المركز المصري لطب وجراحه الحيوان

08/05/2021

29/04/2021

دايما كل فريق #زوتوبيا مستنيك
اعرف أكثر عن زوتوبيا 👇
زوتوبيا أكبر مستشفى و فندق للحيوانات الأليفة في العجوزة

رؤيتنا: أن نتوسع داخل و خارج مصر و أن تكون زوتوبيا من أكبر و أضخم 10 مستشفيات فندقية للحيوانات الأليفة على مستوى مصر و الشرق الأوسط.

مهمتنا:
- رعاية و علاج حيوانك الأليف بأدق وسائل التشخيص العلمية.
- صناعة جيل جديد من الأطباء البيطريين قادر على حماية المهنة و الالتزام بميثاق شرفها.
- جزء أصيل من مهمتنا هو الحفاظ على أي حيوان و حمايته من أي خطر.

03/06/2020

متاح الان ترخيص الكلاب واصدار رخصه 2020

10/01/2020

احنا في انتظاركم في مكاننا الجديد
٦ شارع النبوي المهندس خلف مسرح البالون و بنزينة التعاون بالعجوزة

عبير كلبة جريفون فرنساوي كانت تعيش في الشارع و تم انقاذها من قبل الأستاذة / فاطمة و كانت تعاني من حالة شديدة من الجرب مع وجود عدد ََكبير من الحشرات منتشرة بجسمها.
تم استقبالها في عيادتنا وكان يتم علاجها يوميا من قبل فريق الأطباء و تم بحمد الله شفائها.
و تم تبنيها من قبل شخص لتعيش معه بمنزله.

05/11/2019

لأن صديقك الأليف محتاج GROOMING كويس قبل دخول الشتاء.
و لأننا مدركين صعوبة ال GROOMING في الشتاء بسبب الخوف من الأمراض الفيروسية.
و لأننا يهمنا نظافة و انتعاش صديقك الأليف فبنقدملك خصم ٢٥ ٪على باكدج ال GROOMING المتضمنة :-
١-الاستحمام
٢-الاستشوار
٣-قص الأظافر
٤ - نظافة العين و الأذن
ال GROOMING بالكامل يتم تحت إشراف طبي
للاستفسارات و الحجوزات :- 01100720446 _ 01005207125

30/08/2019

دلوقتي تقدروا توصلوا لمكاننا الجديد بالعجوزة
كل اللي عليك تدور علينا في Google Maps & Uber

دلوقتي تقدروا تزورونا من غير أي توهان أو لخبطة
لو دورت علينا في Google Maps & Uber هيظهرلكم موقعنا بدقة.
كل اللي عليك تدور علينا باسمنا
"Vetzootopia Animal Clinic"
في انتظار زيارتكم لنا بأمان

04/06/2019

علشان صديقك يقضي العيد بشكل جديد و جذاب 😍😍

جعفر ما فرقش معاه أن العيد بقى يوم الأربعاء لأنه عامل حسابه من قبلها و مجهز نيولوك للعيد علشان يقضي العيد بشكل مختلف و جديد. 😍😍
كل عام و انتم بخير عيد سعيد علينا جميعا ♥️♥️

28/05/2019

زورونا في أي وقت علشان تستمتعوا بخدمتنا الجديدة لأصدقائكم

علشان الصيف دخل علينا وعلشان احنا عارفين صعوبة تقصير شعر الحيوان مع المحافظة على منظره الجميل فعيادة زوتوبيا لاقيت حل للمشكلة بإنها وفرتلكم حلاقة على أيادي متخصصة في حلاقة الحيوانات الأليفة و على أعلى مستوى من الاحترافية.
بنختارلك القصة اللي تتناسب مع حجم الشعر و شكله ولو في قصة معينة تفضلوها لصديقكم من الممكن تنفيذها.

كلمَونا في أي وقت على مدار الأسبوع علشان تحجزوا معانا قصة شعر صديقكم الجديدة
011007200446 - 01012307950

23/05/2019

لو لاحظت أي علامات غريبة على الكلب كلمنا في أسرع وقت ليتم إسعافه على وجه السرعة

الصيف دخل علينا و بقوة و كلنا لازم ناخد بالنا من أصدقائنا لأنه الإهمال فيهم في هذا الطقس يؤدي للإصابة بضربات الشمس و اللي قد تؤدي إلى وفاة الكلب إذا لم يتم اسعافه على وجه السرعة .
و من الاحتياطات التي تؤخذ بعين الاعتبار :-
- يوضع الحيوان في مكان ذو تهوية مناسبة وكمية وفيرة من الظل .
- وضع المياه النظيفة باستمرار أمامه و تغييرها دوريا.
-التنظيف المستمر للمكان من الفضلات لتجنب الرطوبة و الاختناق .
- تجنب تمشية الكلب في وقت الظهيرة و حرارة الشمس و يفضل انتظار الطقس الرطب في الصباح الباكر أو ليلا بعد غروب الشمس .
- الابتعاد عن تركه في الشمس و الأسطح المكشوفة .
- يفضل تقصير الشعر في بداية الصيف لأنه يساعد في كتم حرارة الجسم .
- يفضل وضع مفرش أو مرتبة طرية للنوم و الجلوس بدلا من حرارة الأرض .
- لا تترك الكلب في السيارة خلال قضائك مشاويرك لأنه يتسبب في احتباس الحرارة في جسمه .
- لا مانع من وجود الكلب داخل تهوية المنزل المناسبة لنا .

