Capsule Any.Mo 藥智

24/02/2024

今日係元宵節！祝大家情人節快樂！😘🥰
Dr Mo 毛能用終於有着落啦！

公平咩？😕
竟然連佢都有人識同收到封情信💌？！😳

大家好，又係我小編姑娘💁🏻‍♀️呀！👋

我差少少係封信上面寫「毛此人」畀返郵差叔叔。😝

真係有個衝動想打開偷睇吓！🤫🫢
大家點睇呀？💁🏻‍♀️


#毛能用 #毛醫生 #毛醫醫

24/09/2023

深水埗明哥大家就知道係邊個，原來深水埗Mo哥都唔嘢少㗎喎！😝

聽講藥智💊個 Daddy毛醫醫 Dr Mo 又有新搞作喎！😲

Mo哥今次好似話搬到佢身水身汗、大汗疊細汗，底褲濕哂、就連衫都除埋……🥲

唔單止，佢連自己個八月十五的月光🌕都露埋出嚟……😳

毛國界10週年活動之中秋節🥮免費向長者👴🏻👵🏻🧓🏻派蛋糕🧁

八月十五的月光 Mo哥哥😲

🎤🎶🎵寧願沒擁抱共你可到老
任由你來去自如在我心底仍愛慕……

一年唔易又中秋，又係時候食住燈籠玩月餅喇！✌️😉

人稱「深水埗Mo哥」的Dr Mo毛能用，自千禧年代初起開始入行學獸醫，發源於澳洲悉尼大學獸醫學院，2021年起一直紮根於基層聚集的深水埗區行醫。

這位多年來風雨⛈️不改為毛孩做手術睇症嘅毛醫生，今年決定將之前毛國界十週年紀念毛齒毛娘兔兔 family 義賣所籌得嘅款項購買蛋糕🧁向60歲以上長者中秋🥮派發。

Mo哥將超過>100個獨立包裝蛋糕🧁搬咗返嚟毛國界。見到佢搬到身水身汗、大汗疊細汗，底褲濕哂、就連衫都除埋就知道佢有幾辛苦啦。🥹

唔單止，佢連自己個八月十五的月光🌕都露埋出嚟，真係出盡力瞓晒身去做。💪

毛國界動物醫院🏥將於星期四9月28號中午12時半向60歲以上長者派發蛋糕🧁，數量有限，送完即止。😊

感謝🙏之前支持毛齒毛娘兔兔 family 慈善義賣嘅咁多位善長人翁慷慨解囊。

今次希望麻煩咁多位出手相助幫手 share 呢個 post 出去等多啲老人家同佢哋屋企人知道，一齊開心🥳嚟毛國界🏥領取中秋蛋糕🧁慶團圓啦！唔該晒！🙇🏻‍♀️

由於當天將會如常繼續進行診症同手術，如派發過程期間令到大家等候時間稍為延長，希望大家能夠多多包涵同體諒！🙇🏻‍♀️😊

#毛國界10週年 #一年唔易又中秋 #食燈籠玩月餅 #獸醫毛醫生 #毛齒毛娘 #毛國界動物醫院 #免費派蛋糕🧁 #八月十五的月光 #中秋節睇醫生 #中秋節睇獸醫

28/01/2023

原來毛醫醫有個好好聽嘅中文全名😉，仲係一名潮人兼有個超靚嘅紋身係背脊添！😲😚

動物主人👱🏻‍♀️：點解你會知嘅？😄
💁🏻‍♀️姑娘: 因為之前藥智💊畀佢Daddy張身份證我睇到囉！😆

💁🏻‍♀️：想知嘅話，自己去毛國界動物醫院個 page 專頁 Any.Mo Veterinary Hospital 毛國界動物醫院度睇啦。😊
動物主人 👱🏻‍♀️：講嚟聽吓啦。😉

💁🏻‍♀️：「毛能用」！🤩
動物主人 👱🏻‍♀️：喂，搞錯呀你！😠咁㗎！唔講咪算囉！😤唔洗咁嘅！😡…… 你好有用！你叻！你好X勁！🤬…

籖文第一句：毛毛國界都是毛🤔
點解醫生👨🏻‍⚕️新年流流係＂人日＂做手術做到要除衫？咁激？😯
難道真係咁熱？定係太難做呢？😲 點知畀我咁啱偷睇到佢背脊後面個超型仔嘅紋身喎！😙

又好似話同傳說中嘅10週年紀念隱藏版公仔終於要面世有關！🤩

究竟Dr Mo 同 Dr Ma 又有乜嘢分別呢？🤔 點解啲動物主人成日打嚟搵毛醫生Dr Mo㗎呢？

💁🏻‍♀️今次容許我介紹多少少Dr Mo毛醫醫嘅背景……因為大多數嘅人只知道佢係藥智💊（毛國界吉祥物）嘅 Daddy °

毛醫醫或毛醫生又叫Dr Mo，字能用，毛州人。由於家人希望佢成為能幹及有用的人，所以全名係「毛能用」！💪

他本出身於非常普通及普通到無得再普通嘅家庭，於2013年隻身加入毛國界行醫，立志要做哂呢個國家嘅手術。由於他喜歡做手術，他的一生每日都一定會幫毛小孩做手術😷加同一時間聽住純音樂🎵🎶進行。

他的後裔＂藥智＂💊，威鎮八方。💪他率領的毛家軍及藥智軍團所向披靡、英勇善戰🫵，使病魔聞風喪膽！😨

毛醫醫從一個平平＂毛＂奇嘅毛小子到成長為一個獸醫與其母親對他的教育可以話係分不開。由報讀一間乜都唔教而淨係教大小動物嘅幼稚園，又由細到大畀佢飼養唔同類型嘅寵物，到大學時期全力支持佢去外國修練獸醫📚。可見毛母絕對係功不可沒！👍

毛醫醫行醫後，毛母便教育他忠心報國，抗擊病魔入侵毛小孩。為了更好地激勵兒子，讓佢牢記愛國之念，終身不忘。毛母加毛父有一次特意鄭重其事地焚香祝拜，祭告過天地祖宗十八後，用繡花針，在毛醫醫背上，深深刺下「毛國界」三字。😲 情況猶如當年岳飛「精忠報國」或「盡忠報國」！💪

毛醫醫被毛母加毛父在背上一針針刺扎，雖疼痛難忍😖，卻咬牙堅持😬，不願辜負兩老的一番殷殷之情。因為他們知道他朝一日「毛能用」行醫時陪著毛孩及其主人所面對的生離死別絕對係有過之而無不及，所以希望佢能盡早體會其切膚之痛，真可說是刻骨銘心，至死不忘！😭

毛醫醫盡力完成每日嘅手術。未料一次手術過程被手術中毛小孩嘅血及排泄物飛濺及擊中😵，於是乎需即時要助手幫佢撕開衣服避免滴落無菌嘅手術範圍及影響手術進程，於是乎並袒胸露背地繼續進行餘下嘅手術。😮

