Dr. Prabodani Kaushalya

Dr. Prabodani Kaushalya 🐶SAVE ANIMALS.SAVE HUMANITY🫂
(8)

පුංචි නිකී ගේ කතාවමේක ඉතාමත්ම දුක්බර කතාවක්, නිවසේදි සිදු වු හදිස්සි අනතුරකින්, එනම් ඉතා බර ලී දොරක් මාස එක හමාරක් පමණ ව...
18/06/2024

පුංචි නිකී ගේ කතාව

මේක ඉතාමත්ම දුක්බර කතාවක්, නිවසේදි සිදු වු හදිස්සි අනතුරකින්, එනම් ඉතා බර ලී දොරක් මාස එක හමාරක් පමණ වු පුංචි නිකේගේ ඔලුවට වැටිලා. අස්ථි පද්ධතිය ශක්තිමත්ව හැදි නැති නිසා මොළයට බරපතළ හානි වෙලා එක් ඇසක් එළියට පැනලා, අනික් ඇසේ පෙනුම අහිමි වෙලා.

අනතුර සිදු වු දිනම නීකිව ළඟ සිටින පශු වෛද්‍යවරයාට පෙන්වා ප්‍රතිකාර කලද සුව නොවු නිසා අප්‍රේල් 12 වන දින, දුර ගැන නොසිතා නීකීව අයිතිකරුවන් අප Care Pets International (Matale) වෙත රැගෙන එනු ලැබුවා.

නීකිව මුලිකව නීරික්ෂනය කරන විට අපිට,
නිකිගේ මොළයට හානි වෙලා මුහුනේ ඉදිරිපස කොටසේ ස්නායු වලට ඉතා බරපතල ලෙස හානි වෙලා. කට , දිව ආදියේ ක්‍රියාකරිත්වය නැති වෙලා ගිහිල්ලා. ආහාර හා ජලය ගැනිමට නොහැකිව තිබු අතර එක ඇසක් එලියට පැන නරක් වෙලා. අනෙක් ඇස සුදු පාට වෙලා, කියල හඳුනා ගත්තා.

ඉතින් වෙනද වගේම හැකි විගස සේලයින් මගින් අපි ප්‍රතිකාර ආරම්භ කලා. සති දෙකක කාලයක් යන විට අපට නිකිගේ එක් ඇසක පෙනුම නැවත ලබා ගැනීමට අපට පුළුවන් වුණා. ස්නායු ආබාධ ක්‍රමයෙන් සුව කරගනිමින් නැවත ආහාර තනිවම ලබාගැනිමට හැකි මට්ටමට සුව කර ගැනීමට හැකි වුවා. ඉතින් ඇවිදීමට පවා නොහැකිව සිටි නිකී ට ක්‍රමයෙන් ඇවිදීමට පවා වූවා.

මෙලෙස ආහාර හා ජලය නොමැතිව සති දෙකක් පමණ ප්‍රතිකාර කරනවිට නිවැරදි ප්‍රතිකාර සිදුනොවුන හොත් ඉතා කුඩා පැටවුන් විජලන තත්වයකට පත්විමේ අවදානමක් ඇත. එවැනි අවදානමක් ඉතා සාර්ථකව ජයගනිමින් මොළයේ දරුණු හානියක් නැවත සුව කර නැවත අලුතින්ම ජිවය ලැබු පුංචි සුරතලෙකු ලෙස නිකීගේ පවුලේ ආදරණියන්ට නැවත භාරදිමට හැකි විම Dr. Prabodani Kaushalaya ඇතුලු care pets international (pvt) ආයතනයේ අපි ලැබු ඉතා ආදරණිය තවත් ජයග්‍රහණයකි.

මේ දිනවල පවතින පාවෝ රෝගයෙන් පෙළෙන ඔබගේ සුරතලා වෙනුවෙන්ම විශේෂයෙන් සකස් කරන ලද වාට්ටු සමඟ.. දැන් මාතලේ.පවා රෝගය සෑදෙන පසු...
13/05/2024

මේ දිනවල පවතින පාවෝ රෝගයෙන් පෙළෙන ඔබගේ සුරතලා වෙනුවෙන්ම විශේෂයෙන් සකස් කරන ලද වාට්ටු සමඟ.. දැන් මාතලේ.

පවා රෝගය සෑදෙන පසු, එහි පවතින අමිහිරිකම අපි හොඳින් දනිමු. ඔබ වෙනුවෙන් කැපවීම සඳහා විශේෂිත පුහුණුව ලද කාර්ය මණ්ඩලය අප සතුවේ. ඔබ වෙනුවෙන් දිනකට හතර වතාවක් සේලයින් සමඟ ප්‍රතිකාර කිරීමට වැය වන්නේය රුපියල් 1500ක් පමණි.

