27/02/2024
As die aarde se fondamente skud,
en jy saggies begin bid:
“Here, beskerm ons”
As jy na die hemelruim kyk en besef hoe klein jy is,
en dat jy niks in God se skepping kan beheer nie,
- nie droogte nie,
- nie reën nie,
- nie hael of donderstorms
- of sneeu nie,
- nie wind nie,
- nie seisoene nie,
- nie die see, vulkane
- of tsunamies nie
Dan wonder jy, wat is die mens, dat God aan hom d**k,
Wat is die mens dat God vir ons omgee?
Maar vir God is ons net ‘n bietjie minder as engele.
Ons is die kroon van Sy skepping.
Nie aardbewings of oorstromings nie,
nie die oop sluise van die hemel nie,
nie die opkoms van die son of die skemeruur nie,
Nie die draai van die aarde
of die maan om sy wentelbaan nie,
ja, ten spyte van alles, heg God groot waarde aan ons elkeen.
Daarom moet ons stil raak in diep bewondering van ons Skepper,
Hy wat altyd sorg, ons beskerm en lei.
Absoluut álles is in Sy hande, en die wete dat niks, maar niks in hierdie wêreld, ons van Sy liefde kan skei nie, laat my hart bedaar,
want ek weet:
selfs ék,
Ja, ék,
is in Sy hande!
