Master Veterinary Pharmacy

08/01/2023

FLUFFY CAT Food Available at Master Veterinary Pharmacy

07/08/2022

لمپی وائرس کی بیماری
-
Lumpy Viral Disease

لمپی وائرس وبا پر

بہت کچھ لکھا سنا اور دیکھا جا چکا ہے

علاج، ڈاکٹری اور حکمت خود نہ کریں
آپ احتیاط پر غور کریں اور یہی وجہ ہے کہ بیماری کنٹرول نہیں ہورہی ہے، ہمسایہ ملک میں بھی یہی ہو رہا ہے, ایسی ہی شدت وہاں بھی ہے

علاج اس بیماری کا ہے ہی نہیں، یہ جو بھی انجیکشن اور ادویات ہیں وہ بیماری کی علامات اور بیماری نوعیت اور شدت کی بنیاد پر لگائے جاتے ہیں، اچھا ہے، برا ہے علاقہ کا ڈاکٹر جانور کو دیکھ کر ہی بہتر فیصلہ کر سکتا ہے

جو زمہ داری بحیثیت جانور پال ہماری ہے وہ پوری اور اچھی طرح سے نبھائیں
جس جانور میں علامات نظر آئیں فوراً اس کو دوسرے جانوروں سے دور باندھ دیں اور اس کو خوراک پانی کھرلی الگ کر دیں

کیوں ؟

بیماری پھیلنے کی سب سے بڑی وجہ تو چیچڑ مچھر اور مکھیاں ہیں
جو جانور بیمار ہے اور جس کو زخم بن گئے ہیں اس پر مکھی مچھر چیچڑ تو بلکل نہ ہوں، اسی جانور سے وائرس کروڑوں کی تعداد میں بن کر آپ کے دوسرے جانوروں تک بھی جائے گا
لیکن بیمار جانور کی رال لعاب، ناک کے پانی اور آنسوؤں سے بھی بیماری پھیل سکتی ہے

ہماری کوشش ہونی چاہئے کہ بیمار جانور سے تندرست جانور کو کم سے کم وائرس منتقل ہو
اگر بیمار جانور اور تندرست جانور ایک ساتھ کھائیں اور پیئں گے تو لازمی ہے ناک، منہ اور آنکھ کے پانی سے تندرست جانوروں کو زیادہ وائرس منتقل ہوگا

اسی طرح اگر ایک تندرست جانور کو ایک ہفتہ میں چار پانچ وائرس والی مکھی مچھر چیچڑ کاٹتی ہیں اور دوسرے کسی جانور کو بیس پچیس وائرس زدہ مکھیاں مچھر، چیچڑ کاٹتے ہیں تو لازمی ہے کہ ہم خود اس جانور کو زیادہ وائرس دے رہے ہیں اور ایسا جانور زیادہ بیمار ہوسکتا ہے

وائرس کی تمام بیماریوں میں دو چیزیں بیماری کی شدت کا تعین کرتیں ہیں

جانور کو وائرس کتنی مقدار میں ملا

اور
جانور کی قوت مدافعت، یعنی جانور کی بیماریوں سے لڑنے کی قدرتی صلاحیت کتنی اور کیسی ہے

ان دو نقطوں کو اپنے کو زہن میں سوچیں
یہی دو چیزیں ہیں جس سے جانور کم بیمار یا زیادہ بیمار ہوتا ہے

تو پہلا کام ہم نے جانور کو وائرس سے بچانا ہے

بیمار جانور کو الگ کرنا ہے اور بیماری پھیلانے والے عوامل کو روکنا ہے
جانور ٹھیک ہونے کے دو ہفتے تک بھی الگ خوراک اور پانی کا بندوست کریں

دوسرا جانور کی قوت مدافعت کو کم نہیں ہونے دینا اور اس کی قوت مدافعت کو بڑھانا ہے،

مردہ جانور کو دبا دیں, اللہ کی رضا اور مخلوق خدا کی بھلائی کا سوچ کر ہی ایسا کر لیں, اللہ نیتوں کا پھل ضرور دیتا ہے, مردہ جانور سے اربوں کی تعداد میں وائرس پرندوں, مکھیوں مچھروں سے پھیل رہا ہے,

