Vet Bus

Home
Egypt
Cairo
Vet Bus

Vet Bus A number of veterinarians aim to help and improve people's awareness. We do not limit ourselves
(9)

15/06/2024

كل عام وانت بخير ❤️🐏

09/05/2024

Newcastle disease
disease?!

ايوه بالظبط مدينه نيوكاسل مش بس معروفه بنادي كره القدم ولكن بواحده من أشهر الأمراض الي بتصيب الدواجن عموما
المرض جائت تسميته لما تم اكتشاف الأعراض في مدينه نيوكاسل سنه ١٩٢٦ ولكن نفس الأعراض المرضيه كانت موجوده قبل كده في مدن زي إندونيسيا وامريكا الجنوبيه 🌎🇮🇩

وحتي اشهر outbreak للمرض في العالم في بدايات
التسعينات وصل عدد الحالات لإعداد كبيره حتي كان في حالات في الدول الي تعتبر خاليه حاليا من المرض🧐

اعراض المرض بتختلف تبعا لنوع الفيروس ولكن بتبدأ من اول اعراض فقدان شهيه ونقص في انتاجيه البيض واسهال أخضر غزير لحد اعراض تنفسيه لحد ما توصل لاعراض عصبيه بتظهر زي تشنجات وتورم في الأعضاء الداخليه والتهابات والتفاف للرقبه والرأس وممكن يحصل شلل كامل للطائر😓
نسبه الوفاه للطيور من المرض ده بتوصل لحد 100% 😢

المرض بيتنشر من خلال التعرض المباشر للدجاجه المصابه او اي مواد ملوثه بالمرض عشان كده الدول بتحظر من استيراد الدواجن او غيرها تجنبا لأي انواع جديده من المرض و ممكن في حالات قليله جدا بيصيب الإنسان🫣

فا هل شوفت قبل كده حاله نيوكاسل ؟
🚌
☣️

06/05/2024

African horse sickness

او مرض النجمة ⭐او طاعون الخيل ☠️
مرض النجمة ده مرض فيروسي خطير اسمه (AHSV) وبيصيب الفصيلة الخيلية بشكل عام ( الحصان -الحمار-البغال) وممكن يصيب بعض الحيوانات الاخرى زي الكلاب لما تاكل لحم جث،ة ماتت بسبب المرض ده.

المرض ده بتنقله حشرة ليلية زي الكيوليكويد والبعوض، (ودي ياريت تبحث في جوجل عنها عشان تعرف عنهم اكتر )✨

وللملاحظة ان اول تقرير مسجل عن مرض يشبه مرض النجمة كان في اليمن عام 1327، ثم ظهرت حالات مشابهه في شرق أفريقيا عام 1569 ثم في جنوب أفريقيا عام 1719 وكانت أسوأ الأوبئة في جنوب أفريقيا عام 1855. المرض متوطن وواسع الانتشار في القارة الأفريقية بصفه خاصة شرق ووسط وجنوب القارة، ولكن بحلول عام 1928 ظهر المرض في شمال القارة التي انطلق منه إلى الشرق الأوسط وآسيا وجنوب أوربا.🌍🌏

نيجي لصور واعراض المرض ومنها :
الصورة الرئوية الحادة: تحدث غالبا بين الخيول مكتملة الحساسية للإصابة ، ونسبة الوفيات في الشكل ده مرتفعه جدا ف ممكن توصل حوالي 95 %. 🫣

ومن الأعراض : حمى و صعوبة التنفس ونوبات سعال وإفرازات أنفيه ، وفى المراحل الأخيرة بتوسع فتحتي الأنف ويفتح الحيوان فمه ويصبح ممتد الرأس والرقبة وعنده عرق غزير.🤒🥵

الصورة القلبية تحت الحادة: شائعة بين خيول المناطق التي يتوطن بها المرض (افريقيا ) وفى البغال والحمير .

يتميز هذا الشكل odema تحت الجلد بتظهر على هيئة تورم بالرأس والرقبة وممكن مقدم الصدر، وبالتحدي في تجويف اللى فوق العين (supra orbital fossa) ودي علامة مميزة جدا للشكل ده من المرض .🧐

وهذا الشكل يبدأ بالحمى التي تستمر لمدة 4 – 8 أيام يتبعها إفرازات دمعية وان اللسان واللثة بيكونوا زرقاوات،و بالنسبة لتورم التجويف أعلى العينين فإنه يبدأ مع انحسار الحمى و من الشائع مغص متوسط الشدة وقلق.
ونسبة الوفيات اقل من الصورة اللى قبله بانها ممكن تصل الى 50 في المية .😓

وفي النهاية المرض من اشهر الامراض اللى بتصيب الخيل وهو ملوش علاج محدد ، وننصح وبشدة لو ظهرت الاعرض دي على حصانك او عرض فلازم التوجه لاقرب طبيب بيطري اليك. 🧑‍⚕️

وشكرا على حسن القراءة اتمنى اني اكون فدتك بشئ سلام .😍🫡
🚌

01/05/2024

افي مرة فاتت اتكلمنا عن البعوض وديه حشرة انت مكنتش عارف عنها كتير و عرفناك ليه ربنا سبحانه وتعالي ضرب بيها المثل 🫡

المرة ديه بقا هنكلمك علي البقرة وده حيوان انت عارف عنه كتير بس احنا بقا هنعرفك اللي متعرفوش عنها 🐄😍
احنا ممكن نستخدم البقرة للأكل لأنها بتنتج لحمه و ممكن نستخدمها للشرب لأنها بتنتج لبن وكمان بتنتج جلد ف ممكن نستخدمها لصنع السجاد والمفروشات واللبس

لكن ربنا سبحانه وتعالي استخدم البقرة في معجزة ؟؟🙄

في بني اسرائيل كانت هتقوم معركه كبيرة بين عيلتين و ده بسبب قتيل من عيلة لقوه عند عيلة تانيه فالإتهام كان واضح جدا 🧐

لحد ما ظهر رجل حكيم قبل ما تبدء المعركه قالهم لنذهب الي سيدنا موسي عليه السلام .
وربنا أمر سيدنا موسي بإنه يقولهم أن يذبحوا بقرة 🐄
بني اسرائيل كانوا فاكرين ان سيدنا موسي عليه السلام بيستهزء بهم و لكن ده في الحقيقة كان اختبار من ربنا سبحانه وتعالي ليهم
هل هما هيسلموا للأمر ولا لأ ؟؟

وطبعا فشلوا ف ربنا سبحانه وتعالي بعدما كان آمر بأن تُذبَح أي بقرة
شق عليهم الأمر و أمر أن البقرة اللي هتذُبَح تكون مش كبيرة في السن ولا صغيرة وتكون صفراء و مش بتشتغل في ارض مالكها وتكون نقية جداً مفيهاش اي لون تاني او اي جرح
وفعلا لقوا بقرة بالمواصفات ديه وكانت غالية جدا جدا علي مالكها ولكن قدروا يشتروها وذبحوها فعلا

