أسرة إيجابيون - EGA family

أسرة إيجابيون - EGA family الصفحة الرسمية لأسرة ايجابيون كلية الطب البيطرى جامعة القاهرة
(5)

هي ليه القطة بتاعتي علي طول نايمة؟🤔في ناس بتفتكر إن القطة أو القط اللي عندهم تعبانين أو عندهم مرض؛ لأنهم في حالة خمول طو...
07/05/2024

هي ليه القطة بتاعتي علي طول نايمة؟🤔
في ناس بتفتكر إن القطة أو القط اللي عندهم تعبانين أو عندهم مرض؛ لأنهم في حالة خمول طول الوقت.

بس أغلب الدكاترة اكتشفوا إن متوسط المدة اللي بتنام فيها القطط من 16-12 ساعة في اليوم، وساعات بتوصل ل 20 ساعة ولكن بشكل متقطع.
بس طبعًا في عوامل بتحدد عدد الساعات دي؛ زي مثلاً لو هو كبير في السن طبيعي هيبقي عايز ينام كتير، وفي عامل كمان وهو إن الجو لما بيبقي برد ده بيخلي القط عايز يتدفي وينام أكتر.

كمان الدراسات أكدت إن في سبب مهم ورا وقت نومهم ده؛ وهو إنهم بيكونوا عايزين يحافظوا علي نشاطهم عشان يصطادوا ويدوروا علي وجبتهم ورغم إن القطط اللي بتكون متربية في البيت بيكون متوفرلها كل حاجة إلا إنها بتكون غريزة عند القطط زي الأسود بالظبط.🦁

لكن كل ده ميمنعش إن في أوقات القط يكون فيها تعبان شوية أو عنده مرض معين ومحتاج طبيب بيطري.👨‍⚕️

_تحب تسمع عن هجرة الطيور ؟ لا _طب وحياتييييييي 🥹 عمرك فكرت إزاي الطيور بتعرف إن ده الوقت اللي لازم تهاجر فيه؟الفكرة إن أ...
04/05/2024

_تحب تسمع عن هجرة الطيور ؟
لا
_طب وحياتييييييي 🥹

عمرك فكرت إزاي الطيور بتعرف إن ده الوقت اللي لازم تهاجر فيه؟

الفكرة إن أول ما الشتا بيقرب يدخل والنهار بيبدأ يقصر والليل بيطول، هرمون melatonin بيبدأ يزيد؛ لأنه بيتفرز أصلًا مع غياب ضوء الشمس، والزيادة دي بتشتغل كامؤشر للطيور للتعرف على فصل الشتا وحاجتها للهجرة.

ليه بقى الطيور بتهاجر من أصله ؟
أكيد هي مش غاوية تعب ومرمطة يعني 💀

✨ مع دخول الشتا النهار بيقصر والجو بيبقى أبرد، فبتدأ طيور الشمال بالأخص تهاجر للجنوب عشان الجو بيبقى أدفى.

✨ كمان الطيور محتاجة دايمًا إن غذائها يبقى متوفر، وبردو مع دخول الشتا الحشرات والديدان اللي هي مصدر الغذاء الرئيسي ليهم بيبدأ يقل، فا بتبدأ تهاجر عشان تلاقوا غذاء كافي .

✨سبب تاني للهجرة هو التكاثر وإنها تلاقي أماكن متوفرة علشان يعملوا أعشاش عشان لما البيض يفقس وتطلع الكتاكيت 🐣.

في بقى بعض التغيرات اللي بتحصل في أجسام الطيور المهاجرة إستعدادًا للهجرة :

🍁 بتبدأ الطيور تغير من نظامها الغذائي وتسيب أكل الديدان والحشرات وتتجه لأكل التوت والمواد الغنية بالدهون بالذات، بحيث يكون عندها مخزون كافي من الطاقة تستخدمه اثناء الرحلة.

🍁ريش الطيور المهاجرة بيبدأ يطول ويبقى pointed أكتر وده بيقلل مقاومة الهوا وبيساعدها على الطيران بسهولة أكبر.


طب تفتكر يا صديقي هجرة الطيور دايمًا نهايتها سعيدة؟ 🧐

الأبحاث بتقول انه أكتر من 60 % من الطيور مبتكملش رحلتها بسبب بعض المخاطر اللي ممكن تواجهها خلال الرحلة زي مثلاً :

🍄 عدم كفاية الطعام وإن مفيش طاقة كافية للسفر.

🍄 تصادم الطيور مع النوافذ والمباني وأغلب الطيور رحلتها بتنتهي بسبب كدة .

🍄وطبعًا السبب الأشهر وهو الحيوانات المفترسة اللي بتقابلها خلال الرحلة زي طائر البلشون اللي كان هياكل عيلة ماك في الفيلم🦆.

و أكيد الطريقة اللي بتتكيف بيها الطيور و غيرها من الحيوانات مع بيئتها لازم تعزز فينا استشعار عظمة الخالق، وتزود إيمانا .

مذاكرة وضغط امتحانات، وصعوبات حياة، ومشاكل نفسية.في وسط كل الزحمه دي بنسعى وبنحاول على قد ما نقدر، أوقات كتير بتلاقي نتي...
27/04/2024

مذاكرة وضغط امتحانات، وصعوبات حياة، ومشاكل نفسية.

في وسط كل الزحمه دي بنسعى وبنحاول على قد ما نقدر، أوقات كتير بتلاقي نتيجة تعبك ده قدامك، وأوقات أكتر النتيجة مبتبقاش واضحة .

بس خليك فاكر ان السعي الحقيقي إنك تبقى مش لاقي النتيجة اللي مستنيها بس مكمل علشان عارف إن ربنا هيكرمك بطريقة أو بأخري.

وافتكر ديمًا الآيات دي :-
﴿وَأَن لَيسَ لِلإِنسانِ إِلّا ما سَعى۝وَأَنَّ سَعيَهُ سَوفَ يُرى۝ثُمَّ يُجزاهُ الجَزاءَ الأَوفى﴾ [النجم: ٣٩-٤١]

تفتكر إزاي المسكن بيعرف مكان الألم و يعالجه؟🤔 _لو الخلايا اتعرضت لإصابة أو تلف بتفرز مادة كيميائية اسمها "prostaglandin"...
22/04/2024

تفتكر إزاي المسكن بيعرف مكان الألم و يعالجه؟🤔
_لو الخلايا اتعرضت لإصابة أو تلف بتفرز مادة كيميائية اسمها "prostaglandin" .

النهايات العصبية اللي في الجسم بتكون حساسة للمادة دي و بتبدأ تبعت إشارة للجهاز العصبي المركزي تقوله إن فيه إضطراب فالمكان المعين بالمقدار المعين،
والرسايل دي هي اللي بيترجمها الجسم على هيئة الألم اللي بتحس بيه.