بے شمار ایسے جانور ہیں جن کو واقعی ڈی وی ایم اور سمجھ بوجھ والے تجربہ کار ڈاکٹر بھی نہیں بچا پا رہے ہیں، پینتیس سے چالیس ہزار ایک ایک جانور پر ڈاکٹر کا ادویات کا خرچہ ہوچکا ہے اور جانور اب بھی بیمار ہے

سوشل میڈیا پر بے شمار نسخے ہیں
ایسی چیزوں سے بچیں اور نہ ہی شئیر کریں
جانور جتنا شدید بیمار یوگا اور اتنا ہی زیادہ ان نسخوں کا نقصان ہوگا، باقی آپ لوگوں کی اپنی مرضی ہے

پھر بھی آپ سے دیسی نسخے دے بغیر نہیں رہا جاتا تو

ہلدی 10 گرام اور آملہ پاؤڈر 10 گرام
100 سے 200 گرام گڑ، شکر یا گلوکوز
20-30 گرام سونف اور اجوائن
کالی مرچ 50 گرام
اور تین چار لیموں ہفتہ دس دن تک جانور کی خوراک کا حصہ بنائیں، یہ کوئی اسپیشل فارمولہ نہیں ہے, جیسے بھی آسانی ہو ویسے ہی جانور کو سے دیں
ان چیزوں کا کم از کم نقصان نہیں ہے

لیکن ان کو بھی علاج نہ سمجھیں

بخار کو کنٹرول کرنا سب سے زیادہ ضروری ہے
جب تیز بخار ہوتا ہے تو جسم کے ضروی افعال رک جاتے ہیں، اصل چیز جو کہ جانور کی قوت مدافعت یعنی جسم کی بیماریوں سے لڑنے کی صلاحیت ہے، بخار کی صورت میں کام نہیں کرتا اور یہی قوت مدافعت ہی ہے جس نے جانور کو بچانا ہے

زخم کے لیے سپرے لگا سکتے ہیں
نیم کے پتے ابال کر سپرے کر سکتے ہیں اور زخموں پر ہلدی بھی لگا سکتے ہیں

اور اللہ کا واسطہ مٹی کا تیل ڈیزل وغیرہ نہ لگائیں

صدقہ خیرات ضرور دیں، وبا بہت بری ہے

17/05/2022

پاکستان میں گرمیوں کا موسم زیادہ عرصہ رہتا ہے، اس لیے گرمیوں کے حوالے سے کچھ بنیادی چیزیں ہیں جن کی یاد دہانی ضروری ہے، معلوم ہمیں ہوتا ہے لیکن نظر انداز کر جاتے ہیں

اگلی چند پوسٹوں میں جدید فارمولوں اور اقدامات پر بھی بات ہوگی لیکن پہلے کچھ بنیادی معلومات

ہم نئے نئے فارمولے، جدت پسندی اور ایڈوانس چیزوں کے چکر میں اکثر بنیادی باتیں چھوڑ جاتے

سب سے پہلا کام جو آپ نے کرنا ہے وہ جانوروں کے خوراک کے اوقات میں تبدیلی کرنی ہے، صبح جتنی جلدی ہوسکے جانور کی خوراک مکمل کرلیں، اگر آپ کے جانور شیڈ میں کھلے ہیں تو رات کو خوراک والی کھرلیاں خالی نہ ہوں، پانی اور خوراک رات کے لیے وافر ہو

ہم اکثر سوچتے ہیں کہ جانور رات کو نہیں کھاتے، یہ درست ہے کہ جانور واقعی رات کو نہیں کھاتے، لیکن اس کی وجہ بھی ہم سب جانتے ہیں وہ ہے روشنی کی کمی، آپ روشنی کا انتظام کریں تو خود دیکھ لیں گے کہ جانور گرمیوں میں اکثر رات کو ٹھنڈے وقت میں ہی خوراک پوری کرے گاپورے شیڈ باڑے میں نہ سہی لیکن رات کو کم از کم خوراک والی جگہ پر اتنی روشنی ہو کہ خوراک کے تمام اجزاء جانور کو اچھی طرح نظر آئیں

زیادہ دودھ والے جانوروں کے لیے رات کی خوراک کا ہی بندوبست کریں، نہیں تو جانور کی پیداوار کم ہو جائے گی۔ گرمیوں میں سب سے بڑا مسئلہ جانور کی پیداوار کے مطابق اس کی خوراک پوری کرنا ہی ہے