وربنا أمرهم ان يضربوا الجثة بالبقرة المذبوحة
فقام الميت من موته وأشار علي قاتله 😱
وبكده المعركه انتهت من قبل بدايتها وده اتحقق لما ظهر الحق ♥️♥️
ربنا استخدم البقرة في أحياء الموتي كدليل بسيط علي قدرته علي كل شئ 🤲

يارب اكون عرفت أفيدك بأي شئ 🥰🥰
سبح ربك وكن من الساجدين ♥️
🚌♥️

29/04/2024

متتوقعش ان الانسان قدر يتغلب علي فيروس كورونا او فيروس الانفلونزا بس لا ده حكاياته مع الفيروسات مبتنتهيش
النهارده هنتكلم عن قصه الانسان مع فيروس ال Rindsrpest او cattle plaque بالعربي يا سيدي اسمه طاعون البقر وايوه هو متشبه بالطاعون لخطورته الشديده

بس قبل ما نحكي تعالي نعرف ايه هو المرض ده

(Rinderpest): هو مرض فيروسي شديد العدوي بيأثر علي الأبقار والجاموس بشكل أساسي وبيتسمي ب (الطاعون البقري) نظرا لقدرته الكبيرة علي الفتك بالحيوان المصاب بيه 🐄🐃
وده لأن ال(Morbidity rate) أو معدل الانتشار والإصابة ممكن يوصل ل💯% و (Mortality rate) أو نسبة النفوق بتوصل لحد 90%

طب وانا اعرف منين ان ده Rindsrpest

هتلاقي عندك في القطيع ارتفاع شديد في درجة الحرارة ، إفرازات مخاطية في الأنف والعين ، تقرحات في الفم والضرع ، تقوس في الظهر ، إسهال دموي بيأدي لجفاف شديد ، فقدان شديد في الوزن وفي النهاية موت الحيوان☠️

وبينتشر عن طريق الاتصال المباشر بين حيوان مصاب وآخر سليم ، أو بطريقة غير مباشرة عن طريق الرذاذ ، أو الإفرازات المخاطية ، والروث

الطاعون البقري قديم قدم استئناس الإنسان للماشية وعشان كده كان ليه اثار سلبية واضحة عالميا مش بس اقتصاديا كونه بيهدد واحدة من أكبر التجارات العالمية وهي تربية الماشية وخسائر تقدر بملايين الدولارات ولكن كمان غذائيا لأنه تسبب بمجاعات كبيرة في افريقيا وأعاق التنمية الزراعية في بلدان كتير⚠️

وعشان كده تم إطلاق البرنامج العالمي لاستئصال الطاعون البقري (GREP) ، وأعلنت المنظمة العالمية لصحة الحيوان (OIE) ومنظمة الأغذية والزراعة للأمم المتحدة (FAO) عن استئصال المرض من العالم رسميا عام ٢٠١١ ، عشان يكون أول مرض حيواني يتم القضاء عليه عالميا وتاني مرض عموما بعد (الجدري)🫡✅

ولكن القصة منتهتش عند كده ، لأن دورنا هو الوعي والتوعية بخطورة المرض ده والحرص علي عدم انتشاره من جديد😇

فهل يا ترى استئصال الطاعون البقري يكون بداية فرصة لهزيمة غيره من الأمراض باستخدام الدروس المستفادة من رحلتنا؟!!🤔

💜🚎

25/04/2024

مرض ال Jaagsiekte او بلاش نقول عليه مرض لأنه في الحقيقة مسبب مرض وبيسبب مرض خطير جدا وهو سرطان الرئه 😨

الفيروس ده من عيلة كبيرة وخطيرة اسمها Retrovirus من subfamily اسمها orthoretrovirus من genus اسمه Betaretrovirus 🦠
وخلي بالك لإن له اكتر من اسم زي مثلا opa
و ده اختصار ل ovine pulmonary adenocarcinoma
او اختصار زي Jsrv
و ده اختصار ل Jaagsiekte sheep retrovirus

اول مرة تم اكتشاف فيها مسبب المرض ده كانت سنة 1800 في جنوب افريقيا والمرض اتسمي بالاسم ده بسبب jaag تعني مطاردة ( chase ) و siekte تعني مرض( sickness) 🇿🇦

وده بيصيب فصيلة الاغنام والماعز بشكل كبير و العدوي بتحصل عن طريق الرذاذ اللي بيطلع في الكحه او العطس 💦🤧

لما الفيروس (مسبب المرض ) بيخش الجسم بيتكاثر في الخلايا الليمفاويه وفي الخلايا اللي موجودة علي سطح الرئه والتكاثر ده هو اللي بيسبب الورم و مع زيادة حجم الورم انتاج السوائل بيزيد وده بيسهل عملية انتقال المرض اكتر واكتر 😓

ضيق التنفس و فقدان الشهيه مع صعوبة كبيرة في التنفس و ده بيبقي بسبب السوائل اللي بينتجها الفيروس و مع الاعراض ديه بيبقي فيه كمان كحه مصاحبة بخروج سائل لزج و ده بيؤدي ل انسداد الممرات الهوائية 😔

وفي النهاية هل عرفت تنطق الاسم من اول مرة ؟؟😂😂❤️
🚌
🐑

22/04/2024

ايه رأيك في عالم الحشرات ؟🤔
اعتقد اغلبنا مايعرفش حاجات كتير عن العالم ده مع انه عالم عجيب
وكل معلومه فيه هتخليك تُذهل وتسبح ربنا سبحانه وتعالي
تعالي نبعد شوية عن عالم الحيوان ونركز في الحشرات 😍

البعوضه أو Culex و Anophelesو Aedes 😭

تفتكر ليه ديه اول حشرة او اول حيوان ذُكرت في القرءان الكريم ؟
وتفتكر ليه ربنا سبحانه وتعالي ضرب المثل بالحشرة ديه ؟؟🧐

في البداية
إناث البعوض هي اللي بتتغذي علي دم الإنسان لإنه ضروري لنضج البيض
ولانها فمها مزود بماصه بتستطيع من خلالها إنها تغرس في جلد الانسان ( اللسان الثاقب الماص )
ولكن الذكر ف لا يمتلك ماصه و لذلك فهو يتغذي علي عصارة النباتات 🪴

ومن المعلومه ديه فاللي بينقل الأمراض من إنسان للأخر بيبقي بسبب بعوضه وليس بعوضاً
ولذلك ربنا سبحانه وتعالي ضرب المثال ببعوضه وليس بعوضاً✨

البعوضه لها عينين وكل عين تتكون من وحدات اصغر تسمي الاوماتيديا مسئولة عن تدارك الضوء و لها 3 قلوب وعندها جهاز بيقدر يحلل الدم ويشمه من مسافات بعيدة جدا جدا وعندها جهاز كمان عامل زي المخدر عشان تقدر تغرس الابرة في جلدك من غير ما تحس 💉