වැඩි විස්තර සඳහා අමතන්න. 0752890100

🐾🎉 Wishing all our beloved pets and their devoted humans a joyful New Year filled with boundless love, laughter, and wag...
13/04/2024

🐾🎉 Wishing all our beloved pets and their devoted humans a joyful New Year filled with boundless love, laughter, and wagging tails! 🎊 May this year be brimming with purrs, cuddles, and unforgettable adventures with your furry companions. Let's cherish every precious moment together and continue to nurture the special bond we share with our loyal friends. Here's to a pawsome year ahead! 🐾💖

පසුපස පණ නැති වෙන්න ගිය Brownyමේකත් ඉතින් වෙනද වගේම ඉතා සංවේදී කතාවක්. Browny කෑගල්ලේ මහ පාර ගෙදර වෙලා ජිවත්වුන බව්වෙක...
30/03/2024

පසුපස පණ නැති වෙන්න ගිය Browny

මේකත් ඉතින් වෙනද වගේම ඉතා සංවේදී කතාවක්. Browny කෑගල්ලේ මහ පාර ගෙදර වෙලා ජිවත්වුන බව්වෙක්. එයා අනතුරකට ලක් වෙලා එක කකුලක් සම්පූර්ණයෙන්ම දණහිසෙන් ගැලවිලා, ඒ වගේම ඇවිදගන්නත් බෑ. ඉතින් වෛද්‍ය නිර්දේශය වුණේ කකුල කපා ඉවත් කිරීම. කොහොම වුණත් එයාව මාතලේ Care Pets International ගේන්න කරුණාවන්ත පිරිසකට පුලුවන්වුනා.

ඉතින් අපි brownige x කිරණ පරීක්ෂාවක් කලා. ඒවගේම අක්මාව වකුගඩු ආදියත් පරීක්ෂා කලා.

ඉතිං ඒ පරීක්ෂාවන්ගෙන් තහවුරු වුණා, එයාගේ කකුලට අමතරව උකුල් අස්ථියේ තැන් දෙකකින් බිඳී ඇති බව. අවාසනාවට උකුල් අස්ථිය බිඳිලා තිබෙන්නේ හානියක් නිතිබුන කකුල සම්බන්ධ වන ස්ථානයට ළඟින්. මෙය ඉතාම අසීරුබ් තත්ත්වයක්, හොදින් ඇති කකුල උඩින් උකුල් ඇටය බිඳිලා, උකුල් ඇටේ බිදුන නැති පැත්තේ කකුලක් දණහිස ගාවින් වෙන් වෙලා. අපිට මෙයාව අවිද්දව ගන්න එක තමයි අමාරුම වැඩේ. මොකද අපි කවුරුත් දන්නවා උකුල් ඇටේ බිදුනහම ඇවිද්දනවා කියන එක හරිම අමාරුයි.

දැන් තමයි මේ කතාවේ අමාරුම හරිය පටන් ගන්නේ.

තත්ත්වය ඉතාම දරුණු වුණේ, මෙයාගේ වකුගඩු සහ අක්මාව සම්බන්ධ පරීක්ෂණ වාර්තා දැක්කහම. වකුගඩු වලට හානි වෙලා අක්මාව ටත් හානි වෙලා. (WBC 36.5, Createnine 3.21, AST 78.4,) ඉතින් මේ සියල්ලම එක්ක සැත්කමක් සදහා භාජනය කරන එකත් ඉතාම අසීරු වැඩක්.

දවස් කීපයක් යනකොට browny වව් කහ වෙන්නත් ගත්තා. ඉතින් අපිට සිද්ධ වුණා මෙයාට ඉතාම ඉහළම මට්ටමේ ප්‍රතිකාර කරන්න. මිල අධික බෙහෙත් පවා දෙන්න. ඉතින් යුහුසුළුව, ඉතා නිවැරදිව ප්‍රතිකාර කරපු අපිට දින තුනක් යනකොට එයාගේ වකුගඩුවල තත්ත්වව්නියා යහපත් අතට ගන්න පුළුවන් උනා. ඒ වගේම අක්මාව සති කිහිපයක් යන විට යහපත් අතට ගන්න පුළුවන් වුණා.

අපිට උකුල් අස්ථිය බේරා ගැනීම අත්‍යවශ්‍ය වුණා. ඒ වගේම කැඩිච්ච කකුල බේර ගන්නත් සිද්ධ වෙනවා. මොකද ඒ කැඩිච්ච කකුල අයින් කළොත්, සම්පූර්ණයෙන්ම උකුල් ඇටය මත බර යෙදෙනවා. අබලන් උකුල් අස්තියට, ඒ බර තනිව ගන්න පුළුවන් කමක් නැහැ. ඒක නිසා අපට සිද්ධ උනා, ඒ හැම පැත්තක්ම සලකලා බලා, ශල්‍යකර්මයක් මගින් ඉවත් කිරීමට තිබූ කකුල ඉවත් නොකොට කෙසේ හෝ සුවපත් කර ගැනීමට. ඉතින් නේවාසික ප්‍රතිකාර ආරම්භ කිරීමට සිදුවූවා.

විශාලම අභියෝගය වූයේ බ්‍රව්නිගෙන්ම එයාගේ කකුල බේරගන්න එක. මොක මොකද දිනපතාම එයාගේ කකුලට යොදන වෙළුම්, සෑමදාම වගේ එයාම කඩා ගන්නවා. ඉතින් හැමදාම බ්‍රවුන්ට කකුලට වෙළුම් යොදන්න උනා. ඒ සමගම සේලයින් සමගින් අවශ්‍ය අනෙක් ප්‍රතිකාර සිදු කලා.

ඉතින් මාස දෙකක් අවසානයේදී බ්‍රවුනිට පුළුවන් වුණා තමන්ටම ඇවිදලා යන්න. දින ගණනක ප්‍රතිඵලය සතුටු කඳුළු බවට පරිවර්තනය කරමින් බ්‍රවුනිට නැවත ජීවිතයක් ලබාදීමට පුළුවන් වීම ගැන අපිට ඉතාම සතුටුයි.

ඉතින් මේකට මූල්‍ය ආධාර දක්වන්නේ ලියෝන් සැනිචරියේ Shehani Herath ඇතුළු පිරිස. ඒවගේම එයාලටත් තවත් බොහෝ කට්ටිය උදව් කරලා තිබුණා.

