Turtles & Tortoises Planet - Myanmar

20/06/2022

Baby Sulcata Tortoises are now available!!
Pm for more details and pri-ce
Have a nice day❤️
ဆူကာတာလိပ်လေးတွေ ရပါပြီဗျ။ ရန်ကုန် in stockပါ။
စျေ-းနှုန်းကို လာမေးလို့ရပါတယ်။

16/06/2022

Happy World Sea Turtle Day🐢❤️

မင်္ဂလာပါခင်ဗျာ ဒီနေ့ကတော့ ပျော်ရွှင်စရာ ပင်လယ်လိပ်များနေ့ပဲဖြစ်ပါတယ်။
ဒီနေ့မှာ ကျွန်တော်ကနေ မြန်မာ့ပင်လယ်ကမ်းရိုးတန်းတစ်လျှောက်မှာ ရှိနေတဲ့ ပင်လယ်လိပ်မျိုးစိတ်စာရင်းကို ပြောပြပေးသွားမှာပဲ ဖြစ်ပါတယ်။
ပင်လယ်လိပ်မျိုးစိတ်တွေကို ဝိုင်းဝန်းထိန်းသိမ်းပေးကြပြီး မြန်မာ့ပင်လယ်ပြင်ကို တတ်အားသ၍ စောင့်ရှောက်ပေးကြဖို့ အားလုံးကို တောင်းဆိုပါတယ်။
ဒီလိုမျိုး မြန်မာ့ပင်လယ်ပြင်မှာရှိနေတဲ့ ပင်လယ်နေသတ္တဝါမျိုးစိတ်တွေအပြင် ရေပေါ်ရေအောက်သက်ရှိသတ္တဝါတွေရဲ့ မျိုးစိတ်ကို ခွဲခြားလေ့လာနိုင်ဖို့အတွက် ကျွန်တော်တို့ groupတွေကို Joinပေးဖို့/ Inviteပေးဖို့တောင်းဆိုချင်ပါတယ်။
https://www.facebook.com/groups/489765949013837/?ref=share_group_link

https://www.facebook.com/groups/1068174120446036/?ref=share_group_link

*သာယာသောနေ့လေးဖြစ်ပါစေ*

Photo credit to
-Thanda Ko Gyi/ Myanmar Ocean Project
-Original owners

23/05/2022

Happy World Turtles Day🐢

Turtle ID
Burmese Painted Terrapin/ Burmese Roofed Turtle
-Batagur trivittata
-မြန်မာ့ဂုဏ်ဆောင်တိုက်လိပ်/ လိပ်ခုံး

Photo crd:

10/05/2022

Baby Sulcata Tortoises are arrived 💓
Cb for more information 💓
One head- 1️⃣ #️⃣ #️⃣ #️⃣ #️⃣ #️⃣
အကောင်လေးတွေ ရန်ကုန်မှာပါဗျ၊ စိတ်ဝင်စားတဲ့သူများရှိရင် Chat box ကနေ လာမေးနိုင်ပါပြီ။ 😛🐢ကမ္ဘာ့တတိယအကြီးဆုံးလိပ်လေးတွေရဲ့ပိုင်ရှင်ဖြစ်လို့ရပါပြီ။

21/04/2022

အခွံပြား စင်းရှောရေလိပ်များ
Genus - Lissemys
English Name - Flapshell Turtles

မြန်မာတစ်နိုင်ငံလုံးမှာတွေ့ရတဲ့ Burmese Flapshell Turtleကို စင်းရှောလိပ်လို့ခေါ်ပြီး Scientific Nameအရ Lissemys scutata ဖြစ်ပါတယ်။

အိန္ဒိယနယ်စပ် ဘင်္ဂလာဒေ့ရှ်နယ်စပ်ဖြစ်တဲ့ ရခိုင်ပြည်တို့ချင်းပြည်တို့မှာပဲ တွေ့ရတဲ့လိပ်မျိုးကို
Indian Flapshell Turtle ၊ ပြောက်စင်းရှောလို့ခေါ်ပါတယ် ၊ သူ့ရဲ့ Scientific Nameက Lissemys punctataဖြစ်ပါတယ်။

ကွာခြားချက်က အဝါတောက်တောက်အစက်ပြောက်တွေ ပါတာနဲ့မပါတာဘဲ ကွာပါတယ်။ မြန်မာစင်းရှောလိပ်က ဘာမှမပါဘဲ ပြောင်ဖြစ်နေပြီး အိန္ဒိယ စင်းရှောလိပ်မှာ အစက်​ပြောက်ဝါတွေပါပါတယ်။

အခွံပျော့လည်းမပျော့ မာလည်းမမာတဲ့ အခွံပြားလိပ်အုပ်စုကို Genus- Lissemys လို့ခေါ်ပြီး
Lissemysတွေက ရှေ့ခြေမှာ ဖွင့်နိုင်ပိတ်နိုင်တဲ့ ပတ္တာပါတယ်။ နောက်ခြေမှာတော့ ပတ္တာမပါတော့ပါဘူး။

Lissemys scutata မြန်မာစင်းရှောလိပ်တွေဟာ မြန်မာမျိုးရင်းလိပ်တွေဖြစ်ပြီး တခြားနိုင်ငံတွေမှာမတွေ့ရပါဘူးဗျ၊ တစ်နိုင်ငံလုံးမှာရှိတဲ့ မြစ်ချောင်းအင်းအိုင်တွေမှာတွေ့ရပြီး အသားစားတဲ့ရေလိပ်ဖြစ်ပါတယ်။ ❌ဘုရားကန်တွေမှာလို ကန်စွန်းရွက်နဲ့ပေါက်ပေါက် ကျွေးလို့ မရပါဘူးနော်❌

Lissemys punctata လို့ခေါ်တဲ့ Indian Flapshell Turtle ကတော့ အိန္ဒိယနိုင်ငံမျိုးရင်းဖြစ်တာမို့ မြန်မာနဲ့ အိန္ဒိယနယ်စပ်/ မြန်မာနဲ့ ဘင်္ဂလားဒေ့ရှ် နယ်စပ်ဒေသတွေဖြစ်တဲ့ ရခိုင်ပြည်ရှိ မြစ်ချောင်းများ/ ချင်းပြည်တစ်ဝိုက်ရှိ ကုန်းနိမ့်ချောင်းများမှာတွေ့ရမှာဖြစ်ပါတယ်။ အရမ်းအေးတဲ့ဒေသတွေမှာတော့ မနေနိုင်ပါဘူးခင်ဗျ။ ဥအုရာသီမှာ ကုန်းပေါ်တက်ကြပြီး အချိန်အများစုကို ရေထဲမှာပဲကုန်ဆုံးတတ်ကြပါတယ်။ တောရွာဒေသတွေမှာ အစားအစာအဖြစ် စားသောက်နေမှုကြောင့် မကြာမီ ရှားပါးလာနိုင်တာမို့ ထိန်းသိမ်းပေးသင့်ပါတယ်ခင်ဗျ။

သူတို့ဟာ ကျူးကျော်မျိုးစိတ်တွေမဟုတ်ဘဲ မျိုးရင်းရေလိပ်လေးတွေဖြစ်တာမို့ ဘုရားကန်၊ ဘုန်းကြီးကျောင်းကန်တွေမှာ မလွှတ်သင့်ဘဲ လူသူဝေးတဲ့ ချောင်းစပ် ၊ မြစ်စပ်တွေမှာပဲ လွှတ်ပေးပါဗျ။
Photos crd to original owners

11/04/2022

📌လိပ်တွေကိုမြင်ရင် ဘုရားကန်ထဲမလွှတ်ဘဲ သဘာဝထဲ လွှတ်ရမှာကိုတော့သိပြီ၊ ဒါပေမယ့်ဘယ်လိုလိပ်တွေကို သဘာဝထဲ ပြန်မလွှတ်သင့်လဲ?🐢