بعد ما بتاخد المسكن و يوصل للدم بيحدد مكان الألم عن طريق المادة الفعالة اللي موجودة ف المسكن و اللي بتنجذب لل "prostoglandin" و بيلتصق ف الخلايا المصابة و يبدأ يقوم بدوره.

09/04/2024

كل عيد وانتوا بخير ♥♥
♥

من رحمة ربنا علينا نزول دين الإسلام وحثه على العمل التطوعي و رفضه لفكرة الفردية، فا جميع أفراده كالبنيان المرصوص يقفون ك...
08/04/2024

من رحمة ربنا علينا نزول دين الإسلام وحثه على العمل التطوعي و رفضه لفكرة الفردية، فا جميع أفراده كالبنيان المرصوص يقفون كأنهم رجل واحد.

وقال تعالى ” وتَعَاونُوا عَلى البِّرِ والتَقوَى ” .

و إيجا كالعادة بتسابق في عمل الخير؛ عشان كدة شاركنا السنادي كمان في "كِساؤنا" اللي فيه بنحاول نفرّح أكبر عدد من الأسر بلبس العيد وكمان الكحك.🤩💚

عن أَبي هريرة، عن النبيِّ ﷺ قَالَ: (مَنْ نَفَّس عَنْ مُؤْمِنٍ كُرْبةً منْ كُرب الدُّنْيا نفَّس اللَّه عنْه كُرْبةً منْ ك...
05/04/2024

عن أَبي هريرة، عن النبيِّ ﷺ قَالَ: (مَنْ نَفَّس عَنْ مُؤْمِنٍ كُرْبةً منْ كُرب الدُّنْيا نفَّس اللَّه عنْه كُرْبةً منْ كُرَب يومِ الْقِيامَةِ، ومَنْ يسَّرَ عَلَى مُعْسرٍ يسَّرَ اللَّه عليْهِ في الدُّنْيَا والآخِرةِ، ومَنْ سَتَر مُسْلِمًا سَترهُ اللَّه فِي الدُّنْيا وَالآخِرَةِ، واللَّه فِي عَوْنِ العبْدِ مَا كانَ العبْدُ في عَوْن أَخيهِ، ومَنْ سَلَكَ طَريقًا يلْتَمسُ فيهِ عِلْمًا سهَّل اللَّه لهُ به طَريقًا إِلَى الجنَّة).

زي ما ايجا متعودة علي فعل الخير ومش أول مرة نطلع مع رسالة بنشارككم جزء من اليوم 🤍
- الله يجعله ف ميزان حسناتنا ويحسن حال الأمة والمسلمين في كل مكان يارب .

بداية المشوار خطوة ودايمًا بنحتاج دفعة تساعدنا ف بداية الطريق ف لو عايز تظبط أكلك وجسمك تعالي نحاول ف الأيام الجاية عشان...
30/03/2024

بداية المشوار خطوة ودايمًا بنحتاج دفعة تساعدنا ف بداية الطريق ف لو عايز تظبط أكلك وجسمك تعالي نحاول ف الأيام الجاية عشان نكون أتدربنا لبعد رمضان🤩

- العزومات قلت والكارديو والجيم موجودين فينك يا عزيزي🤨

- أنت عندك وجبتين أساسيتين، اللي هما الفطار و السحور😋، ما بينهم دا يعتبر سناك أو وجبة خفيفة، مش المفروض تفطر مرتين تلاتة في النص يعني،بس خلي بين الوجبتين
سناك بسيط، و لو هتحلي يبقي تدوق علي المعقول بردو.

-أعمل رياضة🏋️حلو أوي بعد الفطار بساعتين، ساعتها الجسم هيقدر يتفاعل مع الدهون بشكل صحي أكتر .

_مش هوصيك بقا علي المشروبات الرمضانية، بالذات اللي سكرها قليل، و طبعًا طبعًا المياه اللي هتزيد من حرق السعرات.

_احنا في العشرة الاواخر والليالي الفردية والتعبد فخلي صلاتك في المسجد، ثوابها عظيم، اتمشى بقا بالمرة للمسجد، أهو يحرق معاك شوية، و الصلاة طبعًا ليها فايدة عظيمة في نشاط العضلات.

-كدا أنا ممكن اضمنلك بداية لطيفة علي جسمك و هتخرج منه بشكل صحي شوية عشان تستمر بعده🤗.

عمر يسري القائد أو بطل السيزون رقم 10 صاحب الصوت الرائع، عمر هيد ال HR السابق المعروف بمقولة (متعرفوش انكوا نور عينينا و...
28/03/2024

عمر يسري القائد أو بطل السيزون رقم 10 صاحب الصوت الرائع، عمر هيد ال HR السابق المعروف بمقولة (متعرفوش انكوا نور عينينا ولا ايه؟)🤩

أكتر حد يهتم بموارده البشرية وبيوفرلهم كل حاجة من أول بيئة عمل مريحة للتعامل ومحتوي سلس، إلي الدعم لكل شخص معاه والتشجيع طول الوقت، عنده خبرة كبيرة في حل المشاكل ومساعدة الناس ولكنه قدر علي مدار سيزون كامل يستنتج حلول استراتيجية لكل العقبات قدامه.

وكلنا عارفين صعوبة البوزيشن بتاعه في إدارة جميع الموارد البشرية للأسرة والربط بين مؤسساتها ولهذا قررنا أن نلقبه "The True Hero"✨

-هو احنا ليه بنفطر على تمر مش على ماية؟🤔= طبعا عشان سنة قال رسول الله صلى الله عليه وسلم: "إذا أفطر أحدكم فليفطر على تمر...
27/03/2024

-هو احنا ليه بنفطر على تمر مش على ماية؟🤔

= طبعا عشان سنة قال رسول الله صلى الله عليه وسلم: "إذا أفطر أحدكم فليفطر على تمر فإنه بركة فإن لم يجد فالماء فإنه طهور".

-أيوة ليه برضو الرسول فضل التمر عن الماية؟

= عشان بعد صيام طويل بنكون في أشد الحاجه لمصدر غذائي يدينا طاقه في وقت سريع و مصدر للماية عشان نعوض النقص
و الحاجتين دول موجودين في التمر و مش بس دول التمر كمان فيه مغذيات كتير.

- فيه نسبة عالية من السكريات الأحادية والثنائية الجلوكوز والسكروز و بتبقى من ربع إلى نص وزن الحبة الواحده و 65-70% ماية و فكرة إن السكريات دي بسيطة بتخلي هضمه برضو بسيط فتعوض جسمك بالسكريات في أسرع وقت.