නිකී ගේ කතාවඅපි ගාවට ඉතින් විවිධ ආකාරයේ සුරතලුන් අරගෙන එනවා නේ. ඉතින් නිකී ත් ආවේ ඇනයක් ගිලලා කියලා හිතාගෙන. මොකද එයා කෑ...
21/03/2024

නිකී ගේ කතාව
අපි ගාවට ඉතින් විවිධ ආකාරයේ සුරතලුන් අරගෙන එනවා නේ. ඉතින් නිකී ත් ආවේ ඇනයක් ගිලලා කියලා හිතාගෙන. මොකද එයා කෑම කන එක අඩු වෙනවා වමනෙ දානවා, ඒ වගේම බඩ ඉදිමිලා තියෙනවා, ඒවගේම එයා රෙදි කෑලි වගේකුත් කෑවා කියලා කිව්වා.

වෙනද වගේම අපි ඉතින් මූලික ප්‍රතිකාර පටන් ගත්තා. නමුත් මූලික ප්‍රතිකාර වලින් එයාගේ රෝග තත්ත්වය අඩු වුණේ නැහැ. මූලික ප්‍රතිකාර වලින් සතියක් පමණ කලක් ගියත් එයාගේ බඩේ ඉදිම අඩවුණේ නැහැ. X Ray වලින් පවා විශේෂ වෙනසක් සොයාගන්න හම්බුනෙ නැහැ. එනිසා අවසානයේදී සිද්ධ වුණා ශල්‍ය කර්මයක් කරලා බඩ ඇතුළෙ තියෙන ගැටලුව විසඳීමට.

ඉතින් ඉස්සෙල්ලාම ය අවශ්‍ය කර්මයට සූදානම් කරල බඩ විවර කළා. එතකොට එයාගෙ කුඩා බඩවැල් ඇතුලේ කෑම ගොඩාක් එකතු වෙලා. ඒ වගේම කුඩා බඩවැල පිම්බිලා. එයාගේ මහා බඩවැල ඇතුලෙ අසූචි මුකුත් නැහැ. ඉතා සූක්ෂමව පරීක්ෂා කරපු අපිට දැනගන්න ලැබුණා කුඩා බඩවැලින් මහා බඩවැලට ආහාර ගමන් නොකරන බව. මේක ඉතාම දුර්ලභ තත්වයක්. කුඩා අන්ත්‍රයෙන් මහාන්ත්‍රයට ආහාර ගමන් කරන මාර්ගය අවහිර වෙලා. ඉතින් ඉතාම බැරෑරුම් සංකීර්ණ ශල්‍යකර්මයක් මගින් එම අවහිරතාවය මඟ හරවන්න අපට පුළුවන් වුණා. කුඩා අන්ත්‍රය සහ මහා අන්ත්‍රයේ ප්‍රධාන කපාටය මගහැරලා, අපට සිද්ධ වුණා වෙනත් මාර්ගයක් හරහා මහා අන්ත්‍රය , කුඩා අන්ත්‍රයට සම්බන්ධ කිරීමට. (ඇත්තටම මේක ආහාර මාර්ගයේ බයිපාස් සැත්කමක්)

ඉතින් ශල්‍ය කර්මය ඉතාම සාර්ථකව සිදු කිරීමට අපට පුළුවන් වුණා. ඉන්පසුව සතියක් පමණ දියරමය ආහාර පමණක් ලබා දෙමින් ආහාර මාර්ගයට තුවාලය සුව වීමට අවශ්‍ය ප්‍රතිකාර ලබාදුන්න.

දැන් නිකී වෙනද වගේම සුපුරුදු සුවයෙන් කල් ගෙවනවා

ආදරණීය තෙත හොම්බා,
ජීවිතය හැර යන්න හිටපු ඔබට,
කලින් වගේම ආයිමත් ඉන්නවා දැකීම,
අපිට ඉමහත් සතුටක්..

සුරතලුන්ට සැබවින්ම ආදරය කරන ඔබ වෙනුවෙන්, පශු වෛද්‍ය සහායිකා, සහායක තනතුරු සඳහා පුරප්පාඩු පවතී. (පුහුණු කාල සීමාව තුළ ර...
15/03/2024

සුරතලුන්ට සැබවින්ම ආදරය කරන ඔබ වෙනුවෙන්, පශු වෛද්‍ය සහායිකා, සහායක තනතුරු සඳහා පුරප්පාඩු පවතී. (පුහුණු කාල සීමාව තුළ රු.25000/- ක් සහ ස්ථීර සේවයේදී රු.40000/- ක වැටුප, මසකට දින අටක් නිවාඩු ලැබේ.)
ස්ථානය : මාතලේ Care Pets international රෝහල
ඔබේ අයදුම්පත 0740840940 යන අංකයට whatsapp කරන්න.