البعوض يستطيع إنه يعرف مكان الانسان من خلال زفيره وذلك لانها تمتلك القدرة علي التقاط غاز الكربون الذي يزفره الإنسان
وعشان كده تم تصنيف البعوضه اخطر حشرة في العالم 🚨

فما فوقها ؟؟
بعض العلماء زمان قالوا فما فوقها معناها الحشرات الأكثر رقي من البعوضة

ولكن اكتشفوا بعد كده ان هناك بعض الطفيليات ممكن تعيش علي جسم البعوض في مراحل حياتها المختلفه زي العث الطفيلي بيلتصق ب جسم البعوض في مراحل معينه من حياة البعوضة ٠

طبعا الكلام علي البعوضه اكتر من كده بكتير لدرجه ان في معاهد مخصصة لدراسة البعوضه وازاي بتنقل الأمراض لكن مش هنقدر نشرح كل ده في البوست😓

اتمني تكون عرفت ليه ربنا سبحانه وتعالي ضرب المثال بالبعوضه 😍
🚌
🦟

09/04/2024

كل عام وانتم بخير
عيدكم سعيد ❤️

02/04/2024

وما آدراك ما ليلة القدر

وليلة القدر سميت بهذا الاسم لقدرها عند الله سبحانه وتعالي و ليلة القدر تعادل الف شهر يعني بالحسابات ٨٢ سنه تقريبا لكن ربنا سبحانه وتعالي قال انها خير من الف شهر يعني انها تعادل اكتر من كده كمان فاللهم بلغنا ليلة القدر 🤲

وقال رسول الله ان من قام ليلة القدر ايمانا واحتسابا غُفر له ما تقدم من ذنب فاللهم بلغنا ليلة القدر 🤲

يمكن كتير مننا عارف اهمية ليلة القدر
لكن هل كلنا بيعرف يستغل هذه الليله ؟؟
ديه بعض الاجتهادات اللي علمائنا وصلوا اليها لعلكم تنتفعوا بها

📌أولا قراءة سورة الإخلاص ثلاث مرات كأنك قرأت القرءان الكريم كله وده لأن سورة الإخلاص تعادل ثلث القرءان

📌ثانيا قراءة خواتيم سورة البقرة او اخر آيتين في السورة وقال رسول الله صلي الله عليه وسلم من قرأ هاتين الآيتين من سورة البقرة كفتاه

📌ثالثا ركعتين قيام الليل او اكثر ب ١٠٠ آية و قال رسول الله صلي الله عليه وسلم من قام الليل بمئة اية كُتب من القانتين

📌رابعا التصدق او التبرع للمساجد باللي تقدر عليه

📌خامسا التسبيح بسبحان الله وبحمده سبحان الله العظيم

📌سادساً الدعاء وطبعاً الدعاء اهم جزء في هذه الليلة المباركة
سألت ام المؤمنين السيدة عائشة رضي الله عنها رسول الله صلى الله عليه وسلم فقالت: يا رسول الله، أرأيتَ إن وافقتُ ليلة القدر، ما أقول فيها؟ قال: (قولي: اللهم إنك عفو تحب العفو فاعف عني).
ومتنساش الدعاء للمؤمنين كلهم سواء احياء او اموات بهذا الدعاء (اللهم أغفر للمؤمنين وللمؤمنات والمسلمين والمسلمات الأحياء منهم والاموات)
واكيد متنساش دعاء باللحاق للجنه ب (اللهم إنا نسألك الحسني والزيادة)

واخيرا ✨
اللهم بلغنا ليلة القدر وارزقنا فيها بقدر قدرك
واللهم تقبل منا رمضان🤲

10/03/2024

كل عام وانتم بخير.. 🥰

يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ (183)

رمضان مُبارك ♥️🥳

26/02/2024

عدنا فعاد الروقان❤️
عاملين ايه يا رب تكونوا بخير ❤️🌛
حبينا نشاركم بعض صورنا اللى اخدناها أثناء مشاركتنا في ايفنت youths activity hub اللى كان معمول في Greek Campus❤️✨
تبادل الخبرات من طلاب زينا ومن ال speakers كانت من اهم الاستفادات اللى كسبناها من الايفنت ده ❤️
ولسه في ايفنتات كتير هنشاركم بيها قريب ان شاء الله❤️
تابعونا ❤️
🚐🩵

08/02/2024

فكره جديده !!

دايما الافكار الجديده بتنبع من فكر مختلف او من طريقه تفكير مختلفه وده اللي احنا بنحاول نعمله دلوقتي في vetbus

بمعني ؟

اننا نكون اول تيم علمي بيطري شباب بس او بالمعني الاصح ولاد بس فحاليا انت ملكش حجه غير انك تجهز نفسك وتقدم وبما اننا مؤمنين بان اول خطوه هي اصعب خطوه فأول تحدي ليك هو الفورم بتاعنا اللي بمجرد ان عديته فهتبقي باقي الخطوات سهله .
او منعرفش؟
متجرب ؟

ولو حابب تعرف اكتر عن ال committeesلينك كل حاجه محتاج تعرفها عنها
https://www.facebook.com/100078800948867/posts/pfbid024jCtACniYV3BmSDtsA6bkTZuQneGnEmVnF5yGvpKys6FNoob77S1ZDessjEJsY3al/?app=fbl

وده لينك التقديم
https://forms.gle/i8Vf1NDicpc5sjwG6

08/10/2023

وبمناسبة دخول الدراسه ورجعنا تانى للأبحاث والأكتيفيتى ، Vet Bus قررت تقدملك حاجه جديده تساعدك فى أنك تدور صح ، هقولك على كام تريكايه كده تضمنلك أنك تقدر توصل لأحسن معلومه وبشكل أسرع كمان ، وفى هديه سيبهالك فى أخر البوست 🧑‍💻

1) اول حاجه أنك تختار المصدر الصح الى هتدور فيه على المعلومه يعنى لو عايز أبحاث عليك وعلى Google Scholar ، لو محتاج معلومات عن أحداث بتحصل يبقى تستخدم Google News ✔️

2) تانى حاجه ودى هتساعدك جدا فى أن الموقع يجيبلك كل حاجه تخص الموضوع بس مش حاجات تانيه وهى ال Keywords ودى كلمات انت بتستخدمها وانت بتدور على العنوان الى انت عايزوا عشان الموقع يقدر يجيبلك النتيجه الصح فا نبعد عن أننا نستخدم كلمات تشمل كذا نتيجه او كلامات غامضه 👾

وزيها بتكون علامات التنصيص(") لما بتحط عنوانك بين علامات التنصيص انت بتقول للموقع دور على الحاجه الى فيها الجمله دى بس ولا تروح يمين ولا شمال😇