صبح کی خوراک میں ایک اور بات رکھیں کہ خوراک زیادہ قابل ہضم اجزاء پر مشتمل ہو اور سبز چارہ کی مقدار زیادہ رکھیں اور گندم بھوسہ توڑی کم مقدار میں دیں، جو خوراک جتنی دیر سے ہضم ہوتی ہے وہ اتنی ہی گرمی پیدا کرتی اور جانور کو کم قابل ہضم خوراک کو ہضم کرنے کے لیے زیادہ توانائی کی ضرورت پڑتی ہے

اگر آپ جانو باندھ کر رکھتے ہیں تو لازمی ہے کہ جانور نے صبح کے بعد کوئی خوراک نہیں کھائی ہوگی، تو دوپہر تک جانور خوراک ہضم کرچکا ہوتا ہے اور گرمی کی شدت کی وجہ سے بھی جانور کو زیادہ توانائی طاقت چاہیے ہوتی ہے، اس وقت آپ آدھا کلو سے ایک کلو تک جانور کو کسی بھی اناج، جو، مکئی، گندم کا دلیہ یا چوکر، شیرہ راب، گلوکوز دے سکتے ہیں، دلیہ اناج وغیرہ کو تھوڑے سے چارہ میں مکس کرکے دیا جائے تو زیادہ بہترہ اوپر بیان کی گئی چیزوں کے ساتھ پانی بھی انتہائی ضروری ہے، ان چیزوں کے ساتھ پانی بھی پلائیں گے تو فائیدہ زیادہ ہوگا، اگر آپ پہلے ایسا نہیں کے رہے تو یہ چیزیں تھوڑی مقدار سے شروع کرنے ہیں, ایک دم سے آدھا کلو نہیں دینا, آہستہ آہستہ ١٠ دن تک اتنی مقدار پر آئیں

بائی پاس فیٹ بہت اچھی چیز ہے لیکن اس کی قیمت بہت زیادہ بڑھ چکی ہے، اگر آپ کو سرسوں یا کینولہ کی کھل ملے تو وہ بھی بہت اچھی ہے کیونکہ دیسی طریقہ سے حاصل کی گئی کھل میں تیل کی مقدار زیادہ ہوتی ہے، اور تیل توانائی کا اچھا ذریعہ ہے
خوراک میں سرسوں کا تیل بھی جانور کو اضافی توانائی دیتا ہے، لیکن سرسوں کا تیل ہمیشہ کسی بھی خوراکی جزو جیسے چوکر یا اناج دلیہ میں مکس کرکے دینا چاہیے، اس طرح دینے سے زیادہ فائدہ ہے
الگ سے مائع حالت میں اور نال نلکی وغیرہ سے جانور کو زبرستی نہ پلائیں،

گرمیوں میں جانور کی نمک کی ضرورت بھی بڑھ جاتی ہے، اگر آپ نے جانوروں کی کھرلیوں میں نمک کی ڈلیاں رکھی ہیں تو بہت اچھی بات ہے، لیکن کم از کم گرمیوں میں تو یہ ناکافی ہے، آپ الگ سے پچاس سے ستر گرام نمک فی بڑا جانور روزانہ خوراک میں شامل کریں باقی جانور جتنا مرضی نمک خود کی مرضی سے چاٹ لے، یہ اضافی نمک آپ ستمبر تک دے سکتے ہیں، گرمیوں میں جو ونڈا آپ بناتے ہیں اس میں دو کلو نمک فی سو کلو ونڈا اجزاء کے بھی ضرور استعمال کریں

اگر آپ جانوروں کو میٹھا سوڈا نہیں دے رہے تو شدید گرمیوں اور حبس کے موسم تک 50 گرام روزانہ میٹھا سوڈا ضرور استعمال کریں، اور بہتر ہے کہ یہ مقدار آپ دن کے وقت استعمال کریں، اگر آپ پہلے سے ونڈے کے حساب سے میٹھا سوڈا دے رہے ہیں تو گرمیوں تک اس میں 50 گرام کا اضافہ کرسکتے ہیں

اگر آپ جانور کے بیٹھنے کے لیے ریت کا بندوست کرسکتے ہیں تو اس سے بہتر کوئی چیز نہیں، ایک تو ریت نرم ہوتی ہے اور جلدی ٹھنڈی بھی ہوجاتی ہے، ریت میں بیٹھا جانور زیادہ پرسکون رہتا ہے