လိပ်ပါးနီလို့ခေါ်တဲ့ (Red-Eared Slider)(Trachemys sp)တွေဟာ သဘာဝထဲကို လုံးဝကို ပြန်မလွှတ်သင့်တဲ့ လိပ်မျိုးစိတ်တွေဖြစ်ပါတယ်။ ကမ္ဘာ့ပတ်ဝန်းကျင်ထိန်းသိမ်းရေးအဖွဲ့ ( IUCN ) မှ ဖော်ပြထားတဲ့ ကမ္ဘာပေါ်တွင်အဆိုး ရွားဆုံးသော ကျူးကျော်မျိုးစိတ်စာရင်းတွင် ပါဝင်နေပြီး၊ သေချာဂရုမစိုက်နိုင်ဘဲ သဘာဝထဲပြန်လွှတ်မယ်ဆိုရင် အန္တရာယ်ရှိနိုင်တဲ့ မျိုးစိတ်တစ်ခုဖြစ်နေပါပြီ။

ဘာကြောင့် လိပ်ပါးနီတွေကို ဒီလိုမျိုး ပြစ်မှုတွေတပ်ပြီး ကျူးကျော်မျိုးစိတ်အဖြစ်သတ်မှတ်ရတာလဲဆိုရင် အလှမွေးမျိုးစိတ်ဖြစ်ပြီး အစာကွင်းဆက်မှာအရေးပါမှုမရှိတဲ့ လိပ်ပါးနီတွေဟာ သူတို့ရဲ့မျိုးရင်းနေရာဌာန(အမေရိကန်နိုင်ငံ)မဟုတ်ဘဲ တခြားနိုင်ငံ တခြားနယ်မြေတစ်ခုရဲ့ ဂေဟစနစ်ထဲကိုရောက်သွားတဲ့အခါမှာ မျိုးရင်းလိပ်တွေရဲ့ တာဝန်ကိုလုယူပါတော့တယ်။ မျိုးရင်းငါးမျိုးစိတ်တွေရဲ့ မျိုးပွါးနှုန်းကို လိုတာထက်မပိုစေဖို့ မျိုးရင်းလိပ်တွေက ထိန်းပေးနေတာပဲဖြစ်ပါတယ်၊ ဒီလိုမျိုး တည်ငြိမ်စွာလည်ပတ်နေတဲ့အစာကွင်းဆက်ဟာ လိပ်ပါးနီတွေဝင်ရောက်ကျူးကျော်လာတဲ့အခါမှာ ပျက်ယွင်းသွားရပါတယ်။

လိပ်ပါးနီတွေက မျိုးရင်းငါးတွေကို အလွန်အကြူးစားသောက်ကြတာကြောင့် မျိုးရင်းငါးအရေအတွက် တဖြေးဖြေးလျော့နည်းလာရပါတယ်၊ ဒါ့အပြင် မျိုးရင်းလိပ်တွေလည်း အစာဝဝလင်လင်မစားရတာကြောင့် ကြီးထွားနှုန်းတွေလျော့ကျရပါတယ်။ တစ်ဖက်မှာလည်း လိပ်ပါးနီအမတွေက မျိုးရင်းလိပ်တွေ ဥဝပ်မယ့် ဝပ်ကျင်းတွေမှာ ကျူးကျော်ပြီး ဥအုကြတာကြောင့် မျိုးရင်းလိပ်မတွေ ဝပ်ကျင်းပျောက်တဲ့ ကြက်တွေလိုဖြစ်ပြီး မျိုးဆက်ပြန့်ပွါးနှုန်းအလွန်လျော့ကျသွားရပါတယ်။ မျိုးရင်းရေလိပ်တွေရဲ့ နေပူဆာလှုံရာနေရာကို လုယူတာမျိုးတွေ၊ လိပ်အချင်းချင်း ရန်လိုနေရာလုတာတွေကိုပါ လုပ်တတ်ကြပါသေးတယ်။

လိပ်ပါးနီတွေဟာ ပတ်ဝန်းကျင်အသစ်မှာ အလွယ်တကူပဲ လိုက်လျောညီထွေပြောင်းလဲနေထိုင်နိုင်ကြပြီး ရာသီဉတုဒဏ်နဲ့ နိုင်ငံအများစုရဲ့ အပူချိန်ဒဏ်တွေကို ခံနိုင်တာကြောင့် မျိုးရင်းလိပ်တွေထက် သူတို့ကပိုမာတယ်လို့ပြောလို့ရပါတယ်၊ ဒါကြောင့် သဘာဝပတ်ဝန်းကျင်ထဲကို သူတို့ဝင်ရောက်လာပြီဆိုရင် ထိခိုက်ရတဲ့သူတွေက အကြမ်းမခံနိုင်ဘဲ နုတဲ့ မျိုးရင်းလိပ်တွေပဲဖြစ်ပါတယ်။ ဒီလိုမျိုး လိပ်ပါးနီတွေရဲ့ ကျူးကျော်မှုကိုခံရတဲ့ မျိုးရင်းလိပ်မျိုးစုတွေဟာ အလျင်အမြန်ပဲ မျိုးတုံးရပါတော့တယ်။ နောက်တစ်ချက်အရ ကျူးကျော်လိပ်ပါးနီတွေက မျိုးရင်းလိပ်များနဲ့ မိတ်လိုက်ကြတာကြောင့် မလိုလားအပ်တဲ့ အန္တရာယ်ရှိမျိုးကွဲတွေထပ်တိုးလာနိုင်ပါသေးတယ်။

ဒီလိုမျိုး အဖက်ဖက်ကနေ သဘာဝပတ်ဝန်းကျင်၊ ဂေဟစနစ်နဲ့ အစာကွင်းဆက်ကို ဒုက္ခပေးနိုင်ပြီး မြန်မာမျိုးရင်းလိပ်တွေကို မျိုးသုဉ်းစေမယ့် လိပ်ပါးနီဟာ သဘာဝထဲ လုံးဝမလွှတ်သင့်ဘဲ တိရစ္ဆာန်ရုံ/ ဘုရားကျောင်းကန် စတဲ့ သဘာဝနဲ့မထိတွေ့ရမယ့် ကန့်သတ်နယ်မြေနဲ့သာနေသင့်ပါတယ်ခင်ဗျ။ အောက်ဖော်ပြပါပုံတွေဟာ Googleမှာဖော်ပြထားတဲ့ လိပ်ပါးနီပုံတွေဖြစ်ပါတယ်။ ဒီလိုလိပ်တွေကို ဖမ်းမိရင် သဘာဝထဲမလွှတ်ဖို့အလွန်အရေးကြီးပါတယ်။ မွေးထားရင်လည်း လိပ်လေးသက်ဆုံးတိုင်မွေးထားဖို့၊ မမွေးချင်တော့ရင် အလွယ်တကူမြစ်ချောင်းထဲကို မလွှတ်ဖို့ အထူးဂရုစိုက်စေချင်ပါတယ်။

10/04/2022

မြန်မာ့မျိုးရင်းလိပ်မျိုးစိတ်များအား ထိန်းသိမ်းစောင့်ရှောက်ရန်နှင့် မျိုးမတုံးစေဖို့ကာကွယ်တားဆီးပေးရန်ရည်ရွယ်ပြီး၊ ကျွန်တော်တို့မှ မျိုးရင်းလိပ်မျိုးစိတ်ခွဲခြားပေးတဲ့ Groupတစ်ခုကို WOMရဲ့ Groupခွဲတစ်ခုအဖြစ် ဖွင့်လှစ်ထားပြီးပြီဖြစ်ပါတယ်။ သဘာဝထဲမှာရှိတဲ့ မြန်မာ့မျိုးရင်းလိပ်များဟာ ဒေသအတော်များများမှာ ဒေသခံတွေရဲ့ ဖမ်းဆီးစားသောက်မှုဒဏ်၊ အမဲလိုက်မှုဒဏ်နှင့် နယ်စပ်ဒေသမှတစ်ဆင့် တရားမဝင်ကုန်သွယ်မှုဒဏ်တွေကို ခံနေရပြီး မျိုးတုံးတော့မယ့် အန္တရာယ်ကိုကြုံတွေ့နေရပါတယ်။ ဒါ့အပြင် မျိုးရင်းလိပ်များအား တွေ့ရှိပြီဆိုရင် ဖမ်းပြီး ဘုရားကန်တွေမှာလွှတ်ပေးကာ သဘာဝနဲ့မကိုက်ညီအောင်ထားတာမို့ မျိုးဆက်ပြတ်ကာ ပေါပေါလောလောတွေ့ရတဲ့ လိပ်လေးတွေတောင် အခုလိုအချိန်မှာ ရှားပါးနေပါပြီ။ ဒီလိုဖြစ်ရပ်တွေကို နည်းပါးသွားအောင်ရည်ရွယ်ပြီး လိပ်နဲ့ပတ်သက်တဲ့ ဗဟုသုတတွေဝေမျှဖို့၊ IDခွဲခြားပေးဖို့နဲတစ်တပ်တစ်အားထိန်းသိမ်းစောင့်ရှောက်ပေးဖို့ရန် ရည်ရွယ်ပြီး Turtles & Tortoises of Myanmarကို ဖွဲ့ထားပါတယ်ခင်ဗျ။ Joinထားပြီး ကိုယ့်ပတ်ဝန်းကျင်မှာ လိပ်လေးတွေတွေ့ရင် ပို့စ်တင်ပြီး IDခွဲခိုင်းနိုင်ပါပြီခင်ဗျ။