誰不知眾同事看後都表示十分震驚及嘆為觀止！😲由於背後嘅紋身字體非常之端正明晰及俊逸，令大家都非常之羨慕。😍 她們紛紛都想搵毛母及毛父幫佢哋紋身。😆

究竟毛父係邊一個呢？🤔點解能夠係「毛能用」身上刺出一首好字呢？由此可見，毛父毛母絕非等閑之輩，我很肯定佢哋係知書識禮受過高等教育嘅人。😝

麻煩日後再打電話嚟約 Dr Mo 毛醫生嘅人，記得係搵「毛能用」醫生，唔該晒。🙇🏻‍♀️

順便一提💁🏻‍♀️，呢個10週年紀念隱藏版毛公仔正式出世喇，數量非常有限！

急尋領養！
今日正月初七，俗稱＂人日＂，代表每個人的生日，喺一個咁有意義嘅日子，相信「能用」嘅生日願望就係可以有一個好歸宿。
懇請大家給他一個幸福而温暖嘅家，承諾不離不棄，陪伴終老。🙇🏻‍♀️

有意領養Q版醫生嘅話，請盡快在此Post 留言及親臨本院🏥向姑娘同事查詢領養方法。

#毛醫生 #毛醫醫 #毛能用 #毛國界毛醫生 #隱藏版公仔 #10週年紀念公仔 #毛國界動物醫院10週年 #毛州人 #10週年紀念隱藏版公仔 #毛父 #毛母 #領養獸醫 #領養醫生 #領養毛醫醫 #領養毛能用

25/12/2022

藥智💊日記之約咗個動物主人一齊去搵店長

繼較早前 “You Love Rodent” 店長送咗龍貓藥Go 畀我，有唔少主人都想睇吓仲有冇呢個領養機會。

於是乎我哋就約定上星期去魚街度逛逛啦。

當日我一早由毛國界出發。出發前我去咗轉角間麵包舖，買咗一個吞拿魚腩包同兩個巨腸包做早餐🥣！

老闆娘🧑🏻‍🦳：洗唔洗飲嘢呀，藥智💊？
💊藥智（我呀）：你又知我叫藥智嘅？😚

老闆娘🧑🏻‍🦳：你啲同事過嚟唱錢嘅時候成日都提起你㗎啦。話你好鬼勤力，成日跟住 Daddy 毛醫醫學嘢㗎嘛！
💊藥智：過獎喇！😅 我只不過係想畢業前盡量學習多啲，如果唔係返到澳洲畀啲同學仔笑呀！🥲到時顏面何存呢？始終我都係流住獸醫血統嘅後裔。

老闆娘🧑🏻‍🦳：見你咁勤力，介紹你飲支正嘢保吓身啦！💪 佢就係期間限定陳皮可樂味嘅維＂牠＂奶！
💊藥智：噢😮，係咪電視機呢排陳曉＂西＂賣廣告嗰支呀？

老闆娘🧑🏻‍🦳：果然年輕人有留意啲偶像巨星呀吓！咁要唔要？淨返最後一支。賣埋就起碼過四日先有㗎喇。
💊藥智：要呀，畀一支熱玻璃樽裝我呀！

後來就梗係食個吞拿魚腩包先啦，個包肯定係用魚做，因為有3條魚骨係啲肉中間，仲差啲搞到我哽骨。至於支維＂牠＂奶味嘅陳皮可樂簡直係人間極品啊！

最後食埋兩個巨腸包就啱啱夠飽肚😋！話時話個巨腸包啲腸有啲似豬大腸，不過唔知有冇巨結腸症 megacolon 啫？😜唔緊要啦，好味咪得囉！😛

之後我見仲有時間就由毛國界行出去旺角啦。當時時間尚早，我發現自己喉嚨有啲痕，於是乎就先去魚街隔離街啲藥房同藥粧睇吓有冇快測同喉糖買啦。我估可能係支維＂牠＂奶味嘅陳皮可樂搞到喉嚨有啲唔舒服。😬

搵咗好耐先至係亞皆老街搵到一間藥粧。當入到去嘅時候，我見到右邊近收銀處地下擺咗一大堆＂屎＂立消喉糖。正呀，仲要係我最鍾意嗰隻藍色藍莓🫐味。

正當我踎低去攞嘅時候，發現有一隻倉鼠🐹仔匿埋咗係度，仲食緊其中一包開咗嘅＂屎＂立消。佢心口黐住咗粒藍莓🫐味＂屎＂立消。

🧑🏻‍🦱店員：噢，阿鼠原來今日匿埋咗係度啊。
💊藥智（我）：乜佢係你哋養㗎？

🧑🏻‍🦱店員：佢係今年年頭爆倉鼠🐹 Delta 事件出現㗎。
💊藥智：等我問吓佢先。

💊藥智：阿鼠，你點解會出現係呢度嘅？
倉鼠🐹：之前我係魚街嗰邊逃亡過嚟㗎！當時要人道我哋，所以我係封舖當日扮死係個籠入面。等相關人員拎起我嘅時候，就一嘢反身跳落地，搏命咁衝出門口。