گرمیوں کا موسم زیادہ شدید ہے اور ابھی گرمیوں کے پانچ ماہ باقی ہیں، جانوروں کے لیے کچھ ایسا انتظام ضرور کریں کہ صاف اور تازہ پانی جانور کو ہر وقت دستیاب ہو ۔

10/04/2022

01/03/2022

پاکستان کے بہت سے علاقوں میں موسم بہتر ہوچکا ہے اور کچھ دنوں میں مزید بہتر ہو جائے گا

یہ وہ موسم ہے جس میں ہمارے دیسی جانوروں کی دودھ اور گوشت کی پیداوار کھائی جانے والی خوراک سے اچھی رہتی ہے, کیونکہ جانور ان دنوں میں کھائی گئی خوراک کو موسم کی شدت سے بچنے کے لیے ضائع نہیں کرتا یعنی سردی میں اپنے جسم کو گرم رکھنے کے لیے خوراک کا استعمال

کچھ چیزیں آپ اس موسم میں خرید سکتے ہیں, جیسے کہ شیرہ، ابھی شوگر ملیں کچھ دنوں میں بند ہو جائیں گیں, کوشش کریں شیرہ خرید کر لیں, شیرہ ایک بڑے جانور کو پانچ سو گرام سے ایک کلو روزآنہ تک دیا جا سکتا ہے جانور کے وزن اور پیداوار کے لحاظ سے
سرسوں/ رایا کی تازہ اور موسمی کھل بھی دستیاب ہو جائے گی, کھل میں پروٹین کے ساتھ ساتھ تیل کی کچھ مقدار بھی شامل ہوتی ہے جو کہ گوشت/قربانی کے جانوروں کے لیے بہت اچھی ہے
کچھ علاقوں میں رائس پالش بھی آسانی سے مل جاتی ہے یہ بھی انرجی/توانائی کا اچھا ذریعہ ہے
کھل اور رائس پالش صرف اتنی ہی خریدیں کہ ایک دو ماہ تک استعمال ہو جائے اور سٹوریج میں کسی قسم کی پھپھوندی اور بو نہ پیدا ہو خاص طور پر رائس پالش میں

جانوروں کی خوراک کا سب سے پہلا اصول یاد رکھیں !

کوئی بھی خوراک ہو چاہے کوئی گھاس یا کوئی اناج ونڈا ہمیشہ آہستہ آہستہ شروع کریں, یکدم تبدیلی نہ کریں

جانوروں کے بیٹھنے کے لیے نرم اور خشک جگہ پسند ہے, اگر آپ کے پاس جگہ موجود ہے تو اس کو ریت یا کچی نرم جگہ ضرور دیں، کچی جگہ بھی سخت نہ ہو اس کو نرم کر دیں
کوشش کریں جانوروں کو کھلا رکھیں اور پانی ہر وقت دستیاب ہو یہ بات قربانی اور گوشت کے جانوروں کے لیے بھی اتنی ہی ضروری ہے
ڈیورمنگ کرنے کا بھی یہ اچھا موسم ہے اگر آپ نے نہیں کی تو اس موسم میں کر لیں تاکہ جانور کی پیداوار پیٹ کے کیڑوں کی وجہ سے متاثر نہ ہو

شدید گرمی سے پہلے پہلے جو بھی خوراک دیں گے اس کا جانور اتنا ہی پیداوار میں آپ کو واپس کرے گا

موسم کی بہتری کے ساتھ ہی مکھی مچھر اور چیچڑوں کی افزائش بھی بڑھ جاتی ہے, اور یہ تینوں حشرات گرمی کے موسم کے سب سے بڑے مسائل میں سے ہیں، ابھی سے انکو کنٹرول کرنے کی کوشش شروع کریں

23/11/2021

09/09/2021

بھیڑ بکریوں میں آنے والی وائرل بیماری ۔
جو ذیادہ تر کم عمر کے جانوروں میں ذیادہ دیکھی جاتی ہے۔
اس بیماری میں ہونٹوں , کانوں اور پاخانہ کرنے والی جگہہ پرچھالے , دانے , پھنسیاں اور سوزش ہو جاتی ہے ۔
اس بیماری میں دانے یا چھالے منہ کے بیرونی اور اندرونی سائیڈ یا پھر ایک سائیڈ پر نکلتے ہیں ۔ جو بیماری کی شدت بڑھنے پر گلے اور انتڑیوں تک بھی جا سکتے ہیں ۔
جس کے ساتھ جانور کھانا پینا کم کر دیتا ہے اور ساتھ میں بخار بھی ہو سکتا ہے ۔
بیماری ظاہر ہوتے ہی بیمار جانور کو تندرست جانوروں سے علیدہ کر دیں اور یہ دوائی استعمال کریں یا فوری کسی ویٹرنری ڈاکٹر سے رابطہ کریں۔
انجکشن = پی پی ایس ایل اے
انجکشن = لوکسن
اور چھالوں پر لگانے کیلئے
ٹیوب = سوموجیل استعمال کریں ۔

