https://www.facebook.com/106038511070653/

AQUA PETS, Kollam (2025)

11/07/2021

Betta (Siamese fighting fish)

24/03/2021

Red-Yellow colour parrot Fish 🎏🐟

13/01/2021

OSCAR FlSH | Copper & Fire Red variaties

12/01/2021

Japaneese Koi Collection

11/01/2021

Guppy I Chilly Mosaic Dumbo Ear

10/01/2021

Platinum white pearl scale angel fish 🐟

31/12/2020

Special Zoom View of Live Feed Artemia ! :)

29/08/2020

Fighters 🔥🔥🔥🔥

NB: Not for sale

03/08/2020

Identify fishes by their tail types...

01/08/2020

🐟മത്സ്യരോഗങ്ങളും പ്രതിവിധിയും🐟

🐠 വി.എസ്. നീതു, ഡോ. ബി. പ്രദീപ്🐠

സമ്മർദമാണ് പലപ്പോഴും മത്സ്യങ്ങളിൽ രോഗകാരണം. സമ്മര്‍ദം മത്സ്യങ്ങളുടെ രോഗപ്രതിരോധശേഷി കുറയ്ക്കുകയും രോഗാണുക്കൾ അവയെ ബാധിക്കുകയും ചെയ്യുന്നു.

വളർത്തുകുളങ്ങളിലെയും അക്വേറിയ ങ്ങളിലെയും കൃത്രിമ സാഹചര്യങ്ങളിൽ മത്സ്യങ്ങൾക്കു രോഗങ്ങൾ ഉണ്ടാകാൻ സാധ്യതയേറെ. രോഗാണുക്കൾ ജലത്തിൽ സാധാരണ ചെറിയ അളവിൽ കാണാറുണ്ട്. അനുകൂല സാഹചര്യത്തിൽ ഇവ പെരുകുകയും മത്സ്യങ്ങളിൽ രോഗമുണ്ടാകുകയും ചെയ്യുന്നു. സമ്മർദമാണ് പലപ്പോഴും മത്സ്യങ്ങളിൽ രോഗകാരണം. സമ്മര്‍ദം മത്സ്യങ്ങളുടെ രോഗപ്രതിരോധശേഷി കുറയ്ക്കുകയും രോഗാണുക്കൾ അവയെ ബാധിക്കുകയും ചെയ്യുന്നു.

രോഗം വന്നിട്ടു ചികിത്സിക്കുന്നതിനെക്കാൾ നല്ലത് രോഗം വരാതെ നോക്കുന്നതാണല്ലോ. മത്സ്യങ്ങളിൽ രോഗം വന്നിട്ടുള്ള ചികിത്സ എത്രമാത്രം ഫലപ്രദമാണെന്നു പറയാൻ കഴിയില്ല. രോഗം ബാധിച്ചാൽ മത്സ്യങ്ങൾ തീറ്റയെടുക്കാറില്ല. അതിനാൽ അന്നപഥത്തിലൂടെ അവയ്ക്കു മരുന്നു നൽകുക പ്രയാസമാണ്. മരുന്ന് ജലത്തിൽ ലയിപ്പിച്ചു കൊടുക്കുക മാത്രമാണു പ്രതിവിധി.