💊藥智：咁聰明嘅你！👍其他同伴呢？
倉鼠🐹：唔好提喇！🥲

💊藥智：明白嘅！🥹 咁你係咪因為喉嚨唔舒服所以走咗入嚟搵藥食呀？
倉鼠🐹：正確！自從我食咗呢個藍莓🫐味＂屎＂立消，個喉嚨就好舒服喇。😌

🧑🏻‍🦱店員：話時話，點解你識得同動物溝通嘅？
💊藥智：因為我係藥智！

🧑🏻‍🦱店員：乜弱智就識㗎咩？🤔
💊藥智：我仲係一個獸醫學生！

🧑🏻‍🦱店員：嘩！弱智嘅獸醫學生！😬
💊藥智：無錯！💪

🧑🏻‍🦱店員：其實老闆唔知我哋有隻鼠係度。你有冇興趣收養佢呀？最多我請你食＂屎＂立消呀。
💊藥智：就咁安排啦，等我接手啦。

🧑🏻‍🦱店員：你打算叫佢做乜嘢名呀？
💊藥智：就叫佢做藥Jon🐹 啦，既然係你間藥粧度收養。

待續……

11/12/2022

朋友仔🧒🏻隔離屋住咗個怪鄰居？😲

話說上一次同朋友仔 catchup 完之後多咗隻龍貓藥Go 。

鑒於唔知朋友仔幾時要移民，所以今次我上咗去佢屋企探佢同兔仔藥財、貓貓藥水。順便同睇吓使唔使幫佢手執行李。

當我上到去佢屋企，啱啱入門口鞋都未除。突然間聽到佢對面屋鄰居叔叔係度大叫……😵

👨🏻‍🦱大叫叔叔：點解呀？究竟我做錯啲乜嘢？點解你哋一個二個都唔理我？

🧒🏻朋友仔：啊，佢係咁㗎。因為阿大叫叔叔係一個癮君子道友嚟㗎。自從佢吸毒之後就眾叛親離，太太同個仔都搬走咗。時不時佢都會有幻覺而大叫。😔

👨🏻‍🦱大叫叔叔：救命呀！我好辛苦呀！😨

💊藥智（我）：喂，洗唔洗睇吓佢做乜叫救命呀？🤨

🧒🏻朋友仔：佢可能係毒癮發作呀！平時呢個時間佢會落去樓下間美沙酮診所度上電㗎。😕

💊藥智：不如睇睇洗唔洗幫手。

當我哋去到大叫叔叔門口見到佢成手鮮血🩸，同埋佢手前臂插滿晒超過十條一支支1-2cm 嘅刺！😖

🧒🏻朋友仔：藥智，你睇吓佢揸住咗隻箭豬呀！😕

💊藥智：嗰隻係刺蝟🦔嚟㗎！箭豬邊有咁細隻呀！🤓

👨🏻‍🦱大叫叔叔：你哋唔好埋嚟呀，我依家好舒服，啲刺拮到我啱啱好！😌

💊藥智：睇嚟呢位叔叔冇錢去藥房買針同針筒吸毒用，所以就用刺蝟🦔啲刺頂住檔先。

🧒🏻朋友仔：真係無奇不有！😑

由於大叫叔叔驚動咗其他鄰居搵大廈保安同報咗警。最後警察👮‍♂️嚟到將大叫叔叔送院檢查，而佢養緊隻刺蝟，警察話需要搵「防止虐畜會」嘅獸醫幫手檢查。

💊藥智：不如交佢畀我先處理。😗
警察👮‍♂️：小朋友，呢個小動物要搵獸醫先評估身體狀態先喎，你又唔係獸醫？

💊藥智：實不相瞞，其實我係一個獸醫學生。🤓
警察👮‍♂️：你意思係係香港「功開大學」讀緊？

💊藥智：我係澳洲悉尼讀緊，仲未畢業🎓。
警察👮‍♂️：但始終你唔係一個註冊獸醫，我好難交隻動物畀你喎。除非你有相熟獸醫可以 take over 啦。
🧒🏻朋友仔：藥智，不如call 你 Daddy 毛醫醫啦！

後來Daddy 嚟到同警察👮‍♂️先生交涉咗一陣……

👨🏻‍⚕️毛醫醫：你好呀阿 Sir，我個小朋友係咪又畀咗啲麻煩你呢？
警察👮‍♂️：唔係，誤會喇！佢只不過係想幫手接應隻刺蝟🦔啫。不過話時話，你哋一家都係獸醫嚟㗎？

👨🏻‍⚕️毛醫醫：係呀，佢由細到大都淨係黐住我，無論我返工定放假都係我身邊。久而久之，佢咪對獸醫學產生咗濃厚嘅興趣囉！雖然佢仲未畢業🎓，但係佢已經識得做哂好多手術！
警察👮‍♂️：初頭以為佢講大話，佢話自己係澳洲讀緊獸醫。

👨🏻‍⚕️毛醫醫：其實係咁嘅，之前疫情佢提前返嚟香港，但由於嗰邊未通關，所以咪滯留咗喺香港囉。
警察👮‍♂️：好，麻煩小朋友俾身份證我先做個登記。
💊藥智：冇問題。

警察👮‍♂️：咦，「藥智」呢個好名嚟㗎喎！👍你 Daddy 幫你改㗎？
💊藥智：係呀，佢想我擁有藥物嘅智慧！🤓
警察👮‍♂️：好，我會俾個報案編號你。隻刺蝟🦔叫咩名？

🧒🏻朋友仔：藥智，你又可以發揮改名喇！恭喜哂！😆
💊藥智：由於佢前主人係一個癮君子，就叫佢做「藥癮」啦！✌️

待續……

04/12/2022

藥智💊日記之行街都可以多隻新寵物😲

上星期收到朋友仔🧒🏻話可能要移民…

於是乎我就話不如出嚟食飯 catchup 吓啦，後來我哋約咗係旺角金魚街度見。

朋友仔🧒🏻話想去 I "Like " Rabbit 🐇 度買啲兔草同糧畀藥財🐰兔兔。

誰不知隔離街尾開咗間”You Love Rodent 🐹🐭🐁🐀＂專賣鼠鼠，所以我哋就八卦入去睇吓啦。

近門口位置左邊主要擺龍貓，但係其中一個籠裏面係空嘅，唔見有龍貓。我就問店員佢係咪賣咗喇？

👩🏻‍🦰店員：咦，無理由㗎喎，啱啱清籠仲係裏面。等我去叫同事 check CCTV 先。

過咗5分鐘後，佢哋話隻龍貓自己打開咗度門跳咗出嚟之後就失去蹤影……😟

💊我：龍貓係好聰明同對手👐仔好靈活。😉

朋友仔🧒🏻：仲講，快啲幫手搵吓啦，始終位置咁近門口位置，驚佢走咗出去馬路就大鑊喇！😬

大家花咗成個鐘都搵唔到。後來街上有途人話睇吓呢間舖個招牌上面有隻嘢係度跳黎跳去，又做得幾好👍幾有心思喎！果然新開張係唔同啲。🤩

之後我哋出去見到原來係傳說中嘅紫灰龍貓啊！😍

👩🏻‍🦰店員：佢實在係太高位置，好難捉到佢落嚟啊。點算好呢？😣

💊我：你哋有冇梯呀？快啲擒上去啦。
👩🏻‍🦰店員：冇呀。之前裝修完，師傅拎走晒。

朋友仔🧒🏻：要快啲喇，咁高跌落嚟實死緊啦！😖
💊我：喂，朋友仔，你將我捉住，然之後掟我上去，等我去救佢！😎

朋友仔🧒🏻：👌，預備 1，2，3，掟！💪
💊我：嘩！Woohoo! 好好玩呀！藥智光年，一飛沖天！Yes! 😆 成功着陸。

朋友仔🧒🏻：隻龍貓係你後面呀。

💊我：喂小朋友，你唔好周圍走呀。有咩事慢慢講唔好咁諗唔開自殺OK ？
紫灰龍貓：Go Go Go!✌️✌️✌️

💊我：你知你哋啲手腳好幼好易斷㗎，如果你跌咗落去你一定死緊㗎 ！到時毛醫醫都未必幫到你，分分鐘要再轉介你去搵＂非常＂嘆醫生，知唔知呀？
紫灰龍貓：Go Go Go! 😆

最後我一手捉住佢條尾底近屁股位置同攬住佢一齊跳落去，好彩朋友仔已經預先同店員準備咗大量 VetBed 同 4D 墊畀我哋着陸。😮‍💨

👩🏻‍🦰店員：為感謝你🙏救咗紫灰一命，店長決定送佢畀你。☺️
朋友仔🧒🏻：藥智💊，你真係同動物好有緣啊！除咗恭喜之外我都唔知講咩好喇！😆不如幫佢改個名先啦？
💊我：條友仔跳到咁高又不停講 Go Go Go，就叫佢做藥 Go 啦！😉

我又多咗隻寵物名叫”藥Go”!