Joinရန်Link 👇🏻👇🏻

https://www.facebook.com/groups/1068174120446036/

02/04/2022

📌🐢ဘာလို့လိပ်တွေကို ဘုရားကန်ထဲမလွှတ်သင့်လဲ📌

လိပ်တွေမှာ ရေလိပ်နဲ့ ကုန်းလိပ်ဆိုပြီး အခြေခံအားဖြင့်နှစ်မျိုးရှိပါတယ်။ ကုန်းနေရေနေTerrapin မျိုးတွေရှိသေးပေမယ့် မြန်မာပြည်မှာ တွေ့ခဲတာမို့ သူတို့ကိုတော့ မပြောတော့ပါဘူးခင်ဗျ။ ဒီပို့စ်မှာတော့ လိပ်လေးတွေကို ဘာကြောင့်ဘုရားမှာမလှူသင့်လဲဆိုတာကို ပြောပြပေးချင်ပါတယ်။

ပထမဆုံး ရေလိပ်တွေအကြောင်းကို ပြောချင်ပါတယ်ခင်ဗျ၊ လိပ်တွေဟာ ဇီဝကမ္မလိုအပ်ချက်တွေအရ နေရောင်ခြည်ကနေ UVAနဲ့ UVBကိုရယူဖို့လိုအပ်ပါတယ် ။ Reptile တွေမွေးဖူးတဲ့သူတွေရှိရင် UVမီးသီးတွေတပ်ကြရတာကိုသိမှာပါ။ ရေလိပ်တွေလည်းreptile အုပ်စုဝင်တာမို့ သူတို့ဟာ ကုန်းပေါ်တက်ပြီး အခွံနဲ့အရေပြားတွေကနေတစ်ဆင့် နေရောင်ခြည်ကိုစုပ်ယူလေ့ရှိကြပါတယ်။ ဒီတော့ ကျွန်တော်တို့ဟာ ရေလိပ်တွေကို ဘုရားကန်ထဲမှာလွှတ်လိုက်တဲ့အခါ သူတို့အတွက် တက်စရာ ကုန်းမရှိတော့တာမို့ နေရောင်ကို စုပ်ယူနိုင်ခြင်းမရှိတော့ပါဘူး။ နောက်တစ်ချက်က ရေလိပ်တွေဟာ ဥအုရာသီရောက်တဲ့အခါ ကုန်းပေါ်တက်ပြီး သဲသောင်ပြင်မှာ တွင်းတူး ဥအုကြရပါတယ်။ ဒီလိုအုနိုင်မှ သူတို့ဟာ မျိုးဆက်မပြတ်ဘဲ ဆက်လက်ပေါက်ဖွားရှင်သန်နေနိုင်ကြမှာပါ။ ဘုရားကန်တွေမှာ တစ်ခါတစ်ရံ ရှင်ဥပဂုတ္တရေလယ်ကျွန်းတွေရှိတတ်တာမို့ အဲ့ပေါ်တက်ပြီးနေရောင်စုပ်ယူနိုင်ရင်တောင်၊ သူတို့မျိုးပွါးဖို့အတွက်လိုအပ်တဲ့ သဲမြေမရှိတာမို့ သေချာပေါက် မျိုးဆက်မပွါးနိုင်တော့ပါဘူး။ မိတ်လိုက်နိုင်ရင်တောင် ဥအုနိုင်ဖို့ %ဟာအလွန်နည်းသွားပါပြီ။ ဘုရားကန်ထဲက ရေလိပ်တွေဟာ မျိုးဆက်ပြတ်ရခြင်း၊ မျိုးသုဉ်းရခြင်းရဲ့ အကြောင်းရင်းတစ်ချက်ပါပဲ။

နောက်တစ်ခါကုန်းလိပ်တွေဘက်ကိုပြောပါ့မယ် အရင်တစ်နေ့က ကုန်းလိပ်တစ်ကောင်ကို ဘုရားရေကန်ထဲမှာလွှတ်ထားလို့ သဲတွေထဲမှာပေါက်နေတဲ့မြက်တွေကိုပါစားနေရတယ်လို့တင်ထားတာတွေ့ရပါတယ်။ ဒါကလုံးဝကိုမဖြစ်သင့်တဲ့အချက်ပါ ကုန်းလိပ်တွေဟာ ရေလည်းကျွမ်းကျင်စွာမကူးနိုင်သလို ရေလိပ်တွေစားသလိုလည်း အစာကိုမစားနိုင်ကြပါဘူး၊ မြန်မာမျိုးရင်းကုန်းလိပ်တွေက အသီးအရွက်စားတဲ့မျိုးတွေဖြစ်ပါတယ် ကုန်းလိပ်မှန်းရေလိပ်မှန်းသေချာမသိဘဲ ရေကန်ထဲမှာထည့်ထားတယ်ဆိုတာက လိပ်ကိုကယ်ထားတာမဟုတ်ဘဲ နှိပ်စက်ထားတာပဲဖြစ်ပါတယ်။ ဒါ့အပြင်သူတို့စားတဲ့အစားအသောက်ကိုလည်းမကျွေးဘဲ ပြီးစလွယ်ထားတာက လိပ်လေးအတွက် ဘယ်လိုမှအဆင်ပြေမှာမဟုတ်ပါဘူး။ ရေလည်းမကူးတတ်တော့ တခြားရေလိပ်တွေလိုကျယ်ကျယ်ဝန်းဝန်းမနေရဘဲ ဒီနေရာကျဉ်းလေးမှာပဲလှည့်နေရမှာပါ။

အပေါ်က လိပ်တွေရဲ့အလေ့အထနဲ့ပတ်သက်ပြီးပြောပြတာပါ။ နောက်တစ်ချက်က အစားအသောက်ပါ၊ ဘယ်လိပ်မှ ဘုရားတွေမှာရောင်းနေတဲ့ ပေါက်ပေါက်စုပ်ကို မစားကြပါဘူးခင်ဗျာ။ တွေ့နေကျဖြစ်တဲ့ စင်းရှောလိပ်(Burmese Flapshell Turtle)/ အနားပျော့လိပ်(Softshell Turtle)မျိုးစိတ်တွေဟာ အသားစားမျိုးစိတ်တွေဖြစ်ပါတယ်။ ကိုယ်က ကုသိုလ်ရချင်လို့ ဘုရားက ငါးကန်မှာလွှတ်လိုက်ရင် အဲ့ဒီငါးတွေဟာ လိပ်တွေရဲ့ အစာလေးတွေဖြစ်သွားရပါပြီ။ ဒါဆို ကုသိုလ်ထက် အကုသိုလ်ပိုကြီးသွားရပါလိမ့်မယ်။ နောက်တစ်ချက်က အလှမွေးငါးတွေဖြစ်တဲ့ ရွှေငါးမျိုးစိတ်တွေ၊ ငါးကြင်းမျိုးစိတ်တွေဟာ မြစ်ငါးတွေနဲ့မတူဘဲ စားမိတဲ့လိပ်တွေကိုအဆိပ်ဖြစ်စေပါတယ်၊ ဒါကိုရှင်းပြရင်စာရှည်မှာမို့ဒီမှာရပ်လိုက်ပါ့မယ်။ ဒါကြောင့်မို့ အလှမွေးငါးတွေနဲ့ယှဉ်တွဲထားလို့မရဘူးဆိုတာလေးကိုတော့ သတိထားစေချင်ပါတယ်။ ဘုရားကန်တွေမှာရောင်းနေကြတဲ့ ပေါင်မုန့်ဖြတ်စ ကိတ်မုန့်ဖြတ်စတွေဟာလည်း နို့ထွက်ပစ္စည်းအနည်းနဲ့အများ ပါဝင်နေတတ်ကြတာမို့ လိပ်တွေနဲ့ မတည့်ပါဘူး၊ ရေလိပ်အတွက် အစာက မြစ်ငါးပဲဖြစ်တာမို့ တခြားဟာတွေကို ကျွေးနေခြင်းက မှားယွင်းတဲ့လုပ်ရပ်ပဲဖြစ်ပါတယ်။

