتباس
ومدة الكورس لا تقل عن أسبوع .

خلى بالك من أكل أليفك وتابع طبيعة وانتظام البول بتاعه
لينعم أليفك ب حياة أفضل 🧡🍂

للاستفسار برجاء التواصل واتس آب وبالاتصال
على الرقم /
01070413977

26/11/2022

#على السكة بنقولك
لو كلبك حسيت عليه باى عرض من الآتى :

١- ضعف الشهية مع انعدام اى سبب لوجود ديدان او stress او فيرس او عدوة بالفم ..
٢- خسسان
٣- تشنجات عصبية متكررة على فترات بعيده او قريبة
٤- مشية غير طبيعية ف الارجل الامامية او الخلفية
٥- طرقعة ف المفاصل

يبقى ضرورى تفحصه عند طبيب الأليف وعمل اللازم من اشعة وفحوصات للتأكد من مستوى الكالسيوم ف الدم والجسم ككل وعدم وجود خلل ف الغدد جارات الدرقية
اللى نقص او زيادة هرمونها بيأثر على مستوى الكالسيوم ف الدم ..

لاسى female griffon bitch .. كانت بتعانى من كل الاعراض دى وطلع عندها نقص ف الكالسيوم
ونقص ف هرمون الغدد جارات الدرقية
وخلع جزئى من الدرجة الاولى ف رأس العضمة المتمفصلة ف الحوض

لاسى ماشية على كورس علاج مكثف وبدأت اعراض التحسن عليها بفضل الله

وبنقولك ضرورى تقدم غذاء متوازن لحيوانك الأليفك ومصدر للكالسيوم زي [ الزبادى _ الجبنة النستو - الجبنة القريش ]
وعدم اعطاء كميات عالية من اللحوم الحمراء والكبد
وتعرض الأليف للشمس ف فترة الصباح يوميا
وانتظام جرعات الديدان والحشرات
كل ده بيحمى أليفك من نقص العناصر اللازمة لبناء الجسم والعظام
وبيساعدك لجعل أليفك
ينعم ب حياة أفضل🍂🧡
للتواصل واتس آب وبالاتصال على الرقم /
01070413977
. Shrouk

24/11/2022

تانى بوست زى موعدناكم هنتكلم فيه عن تطعيمات القطط
واللى بتشمل :-

١- أول حاجة الديدان..،
واللى بتأثر على القطط خصوصاً فى تسبب
سقوط الشعر / ضعف الشهية / نقصان الوزن / إنتفاخ شديد ف البطن / رائحة الفم الكريهة / افرازات بنية من العين تسبب التهابات / اسهال شديد أو إمساك شديد ..

، عشان كده بنقولك ضرورى تطعم قططك واللى نفس الحال كما فى الكلاب تطعيمها ممكن يبدأ من عمر اسبوع بعد الولادة 🐾.

٢- تطعيم الحشرات واشهر انواع الحشرات اللى ممكن تصيب القطط هى الfleas , mites واللى نفس الحال بتسبب فقر وطفيليات الدم واذا استمرت فترة طويلة هتؤدي للفشل الكلوى والكبدى ومن ثم وفاة الأليف ...

وايضا هناك نوع مميز عادة ما يصيب القطط وهو جرب الاذن الذى يُعرف طبياً ب اسم الear mites ..
>> وبنقولك هنا مش شرط تشوف ف الأذن الحشرة بالعين المجردة ،
وتكفى الافرازات السوداء وتحليلها تحت الميكروسكوب كدليل على وجود جرب الأذن ..

وعشان صحة أليفك تبقي أفضل بنقولك لازم تنتظم ف جرعات الحشرات واللى برده بتبدأ من عمر أسبوع من بعد الولادة 🐾
مع ضرورة الفحص اليومي لشعر الأليف وأذنه والتأكد من سلامتهما 👌.

٣-تالت حاجة عندنا التطعيمات الفيروسية ،،
واللى بتكون ضد أمراض فيروسية قاتلة تصيب خصوصاً الصغار من الولادة وحتى عمر السنة للقطط الغير مطعمة
وتلك الفيروسات هى :

24/11/2022

استنونا ف البوست القادم عن التطعيمات الفيروسية
وأهميتها ف القطط 😺🐾💉

وبوستات آخرى عن الممنوعات❌️ فى الطعام الضارة بأليفك
والاغذية الصحية ☑️

وأيضا هيتم طرح أمراض تم التعرض لها والتعامل معها وعلاجها بالشكل الصحيح وكيفية الوقاية
للتواصل واتس آب وبالاتصال على الرقم /
01070413977
#شعارنا
لينعم أليفك بحياة أفضل 🍂🧡

24/11/2022

أولى بوستاتنا هيكون عن التطعيمات فى الكلاب 💉💊💉

لو شارى كلب ومحتاج تعرف ايه هي أهم التطعيمات تعالى نكلمك عليها :

١- أول حاجة عندنا تطعيم ضد الديدان : وبتنقسم الديدان لعدة انواع منها ما يصيب الامعاء والرئة والقلب
واللى بيكون أليفك معرض يتصاب بنوع او اكتر منهم
عشان كده ضرورى نطعم ضد ديدان واللى ممكن تبدأ عند عمر
🐾اسبوع من الولادة 🌸👌

٢ - تاني تطعيم هو الحشرات : بيتعرض الأليف على مدار فصول السنة الأربعة للاصابة بداء الحشرات واشهرهم Ticks , fleas , mites
القراد والبق والعث
طيب هل دول خطر يا دكتور !؟
هقولك طبعا
الحشرات بتسبب اصعب درجات فقر وطفيليات الدم اللى بيتبعها فشل كبدى وكلوى ومن ثم وفاة الأليف 💔

ونقولك عشان كده ضرورى تطعم أليفك ضد الحشرات واللى برده ممكن نبدأها عند
🐾عمر اسبوع من الولادة 🌸👌

[ تطعيم الديدان والحشرات بيختلف نوع الدواء وطريقة إعطاءه بناء على عمر ووزن الأليف ]

٣ _ وتالت وأهم التطعيمات هى الفيروسية خصوصا للجراوى والأعمار الصغيرة
وده لنقص مناعة الصغار وعدم اكتمالها ف بيتعرض الpuppies خصوصا ف الفئات العمرية من شهر إلى ٦ اشهر للاصابة باشهر الفيروسات القاتلة ألا وهى :-

>>parvo virus
>>distemper virus
>>Para influenza
>>Infectious canine hepatitis [ Adenovirus type 1 ]
>>Adenovirus type 2
>>Leptospira

19/11/2022

#صفحة تُقدم
محتوى توعوى وخدمات تخص أليفك شامل النقاط الآتية:
الاغذية
التطعيمات
مناقشة بعض الأمراض وإتخاذ الإجراءات الصحيحة عند حدوثها وكيفية الوقاية

بالإضافة إلى خدمة الاستفسارات الطبية وحجز الكشف
والحالات الطارئة

لينعم أليفك ب حياة أفضل 💚🍂

التواصل : واتس آب وبالاتصال على
على الرقم : 01070413977