🌡️രോഗങ്ങൾ, ലക്ഷണങ്ങൾ🌡️:-

രോഗം ബാധിച്ച മത്സ്യം പൊതുവെ തീറ്റയോടു വിരക്തി കാണിക്കുകയോ അവയുടെ ചിറകുകൾ ചുരുക്കി വയ്ക്കുകയോ ചെയ്യും. ശരീരം ടാങ്കുകളിലെ വശങ്ങളിലോ പ്രതലങ്ങളിലോ ഉരസുകയോ അനങ്ങാതെ വശങ്ങളിലേക്കു മാറി നിൽക്കുകയോ ചെയ്യും. രോഗമുണ്ടെന്നു കാണുന്ന മത്സ്യങ്ങളെ ഉടനടി പിടിച്ചു മാറ്റുകയാണു രോഗം പടർന്നുപിടിക്കാതിരിക്കാനുള്ള വഴി. രോഗമുള്ളവയെ ചികിത്സയ്ക്കായി മാറ്റി പാർപ്പിക്കാൻ ചെറിയ ടാങ്കുകൾ (ആശുപത്രി ടാങ്കുകൾ) ഉപയോഗിക്കാം. മത്സ്യങ്ങളുടെ വലുപ്പത്തിന് ആനുപാതികമായിട്ടാണ് ആ ശുപത്രി ടാങ്കുകളുടെ വലുപ്പം നിർണയിക്കുക.

🌡️രോഗങ്ങൾ വന്നാൽ🌡️:-

രോഗലക്ഷണങ്ങൾ കണ്ടുതുടങ്ങിയാൽ കല്ലുപ്പ് (കറിയുപ്പ്) ജലത്തിൽ ഇട്ടുകൊടുക്കുന്നത് സാധാരണ ചികിത്സയാണ്. ഉപ്പ്, മൂന്ന് ഗ്രാം ഒരു ലീറ്റർ വെള്ളത്തിൽ ചേർത്തു കൊടുക്കുക. രോഗം ബാധിച്ചു എന്നു തോന്നിയാൽ കുളത്തിലെ പകുതി വെള്ളം മാറ്റുകയും നല്ല വായുസഞ്ചാരം കൊടുക്കുകയും വേണം. ഡിപ്പ്, ബാത്ത് എന്നിങ്ങനെ രണ്ടുവിധത്തിൽ മരുന്നു പ്രയോഗിക്കാം. ഡിപ്പ് എന്നാൽ കൂടിയ ഗാഢതയിൽ കുറഞ്ഞ സമയത്തിനുള്ളിൽ മരുന്നു കൊടുക്കുന്ന രീതിയാണ്. രോഗം ബാധിച്ച മത്സ്യങ്ങളെ മരുന്ന് ഒഴിച്ച ടാങ്കിൽ ഏതാനും സെക്കൻ‍‍ഡ് നേരം മുക്കിയെടുക്കുകയാണു ചെയ്യുക. കുറഞ്ഞ ഗാഢതയിൽ കൂടുതൽ സമയം മുക്കിയെടുക്കുന്നതാണ് ബാത്ത്.

ഏതു രോഗത്തിനും പ്രയോഗിക്കുന്ന മരുന്നാണ് പൊട്ടാസ്യം പെർമാംഗനേറ്റ് ലായനി. രോഗത്തിന്റെ അവസ്ഥ നോക്കി ഇത് ഡിപ്പ് ആയോ ബാത്ത് ആയോ കൊടുക്കുന്നു. അണുനശീകരണമാണു പ്രധാന ലക്ഷ്യം. അതിനാൽ പുറത്തുനിന്നു വരുന്ന മത്സ്യങ്ങളെ, ടാങ്കുകളിൽ നിക്ഷേപിക്കുന്നതിനു മുമ്പു പൊട്ടാസിയം പെർമാംഗനേറ്റ് ലായനി ഉപയോഗിച്ച് ഡിപ്പ് അല്ലെങ്കിൽ ബാത്ത് ചെയ്യേണ്ടതാണ്. ഇതുമൂലം പുറമേനിന്നു വരാവുന്ന രോഗങ്ങളെ ഒരു പരിധിവരെ ഒഴിവാക്കാം. പകരുന്ന രോഗങ്ങൾ മുഖ്യമായും ബാക്ടീരിയ, കുമിൾ, ഏകകോശ പരാദജീവികൾ, മത്സ്യപേനുകൾ എന്നിവ മൂലമാണ് ഉണ്ടാകുന്നത്. പകരാത്തവയ്ക്കു കാരണം മുഖ്യമായും സംരംഭകരുടെ അറിവില്ലായ്മ യും അശ്രദ്ധയുമാണ്. മത്സ്യങ്ങൾക്കു സമ്മർദംമൂലമാണല്ലോ രോഗമുണ്ടാകുന്ന ത്. മത്സ്യങ്ങളിൽ സമ്മർദം ഉണ്ടാകാൻ പലകാരണങ്ങളുണ്ട്. ഉദാ: ജലത്തിന്റെ ഗുണനിലവാരം മോശമാവുന്നത്, ജലത്തിലെഅമ്ല–ക്ഷാര (പിഎച്ച്) നിലയിലുള്ള വ്യത്യാസം, ജലത്തിലുള്ള പ്രാണവായു (Oxygen) വിന്റെ അളവു തീരെ കുറയുന്നത്. ടാങ്കുകളിലെ മുഴുവൻ വെള്ളവും ഒരുമിച്ചു മാറ്റുന്നതും ഒരു കാരണമാണ്.