ပုံထဲမှာဆိုရင် ပထမပုံမှာ ကုန်းလိပ်ကလေးကို ရန်ကုန်က ဘုရားတစ်ဆူမှာရှိတဲ့ ရေကန်ထဲထည့်ထားပါတယ်။ လိပ်လေးသွားစရာမြေမရှိဘဲ ကျောက်တုံးကြမ်းကြီးတွေပေါ်မှာနေနေရပါတယ်။ ဒုတိယပုံမှာ လိပ်တွေမစားတဲ့/ လိပ်နဲ့မတည့်တဲ့ ပေါင်မုန့်ဖြတ်စတွေနဲ့ ပေါက်ပေါက်စုပ်တွေကို အစာအဖြစ်ရောင်းနေတာပါ။ မည်သည့်စီးပွါးရေးကိုမှ ထိခိုက်စေလိုခြင်းမရှိပါ။ ဒါကြောင့်မို့ အကယ်၍များ လိပ်လေးတွေမိထားလို့ လွှတ်ချင်ရင်ဖြစ်စေ၊ ဝယ်ပြီး လွှတ်မယ်ဆိုရင်ဖြစ်စေ လူသူမနီးတဲ့ မြစ်တွေချောင်းတွေမှာပဲ လွှတ်ပေးသင့်ပါတယ်။ လိပ်လေးတွေကို မျိုးဆက်ပြန့်ပွါးစေဖို့ ကူညီကယ်တင်ပေးပါခင်ဗျာ။ 🐢

Photos crd to original owner”Mr. Takahashi Ryu”

25/03/2022

Amazing Turtle Friday 🐢

Painted Terrapins
-Batagur borneoensis
(Brunei/ Indonesia/ Thailand/ Malaysia)

Female- Forehead grey
Male- Forehead white with red stripe between eyes

Photo crd to Google

19/03/2022

ရက္ခိုင်တောင်လိပ်၊ လိပ်ပျင်း၊ ဗိုက်ဝါလိပ်၊ ဘီးကြားလိပ်

English Name -Arakan Forest Turtle
-Rakhine Forest Turtle

Scientific Name - Heosemys depressa

ရခိုင်တောင်လိပ်တွေဟာ အလွန့်အလွန်ရှားပါးနေတဲ့ ရခိုင်ဒေသမျိုးရင်းရေလိပ်တစ်မျိုးပဲဖြစ်ပါတယ်။ တစ်ကမ္ဘာလုံးမှာ ရခိုင်ပြည်တစ်နေရာထဲမှာသာတွေ့ရပြီး ရခိုင်ရိုးမနဲ့ထိစပ်နေတဲ့ စစ်တကောင်းတောင်တန်းဒေသများ၊ ဧရာဝတီတိုင်းအနောက်ခြမ်းနဲ့ ချင်းပြည်နယ်တောင်ဖက်ခြမ်းတွေမှာလည်း အနည်းငယ်တွေ့ရပါတယ်။ တခြားသော Forest Turtle တွေလိုပဲ ကုန်းပေါ်မှာအနေများတဲ့ ရေလိပ်တစ်ကောင်ဖြစ်ပါတယ်။ ရခိုင်ရိုးမတောင်တန်းဒေသရှိ အပူပိုင်းအမြဲစိမ်းသစ်တော ဝါးတောတွေအနေများပါတယ်။ သစ်တုံးတွေကျောက်တုံးတွေပေါ်မှာ ကောင်းမွန်စွာ တွယ်ကုတ် သွားလာနိုင်ပြီး တစ်ခါတစ်ရံ ရိုးမထဲရှိ စမ်းချောင်းငယ်များ/ မြောင်းငယ်များမှာ တွေ့ရနိုင်ပါတယ်။ ဥအုနှုန်းနည်းပါးခြင်း၊ စားကျက်မြေနှင့်သစ်တောဝါးတောများပြုန်းတီးမှုကြောင့် သဘာဝနေရင်းအရပ်ဒေသများ ရှားပါးလာခြင်းနဲ့ အစားအစာအဖြစ် စားသောက်ခြင်းကြောင့် မျိုးသုဉ်းပျောက်ကွယ်ရန်အလွန်နီးကပ်နေတဲ့လိပ်တစ်မျိုးလည်းဖြစ်ပါတယ်။

အစုံစားလိပ်ဖြစ်ပြီး မှို၊ အင်းစက်၊ ကျောရိုးမဲ့သတ္တဝါသတ္တဝါငယ်များ၊ ငါး၊ ပုစွန်၊ တောတွင်းတိရစ္ဆာန်အသေကောင်များ၊ သစ်သီးမှည့်များနဲ့ အရွက်တွေကိုကြိုက်ကြပါတယ်။ ရခိုင်လိပ်တွေက ငယ်စဉ်မှာ ရေထဲမှာနေရတာကြိုက်တတ်ကြပေမယ့် အသက်ကြီးလေ ကုန်းပေါ်နေကြလေပါ။ အရွယ်ရောက်ရခိုင်လိပ်တွေဟာ ကုန်းပေါ်မှာပဲနေကြပြီး အစားစားခြင်း၊ အိပ်ခြင်းနဲ့ ပုန်းခြင်းကို ကုန်းလိပ်တွေလိုပြုမူကြပါတယ်။ ညပိုင်းမှာတက်ကြွစွာအစားရှာတတ်ကြပြီး မိုးရာသီနဲ့ မိုးရွာတဲ့အချိန်တွေကိုနှစ်သက်ကြပါတယ်။ ဇွန်လနဲ့ ဇူလိုင်လတွေမှာ ဥအုကြပြီး အုတဲ့ဥအရေအတွက်ဟာအလွန်နည်းပါတယ်၊ လိပ်မတစ်ကောင်ဟာ တစ်နှစ်အုရင် ၂ဥ ၃ဥလောက်ပဲအုနိုင်ပါတယ်။ ဒါကြောင့်မို့လည်း ရခိုင်တောင်လိပ်တွေရဲ့ မျိုးဆက်ပြန့်ပွါးမှုဟာ အလွန်အားနည်းနေရတာပါ။

ရခိုင်လိပ်တွေရဲ့ ကျောခွံဟာပြားပြီး ထင်ရှားသော အလယ်စောင်းရှိပါတယ်။ ကျောခွံအညိုရောင်မှာ အနက်ရောင် စင်းကျားလေးတွေရှိပါတယ်။ ရင်ခွံဟာ အဝါရောင်အခံရှိပြီး တစ်ကွက်စီမှာ အနက်ရောက်အကွက်လေးတွေကိုတွေ့ရနိုင်ပါတယ်။အနက်ရောင်/ အညိုရင့်ရောင်ဦးခေါင်းရှိပြီး ဝိုင်းစက်ကြီးမားတဲ့မျက်လုံးအနက်ရောင်ရှိပါတယ်။ နောက်ခြေထောက်ဟာ အလွန်ကြီးမားပြီး သန်မာတာမို့ ကြက်တူရွေးလိပ်တွေလိုပဲ သစ်တုံးတွေကျောက်တုံးတွေပေါ်မှာ ဖက်တွယ်သွားလာနိုင်ပါတယ်။ တစ်နေ့လုံး ဝါးရွက်တွေအောက် သစ်ရွက်တွေအောက်မှာ ပုန်းနေတတ်ပါတယ်။ စိုစွတ်အေးမြတဲ့ရာသီဥတုကိုကြိုက်တတ်ပါတယ်။ မြိုလူမျိုးတွေနေထိုင်ကြတဲ့ ရခိုင်တောင်တန်းတွေမှာ အများစုတွေ့ရတယ်လို့လည်း သိရပါတယ်။ ဒေသခံတွေရဲ့ အစားအစာဖြစ်နေရတဲ့ ရခိုင်လိပ်တွေဟာ ထိန်းသိမ်းစောင့်ရှောက်ဖို့လိုအပ်နေပါတယ်။

ပုံများအား Googleနှင့် Wikiမှ ရှာဖွေစုစည်းတင်ပြထားခြင်းဖြစ်သည်။

09/03/2022

River Flying လေးတွေအကုန် sold outသွားပါပြီခင်ဗျ

❤️ယုံကြည်စွာ အားပေးလို့ကျေးဇူးပါခင်ဗျာ❤️

Hello...