- بيوفر الطاقة و ده لأنه غني بالكربوهيدرات الي تساعدك على استعادة نشاطك بعد يوم كامل من الصيام.

- التمر كمان فيه عناصر غذائية كتير و مهمه زي الألياف والبوتاسيوم والمغنيسيوم والحديد والڤيتامينات.

- و الألياف الموجودة في التمر بتساعد في تحسين الهضم وتقليل مشاكل الجهاز الهضمي زي الإمساك.

- فيه مضادات أكسده بتقلل من أمراض كتير زي الزهايمر.

و بالتالي كل فوائد التمر دي بتخليه أفضل إختيار لمصدر غذائي نفطر عليه في رمضان و بعد رمضان كمان 🤩

النهاردة بطل البوست بتاعنا النية ☺️.قبل كل حاجة لازم تكون عارف إن الصيام ليه ركنين أساسيين النية والامتناع عن جميع المُ...
22/03/2024

النهاردة بطل البوست بتاعنا النية ☺️.

قبل كل حاجة لازم تكون عارف إن الصيام ليه ركنين أساسيين النية والامتناع عن جميع المُفطرات من طلوع الفجر إلى غروب الشمس.


1_وأول سؤال لازم النية في الصوم لكل يوم ولا النية عن كل شهر كافية؟
فيها اختلاف بعض العلماء في إلي قال تكفي نية واحدة لشهر كله ، وفي إلي قال كل يوم لازم تتجددله النيه .

بس الأقرب ورأي الجمهور لازم النية لكل يوم من أيام رمضان؛ لأن كل يوم عبادة مستقلة عن اليوم الآخر، وولازم أن تكون النية هذه في الليل قبل طلوع الفجر، لقول النبي ﷺ: (من لم يُبيِّت الصيام من الليل فلا صيام له) رواه النسائي.

تاني سؤال حكم الأكل والشرب في الليل بعد النية، وهل لازم أجدد النية بعده؟

الأكل والشرب في الليل ولو بعد النية مش بيضر، ومش لازم تجديد النية بعد الأكل والشرب .

ونتمي تكون استفدت معنا ، واستننا في الباقي ، دمتم بخير🥰
رمضان مُبارك ♥️

{ حَتَّىٰ إِذَا أَتَوْا عَلَىٰ وَادِ النَّمْلِ قَالَتْ نَمْلَةٌ يَا أَيُّهَا النَّمْلُ ادْخُلُوا مَسَاكِنَكُمْ لَا يَحْط...
20/03/2024

{ حَتَّىٰ إِذَا أَتَوْا عَلَىٰ وَادِ النَّمْلِ قَالَتْ نَمْلَةٌ يَا أَيُّهَا النَّمْلُ ادْخُلُوا مَسَاكِنَكُمْ لَا يَحْطِمَنَّكُمْ سُلَيْمَانُ وَجُنُودُهُ وَهُمْ لَا يَشْعُرُونَ }
عمرك سألت نفسك إزاي النمل هيتحطم تعالى هشرحلك :

اكتشف العلماء أن هيكل النملة بيتكون من كربونات الكالسيوم يعني زي العظم و كمان في أنواع من النمل بيتكون هيكله من السيليكون اللي هو بالمناسبة بيدخل في صناعة الزجاج

وفي الحالتين سواء كان من النمل الزجاجي أو النمل اللي بيتكون من كربونات الكالسيوم فهما يتحطمان وهي الكلمة اللي استخدمها الله بدقه شديدة في لفظ ليحطمنكم

ومن الغريب إن ال chitin اللي بيتكون منه هيكل النمل ثبت في أبحاث علمية أنه لو اتعرض لحرارة 71.85° وهي حرارة متوفرة في الصحراء بسهولة بيحصل لها ظاهرة إسمها Relaxation وتتحول لزجاج

{ فَتَبَارَكَ اللَّهُ أَحْسَنُ الْخَالِقِينَ }

"بارك الله لك في أهلك وفي مالك بل دلني عن سوق المدينة ثم أصبح الغني الشاكر ومن المبشرين بالجنة " سمعت عن الصحابي عبدالرح...
16/03/2024

"بارك الله لك في أهلك وفي مالك بل دلني عن سوق المدينة ثم أصبح الغني الشاكر ومن المبشرين بالجنة "
سمعت عن الصحابي عبدالرحمن بن عوف؟تعالي نتعرف عن قصته .

وُلد سيدنا عبدالرحمن في مكة بعد عام الفيل بعشر سنوات _يعني أصغر من سيدنا محمد ص بعشر سنين_ وكان أسمه وقتها (عبد عمرو) ولما بدأت الدعوة بالإسلام أسلم سيدنا عبدالرحمن في بداية الدعوة علي أيد سيدنا أبوبكر الصديق وكان رضي الله عنه سبب في إسلام كتير من الصحابة زي عثمان بن عفان .
والنبي (ص) غير أسمه من (عبدعمرو بن عوف) إلي (عبدالرحمن بن عوف) وكان رضي الله عنه من النابغين في التجارة حتي أصبح من أغني الناس في مكة.

ووقت الهجرة من مكة للمدينة ترك كل ماله و هاجر بنفسه إلي الله ورسوله في المدينة ووقتها آخيّ الرسول ص بين المهاجرين والأنصار لبناء دولة المسلمين : ومنهم سيدنا عبدالرحمن "كان من أغني المهاجرين " وسيدنا " سعد بن الربيع أغني الأنصار مالًا" عرض عليه سعد بن الربيع الخزرجي ـ رضي الله عنه ــ أن يشاطره في نصف ماله مجاناً... فرفض عبد الرحمن العرض المجاني، وقال: “بارك الله لك في أهلك ومالك, دلني على السوق, فربح شيئا من أقط وسمن..”
تخيل جالك رجل أعمال قالك خد نص مالي وبيت من بيوتي .. هتقوله إيه ؟🤔

بدأ سيدنا سعد في جمع ماله ثم أغناه الله من فضله وقال : فأقبلت الدنيا عليّ حتّى رأتني لو رفعت حجرا ً لتوقّعت أن أجد تحته ذهبا ً أو فضّة"

ووصل في الزهد جاله الطعام وهو صائما فقال: قتل مصعب بن عمير وهو خير مني وكفن في بردة إن غطي رأسه بدت رجلاه وإن غطي رجلاه بدا رأسه. وقال: وقتل حمزة وهو خير مني ثم بسط لنا من الدنيا ما بسط أو قال أعطينا من الدنيا ما أعطينا وقد خشينا أن تكون حسناتنا عجّلت لنا ثم جعل يبكي حتى ترك الطعام "سيدنا عبدالرحمن بن عوف لازم كل واحد فينا يحطه من الأمثلة العليا ليه🥹💜 .