لو ظهرت أي أعراض غير طبيعية على الكلب من الحرارة يرجى الاتصال بنا في أي وقت على مدار اليوم ليتم إسعافه بطريقة مناسبة .

16/05/2019

زوروا صفحتنا الجديدة لمعلومات مفيدة أكتر 🙂🙂

معاناة حب القطط لتخريب العفش بدلا من الخربشات المخصصة ليها 😂😂

13/04/2019

زوروا صفحتنا الجدبدة لمعلومات مفيدة أكتر

علشان تحافظ على الأكل الدراي من التلف لازم تتاكد من تاريخ الصلاحية المكتوب عليه ، وانه يخزن في مكان جاف بعيدا عن أشعة الشمس ، و بعد ما تفتحه لازم ترجع تقفله تاني كويس جداا لانك كده بتمنع دخول الهواء و البكتيريا ليه و بتحافظ على رائحته و نكهته الشهية ، و تغسل الطبق قبل ماتحط الاكل فيه علشان ما يكونش بيئة لنمو و تكاثر البكتيريا ، و ما تخليش أي اطفال تلعب فيه لانها بكده هتلوثه ، وماتسيبهوش في الهواء قدام الحيوان كتير لانه هيؤدي لتجمع الحشرات عليه .
لو حافظت على الخطوات ديه فانت كده بتخافظ على صحة حيوانك .

11/04/2019

زورونا في صفحتنا الجديدة https://m.facebook.com/Vetzootopia-animal-clinic-628432417557057/
و في فرعنا الجديد بالعجوزة خلف مسرح البالون

في ناس كتير بتجيب الكلب وبعدين تجيبه و تسألنا أتعامل معاه ازاي و ده غلط جداا لأنك مش هتجيب عربية من غير ماتتعلم السواقة فلازم قبل ما تجيبه تكون قرأت عنه او اتناقشت معانا أو مع حد مربي كلاب قبل كده .
فلازم تكون موفرله حاجات أساسية منها :
_المكان اللي هينام فيه و يكون في منطقة دافية
_الأكل الصحي الخاص به
_الألعاب و المكآفات الخاصة به
_ أدوات النظافة الخاصة به
_الاهتمام و المحافظة على تطعيماته
و لازم تخلي في بالك أنه أول ما يجي هيكون مستغرب البيت و الناس و خايف فممكن يكون انطوائي أوأنه يعمل حمام في أي مكان تحسسه بالأمان .

11/04/2019

ناس كتير بتقولنا أنها بتحط للكلب في الأكل بعضا من الثوم و البصل علشان يديله نكهة لأنه بيصعب عليهم أنه ياكله من غير أي بهارات و لا نكهة .
لكن لازم يكونوا عارفين أن كده غلط لأنك كده بتوصل صديقك إلى طريق مليان مشاكل .

البصل و الثوم بيتكونوا من مادة ثاني كبريتيد البروبيل اللي بتسبب تمزق خلايا الدم الحمراء و إزالتها من الدورة الدموية أي ما يعرف بانحلال الدم فبالتالي ينتج تغير لون البول من أحمر إلى بني و وجود قيئ و مشاكل في الهضم و زيادة ضربات القلب و عدم القدرة على التحكم في الجسم مع العلم أنه فقر الدم قد يؤدي إلى فشل الأعضاء ثم الوفاة .

في هذه الحالة يجب أنه يفحصه الطبيب بسرعة حتى يحدد كمية الأعراض التي ظهرت على الكلب و طريقة إسعافه على وجه السرعة

03/04/2019

https://www.facebook.com/Vetzootopia-animal-clinic-628432417557057/
نتتمنى تزورنا في صفحتنا الجديدة و في فرعنا الجديد في العجوزة بجوار مسرح البالون

خدمه بيطرية متكاملة (كشف ،علاج،فندق،صيدليه)

31/07/2018

عدم الإهتمام بنظافة الحيوان و اخد جرعة الحشرات في مواعيدها و عدم الإهتمام بنظافة المكان تؤدي المنظر ده

14/06/2018

دي صوره الكلب اللي كان بيعاني من القراد بعد medication shower اللي هده في العياده و بعد تحصين الحشرات

06/06/2018

الحاله دي عندنا في العياده نتيجه إهمال الاونر بعدم المحافظه على نظافه الكلب و المكان الحاله بتعاني من انيميا حاده و فقدان الشهيه والحركه هيتم معالجة الحاله و بالصور