Australia မျိုးရင်းလေးဖြစ်တဲ့
Pignosed River Flying Turtle လေးတစ်ကောင်ရနိုင်ပါမယ်ဗျ။ ပုံမှာပါတဲ့ကောင်လေးတွေပါ။ ၅ကောင်ကတော့ မတင်ခင်ကတည်းက Sold outသွားပါပြီ။

လိပ်ပျံလို့ခေါ်ပြီး ပင်လယ်လိပ်နဲ့ဆင်တဲ့ တစ်မျိုးထဲသော ရေချိုလိပ်မျိုးဖြစ်ပါတယ်။ ရေသန့် ရေအေးကိုကြိုက်တဲ့အပြင် ရေအနက်မြင့်မြင့်ကိုကြိုက်ကြပါတယ် ။ အစုံစားလိပ်မျိုးဖြစ်ပါတယ်။

Care Guide မတင်ရသေးတာမို့ အကျဉ်းချုံးပဲဖော်ပြလိုက်တာပါဗျ။ waiting time လေးရက်လောက်ပါ။
Zay- 1 # # # # #
စျေးအတိအကျနဲ့ တခြားသိချင်တဲ့ မေးခွန်းတွေအတွက် Page Cbကိုလာပေးပါခင်ဗျ။

https://en.m.wikipedia.org/wiki/Pig-nosed_turtle

09/03/2022

Hello...

Australia မျိုးရင်းလေးဖြစ်တဲ့
Pignosed River Flying Turtle လေးတစ်ကောင်ရနိုင်ပါမယ်ဗျ။ ပုံမှာပါတဲ့ကောင်လေးတွေပါ။ ၅ကောင်ကတော့ မတင်ခင်ကတည်းက Sold outသွားပါပြီ။

လိပ်ပျံလို့ခေါ်ပြီး ပင်လယ်လိပ်နဲ့ဆင်တဲ့ တစ်မျိုးထဲသော ရေချိုလိပ်မျိုးဖြစ်ပါတယ်။ ရေသန့် ရေအေးကိုကြိုက်တဲ့အပြင် ရေအနက်မြင့်မြင့်ကိုကြိုက်ကြပါတယ် ။ အစုံစားလိပ်မျိုးဖြစ်ပါတယ်။

Care Guide မတင်ရသေးတာမို့ အကျဉ်းချုံးပဲဖော်ပြလိုက်တာပါဗျ။ waiting time လေးရက်လောက်ပါ။
Zay- 1 # # # # #
စျေးအတိအကျနဲ့ တခြားသိချင်တဲ့ မေးခွန်းတွေအတွက် Page Cbကိုလာပေးပါခင်ဗျ။

https://en.m.wikipedia.org/wiki/Pig-nosed_turtle

07/03/2022

07/03/2022

Our page is to share knowledge about Turtles & Tortoises and to post care-guides for all pet turtles in Burmese. We were just translating other keepers’ care-guides from English to Burmese and on the other hand, we can’t keep all pet turtle species that we posted. So, we have to use many photos from Google and Wiki to share knowledge for those who don’t really know about Turtles keeping. So we are so sorry if u think all photos that we posted are ours. Some photos are from our friends, some from Google , some from social media’s and some are ours. We never said that we posted our own photos. So guys, if u think our page is not good for u , just unlike and unfollow . We will keep posting knowledgeable guidelines & posts for Myanmar People and sometimes we will have to use some photos from Google to help our posts.

မင်္ဂလာပါ
Admin 2ပါရှင်
အခုpageမှာ fake accတွေနဲ့ good review ပေးထားတဲ့သူတွေရဲ့ commentအောက်မှာ pageကိုတိုက်ခိုက်နေပါတယ်ဒီpageက လိပ်တွေရဲ့အကြောင်းကို sharing လုပ်ပေးတဲ့pageဖြစ်ပါတယ်။ တစ်ခါတစ်ရံမှာ sale postလည်းတင်တတ်ပါတယ် sale postတွေမှာဆိုရင် in stock ရှိတဲ့လိပ်လေးတွေကို ပုံအတိအကျနဲ့တင်ပေးပါတယ်။ Order ကောက်တဲ့အကောင်လေးတွေမှာလည်း ပုံအတိအကျ ပြပေးလို့မရနိုင်တာမို့ attention ရမယ့်ပုံလေးကိုGoogleကနေရှာပြီးထည့်ထားတာတွေရှိပါတယ် ။ ဒါလည်း သိသိသာသာထည့်ထားပါ။ knowledge sharing postတွေအကုန်လုံးက Admin 1ကိုယ်တ်ိုင် လေ့လာပီး သေချာရေးပေးထားတာပါ ပုံတွေကလည်း websiteတွေထဲကရှာထားတဲ့ပုံတွေဖြစ်ပါတယ် ။We all credit to original uploader.
တိချစ်တဲ့သူတစ်ယောက်အနေနဲ့အပင်ပန်းခံပီးသေချာလုပ်ထားတဲ့အလုပ်တစ်ခုကို အခုလို messengerထိလိုက်တိုက်ခိုက်ခံနေရတာက အရမ်းလွန်ပါတယ် pageကနေလည်းbanပါမယ် ။
တခြားreviewပေးထားတဲ့သူတွေလဲစိတ်အနှောင့်အယှက်ဖြစ်ပါတယ်။

Have a nice day ❤️🐢

03/03/2022

ကြက်တူရွေးလိပ်၊ ခေါင်းကြီးလိပ်

English Name - Bigheaded Turtle
Chinese Bigheaded Turtle

Scientific Name - Platysternon megacephalum

ပထမဆုံးပြောချင်တာက ဒီကောင်လေးတွေဟာ အလွန်ရှားပါးနေတဲ့ မျိုးစိတ်ဖြစ်တယ်ဆိုတာပါ။ ဒါကြောင့်မို့ ဒီကောင်လေးတွေကို မျိုးဆက်မပြတ်ဖို့ မဖြစ်မနေစောင့်ရှောက်ထိန်းသိမ်းဖို့အတွက် လူတိုင်းမှာ တာဝန်ရှိပါတယ်။ ဧရာဝတီလင်းပိုင်လိုပဲ ကြက်တူရွေးလိပ်လေးတွေကို ထိန်းသိမ်းရပါမယ်။ ကြက်တူရွေးလိပ်တွေဟာ အအေးကြိုက်တဲ့ ရေလိပ်အမျိုးအစားဖြစ်ပါတယ် ။ ရာသီဥတုအေးတဲ့အရပ်ဒေသမှာနေထိုင်ကြတာမို့ သူတို့ကို ရှမ်းပြည်၊ ကယားပြည်၊ ကရင်ပြည်နယ်မြောက်ပိုင်းနဲ့ ပဲခူးတိုင်းမှာတွေ့ရနိုင်ပါတယ်။ တရုတ်နိုင်ငံတောင်ပိုင်းနဲ့ ဗီယက်နမ်မှာ အများဆုံးတွေ့ရပြီး လာအို၊ ထိုင်းနဲ့ ၊ ကမ္ဘောဒီးယားနိုင်ငံတွေမှာလည်းတွေ့ရပါတယ်။