സമ്പൂർണ മത്സ്യത്തീറ്റയിൽ മാംസ്യം, കാർബോ ഹൈഡ്രേറ്റുകൾ, കൊഴുപ്പുകൾ, ജീവകങ്ങൾ, ധാതുലവണങ്ങൾ എന്നിവ ഉണ്ടാകണം. ഇവയുടെ കുറവു മൂലവും മത്സ്യങ്ങൾക്കു രോഗം പിടിപെടാം (ഉദാ: ലോർടോസിസ്, സ്കോളിയോസിസ്). അ ഞ്ചു മിനിറ്റിനുള്ളിൽ കഴിച്ചുകഴിയുന്ന തോതിൽ മാത്രം തീറ്റ നൽകണം. അധികം വരുന്ന തീറ്റ അടിഞ്ഞുകൂടിയാൽ അതിൽ കുമിൾ വരികയും അതുവഴി മത്സ്യങ്ങൾക്കു രോഗങ്ങൾ ഉണ്ടാവുകയും ചെയ്യും.

വെയിൽ പതിയുന്ന തുറന്ന സ്ഥലങ്ങളിൽ ടാങ്കുകൾ സ്ഥാപിക്കുന്നതു സസ്യപ്ലവകങ്ങളുടെ വളർച്ചയ്ക്കു കാരണമാകുന്നു. ഇതുമൂലം ജലത്തിൽ പച്ചപ്പു നിറയുകയും ജലത്തിലുള്ള പ്രാണവായുവിന്റെ അളവു കുറയുകയും ചെയ്യുന്നു. ഇതും രോഗങ്ങൾ ഉണ്ടാകാൻ കാരണമാകുന്നു. പൊരുത്തമില്ലാത്ത മത്സ്യങ്ങളെ ഒരുമിച്ചു വളർത്തുന്നതു വഴി അവ തമ്മിൽ ഉപദ്രവിക്കുകയും അതുവഴി ശരീരത്തിൽ മുറിവുകൾ ഉണ്ടാവുകയും രോഗകാരണമായിത്തീരുകയും ചെയ്യുന്നു.

🌡️രോഗങ്ങൾ പ്രതിവിധി🌡️:-

🦠ബാക്ടീരിയൽ രോഗങ്ങൾ(രോഗം / രോഗകാരി, രോഗലക്ഷണം, പ്രതിവിധി എന്ന ക്രമത്തിൽ‍)...

🐳ഡ്രോപ്സി (എയറോമോണാസ് ഹൈഡ്രോഫില്ല):- വീർത്ത വയർ, വശങ്ങളിലേക്ക് ഉതിർന്നുനിൽക്കുന്ന ചെതുമ്പലുകൾ, ഇളകി പുറത്തേക്കു നിൽക്കുന്ന കണ്ണുകൾ.

🐳വാലും ചിറകും ചീയൽ (എയറോമോണാസ്:- ചിറകുകളുടെ നിറം മങ്ങുകയും കിരണങ്ങൾക്കിടയിലുള്ള കലകൾ ജീർണിക്കുകയും ചെയ്യും.