30/08/2021

available at Master Veterinary Pharmacy

26/08/2021

کیڑے کی دو اقسام ہیں جو جانوروں پر منفی اثر ڈالتی ہیں۔ اندرونی کیڑے ، جو پیٹ اور بڑی اور چھوٹی آنتوں اور بیرونی کیڑوں کو متاثر کرتے ہیں جن میں ٹک اور جوئیں شامل ہیں جو جانوروں کے تولیدی نظام پر منفی اثر ڈالتی ہیں اور یہاں تک کہ ان کی موت کا سبب بھی بن سکتی ہیں۔ چونکہ کیڑے عموما سبز چارے میں پائے جاتے ہیں ، اس لیے اسے استعمال کرنے والے جانور زیادہ تر ان کے حملوں کا شکار ہو جاتے ہیں۔ تحقیق سے پتہ چلتا ہے کہ نہ صرف ان جانوروں کی شرح اموات جو کہ صحت مند دکھائی دیتی ہیں ، بہت کم ہوتی ہیں ، بلکہ ان کی تولیدی صلاحیت میں بھی اضافہ ہوتا ہے ، اگر انہیں حفاظتی مقاصد کے لیے ادویات دی گئی ہوں۔ اس سے پتہ چلتا ہے کہ اچھی صحت کی وجہ سے ، یہ جانور دیگر اقسام کی بیماریوں کا بھی کم شکار ہو جاتے ہیں۔
Dectron Injection
Each Ml contain 1% Doramactin

01/08/2021

جانوروں کا مٹی روڑے اور شاپر وغیرہ کھانا
خون میں
کیلشیم کی کمی کی علامات ھے
جو کہ
1- پیٹ کے اندرونی کرموں
یا
22- جانوروں میں کیلشیم کی کمی سے ھوتی ھے
#علاج
اس لئے اس طرح کے جانور کو
.Deworming
جانوروں کی خوراک متوازن ھونا ضروری ھے
ونڈہ کے ساتھ
روزانہ 100 گرام کیلشیم پوڈر
اور
50 گرام منرلرز وٹامن استعمال کریں
Prevent the animal from eating plastic bags.. It leads to slow but painful death..
It is considered that a plastic bag take 1000 years to digest in stomach..
1 million marine animals leads to death due to plastic bag...

21/04/2021

اصیل مرغوں کی بیماری اور ان کا علاج

1۔ پیچش_سبز_سفید یا خونی بیٹ کرنا
اصیل مرغ مرغی یا چوزے جب سبز سفید یا خونی پیچش کریں اور اک جگہ پہ اداس کھڑا ہو جائے اورکھانا پینا بند کریں تو انکو ایک گولی #موٹیلیئم صبح شام کھلا دیں۔ ان شاء اللہ دو خوراک سے ہی پیچش رک جائیں گے۔!!

2۔ !!
ایسے اصیل جو نزلہ زکام کا شکار ہوں یا جن کے گلے سے خرخر کی آوازیں نکلیں انکو رات کو ایک کیپسول روزانہ oxytetracycline کھلا دیں۔ تین دن تک انشاءاللہ ٹھیک ہوجائے گا

3۔ !!
عموما بڑے قد کاٹھ کے اصیل یا انکی بریڈ جب جسم کی بڑھوتری شروع کریں تو انکی ٹانگیں مڑ یا کمزور ہو جاتی ہیں۔ ایسے اصیل کو روز اک گولی #نیوروبیان یا کھلائیں۔ انکے جسم تندرست اور پٹھے مضبوط ہو جاتے ہیں۔!!

5۔ ۔!!
جن دوست احباب کے جانور گرمی کی شدت میں نڈھال ہوتے ہوں یا بخار میں مبتلا ہوتے ہوں وہ روز #دوکلو تازہ پانی میں ایک #پیراسیٹامول ڈال کر پلائیں۔!!
ناک یا آنکھوں سے پانی بہتا ہو تو پھر ایک کیپسول بھی ڈال دیں اور اسے اچھی طرح مکس کرکے پینے کیلئے انکے آگے رکھ دیں۔!!