27/11/2022

朋友仔🧒🏻要移民，咁藥材🐰點算呀？佢好似仲有隻貓貓🐱……

連最好嘅朋友都話走，唔通這個地方真係無嘢值得留戀？😢

朋友仔🧒🏻：藥智💊講個秘密比你知呀。
💊：咩秘密呀？關於邊個㗎？

朋友仔🧒🏻：我同屋企人打算移民去英國🇬🇧。😌
💊：吓，認真㗎？幾時呀？😯

朋友仔🧒🏻：可能今年。
💊：咁快？？😧

朋友仔🧒🏻：身邊好多friend 都走，有啲去泰國🇹🇭、有啲去澳洲🦘、有啲去日本🇯🇵….…
💊：走還走，咁＂藥財＂🐰點呀？

朋友仔🧒🏻：我都煩緊呀，因為好似話兔仔去到英國🇬🇧要檢疫4個月隔離住係農場。😫
💊：4個月？？咁長仲要係兔仔🐰喎！無嘢呀？！😤

朋友仔🧒🏻：我就係驚佢唔知頂唔頂到咁長時間……😢
💊：咁點呀？唔通你唔帶佢去？😠

朋友仔🧒🏻：我驚害咗佢。🥺
💊：嗱，話時話熟先同你講，唔好諗住將＂藥財＂揼出街呀吓！佢之前嘅遭遇已經好慘㗎，唔好要佢再經歷多一次流落街頭食魚蛋粉呀！我＂藥智＂唔會放過你㗎！👊😠

朋友仔🧒🏻：我真係唔知點做好，好掙扎…好難決擇。😥 我仲有隻貓貓🐱㗎。
💊：你唔係又想打我主意呀？😒

朋友仔🧒🏻：知我者莫約＂藥智＂也！👍果然係＂藥智＂！不愧為我 best friend 😘由細玩到大。🤝
💊：你哋一個二個每次啲小動物有啲咩頭暈身㷫就第一時間個個9秒9搵我！可唔可以畀我唞吓！😵

朋友仔🧒🏻：大家就係知道你喜歡毛朋友同可靠，所以就梗係搵你啦！😝
💊：其他嘢又唔見你益我喎！😞

💊：咁隻貓貓🐱叫咩名呀？
朋友仔🧒🏻：無名㗎！我平時叫佢做貓貓囉。佢唯一嘅特點就係好鍾意喉嚨＂煲水＂ purring 。不如你幫佢起個名呀？😁

💊：咁就叫佢做＂藥水＂啦！😜

待續……

06/02/2022

連藥智💊都學人孭LV袋去拜年，咁潮？！😲

農曆新年假期，您又做咗啲咩呢？

1. 帶兩個✌️口罩😷拜年
2. 過咗一個完全冇過年氣氛嘅節日
3. 買外賣同叫food panda 🐼 返屋企食😋
4. 分時段去親戚嗰度拜年囉😌
5. 約班 friends打吓麻將 🀄️
6. 玩魚蝦蟹大小 🐟🦐🦀
7. 食盆菜🥘，仲要食咗幾日都食唔完……啲味搞到成屋都係🤢
8. 坐喺親戚屋企狂撳電話📲搞到個尿袋都冇哂電🔋
9. 瞓吓覺😴
10. 乜都冇做過🤷🏻‍♀️
11. 去咗做檢測🧪

咁藥智💊你呢？你又做咗啲咩呀？

藥智💊：我不停咁思考天寒地凍🥶，身為毛小孩又或者有長期病患點算好呢？好容易出現低溫症㗎喎.……
尤其係做手術嘅時候，麻醉狀態下身體熱力容易流失。

所以我藥智💊決定化身為＂暖笠笠大師＂陪住大家渡過寒冬，為毛孩送上溫暖。

我匿埋喺毛國界度鑽研點樣可以真正為毛孩保暖保溫，後來daddy 毛醫醫👨🏻‍⚕️叫我多啲留意身邊嘅事物。

點知我見到啲人出街街會帶住個幾乎人人都識嘅LV袋，但老實講LV全名同全寫我都唔識。

有見及此，我決定自己要出一個藥智版嘅LV！！

期間限定，藥智 crossover 毛國界出咗個名為
＂藥智LV＂
L = Love
V = Vet

全名係 ＂藥智 Love Vet＂

只售於專門店- 毛國界動物醫院🏥旗艦店，詳情可親身蒞臨本院了解。數量有限，售完即止。🙇🏻‍♀️

18/12/2021

最珍貴及無價的寶貝已經由有關部門同事安全送到新醫院的大堂喇！✌️😆

毛國界開放日之藥智💊同醫生你哋去咗邊呀？？😯

暫時透露少少劇情發展畀您知先……🤫
🔊：第一批似曾相識的先頭部隊毛小孩已經成功抵達及進駐守護毛國界旗艦店！💪

💁🏻‍♀️（又係我呀小編姑娘）剛才有啲嘢要搵藥智💊同醫生👨🏻‍⚕️，點知佢哋唔係診症室又唔係手術室，真係唔知去咗邊…🤔

後來另外同事就講：之前咪講咗佢哋將會去另一度應診囉，乜你咁無記性㗎！🤨

💁🏻‍♀️嗱，提多你最後一次👆，毛國界旗艦店將會有 Open Day 開放日- 主題為「後會＂毛＂期」，等大家預先了解地點方便日後帶同毛孩到訪求醫及預防疾病。

日期：20/12/2021（星期一）

時間：晚上6pm-9pm 🌃

神秘嘉賓：真人版藥智💊，將會出現同大家見面影相！

地點：九龍，深水埗，海壇街229號，傲凱，地舖
https://goo.gl/maps/DZwiVLwTUqWd8KiaA

(鄰近惜食堂、寶血會嘉靈學校🏫、南昌站D1 出口、V Walk、愛海頌)