🐳ക്ലൗഡ് ഐ (എയറോമോണാസ് ലിക്യുഫാസിയെൻസ്):- മത്സ്യങ്ങളുടെ കണ്ണുകൾ പുറത്തേക്കു തള്ളിനിൽക്കുക.

🐳കൊളുംമനാരിസ് (ഫ്ലെക്സിബാക്റ്റർ കൊ ളുംമനാരിസ്):- മത്സ്യങ്ങളുടെ ശരീരത്തിൽ പാൽപാടപോലെ കാണപ്പെടുന്നു.

🐳ട്യൂബർകുലോസിസ് (മൈകോ ബാക്ടീരിയം): വലിയ തല, ക്ഷീണിച്ച ശരീരം, തുറന്ന വയർ, വ്രണങ്ങൾ.

🌡️"പ്രതിവിധി:- ആന്റിബയോട്ടിക്കായ ഓക്സി ടെട്രാസൈക്ലിൻ ഒരു ലീറ്റർ വെള്ളത്തിൽ 20 മി.ഗ്രാം എന്ന തോതിൽ കൊടുക്കാം. ഇതിനു പുറമേ എറിത്രോമൈസിൻ, ടെട്രാസൈക്ലിൻ, ഹൈഡ്രോ ക്ലോറൈഡ് എന്നീ ആന്റിബയോട്ടിക്കുകളും കൊടുക്കാവുന്നതാണ്."

🦠 പ്രോട്ടോസോവ രോഗങ്ങൾ (രോഗം/ രോഗകാരി, രോഗലക്ഷണം, പ്രതിവിധി എന്ന ക്രമത്തിൽ‍)...

🐳വെള്ളപ്പൊട്ട് ( ഇക്തിയോഫ്തിയസ് മൾട്ടിഫിലിസ്):-ശരീരത്തിൽ ഉടനീളം വെള്ള കുത്തുകൾ വരുന്നു.

🐳വെൽവെറ്റ് (ഊ‍ഡീനിയം ഒസലേറ്റം):- ശരീരത്തിൽ തുരുമ്പുപിടിച്ചതുപോലെയുള്ള പാടുകൾ പ്രത്യക്ഷപ്പെടുകയും വെൽവെറ്റ് തുണിപോലെ കാണപ്പെടുകയും ചെയ്യുന്നു.

🐳വെർലിങ് (മിക്സോബോലസ് സെറിബ്രാലിസ്):- മത്സ്യം ചുറ്റിക്കറങ്ങി നീന്തുക, അസ്ഥികൾ ക്ഷയിക്കുക.

🌡️പ്രതിവിധി: രോഗബാധിതരായ മത്സ്യങ്ങൾ അക്വേറിയത്തിലാണെങ്കിൽ ജലത്തിന്റെ താപനില ഹീറ്റർ ഉപയോഗിച്ച് 28 ഡിഗ്രി സെല്‍ഷ്യസ് ആയി നിലനിർത്തുക.

തള്ളമത്സ്യങ്ങൾ ഉള്ള ടാങ്കിൽ 3 ഗ്രാം കല്ലുപ്പ് / കറിയുപ്പ് ഒരു ലീറ്റർ വെള്ളത്തിൽ ചേർത്തു കൊടുക്കാം. FMG മിക്സ് കൊടുക്കാം.

അല്ലെങ്കിൽ ഫോർമാലിൻ ഒരു മില്ലി 100 ലീറ്റർ വെള്ളത്തിൽ കൊടുക്കുക. (FMG മിക്സ് – ഒരു ലീറ്റർ ഫോർമാലിനിൽ 3.3 ഗ്രാം മാലക്കേറ്റ് ഗ്രീൻ ചേർത്ത് സ്റ്റോക്ക് ലായനി ഉണ്ടാക്കുക. ഈ സ്റ്റോക്ക് ലായനിയിൽ നിന്ന് 1.5 മി.ലീ. എടുത്ത് 100 ലീറ്റർ വെള്ളത്തിൽ ചേർത്തു കൊടുക്കുക)."