3) تالت حاجه وهى استخدام علامات زى الزائد والناقص (+/-) ، دول فايدتهم ايه ؟
دول بيخلوا النتايج الى بتطلع أكتر دقه يعنى لو بتدور على دكاتره بيطريين بس انت عايز لارج بس فا بتكتب دكتور بيطرى + مجال اللارج فا مش هيظهرلك غير دكاترة المجال ده بس، ونفس الكلام فى ال (-) دى هتخليك تستبعد حاجات من البحث بتاعك

4) ومن ضمن العلامات كمان (*) دى بتطلع كل الحاجات المشابهه للى انت بدور عليه🤗

5) أخر حاجه وهى أنك لو لقيت موقع كويس جدا انك تقدر تدور فيه من خلال البحث الخاص بالموقع نفسوا على معلومات أكتر🔍

وطبعا مش هفكرك أنك لازم قبل ما تاخد المعلومه تتأكد من مصدر الموقع والى كاتب المعلومه والتحديث بتاعة المعلومات دى كان امتى، بالذات لو معلومات علميه👨‍🔬

نصيحه أخيره بعد كل الرغى الطويل ده أنك متخليش دايرة البحث بتاعتك ضيقه يعنى مش لازم مصدر البحث بتاعك يكون كلام نصى ممكن يكون من صوره، فيديو او حتى فويس نوت
وممكن لو انت عايز المعلومه بشكل معين باور بوينت او بى دى اف او ورد انك تستخدم خاصية الفايل تايب و هيطلعلك الى انت بتختاروا بس

وبكده أكون قولتلك شوية حاجات ان شاء الله تساعدك فى أنك تعرف تدور صح ، والهديه الى قولتلك عليها هو موقع موثوق وموجود فيه كل المعلومات العلميه والأبحاث من كل المصادر والمجلات ، وكل سنه وانتم طيبين بالتوفيق🥰
https://www.scinapse.io/

27/09/2023

عن أبي هريرة ( رضي الله عنه ) ، أن رسول الله ( صلى الله عليه وسلم ) قال : " فُضلت على الأنبياء بست : أُعطيت جوامع الكلم ، ونصرت بالرعب .
وأُحِلت لي الغنائم ، وجُعِلت لي الأرض مسجداً ، وطهوراً ، وأُرسلت إلى الخَلق كافة ، وخُتم بي النبيون " صدق رسول الله صل الله عليه وسلم .

" طِبت فينا حيًّا و ميتًا يا رسول الله "
- الأربعاء الموافق ١٢ من ربيع الأول عام ١٤٤٥ هجرياً ذكرى ميلاد أشرف الخلق و خاتم الأنبياء و المرسلين سيدنا محمد بن عبدالله 🎊

- فيت باص تهنئكم بالمولد النبوي الشريف و بتفكرك ايه هو المولد النبوي !!
هو حدث يعتبر من الطقوس الثقافية المصرية أكتر من كونه طقس ديني ، مشهور طبعاً بانتشار حلاوة المولد الحمصية و السمسمية و كل اللي قلبك يحبه 🤩
كل عام و أنتم بخير .

🚌

20/09/2023

كلنا بنسمع كلمة Branding و فاهمين طبعا ان المقصود بيها إنك تعمل Brand ، بس الموضوع يبان غامض شوية أو كبير …هو موضوع كبير فعلا بس مش غامض هو بس بيحتاج فهم كويس و تطبيق صحيح .
هلخصلك الفكرة العامة وأنت لو مهتم دوس ،
في التسويق فيه 4 عناصر أساسية اللي هي المزيج التسويقي 《 4P Marketing Mix 》
Product -Price -Promotion -Place
جزء المنتج هو اللي بنختص بيه دلوقتي لأن البراند جزء أساسي من المنتج .
الأول عايزين نتفق إن كلمة "منتج" المقصود بيه مش "سلعة" بس هي حاجات كتير ممكن يكون:
(سلعة – خدمة -شخص -فكرة - مكان – حدث -بلد -عقار – تجربة - معلومات)
احنا هنا هنتكلم عن المنتج بشكل عام أيا كان هتقدر تطبق عليه كل اللي هنقوله بس خلي في دماغك دلوقتي السلعة هي ايه؟ لأنها أوسع و أشمل .

يعني ايه Brand ؟
ترجمته الحرفية علامة تجارية أو وسم …
التعريف هو كل اسم أو مصطلح أو علامة أو إشارة أو رمز أو مجموع ما سبق وضع بنية مقصودة ليشكل هوية لبضائع أو خدمات لبائع واحد أو لمجموعة بائعين للتفريق بينهم وبين البائعين الآخرين.
ده المعنى الحرفي أو التعريف بس الحقيقة ان المقصود من البراند أكبر من كدة بكثير ..

يعني ايه الكلام ده يعني أنا باشتغل على الbrand Identity بتاعتي لحد ما كل اللي فات ده يظهر في ذهن العميل بمجرد ذكر البراند أو عنصر من عناصره …يعني لما تشوف أتوبيس فبوست دماغك تقول"فيت بص!" قبل ما تشوف محتوي البوست أو مين اللي منزل ومنزل ايه..

- أهم حاجة والحوار كله ايه هو اللوجو بقي؟؟؟
"يستمد الشعار معناه من جودة الشيء الذي يرمز إليه، وليس العكس"
اللوجو مش هو اللي بيعمل المنتج المنتج هو اللي بيبقي لوجو لوحده ، هل المصانع بتحاول تقلد Adidas و Nike عشان اللوجو بتعاهم حلو ؟ لأ ، عشان منتجهم واخد ثقة إنه دا حاجة تستحق ✅️ فمن التجربة والأمان والجودة يُصنع الاسم فتلاقي ناس بتحاول تاخد "الصيط" باسمهم وشعاراتهم واللوجو بتاعهم عشان تعلي الريتش على حسهم، وبس كدا ؛)

🚌🚌

11/09/2023

توثيقا ليوم جميل قضته عيله vet bus في مجزر الوراق🥩 اتعلمنا فيه حاجات كتيره من اول دخول الحيوان للمجزر لكيفيه الكشف عليه قبل وبعد الدبح وحاجات تانيه كتير انبسطنا معاكم ♥️✨

فيديو تفاصيل اليوم 😉👇
https://www.instagram.com/reel/CxDfXqpNzc-/?igshid=MzRlODBiNWFlZA==

05/09/2023

متنساش سيشن اللارج النهارده اللي هيقدمه دكتور محمد عوض وهتستفيد منه في المجال واستكمالا للتطوير
ايه رايك في زياره مكان تبع المجال ؟🤔
ومش هقلك لا شيلتر ولا مزرعه اللي انت زهقت منهم ومن المعلومات المتكرره فيهم 🤓
ايه رايك في مجزر 🥩
هتعرف فيه كل الخطوات اللي بتحصل من اول ما الحيوان بيدخل المجزر لغايه ما تشتريه كمنتجات لحوم من المحل