我哋另一班同事依家係現場繼續忙於接應第二、三批毛小孩繼續進駐…加油呀！💪

你又見唔見到你毛孩的蹤影呢？🤗

09/10/2021

八號風球⛈💨現正生效，爸爸-毛醫醫同我-藥智💊已經返到毛國界動物醫院當值中。

💊〈藥智仔走天涯〉
🎤🎼落雨不怕，落雪也不怕
就算寒冷大風雪落下，能夠見到他
可以日日見到佢面，如何大風雪也不怕

咁多位請小心出門，帶備足夠雨傘☂️及保護好各毛小孩。☺️

八號風球⛈💨現正生效，我哋同醫生已經返到毛國界準備好繼續守護各毛小孩。💪

請各位動物主人小心出門，帶備足夠雨傘☂️及保護好各毛小孩。🙇🏻‍♀

💊〈藥智仔走天涯〉
🎤🎼落雨不怕，落雪也不怕
就算寒冷大風雪落下，能夠見到他
可以日日見到佢面，如何大風雪也不怕

💁🏻‍♀️(又係我呀)，話時話做乜咁唔小心呀醫生？咁大個人……😜

💁🏻‍♀️：醫生，你做乜成身濕晒呀？？😲
👨🏻‍⚕️：我都想知呀。啱啱睇完個症，就搞成咁喇。😑

💁🏻‍♀️：趁人少少，唔洗怕醜喎，係咪睇症睇到冇時間去廁所🚽，所以忍唔住瀨尿呀？😂
👨🏻‍⚕️：🤨……

不過以我所知，醫生冇去換衫同褲繼續睇症直到完成埋晚上最後的一個症。🤫

有冇人估到點解醫生好哋哋睇完症搞成咁呢？😯

唔通同打八號風球有關？？🤔

28/06/2021

📞喂毛國界，黑雨⛈你哋開唔開呀？

最近好多人問我係咪潛咗水呀？唔見我蒲頭，仲以為我咩咗……😖

💊：喂，藥智，您好？
👩🏻：係呀，我約咗今日帶＂毛兒＂做手術㗎，係咪可以照嚟呀？

💊：當然可以啦😊，不過記得小心出門口，帶備雨具🌂，小心濕身特別係毛小孩🐱🐶🐰🐹🦔🐿🐁🐀。🙏
👩🏻：姑娘，你點返嚟㗎？

💊：我唔係姑娘呀，我叫藥智，藥物智慧咁解呀。我＂毛處畢在＂㗎，同埋我都無走過。😎
👩🏻：好陣間見。👋

請各動物主人同同事們小心出門。

20/03/2021

多謝🙏大家之前踴躍參加「毛良局」義賣活動

由於反應非常之熱烈，係短短兩星期已經全部售出。

現在向各位報告善款已經全數捐贈各動物慈善機構。詳情請參閱以下資料。

再一次多謝大家支持我藥智💊！無你哋咁多位善長人翁慷慨解囊，今次義賣活動並不會做得咁成功。🙏

28/02/2021

大家好！👋 我藥智💊呢排都比較忙，因為擔任緊「毛良局」主席。😁

我已經將啲毛國寺⛩️御守交低咗係毛國界進行慈善義賣。

請大家多多支持！🙏

「毛良局」慈善義賣之多多益善，少少＂毛＂拘

大家好💁🏻‍♀️又係我呀，較早前藥智💊咪從毛國寺⛩️獲得一批可愛御守，而我哋亦收到唔少動物主人經網上及親身嚟到毛國界查詢。

藥智💊就已經好快咁自薦做「毛良局」第一屆＂懂事會＂主席同總理，名銜為藥智💊榮譽博士JP。🤩

今次係我哋首次舉辦慈善義賣活動，義賣物品為由藥智💊做封面設計限量版御守。

限量版「毛國寺御守」慈善義賣價每個＄48，配以「平安健康，開運解厄」等祝福，希望無論主人同小動物係疫情下能夠出入平安同身體健康。🙏

這次義賣所得的善款，將會撥捐各動物慈善機構，支援她們的營運及醫療開支，為有需要的毛小孩提供協助。😊

多多益善，少少無拘，共襄善舉，為善不甘後人。👍💪

請大家多多支持「毛良局」🙇🏻‍♀️！熱線電話📞21423399。

21/02/2021

我的藥智💊日記之藥杯個肚脹脹哋

藥杯最近食量大增😋，下半身肥腫難分。於是乎我就帶咗佢返去毛國界搵 Daddy 幫手……

藥智💊：Daddy 點解藥杯個肚腩咁大嘅？好似你嗰個咁喎？😆
Daddy 👨🏻‍⚕️：等我縫埋呢個patient 個肚再答你啦。

藥智💊：你做緊乜嘢手術呀？
Daddy 👨🏻‍⚕️：啱啱係個腹腔裡面嘅脾臟切咗個腫瘤。

藥智💊：咁你幾時完成可以幫我呀？
Daddy 👨🏻‍⚕️：我咪話咗縫埋再答你囉！你係咪咁無記性同耐性呀？😤

藥智💊：Sorry Daddy.😕
Daddy 👨🏻‍⚕️：知錯就好啦，唱首歌畀 Daddy 聽先啦。

藥智💊：🎼🎤哭泣聲啜毛醫醫，你不會扭轉開刀的心意。麻醉時失去了知覺一小時……

如是者我就等咗一個鐘頭😬。

Daddy👨🏻‍⚕️：Finished！藥智💊，拎藥杯畀我睇吓。嘩！個肚仔真係好大喎。😯
藥智💊：佢嗰晚係部電視📺度爬出嚟嘅時候都無咁脹㗎。

Daddy 👨🏻‍⚕️：嗱藥智💊，Daddy 咪講過小朋友唔應該講大話🤥，自己整爛咗部電視📺要認，唔可以賴落去藥杯嗰度，知唔知？
藥智💊：我真係冇講大話㗎，嗰晚直頭係「午夜兇鈴」之貞子纏身……

Daddy 👨🏻‍⚕️：夠啦藥智💊！😠你日後唔准再睇鬼片。你應該正正經睇多啲獸醫學書籍📚同文獻，好似 Daddy 讀大學嗰5年(=1825日) non-stop咁每晚都狂溫4個鐘書(total 7300個鐘)同準備定第二日lectures 會教啲嘢，等教授唔敢問你嘢同望住你，因為佢知你識哂同知得多過佢！😏
藥智💊：嘩😲，Daddy 你好型呀！👍

Daddy 👨🏻‍⚕️：😎，講呢d！
藥智💊：其實藥杯咩事呀？

Daddy 👨🏻‍⚕️：乜你無摸過佢肚仔腹腔個情況咩？
藥智💊：有呀好脹囉，其他就分辨唔到啦。😔

Daddy 👨🏻‍⚕️：估唔到流住一半獸醫血統嘅你都咁一般見識🤨，真係唔好同人講你係我親生㗎！
藥智💊：咁我哋係咪要開刀睇吓呀？

Daddy 👨🏻‍⚕️：有冇其他方法可以唔使咁入侵性呢？雖然 Daddy 鍾意做手術。
藥智💊：不如先照X-ray 睇睇。💡

Daddy 👨🏻‍⚕️：算你啦，總算冇令我再失望。
藥智💊：X-ray 出咗啦，但係點解藥杯肚下方有兩舊白色影嘅？？？？🧐

待續……

13/02/2021

我的藥智💊日記之拜訪毛國寺⛩️- 「乃喜歡，吾樂意」

呢幾日雖然放大假，但係未能一如以往咁去其他國家旅行🧳。於是乎我就自己一個去咗毛國界郊區嘅＂毛仙山＂度行山山⛰️……傳說中這個山有多位神仙鎮守。

當天一早7am，我準備好晒啲行山裝備同去茶記食咗個大早餐🥣😋，嗌咗C餐沙嗲牛肉麵🍜多汁（有少少辣），同杯凍檸茶🍹少甜少冰少檸檬，就去咗行毛理浩徑- 難道屬易行之路程。

景色優美怡人綠草如茵🏞，確實令行山人士心曠神怡。途中亦見到有幾班毅行者係度訓練中。不過當天真係勁多人行山，唔講以為自己去咗旺角。我仲用電話影咗好多風景靚相📷🖼，諗住放上IG 同 Facebook 開心share.😃