وبعد موته رضي الله عنه ”. و يقال أنه عندما توفي ترك ذهبا قُطع بالفؤوس حتى تورمت أيدي الرجال منه .

معلوم من سُنن ربنا إن الأمة بتعصي يبقي الأمة تُبتلى ويُسلط عليها البلاء والأعداء. دلوقتي أدركت إنك سبب ف عدم النصر وإن ا...
15/03/2024

معلوم من سُنن ربنا إن الأمة بتعصي يبقي الأمة تُبتلى ويُسلط عليها البلاء والأعداء.
دلوقتي أدركت إنك سبب ف عدم النصر وإن المُقاطعة مش منتجات بس، ومش هي الحل الوحيد في إيديك؟

المفروض مفيش حاجة تشغلك كشخص مؤمن غير الأحداث اللي بتحصل حواليك وتحديدًا في فلسطين دلوقتي.

تبقى مُدرك كون إن كل الأحداث اللى حواليك دلوقتي بسبب الابتلاء ده فيها خير للأمة ورسائل ربانية لا تُحصى.

في الوقت ده بذات محتاج تفهم الرسايل دي، نبدأ نفهمها ونشوف الأبعاد بتاعتها ونقرأ ونتثقف ونعرف إن تأخير النصر بسببك انت كفرد قبل كل حاجة، حتى قبل الأمة.

أنا ممكن أعمل ايه؟ بيترد عليك بحاجات بتحس غالبًا مش هتقدر تغير الواقع في اللحظة دي ويومنا دا ، زي غير من نفسك
أنت سبب في دا كله.
طب ازاي؟
ربنا اللي خلق اليهود هو قادر يربيهم وف ايده النصر.
ربنا اللي قالنا كدا فشوفت إن أنت السبب لو قللت ذنوب وزودت طاعات؟

انت هتُسأل عرفت تُنصر؟ عرفت تغير الواقع؟ اه كان بأيدك الدعاء، تكُف، تجهر، وتقاطع عشان ميعاد النصر يحين..
ومفيش أفضل من الوقت ده إننا نزود نية
تركِنا للمعاصي ، نصرة ليهم وللأمة💗
- من بودكاست أحمد عامر

عارفين امتي هتستوعب أعلي مراحل ال self care إيه هي؟ قراءة الأذكار يوميًا والله💗قوله تعالي : "الَّذِينَ آمَنُوا وَتَطْمَئ...
14/03/2024

عارفين امتي هتستوعب أعلي مراحل ال self care إيه هي؟ قراءة الأذكار يوميًا والله💗

قوله تعالي : "الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ ".
إننا نحافظ علي ذكر الله تعالي خيراً ف الحياة و أجرها عظيم فى الآخرة .
تعالوا نعرف إيه هى فوائد الأذكار ؟
* انشراح الصدر وطمأنينة القلب ومعية الله تعالى
* قال رسول الله صل الله عليه وسلم :يقول الله عز وجل أَنَا عِنْدَ ظَنِّ عَبْدِي بِي، وَأَنَا مَعهُ إِذَا ذَكَرَني، فَإن ذَكرَني في نَفْسهِ، ذَكَرْتُهُ في نَفسي، وإنْ ذَكَرَني في ملإٍ، ذكَرتُهُ في ملإٍ خَيْرٍ منْهُمْ.
* ومن قال اللهم إني أصبحت منك في نعمة و عافية و ستر فأتمم نعمتك علي و عافيتك و سترك في الدنيا و الآخرة ثلاث مرات إذا أصبح و إذا أمسى كان حقاً على الله تعالى أن يتم عليه .
* ومن قال رضيت بالله ربًا، وبالإسلام دينا، وبمحمد رسولًا وجبت له الجنة.
* ومن قال حين يصبح وحين يمسي: حسبي الله لا إله إلا هو، عليه توكلت وهو رب العرش العظيم... سبع مرات كفاه الله ما أهمه من أمر الدنيا والآخرة.

🔹متنسوش الأذكار وتدبروها عشان تعرف إنك ف معية الله وإنك أنت اللي محتاج ده ، تخيل وبتأجر عليه كمان !

وأنت معدي خد شوية معلومات كده في السريع بما إننا ف رمضان وكل سنة وأنت طيب🥰._ بلاش وانت صايم تقعد تتمضمض كتير وتطول وأنت ...
13/03/2024

وأنت معدي خد شوية معلومات كده في السريع بما إننا ف رمضان وكل سنة وأنت طيب🥰.

_ بلاش وانت صايم تقعد تتمضمض كتير وتطول وأنت مستني شوية مية يزحلقوا كده.

_ لو رجَعت غصب عنك كده أنت مفطرتش, بس لو رجعت قاصد كده أنت فطرت.

_حقنة الوريد أو العضل ما بتفطرش.

_وطبعًا اللبان بيفطر. لو شفت واحد بياكل وبيشرب ناسي لازم تفكره ما تقولش أهو يا بخته وتسيبه.

_عادي تاخد عينة دم دا ما بيفطرش .

_ عادي تغسل سنانك عشان ريحة الفم دي ما بتفطرش بس تاخد بالك جدًا لأحسن تبلع حاجة.

_قطرة الأنف لو لقيت طعمها في فمك لازم تقضي اليوم دا ، أما قطرة العين ما بتفطرش.

-ج**ع الزوجة في نهار رمضان بيفطر ، وساعتها اليوم ده هيقضيه الشخص بأنه يصومه كفارة صيام شهرين او إطعام ستين مسكين.

_مكروه إنك تدخل المطبخ وتدوق الأكل مع مامتك حتى لو مش هتبلعه.

♦️نيجي بقي للإنسان الي مفروض عليه الصيام والي مش مفروض عليه :
أولًا المريض مرض مزمن بيمنعه من الصوم بيفطر عادي ، بس بيطعم المسكين بمقدار 750 جرام تقريبًا عن كل يوم فطره.

ثانيًا لو راجل كبير في السن ومش قادر يصوم بيفطر عادي و نفس الفدية.

في شخص مُباح ليه الإفطار بشرط أنه يصوم الأيام دي هو المسافر والي مريض مرض ممكن أنه يخف منه .

ثالثًا شخص مُحرم عليه الصيام ، وهو المرأة الحائض ودي بتقضي الايام اللي فطرتها.

أخيرًا وليس آخيرًا : وأنت بتصلي التراويح أو التهجد التزم بالهدوء وأنت رايح وأنت راجع، فيه اللي نايم وفيه المريض مش عشان تعمل لعبادتك تأذي غيرك وزيه الست اللي بتاخد أطفالها المسجد .