ရေလိပ်တွေထဲမှာ တောင်တက်နိုင် အပင်တက်နိုင်တဲ့ ရှားရှားပါးပါးရေလိပ်တစ်မျိုးဖြစ်ပါတယ်။ ရေစီးသန်တဲ့ချောင်းတွေကို ကြံ့ကြံ့ခံနိုင်တဲ့ သန်မာတဲ့လက်သည်းခြေသည်းတွေ ရှိတဲ့အပြင် သန်မာပြီး ကွေးနိုင်ဆံ့နိုင်တဲ့ အမြီးရှည်တစ်ခုပါခြင်းက သူတို့ကို အအေးပိုင်းကျောက်ဆောင်တွေနဲ့ သစ်ပင်တွေပေါ်မှာ ကောင်းမွန်စွာတက်ဆင်းရစေပါတယ်။ ရေစီးသန်တဲ့တောင်ပေါ်စမ်းချောင်းတွေ၊ ကျောက်တောင်ထူထပ်ပေါများတဲ့ ဒေသတွေမှာရှိတဲ့ ရေအိုင်တွေ ဂူတွေမှာနေထိုင်ကြပါတယ်။ ရေကူးအလွန်ညံ့တဲ့ရေလိပ်ဖြစ်တာမို့ ရေတိမ်ပိုင်းကိုကြိုက်တတ်ကြပါတယ်။ ရေနက်ရင် သူတို့ဘာသာသူတို့သေချာမကူးနိုင်ဘဲ ရေနစ်သွားနိုင်ပါတယ်။ အေးစက်နေတဲ့ ရေသန့်ကိုအလွန်ကြိုက်တဲ့လိပ်မျိုးဖြစ်ပါတယ်။

ကြက်တူရွေးဦးခေါင်းလို ဦးခေါင်းရှိတာမို့ကြက်တူရွေးလိပ်လို့ခေါ်ကြတာဖြစ်ပါတယ်။ ဒီဦးခေါင်းဟာကြီးလွန်းတာမို့ တခြားလိပ်တွေလို ခေါင်းကို သူတို့ရဲ့အခွံထဲမှာမဝှက်နိုင်ပါဘူး။ ငှက်နှုတ်သီးသဏ္ဍာန်ဖြစ်နေတဲ့ သူတို့ရဲ့ပါးစပ်နဲ့မေးရိုးဟာ အလွန်သန်မာတာမို့ ဂဏန်းနဲ့ခရုတွေလို အခွံမာပါတဲ့ ရေနေသတ္တဝါတွေကို လွယ်ကူစွာကိုက်နိုင်စားသောက်နိုင်ကြပါတယ်။ ဂဏန်း၊ ခရု၊ ငါး၊ ပုစွန်စားကြပြီး အသားစားလိပ်မျိုးဖြစ်ပါတယ်။ နေ့ပိုင်းမှာ ကျောက်တုံးတွေအောက်၊ ကျောက်ဆောင်တွေကြားနဲ့တောင်ပေါ်အပင်ပုတွေအောက်မှာ ပုန်းနေတတ်ကြပြီး ညပိုင်းမှသာ အစာရှာတာမျိုး လှည့်ပတ်သွားလာတာမျိုးလုပ်ကြပါတယ်။

02/03/2022

Amazing Turtle Wednesday 🐢

Oblong Long-neck Turtle
(Chelodina oblonga)

Photo crd;

27/02/2022

Hamilton Turtle ( Indian Black Pond Turtle)

Geoclemys hamiltonii

26/02/2022

Sulcata Tortoise Baby Sizeလေးတွေ ကြိုမှာလို့ရပါမယ်ဗျ။ waiting time 2weeksလောက်ပါ။ နောက်ဆုံးပုံက ရနိုင်မယ့်ပုံလေးတွေပါဗျ။

Size -2”ဝန်းကျင်၊ 1 # # # # #

စျေးနှုန်းအတိအကျနဲ့ တခြားသိချင်တဲ့မေးခွန်းတွေအတွက် Page Messenger ကိုလာပေးပါခင်ဗျာ။

Sulcata tortoises မွေးမြူနည်းကို ဒီမှာဖတ်ပါ
👇🏻👇🏻
https://www.facebook.com/102366045631326/posts/106981311836466/?d=n

22/02/2022

ယုံယုံကြည်ကြည်နဲ့ ဝယ်တဲ့အကိုကို ကျေးဇူးတင်ပါတယ်

22/02/2022

လိပ်မဲကြီး

English Name - Black Marsh Turtle
Black Mud Turtle
Smiling Terrapin
Siamese Temple Turtle

Scientific Name - Siebenrockiella crassicollis

လိပ်မဲကြီးလို့ သိကြတဲ့ Black Marsh Turtle တွေဟာ တင်္နသာရီကမ်းရိုးတန်းဒေသရဲ့ ဒေသရင်းမျိုးစိတ်လိပ်လေးတွေဖြစ်ပါတယ်။ မြန်မာနိုင်ငံတစ်နိုင်ငံလုံးမှာ တင်္နသာရီတိုင်းဒေသကြီးတစ်ခုထဲမှာသာတွေ့ရပြီး မြိတ်မြို့၊ တင်္နသာရီမြို့နဲ့ ဘုတ်ပြင်းမြို့ဝန်းကျင်မှာ ပေါများစွာတွေ့ရနိုင်ပါတယ်။ အာဆီယံရေချိုလိပ်မျိုးဖြစ်တာကြောင့် မြန်မာနိုင်ငံအပြင် ထိုင်း၊ ကမ္ဘောဒီးယား၊ ဗီယက်နမ်၊ လာအို၊ မလေးရှား၊ ဘရူနိုင်း၊ အင်ဒိုနဲ့ င်္စကာပူထိ ကျယ်ပြန့်စွာတွေ့ရနိုင်ပါတယ်။ ဖိလစ်ပိုင်ကလွဲလို့ကျန်တဲ့ အာဆီယံနိုင်ငံတိုင်းမှာ ပြန့်နှံ့တည်ရှိနေတဲ့ လိပ်မျိုးပါ။ ရေပူကြိုက်တဲ့ အသားစားလိပ်မျိုးဖြစ်ပြီး အစားစားချိန်ကလွဲရင် ကျန်တဲ့အချိန်မှာ ရွံ့နွံတွေထဲမှာ မြှုပ်နှံနေတတ်ကြပါတယ်။

နာမည်နဲ့လိုက်အောင်ပဲ တစ်ကိုယ်လုံးဟာမဲနက်နေပြီး မျက်လုံးတစ်ဝိုက်၊ မေးရိုးများနဲ့ ဦးခေါင်းဘေးတစ်ဖက်တစ်ချက်စီမှာ ရံဖန်ရံခါအဖြူစက်/ အဝါစက်လေးတွေတွေ့ရပါတယ်။ ဒီအစက်တွေဟာ အရွယ်ရောက်အထီးတွေမှာပျောက်ကွယ်သွားပြီး အရွယ်ရောက်အမတွေမှာ ကျန်ရစ်ခဲ့ပါတယ်။ အနည်းငယ်ပေါ်လွင်တဲ့ ကျောရိုးအလယ်စောင်းရှိပြီး ကျောခွံရဲ့အနောက်ဘက်ပိုင်းက လွှသွားပုံချွန်မြနေပါတယ်။ ကျောခွံရှည်လျားပြီး ရင်ခွံအနက်ရောင်မှာတော့ လိမ္မော်ရောင်အကွက်တွေပါတတ်ပါတယ်။ နှစ်ပေါင်း၆၀ ဝန်းကျင်ထိ အသက်ရှည်နိုင်ကြပါတယ်။ ရေကူးမကောင်းတဲ့လိပ်မျိုးဖြစ်တာမို့ လှုပ်ရှားမှုနည်းတဲ့အပြင် သူတို့ခန္ဓာကိုယ်ရေထဲမြုပ်နေရုံပဲရှိတဲ့ ရေတိမ်ဒေသကိုကြိုက်ကြပါတယ်။