19/02/2024

🤕 බිහිසුනු අනතුරකින් බඩ පැලුන සුද්දී

✋මේක ඉතාමත්ම බිහිසුණු කතාවක්. අපි එයාට සුද්දී කියලා කියමු. මේ චූටි පැටියා එයාගේ සහෝදරයා එක්ක කිරිගල්පොත්තේ පාර අයිනට කවුරු හරි ගැනත් දාලා තිබුණා. මාස හතරක විතර වයස. ඉතින් වාහනයක් එහෙම එනකොට පාරෙන් අයින් වෙන්න තේරෙන්නෙත් නෑනේ. ඉතින් එක දවසක් එයාල සෙල්ලම් කර කර ඉන්නකොට පාරේ බස් එකක් ඒ දෙන්නාවම හප්පන්න ගිහිල්ලා. ඉතින් ඒ දරුණු අනතුරෙන් සහෝදරයා එතනම මේ ලෝකෙ දාලා යන්නම ගියා. ඉතින් සුද්දීටත් මේ අනතුරෙන් ඉතා දැඩි ලෙස තුවාල වුණා. එයාගේ යෝනි මාර්ගයේ ඉඳන් බඩ දක්වා වූ දරුණු තුවාලයක් තිබුණා. ඒත් එක්කම කකුල් දෙකක්ම කැඩිලා තිබුණා.

ඉතින් එයා Care Pets international අපේ ආයතනය වෙත රැගෙන ආවා. කවදත් වගේ යුහුසුළුව ක්‍රියාත්මක වූ අපි එයාට ප්‍රතිකාර කිරීම ආරම්භ කළා. ඉතින් ඒ සිද්ධ වෙච්ච අනතුරට එයාගේ යෝනි මාර්ගය ඉතා දැඩි ලෙස තැලිලා, ඉරිලා, අභ්‍යන්තර අවයවත් එතනින් එළියට ඇවිල්ලා. ඉස්සෙල්ලාම අපිට සිද්ධ උනා මුත්‍රා එන මාර්ගය පරීක්ෂා කරලා බලන්න. එයාගේ වාසනාවට එම මාර්ගයට බරපතල හානියක් වෙලා නෑ. නමුත් තැලීම් තිබුණා. ඒවගේම අභ්‍යන්තර අවයවත් නිසි ලෙස සකස් කිරීමට සිදු වූවා. ඉතින්
ඉතා බැරෑරුම් ශල්‍යකර්මයක් සිදු කරලා එයාගේ අවයව නිවැරදි විදියට හැදුවා.

ඉතින් එයා පහුවදා වෙනකොට සාමාන්‍ය විදිහට මුත්‍රා පිටකලා. දවස් දෙකක් තුනක් යනකොට සාමාන්‍ය විදිහට ආහාරපානත් ගන්න පුළුවන් වුණා. නමුත් කැඩුණු කකුල් සුව වෙන්න තව කල් වුවමනයි. ඒ වගේම තුවාලය සුව වෙන්නත් තව කල් උවමනයි.

ඉතින් දැන් එයා නේවාසිකව අපි ළඟ ප්‍රතිකාර ගනිමින්. ඉතාමත් ඉක්මනින් සුව වෙමින් ඉන්නවා. ඉතින් එයට උදව් කරන්න එයාව ගෙනාපු කාරුණික මහත්මයා වගේම DARSH & MARSH youtube channel එකේ ඒ මහත්මයත් මහත්මියත් දැඩි ලෙස කැප වෙනවා. (https://www.youtube.com/channel/UCtpzr3464EdKPNMGaOoRN5w) එයාව සනීප වුණාට පස්සේ බාරගන්නත් ඒ මහත්මයා කැමති වුණා. (එයාට ප්‍රතිකාර වෙන විදිය දැනගන්න ඕන නම් whatsapp message එකක් දාන්න. ඔයාලටත් දැක්කහම සතුටු හිතෙයි. ඔයාලත් උදව් වෙන්න කැමතිනම් දන්වන්න)

එයා දැන් නේවාසිකව ප්‍රතිකාර ගන්නවා. එයාට අනාගතේ කොහොමත් පැටව් හදන්න බැරිවෙයි. පැටව් බඩට ආවොත් පැටව් හිරවෙලා එයා මැරෙන්න පුළුවන් හැකියාව වැඩියි. ඒක නිසා එයාව මාස හය විතර වෙච්ච ගමන් ඔපරේෂන් කරන්නත් ඕනේ.

මොකුත්ම නොතේරෙන අසරණ ජීවිත
පාර අයිනේ වාහන වලට බිලි වෙනවා
ඔයාලත් පුළුවන් හැම වෙලාවෙම
මේ වගේ අසරණ ජීවිතයකට
හෙවනක් වෙන්න...🙏

කලූගේ කතාවපැණිදෙණිය දුම්රියපොළ අසල හැදි වැඩුන කලු අවුරුදු පහළවක පමණ පිරිමි බව්වෙක්.. කාත් කවුරුවත් නැති කලුගේ අම්මා වුන...
17/02/2024

කලූගේ කතාව

පැණිදෙණිය දුම්රියපොළ අසල හැදි වැඩුන කලු අවුරුදු පහළවක පමණ පිරිමි බව්වෙක්.. කාත් කවුරුවත් නැති කලුගේ අම්මා වුනේ ඒ අසලම පදිංචි වෙලා හිටපු ආදරණිය සොහොයුරියක්

මෙහෙම ඉන්න අතරේ කලුගේ පිටුපස ප්‍රදේශයේ ඉදිමුමක් පෙනෙන්න ගත්තා... මේ සදහා ප්‍රතිකාර කරන්න කලුගේ අම්මා කලුව අරන් නොගියපු තැනක් නෑ

ඉතින් ඒ ගියපු ගොඩාක් තැන්වලින් විවිධ ආකාර ප්‍රතිකාරත් කරලා තිබුණා. නමුත් ඒ කිසිවකින් එයාට සාර්ථක ප්‍රතිඵල ලැබුණේ නැහැ. එයාගෙ තත්ත්වය එන්න එන්නම අසාධ්‍ය වුණා. අවසානයේදී කලූ කොහොම හරි මාතලේ Care Pets International අපි ලගට අරගෙන්න එන්න කළුගේ අම්මට පුළුවන් වුණා.