ورمضان مُبارك وكل عام وانتم بخير ♥️🌜

لأجل أننا مُسلمون،وتعظيم شعائرِ الله فريضة؛رمضان مُبارك، وكل عامٍ وأنتم بخير.🥰
11/03/2024

لأجل أننا مُسلمون،
وتعظيم شعائرِ الله فريضة؛
رمضان مُبارك، وكل عامٍ وأنتم بخير.🥰

_🥱 هاااه =ايه يا عم مالك بتتاوب من الصبح _منمتش كويس إمبارح وهموت وأنام بجد هل فكرت في مرة تعرف سبب التثاؤب وليه بالذا...
08/03/2024

_🥱 هاااه
=ايه يا عم مالك بتتاوب من الصبح
_منمتش كويس إمبارح وهموت وأنام بجد

هل فكرت في مرة تعرف سبب التثاؤب وليه بالذات بيحصل واحنا عايزين ننام؟ 👀

التثاؤب حركة لا إرادية طبيعية جدًا، بتنتج من اننا بنكون كسلانين والجسم عايزك تبقى نشيط دايما 🫵 فبيحاول انه ينشطك بإنك تتاوب؛ فبيدخلك كمية هواء بتؤدي ان الرئتين والعضلات بيحصلهم تمدد، وده بيخلي جسمك أكثر يقظة.

أغلبية البشر لما بيشوفوا أي شخص بيتثاءب بيحصلهم تحفيز يخليهم هما كمان يتثاءبوا، والتفسير العلمي إن التثاؤب ناتج من كوننا عايزين نقلد سلوك المجموعة اللي احنا فيها ونتعاطف مع بعض بما يسمى [ social empathy ]

زي ما قلت إن التثاؤب حاجة كل الناس بتعملها، حتى الحيوانات بس لو عايز بردو تقلل من التثاؤب ممكن تمارس تمارين للتنفس العميق وطبعًا ممارسة الرياضة وأنك متبصش على حد وهو بيتاوب، وإلا هتتاوب زيه 🥱.

• خلال مشقة الرحلة بنحتاج نقف نسقف للشاطر ونكمل تاني ..🤍• ⁠ال Best members ل إيجابيون بسقفة عالية لشهر 2 🤩مع التذكير إنن...
02/03/2024

• خلال مشقة الرحلة بنحتاج نقف نسقف للشاطر ونكمل تاني ..🤍
• ⁠ال Best members ل إيجابيون بسقفة عالية لشهر 2 🤩

مع التذكير إننا واثقين ف كل أفراد الرحلة وكلهم شطار ومستنيين منهم الأحسن عشان كل محطة ف الرحلة نقف نسقف لناس جديدة 🥹🤍🤍

تخيل إيه اللي يحصل لو أديت للفيل حته بمتين ؟ 😵‍💫تعالي أفهمك الموضوع من أوله :-بعض الباحثين عرفوا النباتات المخدرة للمرة ...
01/03/2024

تخيل إيه اللي يحصل لو أديت للفيل حته بمتين ؟ 😵‍💫
تعالي أفهمك الموضوع من أوله :-

بعض الباحثين عرفوا النباتات المخدرة للمرة الأولى عن طريق سلوك بعض الحيوانات والتغيرات اللي بتحصلهم لما ياكلوا الأنواع دي من النباتات، طب ازاي ؟

الأفيال ف الطبيعي حيوانات لطيفة ونادرًا لما بيظهر عليها مظاهر العنف، وده بيبقي عشان اتعرضوا لأذي . 😟

في بداية ١٨٧٥ م الناس بدأت تلاحظ إن الأفيال بيظهر عليهم أعراض غريبة، زي الشخص السكران كده ممكن يقعوا وهم ماشيين أو يفضلوا يطوحوا يمين وشمال . 😳
وحالتهم المزاجيه مش مستقره خالص، شويه يكونوا لطاف وشويه يبقوا عدوانين مع بعض .🥹
طب ليه بيحصل كده، وامتي ؟ بدأت الناس تفكر لحد ما لاحظت حاجه .

الأفيال بيروحوا عند شجرة معينه ف جنوب افريقيا اسمها " marula tree" ، والشجرة دي بتنتج ثمار لونها أصفر مُسكِرة جدًّا أشبه ما يكون بثمر المانجا وهنا كانت المشكله . 😱

ف ٢٠٠٦ ظهر مجموعة من العلماء بتقول إن الكلام ده غلط طبعًا، عشان الفيل حجمه ٧ طن وعشان يسكر بيحتاج ٢٧ لتر من الetahnol، و الثمرة الواحدة فيها ٧ ف الميه من الكحول، ف كده ال ٢٠٠ ثمرة فيهم لتر واحد، فا عشان يحصل علي الكمية الكافية عشان يسكر محتاج ١٤٠٠ ثمرة🙄 وده طبعًا مستحيل ف طبعًا اقتنعوا بدراستهم زي م أنت اقتنعت دلوقتي 😂 وطبعًا تجاهلوا الأعراض اللي بتظهر عليهم دي.

في ٢٠٢٠ ظهرت دراسة جديدة أثبتت إن الدراسة القديمة مبنية علي أساس خاطئ وهي إنهم افترضوا إن جسم الأفيال بتتعامل مع الكحول زي بالظبط الإنسان لكن طبعًا الإختلافات البايولوجية اللي ما بينا كبيرة جدًا .

وده يبين لك قد إيه الله قادر على كل شيء، فتخيل الفيل اللي هو يعد من أكبر الحيوانات كوكب الأرض، بيسكر بسبب بعد الجرامات من مادة موجودة في فاكهة وزنها لا يتعدى بعض الكيلوجرامات وفعلا ده هو التفسير الصحيح لهذه الآية الكريمة :-
" وَكُلُّ شَيءٍ عِندَهُ بِمِقدَارٍ " صدق الله العظيم

إيه رأيك لو قولتلك إنك ممكن تنسى كل المشاكل و التروما و كل الذكريات الوحشة اللي حصلتلك ؟ حاجة حلوة صح ؟ _لا ، مش صح ؛ لأ...
25/02/2024

إيه رأيك لو قولتلك إنك ممكن تنسى كل المشاكل و التروما و كل الذكريات الوحشة اللي حصلتلك ؟ حاجة حلوة صح ؟
_لا ، مش صح ؛ لأنك معاها هتنسى كل ذكرياتك الحلوة و طفولتك وأهلك . و دا موضوعنا النهاردة و هو مرض الزهايمر . 😔

🔘مرض الزهايمر بييجي لعوامل وراثية و بيئية؛ بسبب خلل للخلايا العصبية.ضرر الخلايا العصبية بيكون عن طريقين :
🔸بيحصل تراكم بروتين اسمه Amyloid beta، بيعمل ضرر في عملية الاتصال بين خلايا المخ .
🔸 بيحصل لمريض الزهايمر تغيرات في الألياف Tau protein، بتؤدي إلى التفافها، فيسبب دمار للخلايا العصبية.