當行到第四段山腰下山嘅時候，我遇上一家四口嘅野豬🐗係度覓食。而繞過野豬一家後，左手邊有一條彎彎曲曲佈滿大小不一石春的小路通往遠處竹林🎋。

腦海中突然浮現出讀書📚時候嘅「竹林深處人家」，無錯係會考時嘅感覺- 做past paper📜、考 mock exam📝、去自修室等位、報精讀班真人Vs Live video 、差啲唔記得帶準考證同去試場時遇上塞車……☹️ 。

妖😤！係考試嘅壓力，好掃興呀！😵

明明行緊山⛰️㗎嘛，唔可以再咁喇！等我再重整一下思路先。💬

無錯，今次好啲喇🧐，我聞到👃有碧螺春🍵嘅味，唔止仲有竹葉鍋巴湯飯焦🍚嘅金香😋！實在太過吸引喇，我啲口水流過不停，流到成個下巴同頸連件衫👕都濕晒，簡直係食指大動！

唔得，我實在忍唔住喇！今早個C餐🍜已經完全被我嘅消化系統裏面啲enzymes 完全消化同吸收晒！

我即刻9秒9咁老衝🏃🏻過去，睇吓有冇機會食到傳說中嘅扁尖筍，睇吓係咪真係鹹中帶甜咁正先！因為當年本中文書📖裏面寫到成本食譜咁，講到佢好正同好好味咁😋。幾乎仲正過每晚電視節目📺肥爸、頂公同談肉英哥哥煮啲餸。🤪

誰不知，原來盡頭係一個鳥居⛩️同上面牌坊印住毛國寺🤩。於是乎我就走入去簽香油同幫大家祈福因為畢竟疫情已經一年有多，大家仍然未走出呢個困擾多時嘅陰霾。

係上完香之後，突然間廟祝出嚟同我 say hi🙋🏻‍♂️…無錯係真係 say hi😙

廟祝🙋🏻‍♂️：Hello👋，請問各下是否吉祥物？
藥智💊：先生why出此言？

廟祝🙋🏻‍♂️：Because從你舉手投足間散發出一股仙氣。
藥智💊：在下正是毛國界吉祥物- 藥智💊😎

廟祝🙋🏻‍♂️：我果然無睇錯😍，好似你啲咁出色嘅守護神，無論嚮咩地方，都好似漆黑中嘅螢火蟲一樣🌌，咁鮮明🌠，咁出眾，簡直係世間罕有嘅人才！🤩
藥智💊：師傅，過獎喇。☺🙏️