6۔ !!
وہ بریڈر یا بڑی عمر کی مادیاں جو جوڑے نہیں ہوتیں سست اور جرثومے کمزور ہوں انکو ہر روز ایک کیپسول +400 کھلائیں۔ چند دنوں بعد جوڑ لگنے لگ جائیں گے۔!!

7۔ !!
اور #سینگوبیان کیپسول کھلانے سے اصیل پٹھے پٹھیاں صحت مند اور اعصابی طور پر مضبوط اور رنگ سرخ ہو جاتا ہے۔ بدن کی نشوونما بھی بہترین اور قد کاٹھ میں بھی اضافہ ہوتا ہے۔!!

#نوٹ!! پوسٹ اچھی لگے تو ضرور شئیر کریں تاکہ سب شوقین بھائیوں کا فائدہ ہو

13/04/2021

Ramzan_Mubarak❤️❤️❤️

24/02/2021

Vito Mineral-T 5kg packing available at Master Veterinary Pharmacy Noshera Road Tatlay Aali

22/02/2021

FOOT & MOUTH Disease (FMD)

منہ کھر

منہ کھر FMD کی وباء ملک میں تیزی سے پھیل رہی ہے اور ان حالات میں احتیاط اور علاج دونوں سے آگاہی ضروری ہے۔

اس وقت پاکستان اور اسکے کئی شہروں میں یہ وباء اپنے شکنجے میں جکڑے ہوئے ہے

ان نازک حالات میں اپنے جانوروں کی حفاظت کریں

اگر آپکے فارم پر منہ کھر کا مرض آجائے تو متاثرہ جانور کو فوری طور پر الگ کردیں اور باقی جانوروں کو متاثرہ جانور سے دور رکھیں
اور منہ کھر علاج کا شروع کریں

05/02/2021

جانوروں میں جیر کا رک جانا۔۔۔!

وجوحات ، علامات ، احتیاطی تدابیر اور علاج۔۔۔۔۔۔۔۔۔۔۔!

گاہیوں اور بھینسوں میں یہ بہت عام مرض ہے عمومی طور پر غیر متوازن خوراک کی وجہ سے ہوتا ہے۔اگر جانوروں بچہ دینے کے 12 گھنٹے کے بعد بھی جیر نہ ڈالیں تو سمجھ لیں کہ جانور نے جیر روک لی ہے۔جیر فلک کو جاننے کی وجہ سے بہت معاشی نقصان ہوتا ہے۔جانور جلد اپنے مکمل دودھ کو نہیں پہنچ پاتا۔جانور جلد گبھن نہیں ہوتا۔جیر رک جانے کی وجہ سے اور بھی بہت سے مسائل جنم لے لیتے ہیں۔

علامات۔۔۔۔۔۔۔۔۔۔۔!

1: اگر جانور بچہ دینے کے 12 گھنٹے کے بعد جیر نہ ڈالے تو سمجھ لیں کہ جانور نے جیر روک لی ہے۔
2: کیلشیم کی کمی کی وجہ سے اگرجیر رکی ہو تو جانور کا بخار کم ہوجاتا ہے۔
3: جانور نڈھال ھو جاتا ہے۔
4: جانور کا کھانا پینا نسبتاً کم ہو جاتا ہے۔
5: عمومی طور پر بچہ دانی میں انفیکشن ہوجاتا ہے۔
6: جانور کو زہر باد ہو جاتا ہے جس کی وجہ سے بخار بھی بڑھ جاتا ہے اور کھانا پینا بھی کم ہوجاتا ہے۔

وجوہات۔۔۔۔۔۔۔!

1: جانور کو خشک پیریڈ کا نہ ملنا۔
2: غیر متوازن اور غیر معیاری خوراک بالخصوص جانوروں میں نمکیات کی کمی کیلشیم فاسفورس سلنیم وٹامن ای کی کمی
3: بچہ دینے کے بعد جانور کو بیٹھنے کی مناسب جگہ نہ ملنا۔
4: خوراک کی کمی۔
5: موسمی شدت جیسا کہ سخت سردی یا سخت گرمی۔
6: اگر جانور بچہ پھینک دے دیا وقت سے پہلے دے دے تو بھی عمومی طور پر جیر روک جاتی ہے۔

احتیاطی اقدامات۔۔۔۔۔۔۔۔!