ඉතින් කළු දැකපු අපට දැක ගන්නට හැකි වුණේ ඉතාම කණගාටුදායක දර්ශනයක්.
අධික සැරව ප්‍රමාණයක් ගලා යන අධික දුර්ගන්ධයක් හමන පැසවපු තුවාලයක් කලුගේ පිටුපස ප්‍රදේශයේ නැට්ට ආසන්නයේ ඇති බවයි .
ඉතින් ලැබුණු අභියෝගය අපි භාර ගත්තා. අපි මුලින්ම සැරව සහිතව තිබුණු තුවාලය යම්කිසි මට්ටමකට අඩුවන තුරු ප්‍රතිකාර කළා. දින කීපයකට පසුව අපට අතිශය බැරෑරුම් වූ ශල්‍යකර්මය කිරීමට සිදුවූවා. මෙය parenial Hernia තත්ත්වයක්. එයාගේ පුරස්ථි ග්‍රන්ථය විශාල ලෙස ඉදිමි , පැසවා , සැරව පිරුන සිදුරු කිහිපක්ද සහිතව මුත්‍රාශයත් එක්ක උකුල් ඇටය හරහා වල්ගය දෙසට ඇවිල්ලා. එතකොට තමයි අපිට තේරුනේ කළු ඉන්න ඇත්තේ අතිශය වේදනාකාරී තත්ත්වයක. ඒ වගේම දින කීපයක් ප්‍රමාද වුණා නම් එයා මිය යන්න පවා තිබුණා. අපි ඉතාමත් පරිස්සමෙන් ශල්‍යකර්මයක් මගින් පුරස්ථි ග්‍රන්ථියේ කොටසක් ඉවත් කරලා පුරස්ථි ග්‍රන්ථියත් උදර කුහරය තුල මුත්‍රාශයත් නැවත නිවැරදිව පිහිටන ආකාරයට සකස් කළා. සැත්කමෙන් දින තුනක් ගතවෙනකොට අපිට පුළුවන් වුණා ශල්‍යකර්මයෙන් ඇතිවුන තුවාලයත් සෑහෙන මට්ටමකට සුවකරගන්න.

ඉතින් සතියකට විතර පස්සේ කලුට ගෙදර යන්න පුළුවන් වුණා. ඉන් පස්සෙ එයාට විශේෂ ආකාරයකට කන්න බොන්න දෙන්න සිදුවෙනවා. ඒ වගේම දීර්ඝ කාලීන වශයෙන් යම් යම් ඖෂධත් දෙන්න වෙනවා. මොකද වයසට යනකොට ශරීරයේ තිබෙන මාංශ පේෂිවල තිබෙන ශක්තිමත්භාවය අඩුවෙනවා. එතකොට නැවත අනෙක් පැත්තෙන් මෙම hernia තත්ත්වය ඇතිවෙන්න පුළුවන්.

ඊට මාස දෙකකට විතර පස්සේ කළුගේ අම්මා එයාට අලුතෙන් ගෙයකුත් හොයලා දුන්නා. නමුත් දින කීපයක් යනකොට කලු නැවත වේදනාවෙන් කෑගහන්න ගත්තා. කලින් සදහන් කලා වගේ අනිත් පැත්තෙන්ද hernia එක එන්න පටන් අරන්. නමුත් ඒක දැන් දැන්ම පාලනය කරගෙන ගියොත් ශල්‍යකර්මයක් නොකරම තත්ත්වය පාලනය කරගන්න පුළුවන්. ඉතින් මේ අතර හදිසියේම කලුගෙ අම්මටත් විදේශගතවෙන්න සිද්ධ වුණා. ඉතින් ඒ යනකොට කලුව අපිට බාර දීලා ගියා නේවාසිකවම දිගටම තියාගෙන ඉතුරු ප්‍රතිකාර ටික කරන්න කියලා. ඉතින් දැන් කලු මාස කීපයක්ම අපි ළඟ සුවෙන් සිටිනවා. මසකට විතර සැරයක් පුරස්ථි ග්‍රන්ථිය ඉදිමෙනවා. එතකොට අපි ප්‍රතිකාර කරනවා. ඉතින් කලූගේ අම්මත් නිතරම මේ ගැන හොයලා බලනවා. එයා ළඟ කඩයක් එක්ක කතා කරලා හැමදාම කලු ආස යෝගට්වගෙ කෑම එවනවා.

කාත් කවුරුවත් නැතුව
මහ මඟ මිය දෙන්න හිටපු ජීවිතයකට
නැවත පණ දීලා
බේරගන්න පුළුවන් වුන එකට
අපිට ගොඩක් සතුටුයි.
කලුගේ අම්මටත් ගොඩක් ස්තුතියි එයාගේ කැපවිම කලුව සුවවෙන්න ලොකු ශක්තියක් වුනා.

මනුෂ්‍ය ජිවිත වගේම මේ අහිංසක ජිවිතත් දවසක යන්නම යනවා හැබැයි එවන තුරු කලූට නිදහසේ අපි ලග ඉන්න ලැබෙන එක ගැන
අපිට ගොඩක් සතුටුයි.