🦠 കുമിൾ രോഗം (രോഗം / രോഗകാരി, രോഗലക്ഷണം, പ്രതിവിധി എന്ന ക്രമത്തിൽ‍)...

🐳സാപ്രോലെഗ്നിയ (സാപ്രോലെഗ്നിയ അക്കൈല):-മത്സ്യങ്ങളുടെ ശരീരത്തിൽ പഞ്ഞിനാരുപോലെ കാണുന്നു.

🌡️പ്രതിവിധി:- FMG മിക്സ് ഉപയോഗിക്കാം / ഫോർമാലിൻ ഒരു മില്ലി 100 ലീറ്റർ വെള്ളത്തിൽ കൊടുക്കുക."

🦠മത്സ്യപ്പേൻ:- ശാസ്ത്രനാമം ലെർണിയ അർഗുലസ്. മത്സ്യങ്ങളുടെ ശരീരത്തിലും ചിറകുകളിലും ഒട്ടിപ്പിടിച്ച നിലയിൽ കാണുന്നു. വളർച്ച മുരടിക്കുക, ചെതുമ്പലുകൾ പൊഴിയുക, ചുവന്ന പാടുകൾ പ്രത്യക്ഷമാവുക. FMG മിക്സ് പ്രയോഗിക്കാം. റോസിബാർബ് ഇനത്തിൽപ്പെട്ട മത്സ്യങ്ങളെ ടാങ്കുകളിൽ നിക്ഷേപിക്കാം.

🌡️പ്രതിവിധി:- റോസിബാർബ് മത്സ്യപ്പേനുകളെ ഭക്ഷിക്കും."

വിലാസം:- പ്രോജക്ട് അസിസ്റ്റന്റ്, സബ്ജക്റ്റ് മാറ്റർ സ്പെഷ്യലിസ്റ്റ് ഫിഷറീസ്, കൃഷിവിജ്ഞാനകേന്ദ്രം, കോഴിക്കോട്. ഫോൺ: 04962662372.

29/07/2020

Ram cichlid

The blue ram is a species of freshwater fish endemic to the Orinoco River basin, in the savannahs of Venezuela and Colombia in South America.The species has been examined in studies on fish behaviour and is a popular aquarium fish, traded under a variety of common names, including ram, blue ram, German blue ram, Asian ram, butterfly cichlid, Ramirez's dwarf cichlid, dwarf butterfly cichlid and Ramirezi.The species is a member of the family Cichlidae .

24/07/2020

എല്ലാവരുടെയും ശ്രദ്ധക്ക്..❗❗❗

കേരളത്തിൽ കോവിഡ് കൂടിക്കൊണ്ടിരിക്കുന്ന ഈ അവസരത്തിൽ എല്ലാ സ്ഥലവും എപ്പഴാണ് ലോക്ക്ഡൌൺ ആവുക എന്നറിയില്ല. അതുകൊണ്ട് ഭക്ഷണവും മരുന്നും കരുതുന്നപോലെ നിങ്ങളുടെ petsകൾക്കും ഭക്ഷണവും അത്യാവശ്യ മരുന്നുകളും വീട്ടിൽ കരുതിയിരിക്കുക. അസുഖം വന്നിട്ട് ഓടി നടക്കുന്ന കാഴ്ച നാം പലപ്പോഴും കണ്ടു വരുന്നു അതിനാൽ എല്ലാവരും ഇത്തരം മുൻകരുതൽ എടുക്കുക