1: جانور جب سات مہینے کا گبن ہوجائے تو اسے خشک کر دیں۔تاکہ وہ اپنے جسم میں موجود کمی کو پورا کر سکے۔
2: جانور کو خشک تیری ڈمی جسمانی وزن کا دو سے 25 فیصد کے حساب سے خشک مادہ دیں۔
3: خوراک میں خام پروٹین کا تناسب 14 فیصد رکھیں۔
4: جانور کو ب چہ دینے کے بعد کیلشیم کا کوئی ذریعہ دین جیسا کہ ڈی سی پی۔
5: جانور کو بیٹھنے کی نرم جگہ مہیا کریں۔
6: جانور کو موسمی شدت سے بچا کر رکھیں۔
7: اے ڈی اور ای کا ٹیکا لگا دیا جائے تو ایک ریسرچ کے مطابق جیر رکنے کا عمل کم ہوجاتا ہے۔
8: جانور کے حیوانہ کو بچہ دینے کے بعد مکمل خالی نہ کریں بچے کی ضرورت کے مطابق بولی نکالیں۔

علاج۔۔۔۔۔۔۔۔!

1: جانور دس گولی ڈسپرین گولی روٹی میں کھلائیں اور نیم گرم پانی پلائیں
2: جانور کو پراسٹاگلیٹرن کا ٹیکا بچہ دینے کے دو گھنٹے بعد لگائیں۔
3: جانورکی کیلشیم کی کمی پورا کرنے کے لیے ڈی سی پی کھلا دیں یا پھر کیلشیم کا ٹیکا کھال کے نیچے لگا دیں۔
4: سٹلبسیٹرول کا ٹیکا بھی لگایا جاسکتا ہے پر بھینسوں میں اسے احتیاط سے استعمال کرنا چاہیے اس سے بچہ دانی کے باہر آنے کا اندیشہ ہوتا ہے۔
5: اگر 24 گھنٹے کے بعد بھی جیر باہر نہ آئے تو کسی وٹنری ڈاکٹر کو بلا کر اسے ہاتھ کی مدد سے نکلوائن۔
6: جیر کو اگر نہ بھی نکلوایا جائے تو یہ وقت کے ساتھ خود گل سڑ کر نکلتی ہے پر جانور شدید قسم کے زہر باد میں مبتلا ہو جاتا ہے۔
7: جیر نکلوانے کے بعد بچہ دانی میں اینٹی بائیوٹیکس رکھواہیں تاکہ انفکشن نہ ہوسکے۔

نوٹ: تمام ادویات کی مقدار عموماً ادوایات پر درج ہوتی ہے یا ویٹرنری سٹور یا ڈاکٹر کی ہدایات کے مطابق استعمال کریں۔کمنٹس میں مقدار بتانا مناسب نہیں ہوتا اس کی وجہ کے جانور کی عمر اور حالت دیکھی جاتی ہے لٰہذا براۓ مہربانی مقدار سے متعلق سوالات پرعمل نہ کریں۔کہیں آپ کے جانوروں کو نقصان نہ ہو جاہے۔

اللہ آپ کو اور آپ کے جانوروں کو سلامت رکھے۔

26/01/2021

ہمارے پاس مندرجہ ذیل ویکسینز دستیاب ہیں....
RABISIN(10ml)
FMD(50ml)
ND-IB(1000 Birds)
ND-LASOTA(1000 Birds)
PRIMADOG
HEXADOG

26/01/2021

چوائی کے بعد تقریباً آدھے گھنٹے تک گائے بھینس کے تھنوں کے سوراخ کھلے رھتے ھیں ,اس دوران اگر جانور بیٹھ جائے تو زمین میں موجود بیکٹیریا آسانی سے تھن کے اندر چلا جاتا ھے اور ممیمری گلینڈ میں انفیکشن کا سبب بنتا ھے , جسے عام زبان میں ساڑو کہتے ھیں اگر بروقت علاج نہ کرایا جائے تو متاثرہ تھن ناکارہ ھو جاتا ھے, اور جانور کی قیمت آدھی رہ جاتی ھے, چھوٹی سی احتیاط اس بڑے نقصان سے بچانے میں مدد گار ثابت ھوتی ھے. چوائی کے فورا بعد جانور کو بیٹھنے نہ دیں, بلکہ اسے چارہ یا ونڈا ڈال دیں تاکہ وہ کھانے مصروف رھے