🔘الزهايمر أعراضه بتبدأ واحدة واحدة، بحيث إن الشخص المصاب بيبدأ ينسى مواعيد أو أحداث ، يتوه ف مكان هو حافظه كويس، بيلاقي صعوبة في اداء مهامه اليومية البسيطة ، بعد فترة بيبدأ الوضع يسوء و يبقى فيه سلوك عدواني ، و أوهام.

🔘طب هل بقى فيه علاج للمرض ده؟
_للأسف لأ بس فيه علاج بيقلل الأعراض مؤقتًا.

🔘 للأسف المرض ده مش بس بيكون صعب على المريض، بل بالعكس ممكن يكون أصعب على أهل المريض ؛ لأن بيكون صعب عليهم يشوفوا أقرب الناس ليهم مش قادرين يتعرفوا عليهم، مش فاكرين ذكرياتهم مع بعض ، ده غير أنهم لازم يكونوا جمبهم ٢٤ ساعة .

🔘ايه اللي المفروض نقدمه لمريض الزهايمر؟
إننا ندعمه و نطمنه دايمًا إننا جمبه، نبعد عن الجدال معاه ، نفكره بأسمه باستمرار و أهم حاجة ندعيله هو و كل مرضى الزهايمر بالشفاء 🤍

تعرف إيه وجه الشبه بين الإنسان و الخفاش؟🤔و لأ مش بتكلم عن صاحبك الي ليله نهار و نهاره ليل 😂 ▪️كلنا عارفين ان نشاط الخفاش...
21/02/2024

تعرف إيه وجه الشبه بين الإنسان و الخفاش؟🤔
و لأ مش بتكلم عن صاحبك الي ليله نهار و نهاره ليل 😂

▪️كلنا عارفين ان نشاط الخفاش بيزيد في الليل🦇، و بما إن نظره ضعيف هو ليه طريقة خاصة لإصطياد فرائسه في الظلام.
؛ فهو بيصدر موجات صوتية بتنعكس عن الجسم اللي قدامه فيقدر يحدد موقعه و المسافه الي ما بينهم من خلال سرعة ارتداد الموجة ليه .

▪️الغريب إن في أبحاث أكدت ان الإنسان عنده نفس المهارة دي، بس بتحتاج تدريب لتحسينها و ده بإنتاج نقرات بالفم واستخدام صدى النقرات في اكتشاف البيئة الي حولينا.

▪️و ده ألهم العلماء بعمل عكاز للمكفوفين بيصدر صوت زي الخفاش، و لما يتعكس الأصوات عليه بيحولها لإهتزازات بتعرف الشخص ان قدامه عائق و المسافة ما بينهم كمان.

▪️وتقنية صدى الصوت مهمة و عملية جدًا في حياتنا، فهى برضو نفس فكره عمل الردار و السونار .

جربت تيجي تفتح المحاضرة اللى كنت مذاكرها كويس جدًا ولقيت نفسك بتقول مين اللى كان مذاكر الكلام دا مش وقت هزار دا الامتحان...
15/02/2024

جربت تيجي تفتح المحاضرة اللى كنت مذاكرها كويس جدًا ولقيت نفسك بتقول مين اللى كان مذاكر الكلام دا مش وقت هزار دا الامتحان بكرة؟ 😆

بما إننا في كلية بتحتاج مننا حفظ كتير فوق الاستيعاب؛ ف اي رأيك لو نتكلم حبه عن طُرق نقدر نساعدك بيها عشان متنساش اللى حفظته أو ذاكرته بشكل أبطئ؟

واحدة من أكتر الطرق الفعالة هي ال Blurting method اللى انتشرت اخر فترة عن طريق content creator على يوتيوب اسمها Unjaded Jade 👩🏻

عبارة عن اي الطريقة دي بقا؟
الBlurting method عبارة عن 6 خطوات تعالى اما نقولهم ببساطة. 📑

أنت بتبدأ تقرأ أو تذاكر جزء بتركيز وتحاول تكرره في دماغك، وبعدين تقوم قافل كتابك أو الحاجة اللى بتذاكر منها.
في ورقة بقا ابدأ اكتب كل اللى فاكرة عن الجزئية اللى ذاكرتها دي وحاول قدر الإمكان تسرد أفكارك بتنظيم.
حاسس إنك كتبت كل اللى فاكرة؟ افتح بقا الكتاب تاني وابدأ راجع وشوف لو في فرق بينه هو واللى كتبته.🖊️

لقيت نفسك ناسي حاجات وغالبًا دا اللى هيحصل مع معظمنا ف حلو موت دا التكرار بيعلم الشُطار بردو.😀
واحدة من أهم ميزات ال Blurting method إنك لما تنسي أجزاء وتلاحظ دا فعقلك بشكل غريزي بيركز عليها ويخليها أسهل إنها تتخزن ف دماغك، وهيخليك تعرف إي الأجزاء الواقعة أو محتاجة إنك تتك عليها أكتر.

ممكن تكون استعملت ال Blurting method قبل كدا وأنت مش عارف حاجة عنها عادي، وذي ما كلنا عارفين كل واحد ليه طريقته المختلفة في تثبيت المعلومات بس إحنا هنا مجرد بنحاول نديك مساعدة صغنونة لو لسه مش عارف إي هي الطريقة بتاعتك.♡

بعض من صور الشلتر اللي كان يوم مُميز وجميل والاستفادة فيه حققت أقصاها 🥰 ، اتبسطتو مع ايجا ؟- واستنونا ف الايفنتات الجاية...
09/02/2024

بعض من صور الشلتر اللي كان يوم مُميز وجميل والاستفادة فيه حققت أقصاها 🥰 ، اتبسطتو مع ايجا ؟

- واستنونا ف الايفنتات الجاية..