الزياره ان شاء الله هتبقي يوم الخميس القادم ٩/٧ في مجزر الوراق وتكلفه الزياره ٢٠ جنيه وتقدر تعتذر عنها مفيش مشكله احنا عيله وده لينك الفورم للي حابب يسجل
https://forms.gle/VniF6ZfMtNVYDMuN6

04/09/2023

بنفكركم الاول بسيشن البيتس مع دكتور محمود النهاردة الساعة ٨😇
ولسة علي وعدنا ومكملين معاكم سلسلة السيشنز بتاعتنا ، والمرادي مسك الختام مع واحد من أهم المجالات اللي مفيش بيت تقريبا يخلو من منتجاته وبيمثل نسبة كبيرة من القطاع البيطري
و هو مجال الأبقار الحلاب🤩

وهيقدملنا السيشن واحد من أشطر دكاترة المجال ده ومين من أول سنة أولي وقولنا بسم الله Histology ميعرفش :
دكتور/ محمد أحمد عوض

🔸مدرس مساعد بقسم الخلية و الأنسجة بكلية الطب البيطري جامعة القاهرة

🔸حاصل علي بكالوريوس العلوم الطبيعية البيطرية 2017 بتقدير «امتياز» الثاني عالدفعة

🔸ماجستير العلوم الطبية البيطرية 2021

" أول واحد في دفعته يناقش رسالة الماجستير بعد نشر ٣ أبحاث منهم اتنين دوليين "

🔸Line Of Research :
Toxicology - Histology -
Neurohistopathology

هنتعرف في السيشن علي :
Calf unit Management
بداية من Selecting Sires for Improved Calves مرورا بــ
Care at Calving , Housing and feeding
وأهم النقط معانا أشهر الأمراض اللي بتصيب وتمثل خطر علي ال calves وازاي نمنع حدوثها ونوقف انتشارها.

معاد السيشن هيكون يوم الثلاثاء الموافق ٩/٥ الساعة ٨ مساء
متخليش سيشن زي كدا تفوتك🤞🏻

و اوعي تنسي تسجل في الفورم علشان تسجل حضورك و تضمن شهادتك معانا بعد الامتحان 🥰

ده لينك الجروب الي هنبعت عليه لينك التسجيل و كل السيشنز الجاية
https://chat.whatsapp.com/LhuJhwbuxai6GmKztNLUvo

03/09/2023

بعد السيشن العظيمة حقيقة بتاعت د.نهال النهارده متسيبش نفسك تفوت الفرصتين الجايين .

بكرا معانا مجال من ألطف مجالات الطب البيطري و هو ( طب و جراحة الحيوانات الأليفه ) ال Pets . 🐾
- هيكون معانا لتقديم السيشن : الدكتور / محمود فتوح
- The Owner and Manager of Vet Pet Clinic .
- دكتور محمود خبره في مجال ال Medical rep من 2017 ، دا غير إنه اشتغل في عدة شركات بيطرية للبيتس و بالإضافة لدا كان من أوائل الناس اللي بدأت رحلة الزيارات المنزلية و كل دا كان قبل افتتاح العيادة عام 2021 .

- رغم إن مجال البيتس يبان سهل بس كل حاجه و ليها ثغراتها ؛ عشان كدا هنهتم في السيشن بأكتر تريكات ممكن تفيدك كدكتور في عيادتك و أهمهم ال Differential diagnosis لأن دي أكتر حاجه بتميز الدكتور الشاطر .
- بعد كدا هاخدك رحلة ف العيادة و هعرفك أشهر الحالات زي ( Urine retention أو احتباس البول - أكل العظم و تأثيره ع الإخراج - Pyometra أو صديد الرحم - Blood Parasite أو طفيليات الدم )
- هنعرف ازاي استفاد من ال Diagnostic tools عندي في العيادة صح ، ازاي اكتب روشته شامله ، ازاي اعرف اخد Case History من الاونر .
- و مش هننسى أكتر جزء انتو مستنينو و هو أشهر الامراض ( Parvo - Distemper - Calici - Panleukopenia - Chlamydia - FIP ) و كيفية تشخيصها و علاجها ، و لسه في مواضيع كتير و مفاجأت كتير لما تحضر السيشن .🫡

- أكبر مفاجأة معانا إن د/ محمود هيختار أكتر دكاترة اكتيف و أكتر ناس هتجاوب على الاسئله اللي هيطرحها ؛ عشان تنزل تدرب في عيادته و تجرب كل حاجه بإيديها مش بس تسمع المعلومات ، و أظن دي فرصة مش هتتكرر 🤩
بالإضافة للشهادة اللي هنعملها بعد أخر سيشن و عشان تضمن شهادتك هيكون فيه فورم ف أخر كل سيشن عشان تسجل حضورك .

- معاد السيشن يوم الاثنين 4/9 الساعه 8 مساءً .
دا لينك الجروب اللي هنبعت عليه السيشن : https://chat.whatsapp.com/LhuJhwbuxai6GmKztNLUvo

🚌

02/09/2023

بنفكركم ان في سيشن هتبدأ دلوقتي متفوتش الفرصة❤️
وبكرا هيكون معانا تاني سيشن إستكمالًا لسلسلة تطوير الذات بتاعتنا
قررنا إننا لازم نعمل سيشن عن مجال مهم جدا داخل مصر و جميع الدول العربيه وهو مجال الخيل 🐎.

و لأهمية المجال هيبقى معانا :
د.نهال صبرى
-Equine sport vet

دكتور نهال حققت إنجازات عظيمة جدا في مجال الخيل من أهمها :

■ Equine veterinarian at equestrian center

■ Mobile clinic team leader at ESPWWA (The Donkey Sanctuary UK) 2016

■ Senior registration Specialist at El Zahraa Stud 2011 to 2015

■ Equine medicine and surgery diploma 2017

■ Clinique de Grosbois France internship 2022

■ Rossdales equine hospital UK externship 2023

و هيكون محتوى السيشن متخصص عن :
●Understanding laminitis.
How to deal, manage and prevent.

الفرصة دي مش هتيجى كتير ⏳.

-معادنا هيكون يوم الاحد الموافق ٣/٩ الساعه 8 مساءً هنستناكم

_ومتنساش تسجيل حضورك من خلال الفورم اللى هيكون متواجد بعد كل سيشن عشان تضمن شهادتك معانا 🫡

وده لينك جروب السيشن ده وكل السيشنز الجايه عشان تكون معانا لحظه بلحظه 🤩.

https://chat.whatsapp.com/LhuJhwbuxai6GmKztNLUvo
🚎

01/09/2023

- زي ما وعدناكم نقدملكم الخبره في معظم المجالات ع شكل سيشنز هيقدمها قامة من أفضل الدكاترة في مجالهم ؛ فكان لازم بدايتنا تكون بمجال مهم جداً ذو قيمة إقتصادية كبيرة و لا غنى عنه و هو مجال ( الدواجن )🐓 اللي هيقدمه معانا :
دكتور/ مصطفى نجيب
Assistant Lecturer at Department of Poultry Diseases at Faculty Of Veterinary Medicine Cairo University

- هنعرف في السيشن ايه هي اشهر الأمراض اللي بتصيب قطعان الدواجن وايه الطرق المُتبعة للسيطرة عليها .
يعني ايه صناعة دواجن وايه مقومات صناعة الدواجن في مصر .
ليه اهتم بمجال الدواجن وايه فرص العمل المتاحة .
ايه الحاجات اللي المفروض اعملها تخليني متميز بعد التخرج .
وايه متطلبات سوق العمل في قطاع الدواجن .