09/01/2021

شدید سردیوں میں جانوروں کا خیال کیسے رکھا جائے؟

جانوروں کو بھرپور خوراک کھلائیں، بھوکے جانور کو سردی زیادہ لگتی ہے
بھینس کو گائے کی نسبت زیادہ سردی لگتی ہے۔
جانوروں کو 100 گرام گڑ دیں، بہتر ہے شام کو دیں
یا ونڈے میں شیرہ مکس کریں

ہمیشہ تازہ پانی پلائیں، ٹھنڈا پانی جانور کے جسمانی درجہ حرارت کو کم کردیتا ہے اور زیادہ ٹھنڈا پانی بیمار کر سکتا ہے۔

جانور کو زیادہ گیلے فرش پر نہ رکھا جائے۔ گیلے جانور کو دن میں بھی سردی لگے گی اور زیادہ گندگی سے جانوروں کو ساڑو، میسٹائٹس حیوانے کی سوزش بھی ہوسکتی ہے۔

باڑے کی صفائی روزانہ کی جائے تاکہ زہریلی گیسیں کم مقدار میں پیدا ہوں۔ ٹھنڈی ہوا سے بچاؤ کے لیے باڑے کی چادریں زمین تک ہوں لیکن روشن دان چھت کے قریب ضرور ہوں تاکہ تازہ ہوا کا گزر ہوسکے اور ہوا جانور کو براہِ راست بھی نہ لگے

شدید سردی کے دنوں میں اضافی خرچ ضرور ہوگا لیکن یہ اضافی خرچ آپ کو نقصان سے بچائے گا۔ جب تک سردی شدید ہے کھل کی مقدار تھوڑی کم کردیں. کھل میں پروٹین ہوتی ہے اور سردی کے چارہ جات میں گرمیوں کے چارہ جات کی نسبت پروٹین زیادہ ہوتی ہے۔ کھل کی جگہ پر سردی کے دنوں میں ونڈا یا دانہ اناج کی مقدار تھوڑی بڑھا دیں۔ لوسن، برسیم وغیرہ زیادہ پروٹین والے چارہ جات استعمال کر رہے ہوں تو ونڈا میں کھل پروٹین 30-35 فیصد سے زیادہ نہ ہو۔

چھوٹے بچوں کو ٹھنڈے فرش سے بچائیں ہے۔
چھوٹے بچے اپنا زیادہ وقت بیٹھ کر گزارتے ہیں۔ جب جانور کا جسم اور پیٹ زیادہ ٹھنڈے فرش پر رہتا ہے تو نمونیا ہوسکتا ہے۔ چھوٹا بچہ اپنی جسم کی توانائی ٹھنڈے موسم میں اپنے آپ کو گرم رکھنے کے لیے زیادہ استعمال کرتا ہے اور کمزور ہوجاتا ہے۔ پرالی، گنے کا پھوک، مکئی، باجرے کے خشک ٹانڈے وغیرہ ان کے نیچے ضرور ڈالیں۔ چھوٹے بچوں کو کم از کم 6 انچ موٹی تہہ پرالی کی بنا کر دیں۔

جانوروں میں سوئے(پیدائش) کا موسم بھی ہے، پیدائش کے کچھ دن بعد تک بڑے جانور کو بھی ٹھنڈے فرش سے بچائیں، پرالی وغیرہ نیچے ضرور ڈالیں


رجے نوں ستے ای خیراں نیں
ﺍﻭہنوﮞ ﺳﺘﮯ ﺍﯼ ﺧﯿﺮﺍﮞ ﻧﯿﮟ ﺟِﺪﺍ ﺳﺎﺋﯿﮟ ﻣﮕﺮ ﮨﻮ ﻭﮮ

اللہ تعالیٰ آپ کے جان و مال میں برکت عطا فرمائے آمین
پوسٹ کو شئیر کردیں ۔ جزاک اللہ

03/01/2021

ماسٹر ویٹرنرى فارمیسى تتلے عالى
ھمارے پاس جانوروں کی تمام ادویات اور ویکسین دستیاب ھے .
اىڈریس： تتلے عالى نوشھره روڈ نذد قبرستان
رابطہ نمبر:. . . 03066867767