و في آخر رحلة تطوير الذات اللي دامت أسبوعين، وعشان يكون ختامها مسك، فآخر سيشن معانا من سلسلة ال Ac sessions، هو سيشن الف...
08/02/2024

و في آخر رحلة تطوير الذات اللي دامت أسبوعين، وعشان يكون ختامها مسك، فآخر سيشن معانا من سلسلة ال Ac sessions، هو سيشن الفود سيفتي
واللي هنعرف فيه:
🔶 أساسيات المجال و إزاي نقدر ندخله
🔶 إيه الكورسات اللي هنحتاجها في المجال
🔶 نبذة عن الشغل و هيكون في فقرة أسئلة مفتوحة للي عنده فضول

و ال Speaker المرة دي عضو هاي بورد سابق من تيم الأكاديمك
د/ أحمد السعيد
EX Vice Academic team

واللي عنده رحلة كبيرة في المجال:

📍بدايتها تدريب في منفذ heat n eat
📍متدرب في مجزر kareemland
📍و QC في oscar grand store
📍وحاليًا ورغم سنه الصغير، قدر يكون assistant quality manager في مصنع LCS

معادنا هيكون بكرا إن شاء الله الساعة 8 مساءً و لينك السيشن هينزل علي الجروب بتاعنا 👇
https://t.me/+ROvb-OzhYUQ1MjM8

_ يالا يا أبو الفصوص الجزء دا لسه مرجعينه قبل ما ندخل الأمتحان 😃🧠:مش حاسس اني شوفته قبل كده، ومش سامعك من الأصوات اللي ه...
06/02/2024

_ يالا يا أبو الفصوص الجزء دا لسه مرجعينه قبل ما ندخل الأمتحان 😃

🧠:مش حاسس اني شوفته قبل كده، ومش سامعك من الأصوات اللي هنا 🥁

ليه ممكن مخك يعمل معاك كده في أهم اللحظات، في حين انو مش بيبطل إفراط في التفكير في العادي ؟🤯

طب تفتكر إزاي نقدر نتحكم في تفكيرنا بحيث نحجّم الأفكار الفرعية ، ونركز علي المهمة ؟

سيشن المرادي هيجاوب علي كل الأسئلة دي وأكتر، ومن خلاله هنقدر نعرف :

📍فسيولوجية المخ وقدرته علي الحفظ و النسيان.

📍 و ليه بننسى أصلاً و إزاي أقوي ذاكرتي واحفظ بشكل أسرع و أقلل من تشتت دماغي.

📍 كمان هنتعرف علي نوع من الأشخاص المميزين وهما مرضى ال ADHD.

📍وهتعرف ازاي القلق ده ممكن يبقي عائق قدام كل حاجة في حياتنا و في نفس الوقت اكتر حاجة بتحميك

📍وهتعرف إن الاكتئاب لي أنواع .

وإيجا كالعادة مش بتبخل عليكم بحاجة، فالسيشن هيكون متاح أونلاين مع أشطر ال Speakers من تيم ال AC، ومش عليك غير انك تنورنا في الجروب اللي هينزل عليه السيشن 👇
https://t.me/+ROvb-OzhYUQ1MjM8
ومعادنا هيكون النهارده الساعة 7

عارفين إنك شخص كسول و هتقضي أسبوعين الأجازة نوم، بس احنا جاينلك بصفقة تطوير ذات وأنت في مكانك هتقول لأ؟والصفقه هي مجموعة...
30/01/2024

عارفين إنك شخص كسول و هتقضي أسبوعين الأجازة نوم، بس احنا جاينلك بصفقة تطوير ذات وأنت في مكانك هتقول لأ؟

والصفقه هي مجموعة من ال Academic sessions اللي هتكون تبع ال field أو عبارة عن سكيلز تانيه ضرورية ليك كادكتور وطالب برضو🤓
وأول حاجه هنتكلم عنها هو ال PowerPoint، وازاي توصل المعلومات بشكل واضح ومنظم من خلاله، وتعمل تصاميم و رسوم تساعد علي الفهم و تخلي ال PowerPoint بتاعك مميز و محترف 👌

و في خلال السيشن:
♦️هنتعلم طبعا الأساسيات
♦️نصايح لتحسين وتنظيم البوربوينت
♦️إزاي أقدر استخدم البوربوينت في graphic design🫣

متكسلش وتعالى معانا عشان نقضي علي الامية الالكترونية💪.

معادنا يوم الاربع الساعه 8 وكل اللي هنحتاجه منك تجهز لابك بس عشان تطبق معانا أول بأول وبس ♥️
لينك جروب السيشن https://t.me/+ROvb-OzhYUQ1MjM8

‏الحمد لله على أنَّ الشعور يزول،وأنَّ التعب يُمحى،وأنَّ الشمس تتجدَّد عقب الليالي الحالكة♥️الحمد لله أنَّ الإنسان مفطورٌ...
26/01/2024

‏الحمد لله على أنَّ الشعور يزول،
وأنَّ التعب يُمحى،
وأنَّ الشمس تتجدَّد عقب الليالي الحالكة♥️

الحمد لله أنَّ الإنسان مفطورٌ على القدرة على البدء من جديد ..

إجازة سعيدة وبكده حابين نقولكم إن التسجيل فتح من تاني …
ربنا يرزقنا بدايات متتالية ويحسن كل نهايتنا🥳♥️

https://docs.google.com/forms/d/e/1FAIpQLSemnMJjLb9qHkwRuF4jI9RP7RUTq3Jaz80SqRaVHjpXn8JMsQ/viewform?usp=sf_link

عمرك وانت بتذاكر سرحت كدة عن الكتاب فجأة وقعدت تبص للسقف، وبدأت تتساءل تساؤلات وجودية عشان بس تهرب من المذاكرة؟أكيد مر ع...
31/12/2023

عمرك وانت بتذاكر سرحت كدة عن الكتاب فجأة وقعدت تبص للسقف، وبدأت تتساءل تساؤلات وجودية عشان بس تهرب من المذاكرة؟

أكيد مر عليك السؤال الشهير اللي ممكن تطرحه في جميع مواقف حياتك، ألا و هو "هو انا ليه؟"

🔹هو انا ليه بذاكر؟
🔹هو انا ليه معنديش شغف؟
🔹هو انا ليه رديت زي كدة من يومين؟

عقلك سلاح قوي ذو حدين، هتلاقيه حتى مع أكتر القرارات منطقية وأكتر اللحظات سعادة، هيقدر انه يزرع داخلك الأفكار والمشاعر السلبية.

تفتكر يا ترى لو عرفنا نتحكم بمجرى تفكيرنا و بعقلنا بحيث نبعد كل ال "انا ليه" دي. هل ده هيوصلنا لهدفنا بطريقة أسرع؟

شاركونا أرائكم ❤️

هانت خلاص داخلين على آخر و أهم شهر في الترم، خليك فاكر إن السعي عليك بس النتيجة دايمًا على ربنا🤍.
21/12/2023

هانت خلاص داخلين على آخر و أهم شهر في الترم، خليك فاكر إن السعي عليك بس النتيجة دايمًا على ربنا🤍.

Address

Faculty Of Cairo University
Giza

Website

Alerts

Be the first to know and let us send you an email when أسرة إيجابيون - EGA family posts news and promotions. Your email address will not be used for any other purpose, and you can unsubscribe at any time.