ရွံ့အိုင်၊ ဗွက်အိုင်၊ ကမ်းရိုးတန်း ရေချိုအိုင်၊ ရွံ့နွံတော၊ ရေလွှမ်းလွင်ပြင်တွေနဲ့ ရေတိမ်ချောင်းတွေမှာ အများဆုံးနေကြပါတယ်ခင်ဗျ။ အရွယ်ရောက်လိပ်မဲတစ်​ကောင်ဟာ 17-20cmလောက်ထိပဲကြီးတတ်ကြပါတယ်။ တခြားကုန်းလိပ်တွေလိုပဲ Black Marsh Turtleအထီးတွေမှာ အမတွေထက်ပိုတုတ်တဲ့အမြီးရှိပါတယ်။ ဝမ်းဗိုက်ပိုင်းက ခွက်ဝင်နေပြီး အထီးအမတွေရဲ့ ခန္ဓာကိုယ်အရွယ်အစားဟာ သိပ်မကွာတတ်ကြပါဘူး။ ဧပြီလနဲ့ဇွန်လကြားဟာ မိတ်လိုက် ဥအုတဲ့ရာသီဖြစ်ပြီး ဥပေါက်ဖို့ ရက်၇၀နဲ့ ၈၀ကြားကြာတတ်ပါတယ်။ သူတို့ရဲ့ ခန္ဓာကိုယ်တစ်ရှူးတွေထဲမှာ ပြဒါးဓာတ်လွန်ကဲစွာပါရှိတတ်တာမို့ စားသုံးမိရင် ပြဒါးဆိပ်မိနိုင်ပါတယ်။

ကုန်းလိပ် ရေလိပ်မျိုးစုံရဲ့ မွေးမြူစောင့်ရှောက်နည်းတွေကို မှန်မှန်တင်ပေးသွားမှာဖြစ်လို့ Like & Share လေးလုပ်ပြီး support ပေးနိုင်ပါတယ်ခင်ဗျ။

လိပ်လေးတွေရဲ့ ကျန်းမာရေးတွေနဲ့တခြားအကြောင်းအရာတွေသိချင်ရင်လည်း Chat Boxမှာ လာရောက်ဆွေးနွေးနိုင်ပါတယ်။

20/02/2022

Amazing Tortoise Sunday!🐢

Marginated Tortoise
(Testudo marginata)

Photo crd;

19/02/2022

Amazing Turtle Saturday!🐢

Painted Turtle
(Chrysemys picta)

Photo crd;

17/02/2022

CST adult size တစ်ကောင်ရပါမယ်ခင်ဗျာ။

No error/ အစားရှယ်စား။ Videoနဲ့ တခြားပုံတွေကြည့်ချင်ရင် လာတောင်းလို့ရပါတယ်ခင်ဗျ။

ရန်ကုန်မြို့တွင်းအိမ်အရောက်ငွေချေလို့ရပါတယ်၊ နယ်ဆိုရင်တော့ ဂိတ်တင်ပေးပါ့မယ်ဗျ။

Price _ 1 # # # # #

16/02/2022

ဖခင်တစ်ယောက်ရဲ့ပီတိ

14/02/2022

Happy Valentine’s Day To All Tortoises Keepers❤️

13/02/2022

Amazing Tortoise Sunday!🐢

Pancake Tortoise
(Malacochersus tornieri)

Photo crd;

11/02/2022

Amazing Enclosure Friday!

Enclosure For Elongated & Sulcata Tortoises 🐢

09/02/2022

ပြင်သာလိပ်(ပင်လယ်လိပ်စိမ်း)

English Name - Green sea turtle၊
Pacific Green Turtle

Scientific Name - Chelonia mydas

ပြင်သာလိပ်လို့ခေါ်တဲ့ ပင်လယ်လိပ်မျိုးတစ်မျိုးကိုတော့ မြန်မာနိုင်ငံ ကမ်းရိုးတန်းဒေသတော်တော်များများမှာ တွေ့ရနိုင်ပါတယ်။ အထူးသဖြင့် ဧရာဝတီကမ်းရိုးတန်းတစ်လျှောက်မှာ အများဆုံးတွေ့ရပြီး မြိတ်ကျွန်းစုကမ်းရိုးတန်းဒေသနဲ့ ရခိုင်ကမ်းရိုးတန်းတွေမှာလည်း ရံဖန်ရံခါတွေ့ရတတ်ပါတယ်။ အပူပိုင်းနဲ့ သမပိုင်းရာသီဥတုအမျိုးအစားတွေကို နှစ်သက်တတ်ကြပြီး အအေးဓာတ်မခံနိုင်ကြပါဘူး။ အိန္ဒိယ၊ ပစိဖိတ်နဲ့ အတ္တလန္တိတ်သမုဒ္ဒရာတွေမှာ လှည့်လည်နေထိုင်ကြပါတယ်။

အခွံအရောင်က သံလွင်သီးရောင်/ အနက်ရောင်ဖြစ်ပြီး ပင်လယ်လိပ်ထဲမှာ အရွယ်အစားကြီးတဲ့လိပ်တစ်မျိုးပါ။ ခန္ဓာကိုယ်ကပြားပြီး အခွံပုံစံကတော့ မျက်ရည်စက်ပုံစံဖြစ်ပါတယ်။ တခြားပင်လယ်လိပ်တွေလိုပဲ ကြီးမားတဲ့ ရေယက်နှစ်ဖက်ရှိပါတယ်။ သူတို့ကို Green Sea Turtle လို့ခေါ်ရတာက ခန္ဓာကိုယ်အရောင်ကြောင့်မဟုတ်ဘဲ သူတို့ရဲ့အခွံအောက်မှာရှိတဲ့ ရေညှိစိမ်းရောင် အဆီအသားပြင်တွေကြောင့်ပါဗျ။ အရွယ်ရောက်ပြင်သာလိပ်ရဲ့ အရွယ်အစားက ငါးပေလောက်ထိကြီးနိုင်ပြီး အလေးချိန်ကတော့ ပေါင်ချိန်၄၀၀လောက်ရှိနိုင်ပါတယ်။ လိပ်စွန်လို့ခေါ်တဲ့ Hawksbill Sea Turtle နဲ့ အလွန်ဆင်ပြီး မတူတာက ပြင်သာလိပ်တွေက နှာယောင်တိုတာပါ

အရွက်စားပင်လယ်လိပ်မျိုးဖြစ်ပြီး ရေအောက်သဲသောင်ပြင်တွေမှာပေါက်တဲ့ ရေမှော်နဲ့ ရေအောက်မြက်တွေက အဓိကအစားအစာပါ။ တစ်ခါတစ်ရံမှာတော့ အသားလည်းစားကြပါတယ်။ ဇူလိုင်လကနေ ဒီဇင်ဘာလအတွင်း ဥအုရာသီရောက်တဲ့အခါမှာတော့ သဲသောင်ပြင်ကမ်းစပ်တွေမှာ လာပြီး အသိုက်ဆောက်ဥအုလေ့ရှိကြပါတယ်။ နှစ်ပေါင်း၉၀လောက်ထိ အသက်ရှည်နိုင်ပါတယ်။ ဒါကြောင့်သူတို့ဟာ ရေချိုလိပ်တွေထက်အသက်ရှည်ကာ ကုန်းလိပ်တွေအောက် အသက်တိုပါတယ်။ ရာသီဥတုမျှတတဲ့ ပင်လယ်ရေတိမ်ပိုင်းကိုကြိုက်တတ်ကြပြီး သန္တာကျောက်တန်းပေါများတဲ့နေရာတွေ၊ သူတို့အစာဖြစ်တဲ့ရေအောက်မြက်ခင်းပေါများတဲ့နေရာတွေမှာ အနေများပါတယ်။ ပြင်သာလိပ်ပေါက်တွေဟာ ပင်လယ်ရေနက်ပိုင်းမှာ နေရတာကြိုက်ကြတာကြောင့် သူတို့ကို တွေ့ရဖို့ခဲယဉ်းပြီး အရွယ်ရောက်လိပ်တွေကိုသာ ရေတိမ်ပိုင်းမှာ မြင်ရနိုင်ပါတယ်။

ကုန်းလိပ် ရေလိပ်မျိုးစုံရဲ့ မွေးမြူစောင့်ရှောက်နည်းတွေကို မှန်မှန်တင်ပေးသွားမှာဖြစ်လို့ Like & Share လေးလုပ်ပြီး support ပေးနိုင်ပါတယ်ခင်ဗျ။