廟祝🙋🏻‍♂️：正所謂「有緣千里來相會，”毛緣”對住喜相逢」，既然今天有緣相見，能否擔任本寺廟御守的封面吉祥物？
藥智💊：乃喜歡，吾樂意。🤝

最後我跟廟祝🙋🏻‍♂️嘆完超過10杯碧螺春🍵同4碟扁尖筍，佢🙋🏻‍♂️準備送我出去寺廟外下山。

當我踏出毛國寺⛩️的一刻，準備回頭跟廟祝🙋🏻‍♂️講再見👋時……

廟祝🙋🏻‍♂️：See you later, 年輕人!👋
藥智💊：你煮啲扁尖筍真係好好味😋，可唔可以畀啲我帶返屋企畀 Daddy 食呀?😝

佢跟我握手🤝後突然之間面前矇矓一片。🌫

誰不知佢已經化身成為一袋原本我以為係扁尖筍嘅東西係我手中。但當打開個袋一望，一把慈祥嘅聲音🗣在我耳邊叮囑我好好保管同施予有緣人，能保平安健康。🙏

原來係一批毛國寺御守！🤩

御守設計獨特，刺繡圖案非常精美。唔信可以自己睇下。👆

待續……

07/02/2021

為咗慶祝藥杯加入，我哋一家四口啱啱上咗去studio 度影咗📸張全家福。✌️😊

31/01/2021

我的藥智💊日記之新寵物

前晚放咗工，返到屋企。開著咗部電視📺，睇緊Pui Pui 天竺鼠車車🚗。

當時屋企啲燈連續閃咗幾吓，起初以為大廈供電系統出現故障。🔌

後來電視開始起雪花朦朦地，而當時嗰螢幕正正就係其中一部天竺鼠車車好似當年日本套鬼片「貞子」👻咁係個井🕳️度爬上嚟同面向我的一刻……好似要衝終點咁衝出嚟😱……

突然間，全屋所有燈同電器包括電視都熄晒！當時漆黑一片，我心諗有冇咁掃興呀，差少少就睇完呢集Pui Pui 天竺鼠車車。

隨之而來就係爆玻璃聲，跟住我感覺到有啲玻璃碎片飛落我個身度。之後我就聽到 Pui Pui Pui Pui 聲，係差唔多10秒內，屋企啲燈同電器終於著返。

係部螢幕🖥爆裂咗嘅正下方，組合櫃上面企住咗一隻天竺鼠鼠。

睇嚟今次我又多咗個新成員，佢叫做藥杯。😘

24/01/2021

我藥智💊同其他成員🐣🐰揮春的後續

上星期中，朋友仔🧒🏻嚟咗攞揮春，於是乎同事就畀咗佢拎返屋企。

點知當晚佢打畀我訴苦….…

朋友仔🧒🏻：喂藥智💊，瞓覺💤未呀？
藥智💊：你係邊個？

朋友仔🧒🏻：你個 friend 呀。
藥智💊：仲以為係啲電話騙案添咁夜。

朋友仔🧒🏻：我今日貼咗你張揮春係屋企大門口，諗住佈置吓加啲過年🧨氣氛。
藥智💊：正唔正先？😉

朋友仔🧒🏻：靚到爆！👍 不過點知隔離屋個隣居嚟挑機……

當時下午四點左右…鄰居伯伯👴🏻平時有少少撞聾👂🧏🏻‍♂️

鄰居伯伯👴🏻：噢，朋友仔，今日唔使返學咩？
朋友仔🧒🏻：疫情嚴重，所以停課要停到農曆新年。

鄰居伯伯👴🏻：嘩，放大假。乜連大學生都停埋？！😮
朋友仔🧒🏻：係呀，大學生都有機會染病嘛。😥

鄰居伯伯👴🏻：你佈置緊咩呀？😀
朋友仔🧒🏻：阿伯，我貼緊揮春呀，就快過年🧧喇。

鄰居伯伯👴🏻：咩話？你貼緊乜春呀？我聽唔清楚🧏🏻‍♂️。
朋友仔🧒🏻：揮春。揮手🙋🏻個揮。春天個春。

鄰居伯伯👴🏻：啊。藍色嗰張幾靚喎。咩公仔🧸嚟㗎？
朋友仔🧒🏻：哈哈哈😄，藥智💊。

鄰居伯伯👴🏻：喂你唔好蝦阿伯我撞聾👂喎，做乜話我弱智呀？😤我老但我智力無問題。

時下啲大學生真係惡呀，問多兩句就話人弱智，再問容乜易講埋粗口㗎。一場鄰居，唔洗咁呀嘛，😒真係無家教！

你估自己大學生好叻咩，我當年都係史丹福大學畢業🎓出嚟啦。

朋友仔🧒🏻：最後我無再出聲。當時我手上正準備將黃色嗰張都貼埋出嚟，但我驚咗阿伯又問如果我答佢個黃色公仔🧸係咩嘅話，我真係驚佢又對號入座。

到時去大學篤我灰不特止或者即場打我示範我睇佢並唔係藥雞🐣咁咪大鑊……所以黃色嗰張諗住帶返大學locker 個門嗰度貼等d friends 羨慕吓。

藥智💊：😂🤣希望史丹福伯伯👴🏻早日原諒你啦。

10/01/2021

藥智💊日記之我要出揮春🤩

我知道大家今年煩緊點樣為毛小孩佈置屋企🤔。所以我就邀請咗 Any.Mo Concept 班同事幫我設計揮春✌️😆，希望能令各毛小孩藥到病除💪。

究竟點樣可以攞到期間限定揮春呢？請參閱以下四步曲😊。

第一步：麻煩🙏like 吓我個 Page 專頁。
第二步：大家只要跟據個人揮春喜好，按下相關 Facebook reaction icon 如 like 👍, 心心❤️, 開心笑 😆。
第三步：幫我手 share 吓個 post 畀身邊人。
第四步：Comment 留言，例如- 唔該我要藥智。再加一句祝賀語如- 祝開開心心。

01/01/2021

我藥智💊要同大家講聲📣🗯

HAPPY 2021 🤩🥳!🌈

祝願各位身體健康，平平安安！

我會繼續守護同為大家帶來吉祥。💪

26/12/2020

Where’s Capsule Any.Mo💊？
藥智💊在哪裡？

💊：我藥智已經匿埋咗係藥智💊動物醫院🏥。

有幾藥智💊？
有幾隻藥雞🐣？
有幾両藥財🐰？
仲有一個隱藏人物同logo。

Link source: https://www.pinterest.com/pin/845410161277422662/

20/12/2020

我的藥智💊日記之我要出藥

好多動物主人都問姑娘同事可唔可以買我返屋企🥰

於是乎今日的金句：「要錢買嘅嘢，就唔值錢啦」

多謝大家支持🙏！

13/12/2020

我💊同Daddy👨🏻‍⚕️加藥雞🐣的全家福👪！

06/12/2020

我的藥智💊日記之藥財🐰啲牙終於有救喇！🙏

我藥智💊今次唔識點做，所以要搵爸爸幫手。😥

💊：Daddy, Daddy，藥財🐰啲牙可以點搞呀？
👨🏻‍⚕️：畀我20秒😏。

💊：咩20秒？😯
👨🏻‍⚕️：跟我入嚟手術室你就會明。

💊：WOW😲，傳說中嘅”車牙＂原來是這樣的！乜唔係剪牙㗎咩？
👨🏻‍⚕️：要學嘅就學正規！你有冇見到我用絞剪✂️呀？以後我唔要再從你口中聽到＂剪牙＂呢兩個唔合格❌嘅字，知唔知藥智💊？😤 再係咁你唔好話比人知你係我親生呀，流住獸醫血統嘅你係不能用啲唔合格嘅醫學用語。

💊：知道 Daddy, 我以後唔會再講剪牙呢兩個字。
👨🏻‍⚕️：仲講，咪叫你唔好講嗰兩個字囉！😠

💊：😔下次再有機會，可唔可以畀我＂車＂呀？
👨🏻‍⚕️：梗係你做啦，跟我學嘢我只會show你一次，之後就你自己做㗎啦。你知唔知我以前係冇人教我㗎，全部都係自己修練返嚟。

💊：Sorry 爸爸。😞
👨🏻‍⚕️：好啦，今次原諒你。但係要唱首歌畀Daddy 聽先。

💊：🎶🎤🎼哭泣聲😭啜毛醫醫，他不會……

希望下次，我自己能夠做到啦！我要好好咁向 Daddy 學習！💪

待續……

28/11/2020

萬眾期待我藥智💊的爸爸終於出場喇！🤩

《幾分傷口幾多針》▶️
🎶🎤🎼哭泣聲😭啜毛醫醫，他不會扭轉開刀🔪的心意
麻醉時失去了知覺1小時😴

彷彿聽別人 history📜，今天您請多關心我藥智💊
盡快讓這止痛藥再開始

到底得幾分傷口幾多針
想身體健壯食啲維他命C
誰叫您再說那温書📖的日子

到底得幾分傷口幾多針
睇症如欠缺了你都不可試
而這晚卻要我跟您e-mer-gen-cy 🚨(emergency)

(啊)😱分離從來不易，腫瘤手術您早已知😏
但到最後先發覺，唔該搵毛醫醫🤨

藥智熱烈地切多一次，麻醉從來不易😞
就算繼續拯救您💪 仍笑説😁 藥智💊……
⏯

傳說中的毛醫醫👨🏻‍⚕️果然同藥智💊係餅印一樣㗎！😆 根本唔洗滴血認親同驗咩DNA咁複雜，都知道肯定係親生爸爸喇，除非唔係！

💊：爸爸，爸爸，你可唔可以教我點樣做呢個手術呀？🙄
👨🏻‍⚕️：無問題藥智，等Daddy睇埋啲症再同你一齊做。咁你依家可以先睇住當年Daddy 讀大學啲 lecture notes 📝 先。

💊：爸爸，啲獸醫文咁難嘅，同埋你啲英文好撩呀，我完全睇唔明喎…😕 點算好呀？😕
👨🏻‍⚕️：無人一出世就識，你都唔會例外。縱使你有一半嘅血統係流住獸醫嘅血🩸！

💊：咁我另一半嘅血係？😟
👨🏻‍⚕️：我講過幾多次，呢個咁深奧嘅問題幼稚園低B班嘅小朋友係唔需要知㗎，知唔知呀藥智。🤫

💊：啊，知道 Daddy。☺️
👨🏻‍⚕️：乖喇藥智！👍咁唱首歌畀 Daddy 聽先啦。

💊：🎶🎤🎼哭泣聲😭啜毛醫醫，他不會……

22/11/2020

一分鐘脫毛法之都話咗牙唔會生毛㗎啦😔

之前藥財🐰啲門牙疑似生毛，於是乎我就去咗朋友仔🧒🏻屋企……

朋友仔🧒🏻：喂，藥智！
💊：邊位？

朋友仔🧒🏻：你個friend 呀！
💊：啊，又以為係啲白撞電話騙案添。點呀？

朋友仔🧒🏻：你之前介紹嗰啲美容地方都好full，完全book唔到呀。我已經同佢哋講咗我識藥智💊，話係你介紹。但係都攝唔到位。😔
💊：有冇搞錯呀你，無端端做咩撻我個＂藥智＂朵呀。人哋有位就有位，冇都冇辦法㗎。你唔好諗住識邊個邊個就有優先先得㗎！😤如果係咁，對其他人咪唔公平囉！