24/07/2020

വ്യത്യസ്ത ബ്രീഡിംഗ് രീതികൾ

1 ഇൻ ബ്രീഡിങ്

ഈ ഒരു രീതി അത്യാവശ്യം എവിടെയും കണ്ടുവരുന്ന ഒരു രീതി തന്നെയാണ്. അതായതു ഒരു ജോഡി മത്സ്യത്തെ മേറ്റ്‌ ചെയ്തു അതിൽ കുട്ടികൾ ലഭിക്കുകയും അവയെതന്നെ വീണ്ടും മേറ്റ് ചെയ്തു കുട്ടികളെ ഇറക്കുന്നു. ഈ ഒരു രീതി തുടർന്ന് പോകുകയും ചെയ്യുന്നു. ഇതിനെ ഇൻബ്രീഡിങ് എന്ന് പറയുന്നു . ഈ രീതി കഴിവതും ഒഴിവാക്കുക . കാരണം ഓരോ തലമുറകൾ പിന്നിടുമ്പോൾ അവയുടെ ഗുണനിലവാരത്തിൽ മാറ്റം സംഭവിക്കുകയും പ്രതിരോധശേഷി കുറയുന്നതിനും കാരണമാകുന്നു . കൂടാതെ അവയുടെ വളർച്ച കുറവ് , നിറത്തിന് കുറവ്, പ്രിന്റ് മാറ്റം വരുന്നു , നടുവിന് ബെൻഡ് തുടങ്ങിയ ജനിതമായ ഒത്തിരി മാറ്റങ്ങൾ ഇൻബ്രീഡിങ്ലൂടെ ഉണ്ടാകുന്നു. തുടക്കകാരെ സംബന്ധിച്ചു ഈ മാറ്റങ്ങൾ മനസിലാക്കുവാൻ കാലതാമസം ഉറപ്പായും ഉണ്ടാകും.

2. ബാക്ക് ക്രോസിങ്

തുടക്കകാരെ സംബന്ധിച്ച് എളുപ്പം ചെയ്യാവുന്ന രീതിയാണ്. അതായത് ആദ്യം ഗുണനിലവാരമുള്ള ഒരു ബ്രീഡിനെ ഒരു ആൺ &പെൺ മത്സ്യത്തെ വാങ്ങി മേറ്റ് ചെയ്തു അതിൽ നിന്നും ഇറങ്ങുന്ന കുട്ടികളെ ആൺ പെൺ വേർതിരിച്ചു വളർത്തുകയും 3 മാസത്തിനു ശേഷം അവയിൽ മികച്ച പെൺ മത്സ്യത്തെ മുന്തലമുറയിലെ ആൺ മത്സ്യവുമായി മേറ്റ് ചെയ്തു ഇറങ്ങുന്ന കുട്ടികളെ ഒന്നാമത്തെ ലൈനിൽ ഇറങ്ങിയ കുട്ടികൾ ആയി മേറ്റ് ചെയ്തു മുന്നോട്ടു പോകുന്ന രീതിയാണ് ബാക്ക് ക്രോസിങ് . ഈ രീതി അത്യാവശ്യം മാർക്കറ്റും വിലയും ലഭിക്കുന്നു . ഇതിൽ ശ്രദ്ധിക്കേണ്ട കാര്യം എല്ലാ ലൈൻ കുഞ്ഞുങ്ങളിലും ഒരു മാസം എങ്കിലും ആകുമ്പോൾ ആൺ പെൺ വേര്തിരിച്ചിരിക്കണം എന്നതാണ്. അല്ലാത്ത പക്ഷം അവ തമ്മിൽ മേറ്റ് ചെയ്യുവാൻ സാധ്യത ഉണ്ട് . ഈ രീതിയിൽ വ്യക്തമായി പറഞ്ഞാൽ ഒരു തലമുറ പിന്നിലേയ്ക്ക് മാറ്റി ക്രോസ്സ് ചെയ്യുക എന്നതാണ്.