လိပ်လေးတွေရဲ့ ကျန်းမာရေးတွေနဲ့တခြားအကြောင်းအရာတွေသိချင်ရင်လည်း Chat Boxမှာ လာရောက်ဆွေးနွေးနိုင်ပါတယ်။

07/02/2022

ဖက်လိပ်၊ လိပ်ပု

English Name - Oldham’s Leaf Turtle/Terrpin
- Dark-throated Leaf Turtle
- Stripeneck Leaf Turtle
Scientific Name - Cyclemys oldhamii , Gray
1863

ဒီဖက်လိပ်တွေကိုတော့ တော်တော်များများမြင်ဖူးကြမယ်ထင်ပါတယ်။ ရေလိပ်အမျိုးအစားဖြစ်ပြီး အစုံစားတဲ့လိပ်တစ်မျိုးပါဗျ။ ဘဲဥပုံကျောခွံရှိပြီး ကျောခွံအနောက်ပိုင်းဟာချွန်မြနေပါတယ်။ တစ်ပေနီးပါးလောက်ထိကြီးနိုင်တာကြောင့် အရွယ်အစားကြီးတဲ့ရေလိပ်မျိုးဖြစ်ပါတယ်ဗျ။ အညိုရင့်ရောင် (သို့) အနက်ရောင် ရင်ခွံရှိပြီး Leaf Turtle တွေရဲ့ ထုံးစံအတိုင်း အနက်ရောင်စင်းကြားတွေဖြာထွက်နေပါမယ်။ လည်ပင်းနဲ့ခေါင်းဟာ အနက်ရောင်ဖြစ်ပြီး တစ်ခါတစ်ရံ အဖြူအစင်းကြားအကွက်ကလေးများပါတတ်ပါတယ်။

မြန်မာမျိုးရင်းလိပ်မျိုးမဟုတ်ဘဲ တခြားအာဆီယံနိုင်ငံတွေထိပါ အနှံ့အပြားပျံ့နှံ့နေတဲ့လိပ်မျိုးဖြစ်ပါတယ်။ အိန္ဒိယ၊ နီပေါ၊ ဘူတန်၊ ဘင်္ဂလားဒေ့ရှ်၊ လာအို၊ ထိုင်း၊ ကမ္ဘောဒီးယား၊ ဗီယက်နမ်၊ မလေးနဲ့ အင်ဒိုနီးရှားနိုင်ငံအထိပါ ပျံ့နှံ့တည်ရှိတဲ့လိပ်တစ်မျိုးပါ။ ငါးပုစွန်နဲ့ ကြက်သားကြိုက်တတ်ပြီး အစားသောင်းကြမ်းတဲ့ဖက်လိပ်လေးတွေပါ။ ရေအပူချိန် မအေးလွန်းမပူလွန်းတဲ့အခြေအနေမှာ ကောင်းမွန်စွာရှင်သန်နိုင်ပြီး ရေသန့်တာကိုကြိုက်ကြပါတယ်။ အစုံစားလိပ်တစ်မျိုးဖြစ်ပေမယ့် မရှိမဖြစ်အခြေအနေမျိုးကလွဲရင် အရွက်မစားကြပါဘူး။

ကျောက်ခဲ/ကျောက်တုံး ကြိုက်တတ်တဲ့လိပ်တစ်မျိုးဖြစ်ပြီး ရေစပ်စပ်ကျောက်တုံးစပ်စပ်မှာနေရတာကို ပိုကြိုက်တတ်ကြပါတယ်။ Box Turtle တွေလို ရေထဲနဲ့ ကုန်းပေါ် တစ်လှည့်စီနေကြပါတယ်။ ညဘက်မှာ ပိုတက်ကြွကြပြီး တီကောင်၊ ပိုးကောင်၊ နဲ့ကျောရိုးမဲ့အကောင်ငယ်လေးတွေဟာ သူတို့ရဲ့အစာပါ။ မြန်မာနိုင်ငံမှာဆိုရင်တော့ ချင်းပြည်၊ ရခိုင်ပြည်၊ ဧရာဝတီ၊ ရန်ကုန်၊ မကွေးတိုင်းကလွဲရင် ကျန်တဲ့တိုင်းနဲ့ပြည်နယ်တွေမှာတွေ့ရနိုင်ပါတယ်။ အအေးရောအပူရောရာသီဥတုမျိုးစုံမှာ မျှတအောင်နေနိုင်ကြတာမို့ သေချာထိန်းသိမ်းနိုင်ရင် မျိုးသုဉ်းဖို့ခဲယဉ်းပါတယ်။

ကုန်းလိပ် ရေလိပ်မျိုးစုံရဲ့ မွေးမြူစောင့်ရှောက်နည်းတွေကို မှန်မှန်တင်ပေးသွားမှာဖြစ်လို့ Like & Share လေးလုပ်ပြီး support ပေးနိုင်ပါတယ်ခင်ဗျ။

လိပ်လေးတွေရဲ့ ကျန်းမာရေးတွေနဲ့တခြားအကြောင်းအရာတွေသိချင်ရင်လည်း Chat Boxမှာ လာရောက်ဆွေးနွေးနိုင်ပါတယ်။

05/02/2022

How To Care Red & Yellow-Footed Tortoises

Red Footed Tortoise လေးတွေဟာ တောင်အမေရိကတိုက်မြောက်ပိုင်းမှာရှိတဲ့ အမြဲစိမ်းသစ်တောဒေသတွေနဲ့မြက်ခင်းပြင်ဒေသတွေမှာကျက်စားကြပါတယ်။ အလယ်အလတ်ဆိုဒ်ကုန်းလိပ်မျိုးလည်း ဖြစ်ပါတယ်။ အစုံစားလိပ်တွေဖြစ်ပြီး ပူနွေးစိုစွတ်တဲ့ရာသီဥတုကို ကြိုက်တတ်ကြပါတယ်။ နာမည်နဲ့လိုက်အောင်ပဲ Red-footedတွေမှာ အနီရောင်ကြေးခွံနဲ့ ခြေထောက်တွေ ရှိကြပါတယ်။ ရှည်လျားတဲ့ဘဲဥပုံကျောခွံဟာ အနက်ရောင်ဖြစ်ပြီး ကျောခွံပေါ်မှာပါတဲ့ အကွက်ကလေးတွေကတော့ တချို့မှာ အဝါရောင်နဲ့ တချို့မှာအနီရောင်ရှိတတ်ပါတယ်။

သူတို့ရဲ့သေးငယ်တဲ့ဦးခေါင်းဟာ သာမန်အားဖြင့်အဝါရောင်ဖြစ်ပြီး အုတ်ခဲလိုအနီရောင်ဦးခေါင်းရှိတဲ့ Cherryhead Red-Footed Tortoise တွေလည်းရှိပါတယ်။ အထီးတွေဟာအမတွေထက် ပိုအရောင်တောက်လေ့ရှိပြီး တည်နေရာကိုလိုက်ပြီး အရောင်အမှိန်အဖျော့ကွာခြားတတ်ပါတယ်။ အရွယ်ရောက်အထီးတွေဟာ ၁၂လက်မကနေ ၁၅လက်မအထိကြီးနိုင်ပြီး အရွယ်ရောက်အမတွေကတော့ ၁၀လက်မကနေ ၁၃လက်မလောက်ထိကြီးနိုင်ပါတယ်။ တခြားကုန်းလိပ်တွေနဲ့မတူတာတစ်ခုကတော့ အထီးတွေက အမတွေထက်ပိုကြီးကြတာပါ။ ဒီပို့စ်မှာ Red-Footed Tortoise လို့ပဲ နာမည်တပ်ပြီး
ရေးသွားပါ့မယ်ခင်ဗျ၊ Yellow- Footed Tortoise နဲ့ အကုန်အတူတူပဲမို့ နှစ်မျိုးလုံးအတွက် အကျုံးဝင်ပါတယ်ခင်ဗျာ။ Care Guideအတွက် ပုံလေးတွေကိုနှိပ်ပြီးဆက်ဖတ်ပေးကြပါအုန်းဗျ။