朋友仔🧒🏻：咁我諗住你個＂藥智＂朵多人識，所以咪…
💊：仲講！😠

朋友仔🧒🏻：sorry 囉😓。咁點算好呀？藥財🐰好似啲牙毛太濃密，影響進食。啲人話兔仔唔食嘢會腸停……😨 係咪真㗎？
💊：嗱，不如咁，我最近進修緊牙科。等我今晚上完堂之後，再聯絡你。😉

朋友仔🧒🏻：藥智，你真係我best friend！😘

當晚我藥智💊即場幫藥財🐰處理咗Click住係下門牙啲毛。但係下一步我就要搵Daddy 幫手喇😣，因為我未做過…

待續……

下一集我藥智💊個爸爸可能會出場，大家密切留意。

18/11/2020

15/11/2020

藥財🐰啲門牙搞咩呀？😱以往就聽過啲人講膽生毛！乜原來牙都會生毛㗎？🤨

朋友仔🧒🏻：喂，藥智，點解藥財啲牙咁型嘅？😎
💊：點型先？有冇我咁型呀？💪

朋友仔🧒🏻：🤢，你嗰啲叫做可愛😍，okay?
💊：係喎。☺️✌️

朋友仔🧒🏻：佢啲牙生毛喎，仲梳咗個披頭四髮型係啲牙上面。🤩 老老實實，洗唔洗帶佢去美容，例如寵物店剪剪✂️啲牙毛呢？？😬 有冇咩好介紹呀？
💊：如果真正美容嚟講可去 I Hug Rabbit、4號兔或者特別行政區兔囝🐇會度搵Christopher 💇🏻幫手。😊

朋友仔🧒🏻：知唔知佢哋地址呀？
💊：上網搵啦，傻豬🐷。不過但係牙生毛嚟講就真係無可能，聞所未聞，見所未見，真係聽都未聽過！😑

朋友仔🧒🏻：唔係喎，佢下面啲牙真係成執毛生出嚟，仲好茂盛添！😁唔知係咪前主人畀佢用咗啲＂毛髮再生＂？定係佢呢個品種叫做＂長毛牙兔＂？會唔會係基因🧬改造㗎？
💊：你係咪又玩嘢呀？你估長毛象🐘啲象牙咩？唔好吹水喎！😒 跟據我藥智嘅兔知識，無遇過你呢個case。

朋友仔🧒🏻：呃你做咩啫，講你又唔信！😕
💊：不如咁，呢個世代有圖有真相。不如你send幅相嚟睇吓先啦。🧐

朋友仔🧒🏻：影緊📸，等等…… Sent 咗喇。
💊：嘩！搞咩呀？🤨

待續.……

08/11/2020

藥智💊接電話之唔知點解畀人鬧😰

尋日朝早係毛國界，當時其他同事忙於照顧住院動物同準備早上醫生診症，於是乎我就幫手聽住電話先☎️，點知…

📞...

💊：藥智，有啲咩幫到您？☺️
🧑🏻動物主人：喂，你好。聽唔聽到？

💊：聽到，藥智，請講。
🧑🏻動物主人：呢度係咪毛國界呀？🤔

💊：係呀，藥智，有咩幫到您？🙂
🧑🏻動物主人：你係咪新嚟㗎？咁無禮貌嘅？🤨你叫咩名？😤

💊：藥智，您好。🙂
🧑🏻動物主人：😑……你就弱智！😡🤬🤬🤬

💊：🤯……？？？🥺

人與人之間的衝突往往係由溝通上的小誤會而產生，希望呢位動物主人🧑🏻能夠體諒其實係一場美麗嘅誤會啦。

01/11/2020

我的藥智日記之又有動物出現同仲要食緊魚蛋粉🍲

💊：竟然執到小動物😳

之前個friend 係公司樓下執到隻兔仔🐰，當時佢係條街度走嚟走去，好似好驚人咁，衝衝衝！差少少走咗出馬路。

啲街坊話見到佢食緊地下上面啲魚蛋粉😨！原本以為係老鼠🐁，因為佢白色㗎。

被發現條街叫做井財街，好似話係屯門嗰邊，紅橋下面燈位附近。

當時我係毛國界忙緊……
電話📞突然間響起～～～

朋友仔🧒🏻：喂，藥智。點算好呀？死啦死啦！
💊：你係邊個？

朋友仔🧒🏻：你個friend 呀！
💊：啊，仲以為白撞啲電話騙案添。點呀？咩點算好？死乜嘢呀？😏

朋友仔🧒🏻：啱啱執到隻兔仔🐰，唔知點做好呀！
💊：不如你帶返屋企先啦。

朋友仔🧒🏻：但我屋企有貓🐈喎，會唔會打交㗎？😣
💊：好難講。你有冇個籠可以放住佢先？

朋友仔🧒🏻：公司有個寵物袋，可以暫時用住先。
💊：頂住檔先啦。

朋友仔🧒🏻：咁我洗唔洗買定碗魚蛋粉🍲呀？
💊：唔洗客氣啦，我食咗飯，同埋未肚餓。😌

朋友仔🧒🏻：唔係畀你呀，係畀隻兔仔🐰食呀！
💊：WHAT???? 🤨你無嘢呀！😤兔仔🐰食魚蛋粉？？🤯

朋友仔🧒🏻：點知喎，我又未養過兔仔。同埋啱啱見佢食得咁滋味😋。
💊：你真係唔好亂嚟呀！兔仔🐰要食乾草最好係1st cut Timothy hay!同埋你唔好周圍同人講話識我- ＂藥智＂呀！😠咁基本嘅常識都唔知！

朋友仔🧒🏻：係，收到！唔好意思囉。😔
💊：影隻兔仔🐰張相嚟睇吓。

於是我就收到下面張相……🌠

朋友仔🧒🏻：Sent 咗啦，收到未呀？
💊：收到，個樣幾 cute 喎！

朋友仔🧒🏻：既然你鍾意❤️，不如畀你呀？😙
💊：我啱啱前個星期先收養咗隻雀仔🐣，依家仲有5隻唔知會唔會出現呀。

朋友仔🧒🏻：咁有心嘅你，佢叫咩名呀？
💊：藥雞🐣。

朋友仔🧒🏻：個名型喎👍！
💊：還好啦😉。

朋友仔🧒🏻：如果你唔要，知唔知有冇人有興趣會收養隻兔仔🐰呀？同埋不如你幫佢改個名先啦。
💊：不如叫佢做＂藥財＂🐰啦！🥴

朋友仔🧒🏻：喂，好聽喎！😃就咁決定啦！
💊：幫你問吓有冇人有興趣先，等我陣間得閒啲啲幫你出個post 係Facebook。

朋友仔🧒🏻：麻煩哂🙏藥智，thanks! 再聯絡！

收線之後，我繼續匿埋係手術室度幫手……

待續……