කළු වගේ තවත් කීදෙනෙක්,
නිසි ප්‍රතිකාරයක් නැතිව,
ගොඩාක් දුක් විදලා ජිවිතේහැර යනවා ඇතිද ,
ඔබත් කැමතිනම්
මහපාරේ මිය යන ජිවිතයකට පණ දෙන්න අපි ඉන්නවා ඔබේ ශක්තියවෙලා.

අපි කවුරුත් දන්නවා සුරතලුන්ට ලෙඩ හැදුනහම අමාරුයි කියලා. අපිට වගේ නම් ලෙඩේ කියන්න පුළුවන්නේ. ඒත් එයාලට එහෙම බෑ. එතකොට මේ ...
05/02/2024

අපි කවුරුත් දන්නවා සුරතලුන්ට ලෙඩ හැදුනහම අමාරුයි කියලා. අපිට වගේ නම් ලෙඩේ කියන්න පුළුවන්නේ. ඒත් එයාලට එහෙම බෑ. එතකොට මේ කතාව මේක පොළොන්නරුවේ ඉඳන් ආපු ඩැල්මේෂන් බබාගේ. මුත්‍රා බැහැර කර ගන්න බැරුව තමයි අරගෙන ආවේ. ඉතින් ෂේක් බබාගෙ අම්මයි තාත්තයි එයාට හරිම ආදරෙයි. එයාල මේ චූටි වෙනස දැක්ක ගමන් ඉක්මනට අපි ගාවට අරගෙන ආවා. නැත්තන් මේ එයාගේ ජීවිතය මේකෙන් නතර වෙන්න පවා තිබුණා.

ෂේක් මෙහාට ගේනකොට එයාට මුත්‍රා බැහැර කර ගන්න බැරුව බිංදුව දෙක තමයි ගියේ. එයා ඉතාම වේදනාවකින් තමයි හිටියේ. ඉතින් අපි ඉස්සෙල්ලාම දවසේ එයාට සාමාන්‍ය විදිහට ප්‍රතිකාර කරා මුත්‍රා අමාරුව පහ වෙලා යන්නත්. තියෙන ගල් දිය වෙන්නත්. ඒත් අවාසනාවට එයාට ඒ ප්‍රතිකාර ප්‍රමාණවත් වුණේ නෑ. එන්න එන්න රෝගී තත්ත්වය වැඩි වුනා. ඉතින් අපි කැතීටර් භාවිතයෙන් මුද්‍රා ඉවත් කරමින් දින කිහිපයක් තිස්සේ එයාට ප්‍රතිකාර කළා. නමුත් එයාගේ මුද්‍රාශේ තිබුණු අවහිරතාවය ඉවත් වුණේ නෑ.

ඉතින් අපි තීරණය කරා ශේක් බබාට සැත්කමක් කරලා එයාගේ මුත්‍රාගල් ඉවත් කරන්න. ඉතින් මේක ඉතා සියුම් ශල්‍යකර්මයක්. ශ්‍රේෂ්ගෙ තියෙන මුද්‍රා මාර්ගයට අමතරව අමතර මුත්‍රා විවරයක් සාදන්න සිද්ධ වුණා.

ඒ අමතර විවරයෙන් අපිට මුත්‍රාගල් එළියට ගන්නත් පුළුවන් උනා. ඊට පස්සේ අපිට සිද්ධ වුණේ ඉතාම බරපතලම රාජකාරිය. අපි මෙයාව දවස් තුනක් තිස්සේ නේවාසිකව ප්‍රතිකාර කරමින් ඉතා හොඳින් බලා ගත්තා. ෂේක් බබාගේ අම්මයි තාත්තයි අපිට ගොඩාක් උදව් කරා මේ වැඩේ කරන්න.

දැන් ශේක්ට මුත්‍රා පිටවීමට මාර්ග දෙකක් තිබෙනවා. දැන් ෂේක් ඉතාම සාමාන්‍ය ජීවිතයක් ගත කරනවා.

ඩැල්මේෂන් වර්ගයේ සතුන්ට ජානමය වශයෙන් මුත්‍රා ගල් ඇතිවීමේ අවධානම වැඩියි. ඒත් අනිත් වර්ග වල බහුවන්ට මේ වර්ග මේ වගේ දෙයක් නොවෙන්න බැරි නෑ. කොහොම වුනත් මේ වගේ තත්ත්ව මග හරවා ගන්න කිවුල් නොවන පිරිසුදු වතුර වැඩි ප්‍රමාණයක් දෙන්න ඕනේ. ඩැල්මේෂන් වර්ගයේ සතුන්ට නම් තද රතු පැහැ මස් වර්ග මාලු වර්ග හා තද රතු පැහැ සත්ව කොටස් ඒ කියන්නේ පී කුදු වගේ ඒව කෑමට නොදෙන තරමට හොඳයි. මොකද ඒවයින් මේ තත්වය වැඩි වෙන්න පුළුවන්.

More Details :
https://youtu.be/MZb8pUX16D0?si=kQiljRIHqmxWqczR

දයාබර සීතල හොම්බා
කියන දේ නාහල,
තියෙන තියෙන හැමදේම කාලා,
කිවුල් වතුර ඔක්කොම බීලා,
මුත්‍රාගල් හදාගෙන ආවට,
අපි තරහ නෑ.

ඔයාගේ ආදරණීය අම්මයි තාත්තයි,
ඉන්නකං ඔයාට කවදාවත්,
කරදරයක් වෙන්න නම් ඉතින්,
ඉඩ තියෙන එකක් නෑ

👇👇අපි අද කතා කරන්න බලාපොරොත්තු වෙන්නේ සුරතලුන්ට හැදෙන අක්මාවේ රෝග සම්බන්ධයෙන්.අපි දන්නවා අක්මාව කියන්නේ අපිට ජීවත් වෙන්න...
26/01/2024

👇👇අපි අද කතා කරන්න බලාපොරොත්තු වෙන්නේ සුරතලුන්ට හැදෙන අක්මාවේ රෝග සම්බන්ධයෙන්.