- معاد السيشن يوم السبت 2/9 الساعه 8 مساءً .

- أثناء كل سيشن هيكون متواجد فورم لتسجيل الغياب عشان تضمن شهادتك معانا 🫡
و دا لينك الجروب اللي هنبعت عليه لينك السيشن و كل السيشنز الجايه :
https://chat.whatsapp.com/LhuJhwbuxai6GmKztNLUvo

🚌

30/08/2023

من أكتر الحاجات اللي معظمنا بيدور عليها ف الاجازة عيادات أو مزارع أو اي حاجه يتدرب فيها و ينمي خبرته في ال Field ، ف أنا النهاردة جايبلك المزارع و العيادات لحد عندك و أنت قاعد ف البيت قدام التكييف و مش همرمطك في الحر 🤩

لكن عشان تستفيد في كل المجالات و تخوض حبه ف كل مجال ف أنا مكتفتش بمجال واحد او اتنين لا دول اربعه ( بيتس - دواجن - خيل - لارج ) ، الجديد إن أنا مش هعرفك بالمجالات أنا هدخلك جوه المجال اوي و أعرفك ازاي تاخد Case History و أشهر الامراض لكل مجال و ازاي تشخصها و تعالجها كمان يا دكتور .

جاينلك بأشطر دكاترة في مجالهم و هنجهزلك أحسن سيشنز ممكن تستفيد منها و كمان تعرف شغفك رايح لأنهي مجال 🤩

و مش بس كدا ، بعد كل السيشنز في امتحان ع الCases عشان نضمن إنك استفدت و الامتحان دا هيكون عليه شهادة ، اظن كدا مش حارمك من حاجه ، و بعد كل دا Vet Bus بتحبكم و هتعملكم السيشنز دي For Free 🤩 ف أنا مش شايف عندك حجه يا دكتور ، أول سيشن هيكون في خلال الأسبوع دا فمتضيعش الفرصه منك و Just Start 🫡

و دا لينك الجروب اللي هنبعت عليه كل السيشنز :
https://chat.whatsapp.com/LhuJhwbuxai6GmKztNLUvo

دُمتم في تطوير ذات 🤩
🚌

26/08/2023

و مع انتهاء ال ( Interview Campaign ) الذي تم إقامته على أكمل وجه ، و قد سعِدنا باستقبال عدد كبير من المُتدربين الذي تم تدريبهم على كيفية التعامل مع ضغوطات ال ( Interview ) .🥰
و لكن تم ملاحظة عدد من الأخطاء المُتكرِره لدى المتدربين ؛ فقررنا عرضها لكم علي طريقتنا الخاصه ليتم تجنُبها في المرات المُقبِله .🥰

دُمتم في تطوير ذات 🫡
🚌

23/08/2023

اهلا يا قمر ، النهارده في حبكة ولا اجدعها تارانتينوا 😂😘
يارب تعجبك وان شاء الله هتعجبك 😍❤️ ويلا نبدا 🙃

- قاعدين امبارح فى امان الله لقينا كلب جولدن صغير يجيله كده ٤ شهور داخل علينا مع الاونر بتاعه ، بس الكلب مكنش نشيط كده زي عادة فصيلته كده فيلا نعرف ماله.

الدكتور : الكلب ظهر عليه أعراض ايه ومن امتى ؟
الاونر : والله هو مش بياكل وبيرجع وعندو إسهال واول لما الاعراض ظهرت جبناه على طول

الدكتور : الاسهال ليه ريحه مش حلوه ؟
الاونر : بالظبط كده

هنا لحظات القلق بتبان فى المكان 🥲
بعد الكشف عليه الدكتور لقا حرارته مرتفعة كمان 🥵

الدكتور : طيب هو بنسبه كبيره عندو بارفو أو ( Canine parvovirus )

تعالى كده بقى فويس اوفر سريع اقولك ايه هو البارفو ده .

ده فيروس يشبه فيروس covid -19 بس فى عالم الحيوانات وبالذات الكلاب وبيستهدف اوى الكلاب اصغر من ٤ شهور وكمان الكلاب الى مأخدتش التطعيمات بتاعتها " و متقلقش مش ناسيك
و جايلك بكل المعلومات اللي هتعوزها عن التطعيمات ف باقي السلسله " 🤩 ، بيجى للجهاز الهضمى وبشكل اساسى خلايا الامعاء والخلايا الليمفاويه المناعيه " intestinal muscler lymphocytes "

الدكتور بيكمل : الفيروس ده جبار بيتحمل الحراره والبروده والجفاف والرطوبه هيعيش يعنى هيعيش مهما كانت الظروف وبيفضل على الاسطح لفتره طويله " معنى كده إن الكلب ده هيتعقم بعده المكان كويس اوى والهدوم لازم تتعقم عشان الكلاب السليمه متتعديش " 😷

الدكتور بيسأل : الكلب ده اختلط بكلاب تانيه او كلاب مصابه؟؟
الاونر : للأسف كان فى كلاب عندها نفس الأعراض واختلط بيهم .

الدكتور: طيب يبقى العدوى اتنقلت منهم ؛ الفيروس ده بيتنقل بسهوله بين الكلاب من خلال اختلاط الكلب السليم بالكلب المصاب او بالبراز بتاعهم او الاكل .
الاونر : ياااه الحوار طلع كبير ، طيب والعلاج هيبقى ايه ؟؟

الدكتور : هو احنا هنمشي على كورس علاجي هندى للكلب أدويه مضادة للإسهال و القىء و دا عشان نحمي الكلب من الجفاف اللي ممكن يؤدي للموت ، و أدويه تقلل حموضة المعده ومضادات حيويه تمنع العدوى البكتيريه ، و عشان نعوض الكلب عن السوائل اللي فقدها بنلجأ للمحاليل المُغذية مع الفيتامينات عشان نرجع جسم الكلب لحالته الطبيعيه
الاونر : طب و العلاج ده هياخد وقت قد ايه ؟؟

الدكتور: العلاج بيستمر من خمس أيام لأسبوع و دا بيختلف من مناعة كلب للتاني لأنها خط الدفاع الأساسي للفيروس دا ؛ عشان كدا بننصح إننا نبعد الكلاب عن أي Stress ممكن يقلل مناعته زي الاستحمام أو التيارات الهوائيه أو ننقله مكان تاني و طبعاً لازم نعقم مكانه بشكل مستمر عشان نتخلص من وجود الفيروس ف اي مكان محيط بيه