3. ഔട്ട്‌ ക്രോസിങ്

ഈ ഒരു രീതിയിൽ മുൻപ് പറഞ്ഞതിൽ കുറച്ചു മെച്ചപ്പെട്ട രീതിയാണ്. ഇതിനായി നമ്മുടെ കയ്യിൽ ഉള്ള പെയർ ഫസ്റ്റ് മേറ്റ് ചെയ്തു കിട്ടുന്ന കുഞ്ഞുങ്ങൾ ഒരു 3മാസം കഴിയുമ്പോൾ അതെ ബ്ലഡ്‌ ലൈൻ അല്ലാത്ത അതായത് മറ്റൊരു ഫാമിൽ നിന്ന് വാങ്ങിയ ക്വാളിറ്റി ഉള്ള ഒരു മീനിനെ കൊണ്ട് മേറ്റ് ചെയ്തു കിട്ടുന്ന കുഞ്ഞുങ്ങളെ ആദ്യ തലമുറയുമായ് മേറ്റ് ചെയ്യുന്നു ഈ രീതിയെ ഔട്ട്‌ ക്രോസിങ് എന്ന് പറയുന്നു. ഈ രീതി സാദാരണ അപേക്ഷിച്ചു ചിലവ് വളരെ കൂടുതലാണ് . കാരണം ഓരോ തലമുറയ്ക്ക് രണ്ടു ടാങ്ക് വെച്ച് കൂടുന്നു . മെയിൽ & ഫീമെയിൽ വേർതിരിച്ചു ചെയ്യുമ്പോൾ ഒരു സ്ട്രെയിനു തന്നെ ഏകദേശം 10നുമേൽ ടാങ്ക് ആവശ്യം വരുന്നു. ഈ രീതിയിൽ ചെയ്താൽ മുൻപോട്ട് ഉള്ള തലമുറ നല്ലക്വാളിറ്റി നിലനിർത്തിപോകുന്നത് കാണാം. ഇതിൽ സംഭവിക്കുന്നത് നമ്മുടെ കയ്യിൽ ഉള്ള ബ്ലഡ്‌ ലൈൻ രണ്ടാമത് കൊണ്ട് വന്ന ബ്ലഡ്‌ ലൈൻ മാറ്റി മേറ്റ് ചെയ്യുമ്പോൾ അവയുടെ ജനിതക DNA മാറ്റം വരുകയും ഇതുമൂലം വ്യത്യസ്തമായ ലൈനിൽ തുടർന്ന് പോകുവാൻ സാധിക്കുന്നു. ഇതിൽ എടുത്തു പറയുവാൻ ഉള്ളത് ആദ്യ പെയർ വാങ്ങിയ ഫാമിൽ നിന്നും ഒരിക്കലും അടുത്ത പെയർ വാങ്ങാതിരിക്കുക. അതെ സ്‌ട്രെയിൻ മറ്റു ആരുടേലും കയ്യിൽ നിന്നും കണ്ടെത്തുന്നതാകും വളരെ നല്ലത്.

4 ലൈൻ ബ്രീഡിങ്

ഏറ്റവും മികച്ച റിസൾട്ട്‌ ഉള്ള രീതിയും മേൽപ്പറഞ്ഞ ബാക്കി 3 രീതിയെക്കാളും ചിലവേറിയതുമായ രീതി തന്നെയാണ് ഇതു. കാരണം ഓരോ തലമുറ ഇറങ്ങുന്നതനുസരിച്ചു രണ്ടു ടാങ്ക് വെച്ച് കൂട്ടി വരുമ്പോൾ 12മുതൽ 18വരെ ടാങ്കുകൾ ആവശ്യമാണ്. പിന്നെ ഈ രീതി ഒരു നല്ല സ്‌ട്രെയിൻ മാർക്കറ്റിൽ എത്തിക്കുവാൻ കുറഞ്ഞത് ഒരു വർഷമോ അതിന് മുകളിലോ ആയേക്കും എന്നതാണ്. എന്നാൽ ഈ പരിശ്രമം നല്ല ഒരു മാർക്കറ്റ് നമുക്ക് തുറന്നു തരും എന്നത് ഉറപ്പാണ്. പറയുന്ന വില നൽകി ഫിഷിനെ വാങ്ങിക്കുവാൻ ക്വാളിറ്റി ഇഷ്ടപ്പെടുന്ന ധാരാളം പേർ തയ്യാറാകും എന്നതാണ് ഇതിന്റെ പ്രത്യേകത. ഈ രീതിയുടെ വ്യത്യാസം എന്തെന്നാൽ ഒരു 30 തലമുറ അല്ലേൽ ഒരു 15വർഷം കഴിഞ്ഞാലും ആദ്യ ക്വാളിറ്റി നിലനിന്നു വരും എന്ന് ഉറപ്പായിരിക്കും.