අපි දන්නවා අක්මාව කියන්නේ අපිට ජීවත් වෙන්න අත්‍යවශ්‍යම දෙයක්. ඒ වගේමයි සුරතලුන්ටත්. ඔවුන්ගේ අක්මාව ඉතා හොඳින් පවත්වාගෙන යාම නිරෝගී ජීවිතයක් ගත කිරීමට අවස්ථාව සැලසීමක්.

👉අපි ඉස්සෙල්ලම බලමු අක්මාවේ රෝගයක් සෑදුණාහම තියෙන රෝග ලක්ෂණ මොන වගේද කියලා

☝️ඔබේ සුරතලා වෙනදට වඩා උදාසීන නම් ඒ වගේම උදරයේ වේදනාවක් තියෙනවා ආහාර ගන්නවා අඩුයි අරුචියක් තියෙනවා වමනය තියෙනවා මේ වගේ රෝග ලක්ෂණ තියෙනවා නම් අක්මා පරීක්ෂාවක් කරගන්න එක වටිනවා. ඒ වගේම ගොඩක් අමාරු වෙනකොට ඔබේ ආදරණීය සුරතලා කහ වෙනවා, ඒ වගේම බඩ ඉදිමෙනවා ඒ වගේ රෝග ලක්ෂණ පෙන්නුම් කරනවා නම් අක්මාවට බරපතලයි.

මේ රෝග ලක්ෂණ තියෙනවා නම් දක්ෂ පශු වෛද්‍යවරයෙක් ගාවට ඉක්මනට ගෙනියන්න.

👉එතකොට ඩොක්ට අපි දන්නවා අක්මාව කියන්නේ ශරීරයට ඉතාම වැදගත් අවයවයක් අක්මාව නොමැතිව අපිට ජීවත් වෙන්න බෑ.

ඔව් ඒක ඇත්ත අක්මාව නොමැතිව අපිට ජීවත් වෙන්න බැහැ.

නමුත් අක්මා රෝග අපට කල් තියා හඳුනාගැනීම තුළින් අපිට මේ රෝග පාලනය කරගන්න පුළුවන්. මේ වගේම ක්‍රමවත් ආහාර රටා ආදිය මගින් මේ සැදුණු රෝග පවා අපිට අඩු කරගන්න පුළුවන්. ඒවගේම රෝග සෑදීම වළක්වා ගන්නත් පුළුවන්. විවිධ ප්‍රතිකාර ක්‍රම තියෙනවා. එම ප්‍රතිකාර ක්‍රම පාවිච්චි කොට අක්මාව යථා තත්ත්වයට ගන්න පුළුවන්. අක්මාව ගොඩක්ම ඩැමේජ් නං ඉතින් කරන්න දෙයක් නෑ.

👉එතකොට ඇයි ඩොක්ටර් අක්මාව ඩැමේජ් වෙන්නේ

මෙහෙමයි අක්මාව ඩැමේජ් වෙන ගොඩාක් හේතු තියෙනවා.

☝️හෙපිටයිටීස් වගේ රෝග තත්ත්ව (හෙපටයිටීස් එන්නත විදගෙන නැත්නම්)
☝️ඒ වගේම අධික තරබාරුකම නිසා අක්මාව තුළ අධික මේද තැන්පත් වීම
☝️ඒ වගේම සමහර උපත් ආබාධ
☝️ඒවගේම පිළිකා තත්ත්ව
☝️ඒ වගේම තමන්ගේ ප්‍රතිශක්තීකරණ පද්ධතියෙන් තමන්ගේම අක්මාවට පහර දෙන රෝග තත්ව
☝️ඒ වගේම විෂ ශරීරගත වීම්. (සර්පදශ්ඨන, කෘමිනාශක ශරීරගත වීම් වගේ)
☝️දීර්ඝකාලීන වශයෙන් ගන්නා සමහර ආහාර, ඖෂධ වර්ග නිසා. (චොකලට්, අලිපේර වගේ)
☝️මයික්‍රෝ ෆයිලේරියා වගේ තත්ත්ව

ඉතින් මෙවැනි දේවල් නිසා අක්මාවේ ක්‍රියාකාරීත්වය අඩපණ වෙන්න පුළුවන්.
එතකොට ඩොක්ට අපි මේක වළක්වගන්න මොකද්ද කරන්න ඕනේ?

ඒක මෙහෙමයි, මූලික වශයෙන්ම අපේ ආහාර පුරුදු නිසි පරිදි පවත්වාගෙන යාමෙන් මේක පාලනය කරන්න පුළුවන්. ඒ වගේම සෑදීම වළක්වන්නත් පුළුවන්. විශේෂයෙන්ම අක්මාවට හිතකර ආහාර වර්ග වැඩිපුර ගැනීමෙන් අක්මාවට අහිතකර ආහාර වර්ග පුළුවන් තරම් අවම කිරීම.

නිරන්තරයෙන් ගොරකා, හීන් බෝවිටියා වගේ දේවල් කෑමට එකතු කරගන්න.