الدكتور: بس كويس ان هو جه بدرى مع اول ظهور الاعراض ؛ لأن فى الحالات المتأخره بيكون صعب نلحق الكلب وبيتوفى للأسف 🥲

بس كده cut اظن مش حارمينك من حاجه تجربه جوا العياده ولسه مكملين المغامرات لسه مخلصتش 🥰

🚌
🦠

20/08/2023

النهارده هكلمك عن مرض شائع جدا في مجال ال Pets بس المرادي تخيل انها بطولتك انت 😈

- صحيت على صوت مامتك الى بتحب الكلاب بتقولك الحق الكلبه بقالها كام يوم بترجع وعندها هبوط قوم وديها للدكتور 😱

زى الشاطر رايح للدكتور لقيتو مش موجود قولت فى عقلك طب ما يوم مش هيأثر هاجى بكره 🫠

- و بعد يومين اخيراً روحت للدكتور وفى العياده دار بينكوا الحوار المعتاد ، عندها قد ايه بقالها كام يوم تعبانه وكل ال History اللطيف ده

الدكتور : ده فى vaginal discharge ازاى مجبتوهاش من بدرى ؟
أنت : يعنى ايه يا دكتور وده جه منين

الدكتور : هشرحلك بشكل مبسط دى حالة " Pyometra " دى بتحصل فى الكلاب والقطط بسبب حاجات كتير أهمها التغييرات الهرمونية لفتره طويله ومفيش طمث ، تأخير الجواز ، الخطر بيكون فى العدوى البكتيريه الى بتعمل صديد ، الصديد ده ممكن يتنقل لباقى الاعضاء وينتشر فى الجسم ويؤدي للموت 😅
أنت : طب والحل ايه

الدكتور : كده لازم عملية تعقيم أو Spay .
أنت :😳

الدكتور : انا هفهمك احنا هنمشى بكورس العلاج مضاد حيوى ومضادات الالتهاب بقى وطبعا كان مهم اننا نشخص بدرى اول لما ظهرت الاعراض
✨ لحظة ادراك هنا قد ايه مهم اننا نكشف اول لما الاعراض تبان✨وباين من الحالة انك طنشت سيكا فا من بابها هنعمل عملية تعقيم هنضطر نشيل الرحم
أنت : طب والكلاب الى عندى احميهم ازاى ؟

الدكتور : بانك يعني متسبهاش من غير جواز ، و انك تنضف المكان اللى هي قعده فيه ، او بالتعقيم لو مش عايزهم يخلفوا ، ده انت تحمد ربنا الاعراض باينه ده ممكن الاعراض متبانش ويبقى الرحم مقفول ونعمل ليله كبيره عشان نعرف فى ايه🥲

بس كده يا حبيب ال Vet Bus ,نشوفك ف حبكة جديدة بقى🙋‍♂️

🚌

18/08/2023

Vet Bus Friday Journeys
بعد رحلاتنا اللي فاتت في بلاد الكانجارو و راقصي السامبا ، تهبط طائرة Vet Bus انهاردة في ( الماما أفريكا ) قارتنا السمراء الجميلة🖤 وتحديدا في بلد نيلسون مانديلا وجدو موسيماني وكلامنا أكيد عن ( جنوب افريقيا )🇿🇦

جنوب افريقيا تعتبر من أفضل وأغني البلاد في افريقيا ، ومش بس اقتصاديا ولكن علي مستوي الثروة الحيوانية كمان ، ويعتبر أبرز وأشهر الحيوانات هما " الكبار الخمسة " ( The Big Five ) واتسموا كده لأنهم أصعب خمس حيوانات برية في الصيد وهما:

1- الأسد الافريقي ( Lion )🦁:
أكبر آكل لحوم في العالم وشهرته ( ملك الغابة ) إلا إنه مش بيعيش أصلا في الغابة🤨 وبيعيش في الوديان والسهول في مجموعات بتتسمي " الزمرة " ، الأسد بينام لفترات كبيرة في اليوم وبينشط أكتر في الليل ، عملية الصيد مسئول عنها اللبؤة في أغلب الأوقات ، في حين دور الذكور هو حماية القطيع

2- الفيل الافريقي ( Elephant )🐘:
هو أكبر الحيوانات البرية اللي بتمشي علي الأرض، بيتميز بخرطومه الطويل ( الزلومة ) اللي بيستخدمها في الشم ، التنفس ، الشرب ، التواصل ، والتقاط الأشياء ، ولكن الأغرب هي ودانه اللي بيستخدمها في إطلاق الحرارة للمساعدة في تبريد حرارته ، وللأسف بيتم اصطياده بكثرة من تجار العاج لبيع أنيابه

3- الفهد ( Leopard )🐆:
بيتميز بشكله المنقط المميز اللي بيديله شكل جمالي وكمان بيساعده في التخفي بين الحشائش اثناء الصيد، يعتبر أسرع حيوان بري في العالم⚡، ده غير كمان رشاقته الكبيرة اللي بتساعده في المراوغة وتسلق الأشجار للهجوم علي فرائسه من فوقيها

4- الجاموس الافريقي ( Buffalo )🐃:
من أكبر وأخطر الحيوانات البرية وبيتميز بقرونه الطويلة اللي بيدافع بيها عن نفسه قدام المفترسين، وبيتسمي " الموت الأسود☠️ " وده لأنه تسبب في موت صيادين أكتر من أي حيوان تاني في افريقيا🔝

5- وحيد القرن ( Rhinoceros )🦏:
تاني أكبر الحيوانات البرية بعد الفيل، يتواجد منه خمس أنواع واتنين منهم بييعيشوا في افريقيا وهما وحيد القرن الأبيض والأسود ، حيوانات وحيد القرن في خطر دائم للانقراض بسبب عمليات الصيد الجائر ليه من أجل بيع قرنه 🏹 ، بل إن وحيد القرن الأبيض يعتبر فعلا انقرض من 2018 ولكن جزئيا بسبب موت آخر ذكور النوع ده😢

ال( Big Five ) بيحظوا بشعبية كبيرة في جنوب افريقيا وعشان كده الحكومة طبعت صورهم علي العملات الورقية للدولة💲🏦

وبكده تكون خلصت رحلتنا في جنوب افريقيا🤩 ، هتلاقي صور الحيوانات في الكومنتس📸
استنونا الأسبوع الجاي مع رحلة جديدة 🫡
ودُمتم سالمين💜🤗

متنساش تقرأ عن رحلاتنا اللي فاتت من هنا : https://m.facebook.com/story.php?story_fbid=285433274093369&id=100078800948867&mibextid=Nif5oz
https://m.facebook.com/story.php?story_fbid=281872661116097&id=100078800948867&mibextid=Nif5oz

🚌

🇿🇦

11/08/2023

Vet Bus Friday Journeys
و تهبط الليله طائرة ال Vet Bus في البرازيل 🇧🇷✈️

البرازيل زي ما فيها لاعيبه حريفه مش هتلاقيهم غير فيها فهي بردو فيها حيوانات غريبه جدا مش هتلاقيهم غير هناك 🌳.