ഈ രീതി എന്ത് എന്ന് പറഞ്ഞാൽ രണ്ടു പെൺഗപ്പിക്ക് ഒരു ആൺഗപ്പി എന്ന രീതിയിൽ ഇവയെ മേറ്റ് ചെയ്യുക. ഇതിനെ ഒരു 4-5 ദിവസം ഒന്നിച്ചിടുക. മേറ്റ് ആയതിനു ശേഷം രണ്ടു പെൺഗപ്പികളെയും രണ്ടു പാത്രങ്ങളിൽ മാറ്റുകയും അവയിൽ ഉണ്ടാകുന്ന കുഞ്ഞുങ്ങളെയും ആൺ പെൺ വേർതിരിച്ചു അതേ രീതിയിൽ വെവ്വേറെ തന്നെ മാറ്റിയിടുക. ഒരു കാരണവശാലും ഇതു ഒന്നിച്ചു ഇടുവാൻ പാടില്ല. വീണ്ടും നല്ല ക്വാളിറ്റി നോക്കി അതിൽ നിന്നും തിരഞ്ഞെടുക്കുന്ന ഗപ്പികൾ മേറ്റ് ചെയ്തു മുന്നോട്ടു തലമുറകൾ ഇറങ്ങിക്കൊണ്ടേയിരിക്കും ഇതിനെ ലൈൻബ്രീഡിങ് എന്ന് പറയുന്നു.
ഇങ്ങനെ ആദ്യ കുഞ്ഞുങ്ങൾ ലഭിച്ചു അതിൽ നിന്നും കിട്ടുന്ന കുഞ്ഞുങ്ങൾ f1ബാച്ച് എന്ന് വിളിക്കുന്നു അടുത്തത് f2അങ്ങിനെ നീണ്ടു പോകുന്നു.
ഈ രീതിയിൽ ഏറ്റവും ശ്രദ്ദിക്കേണ്ടത് ആദ്യ രണ്ടു ലൈൻ എന്നത് നമ്മൾ എത്രകാലം ഇതു തുടരുന്നുവോ അത്രകാലം അത് മിക്സാകാതെ തന്നെ ശ്രദ്ദിക്കുക എന്നതാണ്.

22/07/2020

Guppy | Moscow Violet Ribbon

NB : NOT FOR SALE

21/07/2020

FRESHWATER AQUARIUM FISH VARIETIES

Most Popular Aquarium Freshwater Fish in one video

1) Guppy fish
2) Molly fish
3) Platy fish
4) Goldfish
5) koi fish
6) Angelfish
7) Zebrafish
8) Tiger barb
9) Tinfoil barb
10) Three spot gourami fish
11) kissing gourami
12) Discus fish
13) Black ghost knifefish
14) Betta Fish ( Fighter)
15) Parrot fish
16) Flowerhorn fish
17) Oscar fish
18) Arowana fish
19) Catfish
20) Giant gourami
21) Piranha fish
22) Red-tailed black shark
23) Shark fish
24) Alligator gar fish

12/07/2020

Beta Fish | Full white OHM

19/06/2020

Guppy Lovers hit Like ...

23/05/2020

Molly Fish

Poecilia sphenops is a species of fish, of the genus Poecilia, known under the common name molly; to distinguish it from its congeners, it is sometimes called short-finned molly or common molly. They inhabit fresh water streams and coastal brackish and marine waters of Mexico