පුළුවන් නම් හීන් බෝවිටියා වගේ දෙයක් නිරන්තරයෙන් කෑමට එකතු කරගන්න පුලුවන්නම් අපේ අත්දැකීම් අනුව අක්මා රෝග සනීප වෙච්ච අවස්ථා පවා තියෙනවා.

(කාට හරි ඕනනම් හීන් බෝවිටියා පවුඩර් ලබා දෙන්න පුළුවන්, පොඩි මැසේජ් එකක් දාන්න. මොකද හොඳ හීන් බෝවිටියා හොයාගන්න අමාරුයි කට්ටියට)

ඒ වගේම අධික තරබාරුකම අඩු කිරීමෙන්, ඔබේ සුරතලා නිරන්තර ව්‍යායාමවලට ලක් කිරීමෙන් අපට අක්මාවේ ආබාධ පමණක් නෙවෙයි තව බොහෝ රෝගාබාධ අඩු කරගන්න පුළුවන්. විශේෂයෙන් අපි දන්නවා ලබ්‍රිඩෝ වගේ සුරතලුන් ගොඩ ආහාර ගන්නවා. ඒ ආහාර පාලනය කිරීම ඉතා වැදගත්.

ඒවගේම සුරතලුන්ට පැනඩෝල් දෙනවා සමහර අය. එය නොකළ යුතු දෙයක්. පූසෙක් වගේ නම් ඉතා සුළු වෙලාවකින් මැරෙනවා.

ඉතින් මේ වගේ අවස්ථාවලට දක්ෂ පශුවෛද්‍යවරයෙකුගේ සේවය ලබා ගැනීම ඉතා වටිනවා.

ඔබගේ සුරතලාට අවශ්‍ය ප්‍රතිකාර නේවාසිකව ලබාදීමට අප සූදානම්.සේලයින් ප්‍රතිකාර,සම්බාහන ප්‍රතිකාර,ව්‍යායාම්,ආහාර කැවීම් ආදිය...
19/01/2024

ඔබගේ සුරතලාට අවශ්‍ය ප්‍රතිකාර නේවාසිකව ලබාදීමට අප සූදානම්.
සේලයින් ප්‍රතිකාර,
සම්බාහන ප්‍රතිකාර,
ව්‍යායාම්,
ආහාර කැවීම් ආදිය ඔබ වෙනුවෙන් අපට සිදු කළ හැක. එමෙන්ම, නිරන්තරයෙන් අධීක්ෂණයෙන් යුක්ත වන අප,
ඔබ හට නිතරම ඔබේ සුරතලාගේ තත්වය පිළිබඳව දැනුවත් කිරීම් සිදු කරනු ලැබේ. ඉතා අවම අය කිරීම
(දිනකට රු.1200/- පමණි )

Address

985, Aluwihare
Matale Town
21300

Opening Hours

Monday 09:00 - 12:00
14:30 - 19:00
Tuesday 09:00 - 12:00
14:30 - 19:00
Wednesday 09:00 - 12:00
14:30 - 19:00
Thursday 09:00 - 12:00
14:30 - 19:00
Friday 09:00 - 12:00
14:30 - 19:00
Saturday 09:00 - 12:00
14:30 - 19:00
Sunday 09:00 - 12:00
14:30 - 19:00

Telephone

+94756368369

Website

Alerts

Be the first to know and let us send you an email when Dr. Prabodani Kaushalya posts news and promotions. Your email address will not be used for any other purpose, and you can unsubscribe at any time.

Videos

🤕 බිහිසුනු අනතුරකින් බඩ පැලුන සුද්දී ✋මේක ඉතාමත්ම බිහිසුණු කතාවක්. අපි එයාට සුද්දී කියලා කියමු. මේ චූටි පැටියා එයාගේ සහෝදරයා එක්ක කිරිගල්පොත්තේ පාර අයිනට කවුරු හරි ගැනත් දාලා තිබුණා. මාස හතරක විතර වයස. ඉතින් වාහනයක් එහෙම එනකොට පාරෙන් අයින් වෙන්න තේරෙන්නෙත් නෑනේ. ඉතින් එක දවසක් එයාල සෙල්ලම් කර කර ඉන්නකොට පාරේ බස් එකක් ඒ දෙන්නාවම හප්පන්න ගිහිල්ලා. ඉතින් ඒ දරුණු අනතුරෙන් සහෝදරයා එතනම මේ ලෝකෙ දාලා යන්නම ගියා. ඉතින් සුද්දීටත් මේ අනතුරෙන් ඉතා දැඩි ලෙස තුවාල වුණා. එයාගේ යෝනි මාර්ගයේ ඉඳන් බඩ දක්වා වූ දරුණු තුවාලයක් තිබුණා. ඒත් එක්කම කකුල් දෙකක්ම කැඩිලා තිබුණා. ඉතින් එයා Care Pets international අපේ ආයතනය වෙත රැගෙන ආවා. කවදත් වගේ යුහුසුළුව ක්‍රියාත්මක වූ අපි එයාට ප්‍රතිකාර කිරීම ආරම්භ කළා. ඉතින් ඒ සිද්ධ වෙච්ච අනතුරට එයාගේ යෝනි මාර්ගය ඉතා දැඩි ලෙස තැලිලා, ඉරිලා, අභ්‍යන්තර අ

We care your pets ! With full meals, medicines, baths and many more. under the supervision of Dr. Prabodani Kauhalya call now 0740840940

අක්ෂි පණුවන් ඉවත් කිරීම. Eye worms in dogs Removed by Dr.Kaushalya 0712911173

Shortcuts

Share

Category

Other Matale Town pet stores & pet services

Show All

You may also like