- أول حيوان معانا وهو حيوان " الجاكوار jaguar " 🐯 :
يعتبر أكبر القطط في الأمريكتين لدرجة إنه شبه النمر عشان كده بيتسمى برضو اليغور أو النمر الأمريكي و علشان هو خجول شويه بيعيش لوحده في الأغلب في الغابات و بيجتمع مع باقي القطط في فترة التزاوج بس و للأسف هو مهدد بالانقراض .

- تاني حيوان هو الريا " Rhea "🪶 :
أول ما هتشوف الريا أو روحاء هتتسرع و تقول دي نعامه لكن يا صديقي متسسرعش تاني لان الريا أصغر منها وكمان ريشها أقل من ريش النعامه 🪽
الريا بالرغم من رجلها الطويله والقوية إلا إنها مش بتطير بس بتستخدمهم في الهروب من الصيادين ، لكل ذكر من الريا ست زوجات 🫢 .

- تالت حيوان هيكون التابير ( Tapir ) 🐷 :
و ده شبه الخنزير و أكتر حاجه بتميز الحيوان ده هي خرطومه - اللي هي الزلومه - اللي بيتميز بالمرونة العالية و يقدر يتحرك في كل الإتجاهات عشان يقدر يمسك ورق الاشجار البعيدة زي الفيل يعني يا صديقي 🐘
وغير ده كله التابير بيحب يعيش في الماء ويعتبر حيوان جيد في السباحه و الغوص ليتغذي علي النباتات المائيه .

-رابع حيوان معانا هيكون الكابيبارا " Capybara " :
بيقولوا عليه خنزير الماء وده يعتبر من أكبر القوارض في العالم كله
وزي ما هو باين من اسمه أن الماء هو مصدر حياته ده غير إنه يتغذي علي النباتات المائية والأعشاب و بيستخدم الماء نفسه عشان يهرب من الخطر و يقدر يفضل فيه لمدة خمس دقايق .

- الخامس هو الطمارين " Tamarin " 🙈 :
النوع ده من القرود بيكون كل أفراده متسامحين جدا مع بعضهم البعض وبيقدموا لبعض أي دعم بيحتاجوه
وفي أي مجموعه من الطمارين بيكون فيه أنثى واحدة فقط بتتكاثر و أي انثي تانيه في المجموعه بيتم قمع تكاثرها من خلال الفيرمونات اللي بتمنع الحمل اللي بتفرزها الأنثي اللي بتتكاثر أو الأنثى المهيمنه " dominant female" .

-السادس معانا هو طائر" المكاو الأزرق Ruby macaw "🔹:
دا نوع من أنواع الببغاوات بيتميز بلونه الازرق و هو من أكتر الطيور نُدرة ، ظهر في فيلم كارتون باسم "ريو" و كانت الشخصية بتدور على آخر أنثى من جنسه عشان يتجوزها و ينقذ فصيلته من الأنقراض ، لكن دا عكس اللي حصل ف الحقيقه لأن اعداده قلت جداً بسبب قطع الأشجار🌳.

وهنا تبقى خلصت رحلة الVet Bus في البرازيل 🫡
وعلشان تبقى رحله متكامله هنسيبلك صور الحيوانات في التعليقات 🫡
دُمتم سالمين ♥️

🚎
🇧🇷

Address

Cairo

Website

https://www.linkedin.com/company/vet-bus/, https://t.me/vetbus

Alerts

Be the first to know and let us send you an email when Vet Bus posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Vet Bus:

Videos

و مع انتهاء ال ( Interview Campaign ) الذي تم إقامته على أكمل وجه ، و قد سعِدنا باستقبال عدد كبير من المُتدربين الذي تم تدريبهم على كيفية التعامل مع ضغوطات ال ( Interview ) .🥰 و لكن تم ملاحظة عدد من الأخطاء المُتكرِره لدى المتدربين ؛ فقررنا عرضها لكم علي طريقتنا الخاصه ليتم تجنُبها في المرات المُقبِله .🥰 دُمتم في تطوير ذات 🫡 #Vet_Bus🚌

Stay Tuned🔥 #vet_bus🚎

متقلقش هنحللك اكبر مشكله بتواجهك في الاجازه Stay tuned 🔥🔥

أحْسَـــن الله عمَلكُم وتقبّل منـّا و منكُــــم صالِح الأعمال ، مُبارك عليكم يوم عرفة المُبـــــــــارك ✨ وكُل عامٍ وأنتُم بِخيــــــــــــــر🤍 #عيـــد_أضحي_سعيــد #VETBUS

لا تعطني سمكة ولكن عملني كيف أصطاد" Vet Bus عملتلك الاتنين🤩 المرة اللي فاتتvet bus ساعدتك وعملت فيديو يعلمك ازاي تعمل برزنتيشن من أوله لأخره و الفيديو كان فيه كل حاجه من أول ازاي تجمع داتا لحد ما تطلع بريزنتيشن كامل❤ و لينك الفيديو ده في اول كومنت عشان متدورش عليه🫡🫡 المرادي البريزنتشن جاهز يا معلم ، مش عليك غير تحط فيه داتا التوبيك بتاعك تفتكر المرة الجاية هتبقي ايه ؟ #vetbus شكر خاص Mohamed Hafez ✨

We’ve been at this for a year now and we couldn’t be happier or more grateful for your support.🥰 Thank you for following along with us on our adventure and discovery.✨ We couldn’t have made it this far without you. 1 years down the road, and so many more to go.🛤️ #vetbus1yearanniversary🚎

حبينا نشارككم ✨ ده فيديو كان معمول لتدريب عيلتنا علي ازاي تعمل بريزنتيشن صح من حيث تجميع الداتا وعمل البرزنتيشن وطريقه التقديم وحبينا نفيدكم معانا ❤️ والفيديو الكامل هيبقي موجود علي قناتنا علي التيليجرام https://t.me/vetbus

#ليه_بيطري الجزء الأول✨

تعالي اول يوم اقولك شويه غلطات عشان متغلطش غلطتي 👈👉

خلصت تسجيل؟ .. أخيراً جه الوقت تفهم أكتر عن اللي سجلت فيه ، هتلاقي إجابات كل أسئلتك في #ليه_بيطري

Shortcuts

Other Cairo pet stores & pet services

PetsMarche
EGPets
00000
DJ Hadi Sabaa For Weddings & Events
11211
Dogs Dogs Dogs
MAX DOGS
Scooby doo Puppies
DROP for pets care
Heliopolis
Iman Unlimited
Pets Cage's
٤ شارع تقسيم الاوقاف بجوار البنك الاهلي وامام القصر الجمهوري حدائق القبه بجوار عماير السعوديه
Husky Pets Store
Ruff Dogs
Line
puppy paws