Videos

كل عيد وانتوا بخير ♥♥ #عيد_سعيد ♥ #ega_family

ega season 11
ega season 11

نبدأ ب سيزون 11 وحابيين نعرفكوا اكتر اي هي اسره ايجابيون بڤيديو تعريفي لطيف كده 🤩♥ #EGA_Season_11 #EGA_Stay_with_you #new_members

أسرة إيجابيون تتمني لكم عيد أضحى سعيد يحمل لكم السعادة و الفرح والنجاح. 🥳 قال سيدنا محمد صلى الله عليه وسلم: «إن أعظم الأيام عند الله تبارك وتعالى يوم النحر، ثم يوم القر» اخرجو و افرحو و متنسوش تشاركونا فرحتكم ودعواتكم بكل الخير.✨ دمتم بخير دمتم إيجابيون 💚 #عيدكم__مبارك #with_EGA_you_achieve_more #عيدالاضحي

حابينا نشاركوا فرحتكوا بنهايه سنه اولي ونعرف انتوا استفادوا اي
حابينا نشاركوا فرحتكوا بنهايه سنه اولي ونعرف انتوا استفادوا اي

حابينا نشاركوا فرحتكوا بنهايه سنه اولي ونعرف انتوا استفادوا اي 🤔♥ #with_EGA_you_achieve_more #بنشاركوا_الفرحه

مع بداية السيزون ال١٠ الجديد حبينا نفكركم برحلتنا معاكم اللي متكملش غير بيكم دمتم بخير دمتم إيجابيون #with_EGA_you_achieve_more #EGA_Season_10
مع بداية السيزون ال١٠ الجديد حبينا نفكركم برحلتنا معاكم اللي متكملش غير بيكم دمتم بخير دمتم إيجابيون #with_EGA_you_achieve_more #EGA_Season_10

مع بداية السيزون ال١٠ الجديد حبينا نفكركم برحلتنا معاكم اللي متكملش غير بيكم دمتم بخير دمتم إيجابيون💗 تابعونا الفترة الجاية مفاجأة للي حابب يكون جزء من إيجا وأسرتها 🎊✨ #with_EGA_you_achieve_more #EGA_Season_10

سيزون عدى و و بنفتح صفحه جديدة في كتاب إيجا اللي مليان إنجازات
سيزون عدى و و بنفتح صفحه جديدة في كتاب إيجا اللي مليان إنجازات

When something is important enough, you do it even if the odds are not on your favor🔥🔥 سيزون عدى و و بنفتح صفحه جديدة في كتاب إيجا اللي مليان إنجازات بنكمل فيه إبداعات اشخاص على مدار 9 سنين أبدعوا عشان اسم إيجا يفضل فوق 🔥❤ عشان كده لازم نوثق إنجاز و شغل كل اللي تعبوا معانا على مدار السيزون الناس اللي إستفدنا منهم و هم إستفادوا مننا, الجنود المجهوله اللي إشتغلت على مدار السيزون. ❤ و أخيرا كل فرد كان في إيجا او إستفاد منها يكتلبنا في الكومنتات إيجا بالنسبه ليه إيه ❤ و دمتم إيجابيون 🌿❤

عيد سعيد وكل سنة وانتوا طيبين 🎊 ولاننا عارفين ان ده وقت مميز خاصة ليك كطبيب بيطري وانك بتبقي اشهر حاجة بعد الاضحية عند قرايبك 😂 رجعنالكوا بفيديوهات السنة اللي فاتت فيها اجابات لمعظم الاسئلة اللي بتتسألك العيد ده وكل عيد ومتنساش تتابعنا بكرا ويوم الوقفة لو سؤالك ملقتلوش اجابة في فيديو النهارده 🧐

عيدكم مُبارك💙💙🌛

Pets
Pets

مجالنا النهارده هو مجال الpets قولولنا في الcomments حابين تعرفوا عن مجالات ايه تاني؟👀💖

كيف بدأ الكارير؟👀
كيف بدأ الكارير؟👀

فى السلسلة دى هنعرفكوا اكتر عن مجالات الطب البيطرى بشكل مختلف وبعدها ممكن تقرر انت حابب وممكن تشتغل فى انى مجال وايه المميزات وايه العيوب وهنتكلم عن شخصيات كتير فى كل المجالات وازى قدروا يحققوا نجاح فى مجالاتهم ♥ وقولولنا فى الكومنتات ايه المجالات اللى عايزين تعرفوا عنها اكتر ✍ #كيف_بدأ_الكارير #with_ega_you_achieve_more

احنا مين وبنعمل اية ؟
احنا مين وبنعمل اية ؟

يعنى اية ايجا ؟🧐 احنا مين وبنعمل اية ؟ اتفرج ع الفيديو هتعرف كل حاجه ❤️ #with_EGA_you_achieve_more🔥

Guenon 🐒
Guenon 🐒

الناس بتربي عصافير وقطط وكلاب 😀بس فيه ناس تانيه برضه بتربي نسانيس😲 اه والله نسانيس بس هم مختلفين شويه عن الpet animal ف ايه رايكم تعرفو شويه حاجات عن النسانيس🤔 وبرضه ماهو ماينفعش تبقي دكتور بيطري قد الدنيا ويجي حد يقولك عاوز اربي نسناس تنصحني بايه ومتعرفش ترد عليه طب والله عيب 😂 اولا: لازم تبقي عارف ان النسانيس هي نوع من القردة، القردة ف منها انواع كتيرة والنسناس (guenon) من الانواع اللي متوسطه ف الحجم وبتعيش تقريبا 25 سنه 😯ف انت لازم تختار نوع هادئ الي حد ما ايوة اصلك هتعيش معاه كتير ف خلي بالك 👀 ثانيا: بقا نقولك محتاح ايه عشان تربي نسناس ☺ 1.النسناس حيوان بيحب اللعب والتسليه عشان كده محتاج انك تقضي معاه وقت طويل من يومك 🤗 2.النسانيس ذكيه جدا مش هتقدر تعرف ذكاها ممكن يوصلها لفين يعني يستخدم ادواتك او يخبيها او يستخبي هو ذات نفسه منك المهم يعمل اي حاجه تستفزك وخلاص وده حب طبعا 😂 3.القرود تربيبتها مكلفه من اول السعر اللي هتشريه بيها وطبعا الطبيب البيطري اللي هيعرف يتعامل معاه وكمان الحفاضات اللي هيلبسها لحد مايكبر وتعوده ع مكان معين لاخراج فضلاته وطبعا ده بياخد منك مجهود كبير وبيحتاج صبر 😢 4.لازم انت ك owner تبقي متاكد انك صحيا سليم عشان ف امراض كتير مشتركه بين الانسان والقردة عموما وبالتالي لا

Shortcuts

Share

Category

Other Veterinarians in Giza

Show All